تكون كارثة إذا صح هذا القول!!!

11:49 AM August, 10 2019

سودانيز اون لاين
اسماعيل عبد الله محمد-
مكتبتى
رابط مختصر

Quote: مفاجأة من العيار الثقيل يفجرها الوسيط الافريقي عبر قناة فرنسية 24 بالإجابة عن السؤال حول مطالبة الثوار في معاقبة الذين قتلوا الثوار في الأحداث. حيث أفاد بأنه ليست هناك أي مطالبة لذلك لا من المجلس العسكري ولا من قادة التفاوض في إعلان الحرية والتغيير وتلك المطالب يسمعوا بها في الخارج فقط............لله درك يامواطن فكنت في الموعد والان دعاة الحرية والتغيير. نسوا دماء الشهداء مقابل الوصول للحكم ليست مجرد صدفه ان يتواجد جميع هؤلاء داخل الحريه والتغير أحمد ربيع = ود أخت صلاح قوش وخالد السلك = ود أخت جمال الوالي ومحمد ناجي الأصم = ود أخو مختار الأصم وعمر الدقير = أخو الدقير مساعد ﺍﻟﺮﺋﻴﺲ عمر البشير وإبتسام السنهوري = بت اخو الريح السنهوري وفدوى عبدالرحمن = بت عبدالرحمن طه ومدني عباس مدني = ابوهو عباس مدني ومريم الصادق = اخوها عبدالرحمن الصادق محمد يوسف المصطفى = البشير يبقالوا خالو وعمو

Quote: مفاجأة من العيار الثقيل يفجرها الوسيط الافريقي عبر قناة فرنسية 24 بالإجابة عن السؤال حول مطالبة الثوار في معاقبة الذين قتلوا الثوار في الأحداث. حيث أفاد بأنه ليست هناك أي مطالبة لذلك لا من المجلس العسكري ولا من قادة التفاوض في إعلان الحرية والتغيير وتلك المطالب يسمعوا بها في الخارج فقط............لله درك يامواطن فكنت في الموعد والان دعاة الحرية والتغيير. نسوا دماء الشهداء مقابل الوصول للحكم

الجميع يعلم تمام العلم أن قحت أتفقت مع المجلس العسكري على تكوين لجنة مستقلة لتحقيق في مجزرة فض الإعتصام

ورفض قحت لنتائج لجنة العسكري الأعلنت قبل اسبوعين يؤكد ذلك

ومشاركة كل قادة قحت في مواكب ومسيرات رفض نتائج تلك اللجنة يؤكد ذلك

Quote: ليست مجرد صدفه ان يتواجد جميع هؤلاء داخل الحريه والتغير أحمد ربيع = ود أخت صلاح قوش وخالد السلك = ود أخت جمال الوالي ومحمد ناجي الأصم = ود أخو مختار الأصم وعمر الدقير = أخو الدقير مساعد ﺍﻟﺮﺋﻴﺲ عمر البشير وإبتسام السنهوري = بت اخو الريح السنهوري وفدوى عبدالرحمن = بت عبدالرحمن طه ومدني عباس مدني = ابوهو عباس مدني ومريم الصادق = اخوها عبدالرحمن الصادق محمد يوسف المصطفى = البشير يبقالوا خالو وعمو

Quote: وفدوى عبدالرحمن = بت عبدالرحمن طه ومدني عباس مدني = ابوهو عباس مدني محمد يوسف المصطفى = البشير يبقالوا خالو وعمو

والله حالتك بقت تحنن يا داعية العنصرية الأول

قلت لي فدوى أبوها عبد الرحمن طه
ومحمد يوسف البشير قريبو
هههههههههههههههههههههههههها

طيب ياخ أنا وداد قريبتي نسيتو تضموني للقائمة

واسماعيل عبدالله محمد ..ابوه عبدالله محمد !!

اسماعيل كل سنة وانت طيب
"ولا تزر وازرة وزر أخرى ""
ابو لهب ، هو عم الرسول صلى الله عليه وسلم ، وكان عدوا للرسول ...وهذا يعني اذا كان الشخص قريب واحد فاسد ليس من الضروري ان يكون فاسد هو بدوره
..والله اذا كان اخو البشير نفسه كان راجل ثوري وواقف ضد اللصوص والحرامية كنا طالبنا أن يكون عضو في مجلس السيادة..ولكنه أيضا فاسد ....

Quote: الدول الغربية وما يسميهم المسلمون كفارا يعتبرون ذلك محاباة وبالتالي وضعوا القوانين التي تمنع العلاقات بالمصاهرة والدم من العمل بمكان واحد او السيطرة على نشاط يضمن بقاء المصالح لفئة معينة.

تعليق الدكتور صديق الغالي على ذات الموضوع في صفحته بالفيس بوك...

يا سمعين

نبي الله نوح عليه السلام ولده كفر برسالة والده ، هل شفع له والده ؟ و هل ندين سيدنا نوح بكفر أبنه ؟

كما تعلم ، و لا تزر وازرة وزر أخرى .

أوسكار ي امتثال

يبدو اننا خطرت لينا نفس الفكرة

كل سنة وأنتي و كل المنبر بخير

اعذرنى يا اسماعيل ما كنت فاكر انك غشيم للدرجة دى
ياخ دى شتلة كيزانية - على الاقل كنت تراجع الوثيقة الدستورية
قبل كتابة الهباب دا .

هاك النجيضة :

الوسيط الافريقى معذور ومعه العذر فى عدم اطلاعه على الموضوع مثار البوست فى الوثيقة الدستورية .

Quote: كما تعلم ، و لا تزر وازرة وزر أخرى .

مادام جابت لها كوزنة ومتاجرة بالدين يا نعومة ويا امتثال..
هاكن دي برضو آية وكلام الله:
إِنَّكَ إِن تَذَرْهُمْ يُضِلُّوا عِبَادَكَ وَلَا يَلِدُوا إِلَّا فَاجِرًا كَفَّارًا.

Quote: مادام جابت لها كوزنة ومتاجرة بالدين يا نعومة ويا امتثال..

ما ح نخلي دينا و قرآنا عشان الكيزان و عشان الإتهامات الفجة .

حاشانا الكوزنة و المتاجرة .

محتاجين لزول متفقه في الدين بس ما يكون كوز من الحرامية واللصوص يرد لينا على حجة اسماعيل والآية القرآنية التي استدل بها ...
وكل سنة وانتو طيبين..

Quote: هاكن دي برضو آية وكلام الله: إِنَّكَ إِن تَذَرْهُمْ يُضِلُّوا عِبَادَكَ وَلَا يَلِدُوا إِلَّا فَاجِرًا كَفَّارًا.

كمان جابت ليها تضليل يا داعية العنصرية الأول

ماهى أوجه الشبه بين من عنيتهم الأية الكريمة وهم قوم نوح الذين كفروا به ودعى عليهم

بين ذوي من ذكرت من قادة قحت ؟؟؟

هل كان عبد الرحمن علي طه كافر أو زنديق أو ملحد حتى تستدل عليه بالأية الكريمة
عبد الرحمن علي طه كان صاحب تاريخ ناصع وسيرة عطرة فقدم له فدوى

فكيف تجراً على تشبيهه بقوم نوح الذين كفروا به

أو حتى عباس مدني هل كان كافر حتى يقدم لنا مدني عباس عباس الكافر

أم الريح السنهوري

يالك من مضلل
ولحجتك البائسة

تعليق على مداخلة صديق الغالي :
جورج بوش وجيب بوش ابناء جورج بوش الاب
هيلاري كلينتون زوجة بيل كلينتون
روبرت كينيدي ، جون كينيدي ، ادوارد كينيدي كلهم اخوان
فرانكلين روزفلت و تيودور روزفلت اقارب وزوجة فرانكلين ابنة اخ ثيودور
ارنولد شوارزنيغر حاكم كاليفورنيا الاسبق زوجتو ماريا شرايفر من اسرة كنيدي ذاتا
كلامك غير سليم وغير منطقي ، يجب ان تطلع على قاعدة تضارب المصالح بشكل جيد لانها لا تلغي حقوق اي فرد في النشاط السياسي .
ناس محمد يوسف والدقير والاصم ديل كلهم دخلوا السجون ولم يشفع لهم احد ومحمد يوسف قريب البشير ده من اوائل ضحايا الصالح العام هو وشريف حرير والواثق كمير من نفس القسم في الجامعة ولا احتاج للقول بان حرير والواثق لا يقربان للبشير .
اها رايك شنو في جبريل ابراهيم وخليل ابراهيم ؟

Quote: اها رايك شنو في جبريل ابراهيم وخليل ابراهيم ؟

كدي خليك من خليل وجبريل إبراهيم

آل دقلوا المتخذهم مثل أعلى

الان هم عائلة حاكمة جمعت العشرات بين ضباط وجنود وأخرين يجري تأهيلهم

إنسان متناقض بشكل يدعو للشفقة عليه

Quote: هاكن دي برضو آية وكلام الله: إِنَّكَ إِن تَذَرْهُمْ يُضِلُّوا عِبَادَكَ وَلَا يَلِدُوا إِلَّا فَاجِرًا كَفَّارًا.

سلام للجميع
هذا دعاء ورد على لسان سيدنا (نوح):
الدعاء كاملا ( وَقَالَ نُوحٌ رَّبِّ لَا تَذَرْ عَلَى الْأَرْضِ مِنَ الْكَافِرِينَ دَيَّارًا (26) إِنَّكَ إِن تَذَرْهُمْ يُضِلُّوا عِبَادَكَ وَلَا يَلِدُوا إِلَّا فَاجِرًا كَفَّارًا (27)
والدعاء ليس تقريرا للحقيقة وانما هو طلب ورجاء ممكن يستجاب و ممكن لا...
ولو استجيب لسيدنا (نوح) لما بقى على الأرض كافر الى يوم القيامة، لأن صدر الدعاء هو ( رَّبِّ لَا تَذَرْ عَلَى الْأَرْضِ مِنَ الْكَافِرِينَ دَيَّارًا) واهو زي ما شايفين الأرض مليانة كفار
الغريبة انو سيدنا نوح نفسه ابنه كافر وقد غرق مع الغرقى:
(وَهِيَ تَجْرِي بِهِمْ فِي مَوْجٍ كَالْجِبَالِ وَنَادَىٰ نُوحٌ ابْنَهُ وَكَانَ فِي مَعْزِلٍ يَا بُنَيَّ ارْكَب مَّعَنَا وَلَا تَكُن مَّعَ الْكَافِرِينَ (42) قَالَ سَآوِي إِلَىٰ جَبَلٍ يَعْصِمُنِي مِنَ الْمَاءِ ۚ قَالَ لَا عَاصِمَ الْيَوْمَ مِنْ أَمْرِ اللَّهِ إِلَّا مَن رَّحِمَ ۚ وَحَالَ بَيْنَهُمَا الْمَوْجُ فَكَانَ مِنَ الْمُغْرَقِينَ (43)
كدي يا سمعة طبق الأية دي على سيدنا نوح، شوفها بتجي ولا لا؟
محبتي للجميع

الإسر بتاعت جون كنيدي,جورج بوش, حميدتي دقلو وبتاعت خليل ابراهيم دي اسر بتعمل من داخل تنطيم واحد الفي الحكومه في الحكومة والفي المعارضة في المعارضة, بعكس الاسر المذكورة في البوست, تجدها تعمل من داخل تنظيمين مختلفين ; في الحكومة وفي المعارضة معا.... شغالين بسياسة تقسيم البيض !



اما بخصوص الإستدلال بالآيات القرآنية:
يبقي اي زول يفسرها من خلال تجاربه اويستخدمها من خلال مصالحه!

تفسيري للآيتين:
(وَقَالَ نُوحٌ رَّبِّ لَا تَذَرْ عَلَى الْأَرْضِ مِنَ الْكَافِرِينَ دَيَّارًا (26) إِنَّكَ إِن تَذَرْهُمْ يُضِلُّوا عِبَادَكَ وَلَا يَلِدُوا إِلَّا فَاجِرًا كَفَّارًا).

نوح هنا الوعيَ الانساني يخاطب نفسو بإن يزيل عنها حجب الحواس اي(يصقلها) عشان ماتكون, منه, في غفلة(داخل الجسد)يعني الحواس ماتكون زي العايرة وادوها سوط عشان ما تقوم تضلل الأنا(الإيقو)وبدورها طبعا هي (ارباب متشاكسين) من ان لا يتوحدوا .... بل الإيقو سوف تنقسم. وتكون متشتتة وبدورها تضلل الوعيُ ونجعله يتيه وما يقدر يلتقط الإشارات العلويه وهذا هو الكفر بعينه.


سماعين... ياخي بكري رجعك المنبر لشنو!!!!!
.

اسماعين كل سنة وانت و السودان و الاسرة بألف خير
انت تمتلك قدر من الجهل لو وزع على اهل الارض جميعاً لكفاهم
انا ما عندي معاك مشكلة شخصية لكن مشكلتي مع طايوقك العنصري
انت و صديق الغالي الذي ذهب الى مزبلة البورد غير مأسوفٍ عليه
انت عادي ممكن تذهب الى مزبلة البورد لو استمريت في الخط دا
فارحم نفسك وارحمنا من الترهات دي
كت آوت :-
الحبيب محمد نور عودو عاجبك كلام الزول دا ؟

الاخوة والاخوات الأفاضل
محمد علي البصير
خالد العبيد
امتثال عبدالله
الدكتورة نعمات عماد
علاء سيد احمد
عبدالله إدريس
جمال المنصوري
محمد ادم
كل سنة وانتم والاسرة بالف خير وعيد سعيد وبخيت علي الجميع .
يا اخوانا طبعا اخونا اسماعيل ناقل الكلام دا نقل وحتي التعليق م علق عليهو غايتو انا في رأي كان في لوم حقو الناس تلوم الزول الكتب الكلام دا قبل اسماعيل .
وانا بعتذر ليكم نيابة عن اسماعيل لو كلام اسماعيل جرح أي زول فيكم . الدنيا عيد يا جماعة العفو والعافية.
خضر الطيب كويس يا حبيب اصبر لي انا برضو بشرك ليك وبورطك زي م ورطني
لغاية الوقت داك كل سنة وانت والاسرة بالف خير
تحياتي لكم جميعا

هههههه..
سماعين الشين..حد يقدر يحرج محمد نور عودو..قدر ده؟؟
كل سنة وانت طيب يا سماعين..!
وكل الحب لأستاذنا وصديقنا ول ابا محمد نور عودو..!!
غايتو ، يا سماعين ،..انا داخل هنا تضامنا مع ول ابا محمد نور عودو..!!
حضرت وشاهدت حكوة الوهم البروف محمد الحسن ول لبات (قناة فرانس 24)..وشكلو كان مرهق و تعبان شديد..ونسى حاجات سودانية كتيرة..!!
تثنية على قول محمد نور عودو..عفوا يا صحاب على كل ما انابكم وينيبكم من قوالات سماعين الشين..!!
لكل الحضور..اعتذار كما قال محمد نور عودو..!..مش مهم محمد نور عودو اعتذر شان شنو..ولكني اثني اعتذاره..!
كنت يا محمد نور عودو..ناوي اخط ليك نغم من جمهورية مالي..نغم اعرف انك ح تحسو بصدق..ولكن..!!
سلامات يا محمد نور عودو..سلامات..وعيدك سعيد وبخيت على قول اماتك اللآئي تعرف..!
هو سماعين الشين قال شنو يا محمد نور عودو؟

تحياتي..
كبر

Quote: الإسر بتاعت جون كنيدي,جورج بوش, حميدتي دقلو وبتاعت خليل ابراهيم دي اسر بتعمل من داخل تنطيم واحد الفي الحكومه في الحكومة والفي المعارضة في المعارضة, بعكس الاسر المذكورة في البوست, تجدها تعمل من داخل تنظيمين مختلفين ; في الحكومة وفي المعارضة معا.... شغالين بسياسة تقسيم البيض !

محمد نور وضيوفه الكرام كل عام وانتم بخير والعيد الجاي تامين ولامين والبلد باحسن حال
محمد ادم تحية حارة
بالعكس ده بيعكس انو الناس ديل عاشو في اسرهم حرية فكرية بتخلي الواحد بكل اريحية يكون عندو تفكيرو المستقل و وافكارو الخاصة البتخليهو يكون فكريا مخالف لابوهو و اخوهو الكبير واسرتو والشغل بتاع هلال-مريخ ده.
الشي التاني وهو مهم ايضا ، لمن يكون عندك مركز مهم في حزب او مؤسسة وواحد من افراد اسرتك زيك بالظبط او اهم بس في حزب تاني ما ممكن تستفيد منو بالمرة ، بل ممكن تتضرر منو بحسب العلاقة بين التنظيمين ، لكن في المقابل لو كنتو في حزب واحد ممكن تطلع على اكتافو زي ما طلعت هيلاري على اكتاف بيل ، هل كانت هيلاري ستصل لما وصلت اليه لو لم تكن زوجة بيل كلينتون ؟ هل كانت حتمارس السياسة اصلا ؟ هل كان المعتوه محدود الذكاء جورج بوش حيصل للوصل ليهو لولا ارث ونفوذ ابوهو ؟ اشك في ذلك ، عشان كده الاسر دي بسموها Political Dynasties او Liberal Rolyalties ربما بشيء من التهكم وكأنها اسر ملكية في نظم ديمقراطية حرة. وهي ظاهرة موجودة في الشرق والغرب بكثرة ، غاندي ، نهرو ، بوتو ، باباندريو الخ كلها اسر سياسية نافذة .
منطق الغرب انو اي زول يحق له ممارسة العمل العام والنشاط السياسي بغض النظر عن خلفيتو الاسرية ، وانا اتفق معه بالكامل لانو دي حقوق دستورية اساسية ، لاكين في النهاية بستفيدو برضو من الارث الاسري الى حد ما ، بعدين اللافت انو تلقا الاسرة كلها تتبنى خط فكري موحد وده ممكن يقودنا لخط بيبدأ بمجرد التأثير او توجيه مسار الشخص الفكري والسياسي منذ الصغر وينتهي بهلال مريخ ! يعني الطفل من صغير تلقاهو شايت مع ابوهو وده شيء فطري للطفل لاكين بيكون مريب لمن الزول يكبر وينضج ويتبع نفس الخط في انو ما لقا فرصة عشان يحتك بافكار معاكسة او مختلفة بحكم محيطو الاسري وتربيتو وبالتالي ربما لم يكن ليسلك نفس المسار اذا ابوهو كان زول تاني، هنا بينتفي مبدأ الخيار او الاختيار والمسألة بتبقى عبارة عن عملية بتاعة Cloning بتنتج نفس الجينات السياسية في عقل الشخص في جسد جديد.
اعتقد ان المثال السوداني اكثر شفافية واقرب لقيم الديمقراطية ..
ودمتم

حقيقة أمر مخجل جداً أن يبرر و يدافع مثقفون و مثقفات ينادون بضرورة ثورة التغيير عن محسوبية تزكم الأنوف و لا فرق بين بين عهد الإنقاذ و قوي الحرية و التغيير.
و الأدهي هناك من يبرر للوسيط الأفريقي عن عدم معرفته بميثاق الدستور و الإفلات من العقاب.

بل أنتم من تتغاضون عن السيرة الشخصية للوسيط هذا و كل وسيط أفريقي ....
أي وسيط أفريقي تناول أو توسط قضايا السودان إما فاسد و تم طرده من دولته (مثل أمبيكي) ... أو وصل لمنصب وسيط بتزكية من حكومته لأنه نصير لحكومات ديكتاتورية ( مثل الوسيط الموريتاني هذا) أو له خلفية أمنية خدم حكومة ديكتاتورية (مصل باسولي من بوركينا فاسو).

الملاحظ أن هناك تعنصر شديد لحد الإستقطاب ....
هذه مهددات تصدع دولة .

تجدر الإشارة إلى أن البرفسور محمد الحسن ولد لبات عميد سابق لكلية العلوم القانونية والاقتصادية ورئيس سابق لجامعة نواكشوط ودرس القانون كأستاذ زائر في جامعات إفريقية وفرنسية.
وتولى البرفسور ولد لبات إعداد أول دستور تعددي في بلاده موريتانيا في 1991، لكونه كان من كبار فقهاء القانون في البلاد.

وعين ولد لبات في نهاية التسعينيات وزيراً لخارجية موريتانيا، ثم سفيراً لبلاده في إثيوبيا، وممثلاً دائماً لموريتانيا في الاتحاد الأفريقي في الفترة بين 2003-2005، وانتقل بعدها للعمل سفيراً في جنوب أفريقيا 2005-2007، والتحق بعد استقالته بالمنظمات الدولية.
كان داعماً لنظام معاوية ولد الطايع الديكتاتوري.

شخص بهذه الخلفية القانونية و الدستورية ... كيف يغفل وضع مواد بضرورة عدم إفلات الجناة في جرائم الحرب و الإبادة الجماعية من العقاب.
بل يرمي باللوم علي السودانين المفاوضين أنهم لم يطالبوا بملاحقة الجناة ... الطرفين ... لا المجلس العسكري و لا قوي الحرية التغيير لم يطالبوا بالملاحقة الجمنائية للمجرمين.
حكاية تكوين لجان للتحقيق ... هذا ذر للرماد في العيون و تخدير حتي يتمكن طلاب السلطة من المناصب ....
و من يحاسب من إذا كانوا كلهم أقارب و أصهار ؟؟؟!!

بالضبط يا محمد سليمان..
مورتانيا بعد المختار ولد داده..صار هواها بعثيا صرفا..!!
يعني محمد الحسن ولد لبات..عامل فيها حريف وداير يبيع الموية في حارة السقايين..!
ناس البعث في امسودان عاملين فيها جابوها من اخرها..!
والمضحك يا محمد سليمان في عالم امسودان..ناس بتجيك بكل بكل براءة ، وعاملة فيها مستغربة وتقول ليك كيف يعني نوباوي زي دكتور صديق تاور يكون بعثي..!!

التاريخ المخفي يا محمد سليمان..انو عمر البشير كانت ليهو محاولة انقلاب في سنة 1985 ، وكان محسوب بانو بعثي..!!

الاخ عبدالله ادريس .
كل سنة وانت طيب

Quote: منطق الغرب انو اي زول يحق له ممارسة العمل العام والنشاط السياسي بغض النظر عن خلفيتو الاسرية ، وانا اتفق معه بالكامل لانو دي حقوق دستورية اساسية ، لاكين في النهاية بستفيدو برضو من الارث الاسري الى حد ما ، بعدين اللافت انو تلقا الاسرة كلها تتبنى خط فكري موحد وده ممكن يقودنا لخط بيبدأ بمجرد التأثير او توجيه مسار الشخص الفكري والسياسي منذ الصغر وينتهي بهلال مريخ ! يعني الطفل من صغير تلقاهو شايت مع ابوهو وده شيء فطري للطفل لاكين بيكون مريب لمن الزول يكبر وينضج ويتبع نفس الخط في انو ما لقا فرصة عشان يحتك بافكار معاكسة او مختلفة بحكم محيطو الاسري وتربيتو وبالتالي ربما لم يكن ليسلك نفس المسار اذا ابوهو كان زول تاني، هنا بينتفي مبدأ الخيار او الاختيار والمسألة بتبقى عبارة عن عملية بتاعة Cloning بتنتج نفس الجينات السياسية في عقل الشخص في جسد جديد

احترم وجهة نظرك لكن معقول نقارن قيادات تنظيماتنا بقيادات تنظيمات اولاد العم سام مثلا: الحزب الجمهوري الفيهو عائلة بوش, والحزب الديمقراطي الفيهو اولاد كيندي وكلينتون...الخ!
الأسر الغربية الوصلت للسلطة وصلتها برضي الناخب وتحكمه من خلال مؤسساته الديمقراطية وعليه الاسرة لاتحتاج لتقسيم بيضها كما تفعل تنظيماتنا السياسية التي لاتعرف المؤسسية!
عشان كده هذة الأسر لديها إتجاة واحد لأنها لاتخشي فقدان السلطة بصناديق الناخب!!
نفس منطقك ده ممكن اقول ليك:
لشنو لما قياداتنا تبلغ رشدها(تكبر), ببساطة تقدر تتحرر من الأبوية السياسية(تلقبن الأسرة) ولكنها مابتقدر تتحرر من الأبوية الدينية!!
ليش التغير الحصل لجيناتها السياسية مايحصل لجيناتها الدينية؟ ولا عشان نحن كأسر مستقلين من التلقين الابوي في ممارسة السياسة ولكنا غير مستقلين منه في الدين؟

قياداتنا السياسية ينقصها وعي بابسط مبادئ المواطنة, تجد البيت منقسم لكم تيار سياسي ليس لأنه مؤمن بالديمقراطية بقدر ماهو اناني عايز بأي كيفية يبقي قريب من السلطة وبإي وسيلة عشان كدة تجد الاسرة منقسمة بين التنظيمات بعض افرادها مع الحكومة والبعض الآخر مع المعارضة بإستثناء حالات قليلة نادرة بعكس الأسر بالغرب تجدها بتنظيم واحد لأنها تؤمن بمدخلات ومخرجات الديمقراطية!

Quote: دافع مثقفون و مثقفات ينادون بضرورة ثورة التغيير عن محسوبية تزكم الأنوف

كل عام و انتم بخير

أولاً الدفاع عن المبدأ ، أي حق الأفراد داخل الأسرة في الإختلاف .أي مخالفة لهذا المبدأ كأن تكون الأسرة كلها

فاسدة مثلاً ، كأسرة البشير ، لا يعني ان نعمم و ننفي إمكانية الإختلاف .

أين التعنصر هنا و أين الدفاع عن. الوسيط ؟

ميرڤت حمد النيل ترد على الوسيط الأفريقي بعد حديثه المربك عن الافلات من العدالة :

Quote: الشعب السوداني يمتلك الوثيقة في نسختها النهائية وتم تمليكه الوثيقة التفاوضية أيضا فلا يحتاج أن يأتي الوسيط أو حتى مفاوض/ة ليعلمه ما تحتويه، وله أن يراقب الشواهد على ما تم نقاشه فمما لا شك فيه أن أي تغيير تم نقاشه وأي مادة تم تثبيتها بعد نقاش مطول، عليه فيما يخص موضوع المحاسبة والافلات من العقاب فإلغاء الحصانة المطلقة هو أحد الشواهد وكذلك المادة 5-3 من الفصل الأول والمواد 7-3 و7-16 والفصل الخامس عشر 76-ز الشعب الآن بامتلاكه الوثيقة هو الحارس الحقيقي َ لها والرقيب على انفاذها، فالاتفاق الذي تم هو جانب سياسي للثورة الشعبية المستمرة الي أن تبلغ مراميها كاملة، فلنعمل من أجل البناء الديمقراطي ونسد الثغرات بما تتطلبه المرحلة ميرفت حمد النيل عضو لجنة التفاوض عن الحرية والتغيير الراكوبة

Quote: التاريخ المخفي يا محمد سليمان..انو عمر البشير كانت ليهو محاولة انقلاب في سنة 1985 ، وكان محسوب بانو بعثي..!

سلامات كبر وكل عام وأنت والجميع بخير
لا يا كبر التاريخ ما مخفي ، بل مكتوب ومقروء
في أكتوبر 1985 بعد ستة شهور فقط من الانتفاضة ذكرت مجلة الدستور اللندنية و التي أدارها في فترة من الفترات المحامي المناضل شوقي ملاسي، رحمه الله .
و التي تُحسب على البعثيين خبراً بأن الجبهة الإسلامية تخطط للقيام بإنقلاب عسكري يقوده العقيد عمر حسن هكذا بالإسم
وقيل ، ولم أستوثق من المعلومة دي للأمانة، بأن بعض قيادات البعثيين إجتمعوا مع الصادق المهدي في 20 يونيو ، قبل عشرة يوم بس من الإنقلاب المشؤوم
وملكوه تفاصيل عن الإنقلاب و المخططين له من الجبهة الإسلامية.
لم يكن البشير يوماً بعثياً أو قريباً منهم بل على العكس
ولغاية سنوات قريبة كنت أحتفظ بهذا العدد، شالوا واحد قريبنا و لبد بيهو هههه.

الأخ محمد نور عودو
كل عام وانت و السودان و الاسرة بألف خير
بعض نت ابناء دارفور يقودون خط لضرب النسيج الإجتماعي
و هونفس الخط الذي انتهجه الكيزان و للأيف نجحوا فيه
هنا في الصفحة الأولى فقط هناك خمسة بوستات من لعض ابناء دارفور تكيل الإساءة لما تسمونهم بالجلابة
و هي اساءة مباشرة لن يقبلها من تسمونهم بالجلابة
مثل ما ساهمتم بكتاباتكم لدحر نظام الهالك البشير ساهموا في رتق النسيج الاجتماعي
اهل دارفور البسطاء اعرف عدداً منهم لم اسمعهم يتحدثون بتلك اللهجة
و في اعتصام القيادة كانوا موجودين رجال و نساء و شباب صغار السن
كتفاً بكتف مع مواطنيين خُلص من كل انحاء السودان و منهم من استشهد
صديق الغالي كان يشكل ثنائي مع صديق الغالي للإسامة لمن تسمونهم بالجلابة
و قام الاخ بكري بإيقافه من سنوات , و لمواصلة اسماعيل في هذا الخط قام بكري بتقليل عدد مداخلاته
و هذا انزار نهائي من بكري و بعدهل سيتم ايقافه اذا اصر في السير في هذا الطريق
فيا عزيزي حتى دفاعك المستميت هو دفاع جهوي لا يسنده الا منطق المنطقة اى الانتماء لإثنية اسماعيل
او ربما صداقة اوحتى انه يجمعكم اقليم واحد او انك تدعم نفس هذا الخط شديد الخطورة

Quote: خضر الطيب كويس يا حبيب اصبر لي انا برضو بشرك ليك وبورطك زي م ورطني لغاية الوقت داك كل سنة وانت والاسرة بالف خير

انا ما ورطتك يا حبيب انت دائماً بتدافع عن اسماعيل , لاحظ اكل المتداخلين في البوست استنكروا
ما اورده اسماعيل عن صديق الغالي و هذا الكلام العنصري البغيط لهذا السبب اوقف بكري صديق الغالي
بعدين تشرك لي انت قايلني ام قيردون و لا الفِرة . صدقني ما بتلقى فيني فرصة ههههه
كن بخير يا عزيزي ويجب ان نتكاتف الآن امامنا ثورة لمتكتمل اركانها بعد يجب ان نسعى لرتق النسيج الإجتماعي
و بعد الإنتخابات لكل حدثٍ حديث
محبتي

Quote: e: مفاجأة من العيار الثقيل يفجرها الوسيط الافريقي عبر قناة فرنسية 24 بالإجابة عن السؤال حول مطالبة الثوار في معاقبة الذين قتلوا الثوار في الأحداث. حيث أفاد بأنه ليست هناك أي مطالبة لذلك لا من المجلس العسكري ولا من قادة التفاوض في إعلان الحرية والتغيير وتلك المطالب يسمعوا بها في الخارج فقط............لله درك يامواطن فكنت في الموعد والان دعاة الحرية والتغيير. نسوا دماء الشهداء مقابل الوصول للحكم

سلام للجميع

الحديث اعلاه و المنسوب للوسيط الافريقي مبتور لغرض رخيص ...الرجاء الاستماع لحديث الوسيط كاملا في هذة النقطة تحديد في الدقيقة 8 من الفيديو الكامل