إعتداء بسوط عنج

05:32 AM August, 08 2019

سودانيز اون لاين
النذير حجازي-بلاد الله الواسعة دي، كل شهر في بلد
مكتبتى
رابط مختصر

من صفحة سيف اليزل عمر في الفيسبوك:

Quote: كامل الإدانة للإعتداء على موظف كهرباء فى أمبدة السبيل والذى تعرض بالأمس للضرب بسوط العنج على يد مواطن غاضب بسبب قطوعات الكهرباء. يجب تقديم هذا المواطن للقضاء بتهمة الأعتداء على موظف أثناء أداء الخدمة.

النزير حجازي عودا حميداا وسلامات..
الناس مغبونة وماعارفة تفكها وين.. لا مظاهرات لا مواكب..
الكلام دا اكيد غلط ومرفوض و مدان بشدة..
تصرف فردي من شخص لا يتحمل وزره غيره. الناس ما تكبر
الموضوع.. شايف في ناس بتصطاد في تصرفات زي دي.

مين... النذير ود حجازي ،
ياخي « گلام زي دا أصلو ما منظور » .
ثم «وين يا سمير ما جيتا حجبوكا و لا نسيتا»
و « يا غايب عن عيني ، لكن يشهد الله إنك حاضر
في قلبي». ياخي بس اختفيت في توقيت غير مناسب
مع أخوانا الجداد رد الله غيبتهم، لامن خلانا لا سمح الله،
« قلنا ما ممكن تسافر » و لا نظن، و إن بعض الظن إثم .

[} عمومن ، جيدن جيت؛أرقد عافية و لا تشيل هم
أخونا موظف الكهرباء ؛ بناخدلو حقو. و بصراحة علقة
زي دي كان يستاهلوها ناس جبايات النفايات بالزات .

الناس المقصرين جد جد ناس المحليات .
مطره اليوم مع صلاه الصبح حتى شروق الشمس . شوفوا عملت شنو وناس المحليات نايمين فى العسل.

Quote: النزير حجازي عودا حميداا وسلامات.. الناس مغبونة وماعارفة تفكها وين.. لا مظاهرات لا مواكب.. الكلام دا اكيد غلط ومرفوض و مدان بشدة.. تصرف فردي من شخص لا يتحمل وزره غيره. الناس ما تكبر الموضوع.. شايف في ناس بتصطاد في تصرفات زي دي.

حبيبنا معتصم، الله يسلمك يا ملك، وفعلا الناس مغبونة شديد، لكن برضو بعض موظفي الحكومة متفزين شديد وبخلوا الناس تطلع من طورها.
مودتي

Quote: مين... النذير ود حجازي ، ياخي « گلام زي دا أصلو ما منظور » . ثم «وين يا سمير ما جيتا حجبوكا و لا نسيتا» و « يا غايب عن عيني ، لكن يشهد الله إنك حاضر في قلبي». ياخي بس اختفيت في توقيت غير مناسب مع أخوانا الجداد رد الله غيبتهم، لامن خلانا لا سمح الله، « قلنا ما ممكن تسافر » و لا نظن، و إن بعض الظن إثم . [} عمومن ، جيدن جيت؛أرقد عافية و لا تشيل هم أخونا موظف الكهرباء ؛ بناخدلو حقو. و بصراحة علقة زي دي كان يستاهلوها ناس جبايات النفايات بالزات

وين يا حبيب الألب ود الأصيل، تحايا واشواق مدفقة،
والله إشتقت لغنيواتك وحكاويك،
الدايرين الجلد كتاااااار، أفتح لينا بوست عن البطان. تصدق يا ود الأصيل جيت الرياض، وفي المطار الملك خالد اتذكرتك، لكن بلدكم دي فيها جري شديد والزمن ممحوق، إن شاء الله نتقابل

Quote: الناس المقصرين جد جد ناس المحليات . مطره اليوم مع صلاه الصبح حتى شروق الشمس . شوفوا عملت شنو وناس المحليات نايمين فى العسل.

وين يا عاصم مشتاقين،
تعرف يا عاصم درء أخطار السيول دا تخصصي،
وعملنا مبادرة أكتر من مائتين مهندس لحل مشاكل الفيضان جذريا،
عمل تطوعي، وحتى مشيت السودان بهذا الخصوص، وحصلت مجزرة القيادة
وتوقف الشغل، ح اكتب عن الموضوع دا بالتفصيل

تكتب لينا بالتفصيل الممل أول شيء عن روحك وين كنت
صابها قدر دا كولو؟ و نحن يانا نحنا لا غيرتنا ظروف لا هزتنا
محنةيا حبابنا و يا شبابنا و يا رضابنا يا قمحنا و يا سمحنا»

[} كتبنا عن كل شيء و في بوستات فصلناها مخصوص
على حبيبنا النذير حكازي . كدي النديك منهن عينة تمش
تفتشن براك و تقراهن. و تديتا رأيك. خسوسن مقتبسات من
تراثياتنا الغنية بالأمثال و الحكم. مسلن زي «غلفا و شايلة
موسا تطهر» و« يبخرو فوقا و هي بهناك شغالة تفسي»

سلام ( النذير )
ظننت فى من ظننت ولكن يبدوا انك "جو الجك "
لك العتبى ، وشنو فى السعودية ؟
وين خبر قروش " الملم " ؟ وصلت وين ؟

Quote: و« يبخرو فوقا و هي بهناك شغالة تفسي»

الله يجازي محنك يا ود الأصيل ههههههه
إن شاء الله برجع ليها كلها
ومن هنا نطالب أخونا بكري أبو بكر بإنشاء مكتبة لحبيبنا ود الأصيل لإثراء المكتبة الإلكترونية السودانية

مرحبنبك و مسهلنبك مثنى فثلاث و رباع
الحبيب الوريف ود حجازي. و أما دعوتك
بفتح مكتبة لنا فيا ريت. لو أن قناعتنا أنها
ترف يشتهى و رابعة للمستحيلات مع
ناس الغول و العنقاء و الخل الوفي

شايف يالنذير .. اليومين ديل .. متعة ساكت .. زمان كان بنجلد المواطن .. حسي بقيتوا في جلد المسؤولين عدييل ! ..
دي غايتو ما سبقم عليها لا أنس لا بشر ..

بريمة

متعة يا بريمة؟!
ياخي انت شكلو قلبك منزوع منو الرحمة
ياخي الجلد دا بقطع القلب عديل كدا
بهظر طبعا
لأنو استحمال الجلد عند أغلب عادات أهل السودان يدل على الفروسية،
ولذا إنتشرحت عادة البطان في ولاية نهر النيل
ياريت يا بريمة تدينا نبذة عن عادة البطان عند أهلنا البقارة،
هل يعرفونها؟!