Post: #1
Title: الاسعار . خروف . تيس . عنبلوك
Author: Osman Musa
Date: 08-08-2019, 12:26 PM
Parent: #0
12:26 PM August, 08 2019 سودانيز اون لاين
Osman Musa-
مكتبتى
رابط مختصر
اسعار الضحية .
خروف ابو عنتلة ( هافي وييت ) بين 8 و 7 .
خروف وزن خفيف الوسط 6.5
تيس علي الزيرو. 3.250
تيس ميديم سايز 3
تيس بس تعين بي عيوني 2.5
..
دي اسعار. ومسميات زريبة سوق ليبيا زريبة الضعين .
|
Post: #2
Title: Re: الاسعار . خروف . تيس . عنبلوك
Author: Osman Musa
Date: 08-08-2019, 01:03 PM
Parent: #1
اوعك من الصيني المحقون بي ال syntyroنفخوش .
|
Post: #3
Title: Re: الاسعار . خروف . تيس . عنبلوك
Author: Osman Musa
Date: 08-08-2019, 01:16 PM
Parent: #2
السمسار ابوجيقا في كواريك مناداتو. للزباين بقول :
علينا جاي اشتري الحمري وابعد من الصيني،البجيب اب نيني .
لو ضبحتو. ما بينضج في الصاج
ولو خليتو بموت وبكتل معاهو النعاج .
اشتري الحمري ومالك ومال الضلوف امات عجاج .
|
Post: #4
Title: Re: الاسعار . خروف . تيس . عنبلوك
Author: Osman Musa
Date: 08-08-2019, 11:30 PM
Parent: #3
واضح الاقبال علي العنابليك اكتر من الخرفان .
|
Post: #5
Title: Re: الاسعار . خروف . تيس . عنبلوك
Author: Osman Musa
Date: 08-09-2019, 09:55 AM
Parent: #4
واحد انا ما مصدقو. قال لي توجد في مزرعة في بتري خرفان
ماركة crown سعر. الحبة 15 مليون التوصيل وربط البرسيم الحلال علي
حساب مربي المزرعة . . ولو. محتاج فني جزارة . ده حسب التفاهمات .
يعني متاح خارج فاتورة البيع .
|
Post: #6
Title: Re: الاسعار . خروف . تيس . عنبلوك
Author: علي عبدالوهاب عثمان
Date: 08-09-2019, 10:14 AM
Parent: #5
الحبيب عثمان .. كل عام والجميع بخير
اغرب خير وتغطية تلفزيونية وكأنهم انجزوا مشروع حقيقي
صيوان ضخم ومرطبات ومعجنات وقادة القوات المسلحة
بعد انتظار الخبر هو ( توقيع عقد مع شركة لتوفير الاضاحي للقوات المسلحة )
تفاقية شراكة وتبادل كتيب الاتفاقية مهرجان اضخم من مناسبة توقيع الاتفاقية بين قحت والعسكري
ثم تبادل الكلمات وعناق بين القادة على هذا الانجاز التاريخي
اين نحن .. يبدو ان التغيير سيكون مصطلح فقط
تحياتي يا جميل شكرا كثير وانت تنقل لنا معاناة والوطن بكل صدق
الخروف الصيني !!!!!
متابع بوستاتك يا الحبيب عثمان
|
Post: #7
Title: Re: الاسعار . خروف . تيس . عنبلوك
Author: Osman Musa
Date: 08-09-2019, 02:16 PM
Parent: #6
اخونا استاذ علي سلامات
البارح كان معاي جماعة اصرينا كلنا علي زيارة ابن عمعنا
عطاي موسي والد الشهيد / دكتور معتز عطاي موسي . وصلنا حوالي 8 مساء لقينا عطاي
ممدد يسبح في العنقريب . وحوالينو. دهمة من الدبرسة والكتاس والحزن وكل لهد السنين .
والله تذكرو. عطاي زمان ايام صبينتو. مركب الشريطين في جيش السودان بعد. عودتو. من
حرب الشرق الاوسط 1976 .
يحكي عن كيف كردوا. اليهود . ويضحك زي ضحكة دينزل واشنطن. في الموفي سولجرس
قال لينا حتي خدمتي مقاتل في جيش السودان جندي وكهربجي وفني تصوير. وبطل
سباق مسافات طويلة . ده كلو. ما منع. الزفت ديل. من انهم. يكتلو. ولدي .
انا ما كنت قادر. اسمع باقي الكلام. من. عطاي . قاطعتو بي سيرة الضحيات واسعار
العنابليك . وهلمجرا . عشان اطرطش ليه كلام الحزن .
ضحك ضحكة. ماكنة وعالية . وقال هي نان الضحية بكون عندها طعم
زي زمان ؟
|
|