Post: #1
Title: المطلوب الآن: المصالحة الوطنية والعفو العام .. نطوي صفحة الماضي وعفا الله عما سلف
Author: Ali Abdalla Hassan
Date: 08-07-2019, 06:42 PM
Parent: #0
06:42 PM August, 07 2019 سودانيز اون لاين
Ali Abdalla Hassan-UK
مكتبتى
رابط مختصر
إذا كنا نريد لبلدنا السودان أن ينعم بالأمن والسلام والإستقرار والرفاهية والرخاء .. وإذا كنا نريد لهذه الثورة المباركة أن تحقق كل أهدافها المشروعة وكل طموحات وأحلام شباب الثورة .. فلابد من تنفيذ أهم مشروع يمهد الطريق إلى كل ذلك .. لابد أن يتوافق السودانيون جميعاً بمختلف تياراتهم السياسية والفكرية والحزبية على المصالحة الوطنية فيما بينهم .. والعفو العام .. لابد أن نطوي صفحة الماضي بكل مراراتها ونفتح صفحة جديدة تحت شعار ( عفا الله عما سلف) ..
|
Post: #2
Title: Re: المطلوب الآن: المصالحة الوطنية والعفو الع
Author: Mutasim Idris
Date: 08-07-2019, 09:15 PM
Parent: #1
| Quote: لابد أن يتوافق السودانيون جميعاً بمختلف تياراتهم السياسية والفكرية والحزبية على المصالحة الوطنية فيما بينهم .. والعفو العام .. لابد أن نطوي صفحة الماضي بكل مراراتها ونفتح صفحة جديدة تحت شعار ( عفا الله عما سلف) .. |
يعني حسب فهمك دا للمصالحة الوطينية يا عبدالله نخلي الكيزان كدا ونمد
يدنا نقول ليهم ننسي؟! تشريد وقتل بالملايين وسرقة بالمليارات وعمر ضاع!!
اي كوز ح يداس لمن يأمن.. عفا الله دي بيننا في إختلافنا كيف نصلح ونقوم
بالوطن.
|
Post: #3
Title: Re: المطلوب الآن: المصالحة الوطنية والعفو الع
Author: خضر الطيب
Date: 08-07-2019, 09:26 PM
Parent: #2
سلام يا علي
اتفق معك في جزئية المصالحة الوطنية بين كافة الاحزاب ما عدا الكيزان و كل من تلوثت اياديه مع هذا النظام
هناك دم و الدم قصاد الدم و ما بنقبل الدية
يجب ان تتم محاسبة كل من كان له دور في القتل و الدمار الذي حدث في كافة المرافق
طرحك هذا فيه استفذاذ للمظلومين و المقهورين و الشهداء و اسرهم من الثكالى الارامل و الايتام و اباء هؤلاء الشهداء
مطالبتنا بالمدنية من اهدافه ان يظل السودان وطن يسع الجميع و قيام دولة المؤسسات , لكن هذا لايمنع المحاسبة والتي تعتبر هدف
يجب ان يتحقق في ظل قضاء نزيه
كت آوت :-
علي انت كوز ولا Semi كوز ولا زول الله ساي لا وضعك شنو ؟
|
Post: #4
Title: Re: المطلوب الآن: المصالحة الوطنية والعفو الع
Author: محمد نور عودو
Date: 08-07-2019, 09:36 PM
Parent: #3
يا علي انت كوز ولا Semi كوز ولا زول الله ساي لا وضعك شنو ؟
واحد يصحي لينا معاوية الصايم يا جماعة
|
Post: #5
Title: Re: المطلوب الآن: المصالحة الوطنية والعفو الع
Author: خضر الطيب
Date: 08-07-2019, 09:44 PM
Parent: #4
Quote:
واحد يصحي لينا معاوية الصايم يا جماعة |
هههههههههه
سلام حبيبنا محمد نور
معاوية لو جاء البوست دا بتقفل و الاتنين معاوية وصاحب البوست بتربسو .. والله صحي :)
|
Post: #6
Title: Re: المطلوب الآن: المصالحة الوطنية والعفو الع
Author: عماد الدين الطيب عمر
Date: 08-07-2019, 11:49 PM
Parent: #1
يا علي عبدالله حسن
يا زول انت جاد في كلامك دا
شنو عفى الله عما سلف
كلامك دا كلام كيزان
و كيزانك ديل عفوا عن منو؟ و صالحوا منو؟ و رحموا منو؟
الشغل دا فيه دم و فيه ناس راحوا فيها و هم ماشيين على الحيط
في مليارات أكلوها سااااي
نعم للمصالحة الوطنية
لكن مع الكيزان لا و ألف لا
حتى ترجع الحقوق لأصحابها
و بعدها نشوف الراي شنو
الحساب ولد ااااا شيخ علي ...
ناسك ديل ناسيين المقولة
لو دامت لغيرك لما آلت إليك
و تااااني
الحساب ولد ااااا شيخ علي ...
|
Post: #7
Title: Re: المطلوب الآن: المصالحة الوطنية والعفو الع
Author: Khalid Abbas
Date: 08-08-2019, 06:23 AM
Parent: #1
المصالحة الوطنية عندها شروط وفيها تجارب مشهورة حول العالم اهم الشروط إعادة الاموال المنهوبة والاعتذار العلني مع الإقرار بالجريمة
اها كان ديل بتقدروا عليهن جاهزين ندعم خطكم ونشوف الشعب بختار شنو
|
|