|
Re: هسي لو كنت جكس ولا ود حلبي وسيم وقلت قناتي (Re: توفيق عيسى مكي)
|
اعمل اللايف في الفيس وقت اللايف ولا زول بعد يخلص بربع ساعة 10 الف بعد كم ساعة 50 الف .... بتلبدوا التقول لو شاركوا بيخشوا النار .... 100 الف واحد متابعك بالحته شغلنا رقمي ببساطة بتتعرف منو المتابعك ... وحات الله في المنطقة ميكانيكي لقاني واقف اصلح عربيتي في وشة كورك ده بتاع اللايفات الاصلي كلهم الناس الكانت قاعدة قالوا عااااارفين - بس كلهم متابعين بالدس - ولو ما مواضيعي المطروحة بتلمس الاعصاب الحساسة في قلب مشاكلنا مافي زول بنتبه بس المشكلة زي ما يكونوا يتمنوا تجي من زول يستاهل ريدة يشبع نقص جواهم ...
| |
|
|
|
|
|
|
Re: هسي لو كنت جكس ولا ود حلبي وسيم وقلت قناتي (Re: توفيق عيسى مكي)
|
30 سنة الكيزان يطحنوا فينا طحن والشعب يعلل ليهم عشان الوالد الاسس التنظيم قال لأ كده غلط عزبونا اكتر مما عزبوا اعداء اكيزان كلهم فهل حا نستحمل تعزيب الجايين الحا يتركوا المرتزقة ويضموهم ليهم ونكون نحن كبش الفداء القادم ؟؟؟؟؟ هل نبحث عن وطن تاني يقدر الانسانية ؟؟؟
| |
|
|
|
|
|
|
Re: هسي لو كنت جكس ولا ود حلبي وسيم وقلت قناتي (Re: توفيق عيسى مكي)
|
شعب فاقد هدف استراتيجي مخطط يصل ليه ده شعب نافع ؟؟ !! هدفه كله منو اليحكم ولما واحد يحكم الشعب كله يتقلب معارضة ليه ده كلام ده ... شعب ثقافته يا فيها يا نفسيها واضرب واهرب حياتو زنق في زنق رقيصه زنق في زنق شعب نصه مسطول بالف نوع من المسطلات اهمها كذبات السياسيين ههه لاقاني واحد كاتب هسا خلاس من بكرة الاسعار حا ترخص والمواصلات حا تتوفر وحا نقرش ونعمل كرش زي الكيزان عملوا ... زي لما البترول طلع كل الناس اتخيلت انها حا تلبس عقالات وده ظهر في الكاركيترات والقفشات بتاعتهم
| |
|
|
|
|
|
|
Re: هسي لو كنت جكس ولا ود حلبي وسيم وقلت قناتي (Re: توفيق عيسى مكي)
|
Quote: ولا كلام داليا الياس |
داليا الياس قالت واااي تعبت خلاس وقفوا ولو علشان خاطر اسرتي البت آمنت ... اما انا يا سيدي كان عندي بوست قبل كم سنة في نفس موضعي ده اسمه المثلية في السودان وحات الله لمن اتهددت بفتح بلاغات جنائية لو ما وقفت البوست القلت فيه غنا الحقيبة كله اتقال في اولاد سمحين يعني نفس الفكره هنا او مقاربة ليها في منحى معين بس ادلتي وبراهيني ثااااابتة شعبنا شعب بحب الجمال والحلوين وفي دي انه شعب ريااااد ودي هقيقة ...
| |
|
|
|
|
|
|
Re: هسي لو كنت جكس ولا ود حلبي وسيم وقلت قناتي (Re: Deng)
|
Quote: ده بتاع اللايفات الاصلي |
بالله انت واحد من اللايف بويز؟
ياخ معقولة ياصاحب الجلالة اجدع رابط هنا خلينا نستمتع... بس اوعى تكون اللايفابي البسب دين داك بدون سبب في اللايف؟
اقتراح ليكم كلايف بويز اعملوا تجمع لايفاب السودان ...والله صحي
| |
|
|
|
|
|
|
Re: هسي لو كنت جكس ولا ود حلبي وسيم وقلت قناتي (Re: Yousuf Taha)
|
Quote: حتى ثورتنا سرقتوها وعملتوا اسيادها |
ايوه ما انتو ناس بري وشارع الاربعين وحات الله جنياتكم الثقافتهم الكشة جااااتكم ما يقلبوا قشة زمان قلنا كده ... ناس الضهاري في الخرطوم مارضننا مرض هم وعيالهم وحريمهم وبناتهم اخير ما نتكلم ... يارب مشية عيد بلا رجعة وترجع خرطومنا اجمل من باريس تاني ..
| |
|
|
|
|
|
|
Re: هسي لو كنت جكس ولا ود حلبي وسيم وقلت قناتي (Re: توفيق عيسى مكي)
|
Quote: بالله انت واحد من اللايف بويز؟ |
من غير خستكة وشكشكة آكلي قروش الاعانات المشبوهة البتعمل كرش وتقل بورا لايفاتي كانت عبارة عن محاضرات صغيرة مدة الواحدة خمس دقائق طرحنا فيها ملامح من برنامجنا الاقتصادي الطموح بلغة يسهل على الجميع فهمها واستيعابها وده السر الخلاها مشاهدة بالالاف وساعين لملايين المشاهدات لنرسخ القيم السليمة المحتاجها سوداننا اليوم بفكر تقدمي كبير جدا
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|