شرطة تكساس تعتذر عن اقتياد رجل بحبل 👹👹👹

10:29 PM August, 06 2019

سودانيز اون لاين
حامد عبدالله-
مكتبتى
رابط مختصر

Adrienne Bell
@AdrBell
We have verified with law enforcement officials in Galveston, that the photograph taken in Galveston is real.
It is hard to understand why these officers felt this young man required a leash, as he was handcuffed and walking between two mounted officers.

الناس الهناك تعمل حسابها شوية
شكلو الامريكان داخلين صيف مطربن, لسع دموم المغدورين ما جفت
شرطة تستدعي ماضي عار وفضيحة علي كل الإنسانية

يا حامد تكساس دي بلاويها كتيرة.. طوالي في الاخبار مع
فلوريدا.. غايتو ربك يحفظ الناس الهناك وفي كل مكان.

معتصم لعلك بخير
والله امريكا بلد العجائب فيها اي شئ
قبل يومين شوفت خبر اسرة سورية الام تعدت السرعة المسموحة
اٌستدعيت للمحكمة القاضي خلي بتها تترجم وتختار الحكم لامها
بصورة وفي النهاية اعفوها من الغرامة محاكمة بجو انساني لاقصي حد
ممكن ..........تشوف البواليس بتاعين الحصين وجر الحبل راسك يجوط
خوفنا علي اهلنا هنالك الله يستر عليهم

الحبيب حامد .. تحياتي ...
بلد يعتبر نموذج للعالم والانسانية
أنا شخصياً احب الامريكان ..
لكن الصورة بصراحة مخجلة جداً جداً
لا تليق بأمريكا .. معقول أمريكا ما فيها سيارة لنقل المعتقلين
أفراد الشرطة من المفترض أن يتعرضوا للمحاكمة أكيد قرار شخصي
ولكن لماذا إلى هذه الدرجة ..

بقدر حبي ليهم أتألم عندما أري مثل هذه التجاوزات الفردية

لو في دولة أخرى .. في أول دقيقة كان أصدروا بيان
أمريكا في القلب ولكن لا نرضى بمثل هذه التجاوزات

مرات الخطأ يكون في صالح الضحية ( تعويضات بالكوم ) إن شاء الله قريبي ده
يتبناه مكاتب محاماة وجمعيات ويكسب شوية ملايين ..

شكراً حامد الحبيب ..

حبيبنا علي عبدالوهاب
تسلم ويجدكم والاسرة بخير وعافية
ومبروك التغيير إنشاء الله بعد دا تاني البلد لي قدام

اهلك الامريكان ديل عويرين في اي شي كل مصيبة الا يوصلوها الباب
قبل فترة كان عندهم قاضي مرشح لمجلس الشيوخ جلسات الكونغرس
تابعتها علي السي ان ان. مدهشين.
قريبنا دا اكيد لو ما مصيبتو كبيرة من النوع البتدي الف سنة سجن ديك
ياهو الحيقبض السمنانة.

الامريكان برضو طلع عندهم جنجويد

الامريكان برضو طلع عندهم جنجويد

===============
الحبيب حامد .. بخير وعافية إن شاء الله
العبارة الفوق عجبتني (عندهم جنجويد )
حتى ترامب صريح وبدون دبلوماسية same ( حميدتي ) نفس الاسلوب
وقريبنا العوير ده في بلد مثل أمريكا .. اي عمل ويأكل عيش .. الظاهر عليه مشكلته كبيرة
الامريكان ناس حلوين .. أنا اشتغلت معاهم كثير ومبسوط منهم يا حليل زمنهم في الخليج
أهلي الطيبين في جمعيتنا هنا في جدة .. كلما أشكر أمريكا يعملوا لي مشكلة
أنا متأكد واحد فيهم إذا عمل مع الامريكان ووعايش طريقة تعاملهم مع الشخص في موقع العمل
مقارنة مع الاعراب كان اصبح صهيوني عديل ..

لك التحية الحبيب حامد .. وعيد مبارك ان شاء الله