Post: #1
Title: انتو منو الصحفى الاسمو (امل الكردفانى) ؟
Author: النصرى أمين
Date: 08-05-2019, 09:37 PM
09:37 PM August, 05 2019 سودانيز اون لاين
النصرى أمين-كالغرى, كندا
مكتبتى
رابط مختصر
نفسه قائم الايام دى ضد قوى إعلان الحرية و التغيير و تجمع المهنيين
|
Post: #2
Title: Re: انتو منو الصحفى الاسمو (امل الكردفانى) ؟
Author: AMNA MUKHTAR
Date: 08-05-2019, 10:05 PM
Parent: #1
الأيام دي بس 😂
أمل دا نفسو قايم ضد الجميع.. يمين شمال كيزان معارضة مؤمنين ملاحدة..عالم أول عالم ثالث إلخ
فهو نموذج للكائن الرافض لأي قطيع ولكل الآيدلوجيات وغير الآيدلوجيات..
وهو ما صحفي.. وبيكون عنده راي في الصحفيين برضه.
وكذلك بيكره النساء.. وبرضه الرجال ههههه
دكتور في القانون هو.
|
Post: #3
Title: Re: انتو منو الصحفى الاسمو (امل الكردفانى) ؟
Author: النصرى أمين
Date: 08-05-2019, 11:03 PM
Parent: #2
اهلا آمنه ..
كيفك ؟
وآلله حيرنا زاتو ..
ايام الإنقاذ كانت كتاباته مريحة لانه عنيف جدا
فى معارضته للحكومة.
قرات له مقالة ضد قوى اعلان الحربة و التغيير اجعص كوز يتردد ينشرها ...
فتشت فى قووقل مالقيت اى معلومة عنه بالرغم من عشرات (بل مئات المقالات)
حتى بكرى ابوبكر عامل ليه مكتبه.
نقول له يا اخونا امل الكردفانى حن شوية و ادينا فرصة ولو خزلناك
دور من جديد ..ما عندك قشه مرة.
ياخ انت زول كتاب (تذكرنى اسلوب فتحى الضو فى الكتابة) حرام تهدر إمكانياتك فى معارك لا تستحق .
ركز لينا فى الدولة العميقة لانها العدو الحقيقى الآن ضد الدولة المدنية
|
Post: #4
Title: Re: انتو منو الصحفى الاسمو (امل الكردفانى) ؟
Author: النصرى أمين
Date: 08-05-2019, 11:03 PM
Parent: #2
مكرر
|
Post: #5
Title: Re: انتو منو الصحفى الاسمو (امل الكردفانى) ؟
Author: النصرى أمين
Date: 08-05-2019, 11:09 PM
Parent: #4
انا فترة طويلة قايلا مره.
وفى سرى كنت بقول الظاهر المره دى النوع الشرانى الشكال البتهرش الرجال 😂
اكتشفت (انها) راجل قريب ده 😂
|
Post: #6
Title: Re: انتو منو الصحفى الاسمو (امل الكردفانى) ؟
Author: Gafar Bashir
Date: 08-05-2019, 11:22 PM
Parent: #5
اول مرة اعرف كان بيكتب ضد النظام
ما قريت ليهو الا قريب شغال ضد ق ح ت من بداية الثورة
ما فهمت شايت علي وين
لكن اظنو دون كيشوت
|
Post: #7
Title: Re: انتو منو الصحفى الاسمو (امل الكردفانى) ؟
Author: النصرى أمين
Date: 08-06-2019, 01:13 AM
Parent: #6
اهلا جعفر
الزول ده بتاع mass production
إنتاجه غزير جدا ..ما بتلفت للكلام ...
اقل مقال كيلو و نصف
قريت ليه مقالات كتيرة جدا ضد الانقاذ..
كنت مفتكره امرأة من الأبيض تحديدا
دائما أتعامل مع المقال ان الكاتب امرأة و تعجبنى قوتها و جراءة تعببراتها
وعدم خوفها من الانقاذ.
لكن زى ماقلت احتمال دون كيشوت يحارب طواحين الهواء ظان انها فرسان.
واضح انه من قراء سودانيزاونلابن
نوحه النداء مرة اخرى
روق المنقه يا حبه.
ادينا فرصة صغيرة
|
Post: #8
Title: Re: انتو منو الصحفى الاسمو (امل الكردفانى) ؟
Author: محمد علي البصير
Date: 08-06-2019, 07:39 AM
Parent: #7
| Quote: انتو منو الصحفى الاسمو (امل الكردفانى) ؟ |
تحياتي أخي النصري
دا كان طارح نفسو معارض لناس البشير
أول ما شف الثورة ولعت والمسالة ماشة زائدة أصبح من الد خصوم الثورة
مصادر عديدة أكدت إنو كوز ليه ضل
أظنو واحد من الكيزان الحردانين زي ناس عمار أدم
بس عمار أكان جاد وأصبح من الد خصوم الكيزان
لكن دا لسع تراوده أحلام العودة
|
Post: #9
Title: Re: انتو منو الصحفى الاسمو (امل الكردفانى) ؟
Author: محمد عبد الله الحسين
Date: 08-06-2019, 11:02 AM
Parent: #8
مقيم في القاهرة.. والده فايز كردفاني خريج اقتصاد جامعة الخرطوم
|
Post: #10
Title: Re: انتو منو الصحفى الاسمو (امل الكردفانى) ؟
Author: محمد عبد الله الحسين
Date: 08-06-2019, 11:02 AM
Parent: #8
مقيم في القاهرة.. والده فايز كردفاني خريج اقتصاد جامعة الخرطوم
|
Post: #11
Title: Re: انتو منو الصحفى الاسمو (امل الكردفانى) ؟
Author: حسين عبد المجيد
Date: 08-06-2019, 11:30 AM
Parent: #10
وين المشكلة ؟؟ ما شايف اي مشكلة اتركوا الزول يكنب على مزاجه لا تكونوا اوصياء والفة عليه بطلوا التصنيف لخلق الله يا شباب
|
Post: #12
Title: Re: انتو منو الصحفى الاسمو (امل الكردفانى) ؟
Author: Hassan Farah
Date: 08-06-2019, 12:18 PM
Parent: #1
مقيم في القاهرة.. والده فايز كردفاني خريج اقتصاد جامعة الخرطوم
----------------------------------------------------------------------------
نعم والده فايز الكردفانى رجل الامن فى عهد النميرى بسفارة السودان بجمهورية اليمن الديمقراطية الشعبية
على ما اعتقد امل من مواليد مدينة عدن
|
Post: #13
Title: Re: انتو منو الصحفى الاسمو (امل الكردفانى) ؟
Author: AMNA MUKHTAR
Date: 08-06-2019, 12:30 PM
Parent: #1
| Quote: مصادر عديدة أكدت إنو كوز ليه ضل |
ما كوز.. بالعكس هو لا ديني.. وضد التنظيمات والآيدلوجيات.
لكن ما متطرف في عدائه للأديان.. وبيسخر من الجانبين :الملحدين والمؤمنين.
وسبب الهجمة على تجمع المهنيين وقحت.. إنه في البداية كتب نقد عادي زينا كلنا..
لكن قاموا مستجدين السياسة البيعلقوا بأسماء وهمية شتموهو وشتمو والدته الله يرحمها شتائم وسخة جدا.
وكذلك شتموا والده فائز الكردفاني الذي كان في مخابرات نميري.
كان مقيم في القاهرة نعم ودرس فيها.
لكنه من قبل الثورة مقيم في الخرطوم.. بل شارك في المظاهرات واعتصام القيادة.
ما تسألوني المعلومات دي جبتها من وين...
لكن الزول دا شاكلني قبل فترة وإتهمني إتهامات عجيبة بدون سبب وكمان بلكني في الفيس هههههه
علشان كدا كان لازم أتحرى عنه.. من باب إعرف عدوك.
لكن غايتو هو عدو سايكوتيك لذيذ ومسلي للغاية... وبيذكرني بأخونا الحبشي الله يطراه بالخير 😂
أحيانا بخش مقالاته وأشاغبه.. لكن بإسمي الحقيقي بالطبع وليس بألقاب.
|
Post: #14
Title: Re: انتو منو الصحفى الاسمو (امل الكردفانى) ؟
Author: علي عبدالوهاب عثمان
Date: 08-06-2019, 05:45 PM
Parent: #13
لكن غايتو هو عدو سايكوتيك لذيذ ومسلي للغاية... وبيذكرني بأخونا الحبشي الله يطراه بالخير 😂
أحيانا بخش مقالاته وأشاغبه.. لكن بإسمي الحقيقي بالطبع وليس بألقاب.
==============
الاستاذة آمنة .. تحياتي ..
أكيد زول بالاسلوب ده يكون لذيذ ..
يا سلام لقد أتيت بحل للمشكلة
وياسلام على الروح التسامح
في نوع من الناس مهما بالغ تجد فيه البراءة ويمكن تعذره
بل أحياناً الواحد يحب إثارته ..
تحياتي
وافر التحية للحبيب النصري .. الاستاذة آمنة وضحت الرؤيا
تحياتي الحبيب النصري ..
|
Post: #15
Title: Re: انتو منو الصحفى الاسمو (امل الكردفانى) ؟
Author: النصرى أمين
Date: 08-07-2019, 02:13 AM
Parent: #14
شكرا امنة
جبتى النجيضه
Quote: وسبب الهجمة على تجمع المهنيين وقحت.. إنه في البداية كتب نقد عادي زينا كلنا..
لكن قاموا مستجدين السياسة البيعلقوا بأسماء وهمية شتموهو وشتمو والدته الله يرحمها شتائم وسخة جدا.
وكذلك شتموا والده فائز الكردفاني الذي كان في مخابرات نميري. |
الظاهرة دى انا عايشتها (وراقبتها ) هنا فى البورد عشرات المرات ...
اعضاء هنا تحولوا من معارضين للإنقاذ الى مؤيدين ليها بسبب تطرف بعض السذج من ممارسى السياسة.
الواحد فيهم ما صدق عمل ليه يوزر نيم و باسوورد و اعلن نفسه سياسى لا يشق له غبار و اشتغل فى خلق الله شتيمة و اساءات دون ان يدرك خطورة افعاله .
السياسى الحقيقى (و عندنا منهم عدد كبير فى البورد) هو من يتناول المسائل السياسية المعقدة بحكمة و طولة بال.
فى نفس الوقت (الضحية) برضه مفروض ما يتفاعل مع هؤلاء المهرحين السياسيين و ما يغير مواقفه فقط عشانهم .
تحياتنا للاخ امل الكردفانى و نعتذر له مما تعرض له من هجوم من مستجدى السياسة .
|
Post: #16
Title: Re: انتو منو الصحفى الاسمو (امل الكردفانى) ؟
Author: حسين عبد المجيد
Date: 08-07-2019, 09:37 AM
Parent: #15
| Quote: تحياتنا للاخ امل الكردفانى و نعتذر له مما تعرض له من هجوم من مستجدى السياسة . |
|
|