|
|
|
 Re: كفاءات سودانية في امريكا قابضة الجو ياريت (Re: علاء سيداحمد)
|
أبا عفان، سلام
ولعلاء ولإخواننا الموهوبين بتلك البلدان ..
ليتنا لا نمسك "أخاوييينننا" من إيدُم ال بتوجــِــعُم ..! فقرار ال coming home إن لم يتم ترتيبه بمحفّزات ذاتية جداً جداً، فلن تقُم له قائمة ..
ثم ثانياً، وُ دا المُهِم، ليست الـ Infrastructure و Superstructure تبعنا هي بذات المستوى الذي هو " بي غاااادي" ..!
لو تذكرون، لمّا أن فاضت آمالنا فرحاً وحبورا تلك الأيام البهيجات (ليس فقط أيام ظهور حزب البهجة!!) أبريلنا الانتفاضي 1985م كيف أن
محافظ بنك السودان، المرحوم عوض عبدالمجيد، قد سبقت مجيئه للمنصب، إرهاصات بهيلة بإنو سيصنع من "نقدنا" المنفوش بي "قَملو" مَــا لم
تأتي به الأوائل في صناديق النقد الأفرنجية والبلدية!! ثم جاء فازداد فرح الانتفاضيين ولكن!!
جااااطت الشغلة ساي!
| |
  
|
|
|
|
|
|
|
 Re: كفاءات سودانية في امريكا قابضة الجو ياريت (Re: محمد أبوجودة)
|
يا عثمان،
ما داير أقووولك: المزاج السوداني، في نوعية هذه "التشهيلات" دوماً عَــكران..!
سيّان لدى "القادم الموهوب" أو كان في مزاج ال"قاعد" خالي جيوب حتى من " أبوالنّوووم ذاتو" ثم ولا "عيوب!" ..
ولذلك قلّ أن ينجو فيها سِــنــّمار، قد شدّ بطون آل-يوينقات والآيربصات جايينا من بلاد العم سام، أو الخال بسّام أو ود العم يأجوج بن فلتكان لكي يقيل عثرتنا ..!
وُ "لومك عليْ" سيتعثّر هو!! ولن يجد مَنْ يقول له: لعاً لكَ..
| |
|
|
|
|
|
|
|
|
|
Re: كفاءات سودانية في امريكا قابضة الجو ياريت (Re: محمد أبوجودة)
|
اخي ابوجودة سلامات
ولو التفتنا شرق . وعاينا للكفاءات السودانية في العالم العربي حتموت بي وجع الفشفاش .
ولو جرجرك الحديث عن الكفاءات السودانية البتدير. الشركات الغربية من الصين ما عندك طريقة
الا فشفاشك ينفقع بعد الوجعة .
والله يا ابوجودة انا اذكر. تاريخ. امارة زي دبي . واذكر ما فعله فيها الساحر كمال حمزة .
وزي ما قال المسطول . قال كمال حمزة قلب الطره كتابة ههههههها . طال عمرك يا شيخ كمال
| |
|
|
|
|
|
|
|
|
|
Re: كفاءات سودانية في امريكا قابضة الجو ياريت (Re: علاء سيداحمد)
|
الاخ علاء سلامات
ود عمك الوزير باشمهندس زمراوي الرجل المشهور بي الاستقامة
حتي الامريكان منبهرين في الزول ده بجيب الافكار دي من وين .
لكن بتخيل انو زمراوي من انصار انك تبدع في اي مكان في الارض ودي
فكرة. جيدة . له التحية والتقدير.
..
لاحظ يا علاء حنك ود عمك زمراوي العاضي في اللغة .
| |
|
|
|
|
|
|
|
|
|
Re: كفاءات سودانية في امريكا قابضة الجو ياريت (Re: Osman Musa)
|
أأأأ أبو النسب
يبدو أننا في موجة واحدة "دايما"
هذا الصباح جاتني رسالة من بت أعمك قالت لي جو زارونا اليوم في واشنطون في شقتنا فلان وفلان وفلانة وفلان عيييييك زي عشرين كدا
تتصور كل ما جال في خاطري بعد قريت الأسماء قلت هسي دا ما مجلس وزراء جاااااهز في السودان
قال الأستاذ محمود
يجي يوم الثورة دي عاااادي يكون حايمين في شوارعها ناس في قامة عبدالقادر الجيلاني (أو لعله قال أكبر من عبدالقادر الجيلاني) (أو كما قال)
السودان موعود بخير كبيييييييييييييير
كلم الوداعية الغواتيمالية (وجه ضاحك)
| |
|
|
|
|
|
|
|
|
|
Re: كفاءات سودانية في امريكا قابضة الجو ياريت (Re: عبدالله عثمان)
|
اخونا د. عبدالله عثمان سلامات
نعم موجة واحدة ومزاج شرب من بقنية المكنية لامن تترع بالحمد لله .
هسع عليك الله ود الخالة د. مصطفي الجيلي خلاف مدير جامعة الخرطوم تاني منو
يقدر. يرجع الجميلة ومستحيلة الي تليد مجدها ؟
اما العالم الخلوق عمر هواري داك مافي طريقة الا يلعب جناح ايمن في بنك السودان .
وبعد داك تعال شوف انبهال الدينيرو علي البلاد والعباد .
| |
|
|
|
|
|
|
|
|
|
Re: كفاءات سودانية في امريكا قابضة الجو ياريت (Re: Osman Musa)
|
الأخ عثمان والضيوف الكرام
والله موضوع البوست رائع وهام ويصب في مصلحة تنمية وتطوير بلدنا السودان إذا أمكننا الإستفادة من كفاءات ومؤهلات السودانيين في الخارج ..
لكن الحقيقة المؤلمة التي قد لا يعرفها الكثيرون .. أن السوداني في الخارج ليس كالسوداني داخل البلد .. السوداني في دول الإغتراب يعمل بكل جهد وإخلاص وتفاني .. يعمل (كالحمار) طول الليل والنهار .. ولكن ما إن تطأ قدماه أرض السودان حتى يتحول إلى كائن بشري كسول بطئ الحركات يذهب إلى العمل ظهراً ويرجع عصراً .. لا يهمه إلا الكلام والضحك والونسات .. يعني بإختصار كده السوداني لا يعمل في السودان كما يعمل في بلاد الغربة ..
ولكن مهما كان كلنا أمل بالإستفادة القصوى من الكفاءات السودانية عند عودتهم إلى السودان للمساهمة في تنمية وتقدم مجتمعنا ..
أنتم الآن تتحدثون عن المهندسين .. طيب أنا أسألكم: كم عدد خريجي كليات الهندسة في السودان؟ طبعاً بالآلاف .. كم عدد حاملي شهادات الماجستير والدكتوراه من المهندسين؟ طبعاً بالآلاف .. ومع ذلك عاصمة السودان الخرطوم ليست بها مجاري لمياه الصرف الصحي .. وهذا من صميم عمل المهندسين .. وهم يعيشون في السودان بالآلاف .. لكن لا أحد يهمه مشكلة مجاري مياه الصرف الصحي في عاصمة البلاد ..
| |
|
|
|
|
|
|
|
|
|
Re: كفاءات سودانية في امريكا قابضة الجو ياريت (Re: Ali Abdalla Hassan)
|
خد عندك برضو صديقى وابن عمى : الباشمهندس / عمر زمراوى محمد عثمان
وزير النقل والمواصلات فى ولاية الينوى الامريكية .
=====================
الحبيب علاء أننقا .. تحياتي ..
اولاد زمراوي رحمه من تلاميذي في مدرسة البرقيق الثانوية العامة في ذلك الزمن
وحسن الادارة والمقدرات أظن أنها جينة وراثية لأن والدهم رحمه الله عمنا زمراوي
كان رجل أعمال ناجح جداً .. وكان يجيد فن التعامل مع الناس في العلاقات والتواصل
على ما أذكر كان أكبرهم بكري .. رحم الله العم زمراوي ..
التحية للحبيب عثمان .. مودتي
| |
|
|
|
|
|
|
|
|
|
Re: كفاءات سودانية في امريكا قابضة الجو ياريت (Re: علي عبدالوهاب عثمان)
|
لكن الحقيقة المؤلمة التي قد لا يعرفها الكثيرون .. أن السوداني في الخارج ليس كالسوداني داخل البلد .. السوداني في دول الإغتراب يعمل بكل جهد وإخلاص وتفاني ..
يعمل (كالحمار) طول الليل والنهار .. ولكن ما إن تطأ قدماه أرض السودان حتى يتحول إلى كائن بشري كسول بطئ الحركات يذهب إلى العمل ظهراً ويرجع عصراً ..
لا يهمه إلا الكلام والضحك والونسات .. يعني بإختصار كده السوداني لا يعمل في السودان كما يعمل في بلاد الغربة ..
====================================
الحبيب علي عبدالله .. تحياتي ..
كلامك صحيح 100% هذا هو الداء والسقم ..
أنا لا أنكر وابريء نفسي .. أعمل مع الكفيل في السعودية كأنني في خلية نحل
حضور في المواعيد .. خروج في المواعيد بل احياناً نتأخر حتى نكمل العمل
ونحن من الجيل السابق في السودان قبل هذه الانهيارات الاقتصادية المريعة
كانت لدينا معايير مختلفة : الموظف المرتب والذي يحترم المواعيد والمدير ( كنا نقول ده جبان)
والتلميذ الذي يسمع كلام المدرس ويكون نظيف في الملبس ويحل الواجبات ( خايف من المدرس)
الرجل المنظم في شئونه العائلية وحريص على المنزل ولا يخرج إلا بمواعيد ( خايف من زوجته )
شكراً كثير حبيبنا علي .. علينا ألا ندفن رؤوسنا في الرمال كما النعامة .. لا بد من جلد الذات والاعتراف بالخطأ
في الشمالية عندنا في مشروع أمطار ( أماراتي ) المدير كان هندي فصل اكثر 30 عامل وموظف بسبب الغياب
وعدم الانتظام والجدية في العمل .. ( مأتم ، سماية ، زواج ... إلخ ) وجلب عمالة من الاخوة الاثيوبيين ..
الحل : ان نعترف وبصوت مرتفع عن عيوبنا في مجال الانتاج ثم نبدأ في حل المشكلة
شكراً حبيبنا عثمان .. احتلال للبوست .. بس كلام الحبيب علي 100% ينطبق علينا .. غايتو أنا سوف أعترف من أجل الوطن
| |
|
|
|
|
|
|
|
|
|
Re: كفاءات سودانية في امريكا قابضة الجو ياريت (Re: علي عبدالوهاب عثمان)
|
موضوع دسم ياود موسى
السودان فعلاً يحتاج لبناء جاد في المرحلة المقبلة
لكن أنا ميّال لوجهة نظر جودة .. لأنه المرحلة التي يمر بها السودان الآن
مرحلة حرجة جداً ومليئة بالتحديات و(المغارز)
في المرحلة دي ما محتاجين بنى تحتية أو مشروعات ضخمة
محتاجين على الأكثر برامج اسعافية وازالة آثار الحكم البائد
محتاجين نخفف علي أهلنا مرارة الظلم والمسغبة
محتاجين نأسس نظام عدلي فوري يرجع الحقوق لأهلها
عاوزين نرجع ثروات البلد المنهوبة .. نوزن كفة الميزان
عاوزين نحاسب .. وكل واحد وجرمه يأخذ جزاءه
عشان عيون أطفالنا ما تضوق الهزيمة والمواطن يشعر بالرضا والأمان
لتجهيز الناس للفترة المقبلة .. فترة المدنية الجد جد والديموقراطية
كسرة:
في مبادرة من الكنداكة مزاهر صالح من ولاية فريجينا تقودها مع كنداكات أخريات
مبادرات جميلة ومهمة لكيفية ممارسة المدنية والديموقراطية
وأكيد ممكن خبراء الخارج والداخل يقدموا مبادرات في شتى الميادين
تخدم الوطن والمواطن .. وكل مبادرة ولها وقتها
مودتي
| |
|
|
|
|
|
|
|
|
|
Re: كفاءات سودانية في امريكا قابضة الجو ياريت (Re: علي عبدالوهاب عثمان)
|
اخونا الجميل استاذ علي عبدالوهاب سلامات
عان جاي . اوعك تقول لي ما تميت بيت العيال والحنك بتاع السيخ
والطوب والحركات دي .
مطلوب حضورك تاني وكراعك فوق رقبتك يا اخوي لترميم مدارس البرقيق .
المدارس محتاجة جلط وتشجير والمحابر لابد من اعادتها الي ادراجها .
الناس صحت الصباح وشربت بي ثقافة المدنية والتمدن الشاي .
الناس دايرة. تمشي في دروب بدون دقداق .
لابد. من عودة. القماري. لابد عودة الكفاءات الحبيبة الي الجنة .
| |
|
|
|
|
|
|
|
|
|
Re: كفاءات سودانية في امريكا قابضة الجو ياريت (Re: Ali Abdalla Hassan)
|
اخونا الكريم علي عبدالله سلامات
والف شكر. علي دعم بوست الكفاءات .
اها بس التطور. ده هو القامت من اجلو الثورة .
تطور. شامل .. تطور. نبتدي من نظافة زريبة غنمنا
ولي مدارسنا و جامعاتنا
دايرين كفاءات تشارك في عودة اي شي لي هيبتو الكانت عليه
سنة 1958 .
لابد من عودة المعلمين كلهم .
| |
|
|
|
|
|
|
|
|
|
Re: كفاءات سودانية في امريكا قابضة الجو ياريت (Re: Osman Musa)
|
سلام اخونا الحبيب عثمان ود موسى
و كل عام وانت و الاسرة بألف خير
موضوع مهم جداً خاصة بعد ما اعلن المجلس العسكرى و قوى الحرية و التغييرعدم مشاركة حاملي الجنسيات الغربية
في المناصب الدستورية , والزمهم بالتنازل عن جنسياتهم الغربية , كلام غريب
لدي في اوروبا عدد من الاصدقاء متميزين جداً و يحتلون مراكز مرموقة منذ سنوات طويلة
و هناك في مقر الامم المتحدة في نيويورك موظفين كبار يشار اليهم بالبنان
الفترة الإنتقالية تحتاج لهذه الكفاءات لنفخ الروح في جنازة البحر التي تركها الكيزان
لابارك الله فيهم حيين و ميتين
| |
|
|
|
|
|
|
|
|
|
Re: كفاءات سودانية في امريكا قابضة الجو ياريت (Re: خضر الطيب)
|
الاخ علي عبد الله
لك التحية و التقدير
الإنسان السوداني ليس كسول كما تعتقد و تعتقد بعض الجنسيات الأخرى من الذين يسعون لتهميشنا و مضايقتنا في الوظائف في الخليج
الناس الذين تميزوا في الخارج عملوا في بلاد لديها نظام و لديها مؤسسات و هي دول رسخت لبناء الإنسان أولاً
و لديها قوانين و نظم وإدارة سليمة خالية من الفساد و الرشاوي و المحسوبية و تحاسب كل مخطئ
و القانون فيها يحكم الجميع بلا تمييز حتى لو كان الرئيس او وزراء حكومته
لكن للأسف السودان لم يكن في يوم من الأيام دولة مؤسسات إلا في فترة الحكم البريطاني
يبقى بالتالي لا تلوم الإنسان السوداني بل يجب عليك ان تلقي باللوم على الأنظمة التي تعاقبت على حكم السودان
و اغلبها انظمة شمولية فاسدة لم يكن همها بناء السودان رغم موارده التي لا تتمتع بها كثير من بلدان العالم
من اراضي زراعية شاسعة , و ثروة حيوانية هائلة , و مياه جوفية , و امطار , ونهر يجري من اقصاها الى اقصها
بطول لا يقل عن سبعة آلاف كيلو متر ك أطول مسافة للنيل في دول المجرى و رغم ذلك و النيل على مرمى حجر يعاني الناس من ندرة المياه ورداءتها
و الصمغ العربي الذي تميزت به عن كل دول العالم , و جبال من الذهب و الذي كان واحداً من الأسباب التي اتت بالاستعمار
و مناطق اثرية صنفتها اليونسكو بانها من أهم المناطق الأثرية في العالم , و حضارة تعد من اكثر ثلاثة حضارات في افريقيا قبل حضارة كانو النيجيرية و اكسوم الحبشية
ما ينقصنا هو دولة المؤسسات التي لم ننعم بها منذ ان خلقنا و حتى تاريخ كتابه هذه المداخل
بلاد يتم فيها قطع التيار الكهربائي لا يمكن ان تنهض في اي مجال و خاصة في مجال الصناعة
و التي تتطلب قدرة كهربائية عالية لخطوط الإنتاج , اياً كان حجم هذا الإنتاج سواء كان صناعات خفيفة أو ثقيلة
تعطل كل شئ منذ ان وطئت اقدام الكيزان ارض السودان الطاهرة البكر , لا بارك الله في الكيزان
تم تدمير ممنهج لكل شئ في المجال الصحي و الخدمي و الزراعي و الصناعي .. كل شئ .. كل شئ
| |
|
|
|
|
|
|
|
|
|
Re: كفاءات سودانية في امريكا قابضة الجو ياريت (Re: خضر الطيب)
|
الدكتور أحمد التجاني عبد الرحيم المنصوري
سوداني تم اختياره المدير العام للمجمع الاوربي لرجال الاعمال
مدير عام ومؤسس : شركة الروابي - بامارة دبي
إن شركة الروابي للألبان هي الشركة الرائدة في انتاج وتسويق الالبان في دولة الامارات العربي المتحدة و قام بإنشائها الدكتور أحمد التجاني عبدالرحيم المنصوري عام 1989 م
حيث تعتلي الشركة حالياً المرتبة الأولى في سوق الألبان والعصائر بدولة الإمارات العربية المتحدة وحازت الشركة على جائزة افضل شركة مواد غذائية للمنطقة العربية في مارس 2010 بأكسفوررد من المجمع الأوروبي لرجال الأعمال في بريطانيا ولقد ضمنتها مجلة فوربس من بين افضل 12 ماركة تجارية في الوطنن العربي.
شخصية سودانية فذة ومبدعة في مجال الاعمال ... تستحق مننا كل التحية والاحترام
منقول بتصرف من : SUDAN Celebrity
By: Hamza Kabosh
| |
|
|
|
|
|
|
|
|
|
Re: كفاءات سودانية في امريكا قابضة الجو ياريت (Re: السر عبدالله)
|
كفاءات الخارج بل حتى المقيمين في الخارج
دورهم كان عظيم جدا أيام الثورة..
حتى صغارهم طلعوا لايفات وبلغة انجليزية حقت ناس البلد
خاطبوا العالم اجمع وشرحوا له ما يحدث..
وجودهم في الخارج ضروري وافيد بكثير..
ولاننسي دكتور بكرى وما قام به..
يبقوا في الخارج ويشكلوا لوبي ضغط على حكومات
الغرب لدعم السودان وارفع العقوبات..
ول يكونوا حلقة وصل بين السودان والغرب عند بدء الثورة الثانية
ثورة التنمية والنهضة
| |
|
|
|
|
|
|
|
|
|
Re: كفاءات سودانية في امريكا قابضة الجو ياريت (Re: ombadda)
|
اخينا الكريم امبدة سلامات
والف شكر. علي المرور. والمشاركة .
نعم. خروج المهاجرين في المدن والولايات والبلدان المختلفة . كان نجدة للثورة .
والدعم. المادي الضخم. هو. من ساعد في استمرار. وقوة الوقفات .
لهم. جميعا المحبة وكامل. التقدير .
| |
|
|
|
|
|
|
|
|
|
Re: كفاءات سودانية في امريكا قابضة الجو ياريت (Re: هشام الدرديري)
|
الاخ المفضال هشام سلامات
رجل الاعمال الناجح المنصوري زيو. كتير . والسوداني لو وجد
مساحات النجاح البيتمدد. فيها. بيتمدد .
بالمناسبة في. رجال اعمال سودانيين ضخمين جدا في السعودية
وامربكا وقطر. وسويسرا ونيجيريا . وكمان عندهم نفوذ. قوي .
لهم التحية .
| |
|
|
|
|
|
|
|
|
|
Re: كفاءات سودانية في امريكا قابضة الجو ياريت (Re: خضر الطيب)
|
اخونا استاذ خضر الطيب سلام
المجلس العسكري ما من حقو يفتي في زي دي الحقوق .
لو المجلس العسكري فكر من ناحية وطنية في الفترة دي كان
ساعد في كل. الحلول. من اجل. النهضة الشاملة .
وزير. الداخلية في عهد تاتشر. في ال uk كان بريطاني سوداني
من مواليد عطبرة .
وفي بدايات قيام الكويت والامارات والسعودية وقطر ما كان قامت
لي ديك البلدان قومة لو. لا. توظيف سودانين في وظايف متقدمة
في ديك الدول .
نرجو. للسودان الحبيب التقدم والازدهار يا خضر يا اخوي . لقد هرمنا
| |
|
|
|
|
|
|
|
|
|
Re: كفاءات سودانية في امريكا قابضة الجو ياريت (Re: Osman Musa)
|
مرحب حبيبنا ود موسى
ليس من حق المجلس العسكري اصدار اي قرار يتعلق بهذا الأمر
كل ما قلته عن الكفاءات السودانية التي ساهمت بصورة كبيرة في نهضة الخليج هو صحيح
و اعرف اعداد كبيرة منهم
في نهاية الخمسينات كانت المانيا قد قررت انشاء تلفزيون السودان
و اعطت الفرصة لعدد كبير من خريجي المعهد الفني و من خريجي جامعة الخرطوم حينها
للدراسة لمدة سنتين في المانيا , سنة لدراسة اللغة الالمانية و سنة للتخصص في مجال التلفزيون
و بعد تخرجهم سافر عدد منهم الى الإمارات لتأسيس تلفزيون ابوظبي
منهم البروفيسور علي محمد شمو و عبد العاطي سيد احمد و حسن احمد عبد الرحمن
عليه يجب ان يعود للسودان بهائه المفقود بسبب الأنظمة الفاسدة التي تعاقبت على فترات الحكم
Quote: اخونا استاذ خضر الطيب سلام
المجلس العسكري ما من حقو يفتي في زي دي الحقوق .
لو المجلس العسكري فكر من ناحية وطنية في الفترة دي كان
ساعد في كل. الحلول. من اجل. النهضة الشاملة .
وزير. الداخلية في عهد تاتشر. في ال uk كان بريطاني سوداني
من مواليد عطبرة .
وفي بدايات قيام الكويت والامارات والسعودية وقطر ما كان قامت
لي ديك البلدان قومة لو. لا. توظيف سودانين في وظايف متقدمة
في ديك الدول .
نرجو. للسودان الحبيب التقدم والازدهار يا خضر يا اخوي . لقد هرمنا |
| |
|
|
|
|
|
|
|
|
|
Re: كفاءات سودانية في امريكا قابضة الجو ياريت (Re: خضر الطيب)
|
مرحبا عثمان و ضيوفه.
السودان دولة استشرى فيها الفساد. لذلك لا يستطيع العمل فيها الناس النضاف. و لا يتجمع حول الجيفة غير الذباب.
هل تعتقد لو مهندس اقترح قفل طريق الموت و عمل تحويلة حتى ينشأ طريق جديد من مسارين تلاتة فى كل اتجاه.. هل ستسمع له الحكومة؟ و تكلفة المشروع ممكن تمولها ادارة الزكاة وحدها.. يعتبروها دعم إبن السبيل.
النظام قربة مقددة يا سيدى.. لا تطلب من الناس النفخ فى قربة مقدودة.. لو شئت اجيب ليك عشرات الأمثلة لمغترببن عادوا بمدخراتهم و حاولوا ثم عادوا بخفى حنين.
واحد رجع من السعودية و عاوز يعمل مدرسة فى القضارف.. المسؤولين طوالى ظنوا انه حصل على مبلغ ضخم من أحد الامراء و عاوز يعمل ليه مديريسة كدا عشان يغشهم و ياكل الباقى.. ديل مبرمجين عشان ما يفهموا اى شئ اسمه الاخلاص للوطن و التضحية من أجله.. عاوزين يشاركوه فى النص الذى اعتقدوا انه حوله لنفسه.
كيف تشتغل فى بيئة زى دى؟
لو انصلحت الحال موش السودانيين بس.. بل الخواجات حيجو يغتربوا في السودان.
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
Osman Musa
علاء سيداحمد
محمد أبوجودة
عبدالله عثمان
Ali Abdalla Hassan
علي عبدالوهاب عثمان
عمر أبوعاقلة
خضر الطيب
هشام الدرديري
السر عبدالله
ombadda
Abureesh
فيس بوك
تويتر
انستقرام
يوتيوب
بنتيريست