أنواع الإستعباد العصري والأصنام العصرية

09:25 PM August, 04 2019

سودانيز اون لاين
منصوري-
مكتبتى
رابط مختصر

كل ما ينقص حريتك فى القول والفعل والكلام هو إستعباد ،،
لأن العصر عصر حرية وديمقراطية وإشتراكية ومساواة اجتماعية ،،
هل الشعب قادر أن يستوعب كل هذه المسميات بأساميها تماما وماذا يعنى ، هل كل المتعلمين تعليم دينى وتعليم مدني ،قادرين يصيغوا ويستوعبوا ويهضموا ويجتروا هذه المعانى ؟
نبدأ لننطلق،،

استعباد العمل ،، استعباد الرأسمالية ،،،

إذا انت عندك مصنع نعلين مثلا ،،
وانا شغال معاك عامل ،، دوامى وزمن شغلى معاك 12 ساعة فى اليوم ،، مفروض الدوام يكون 8 ساعات ،، وتكون عندك 3 ورديات للمصنع فى اليوم،، انت استغليت العمالة وقسمت اليوم لى ورديتين 12 ساعة 12 ساعة واكلت حقنا واختصرت وربحت وردية
انت تجينا فى مصنع النعلين يا صاحب المصنع راكب عربيتك توقفا قدام قراش المصنع ،، عامل المكتب بستلم منك المفتاح يدخل السيارة فى القراش ويجيب لك المفتاح ، تدخل المكتب الفراشة تجيب ليك الشاى والقهوة ،، بعدها تمر على آليات المصنع ،، ومحقب ايديك لى ورا،، والكل خايف منك وعامل نفسو انو مندمج مع المكنة القدامو
حقيقة ام كذب،، خايف منك تقطع رزقو
انت كدا نقصت حريتى ،، واستعبدتنى وجعلتنى منافق ،، خايف على لقمة اولادى ، شغل بلا شغل انا مدنقر فوق ماكينة التصنيع خايف منك،،
كدا استعبدتنى ونقصت حريتى ،،
اجى المصنع بى عجلة ،،، احتاج لزمن اكبر ،، قطعتو من زمن ولادى ومرتى ،، وانت زمنك عندى تام،، لو تأخرت تخصم منى
وانا محتاج لأى جنيه عندك ،، لأنو اى جنيه عندها خانة عندى ،، لو نقصت ،، انا انتهيت
اقضى 12 ساعة فى المصنع ،، واطلع اجرجر كرعينى ،، وال 12 ساعة الاخرى من اليوم فيها واجبات اسرة وطبطبة على اطفال وتعازى ومشاوير ،، وشوية نوم،، وحق الزوجة مهضوم ،، اقوم ام لا أقوم،، وقليل من النوم،، بكره اعيد الكرة على مصنعك
تدينى الفتات
وانا عصب انتاجك
تدخر قروشك ملايين فى البنك والبنوك من عرقي
وانا مافى شىء ادخروا غير ولاد ولدتهم فى حالة فقر مدقع،،
،،،،،،
قروشك المدخرا دى انا السبب فيها
تسوق اسرتك وتهرب من حر السودان انت وولادك وبناتك ،، تروح تقضى اجازتك فى بلاد الواغ واغ
وتقضى اجازة الربيع فى بلاد لا يعرف اليها الملل سبيلا
وانا اجازتى ما قادر امرق فيها من البيت ،،
هذا نوع من انواع الاستعباد العصري
علاجو سلام حرية عدالة ،،،
سلام يعنى (سلام قولا من رب رحيم ) مسلم لا دينى ،، اى حاجة هو منى فى سلام
حرية ،، يعنى اضمر ما اشاء واقول ما اشاء واعيش ما اشاء ،، لا قيود الا قيد ان تنتهى حريتى حينما تبدأ حريات الآخرين
عدالة يعنى عدالة التوزيع ،، محو الطبقات ،،
اشتراكية يعنى ،،
واكبر من الاشتراكية هى الشيوعية ،، ولكنها ليست شيوعية ماركس ولا لينين ،، او قل هى بعض من شيوعية ماركس ولينين
الشيوعية هى بمعناها الجديد (شيوع خيرات الارض بين الناس)
قال صلى الله عليه وسلم فى حديث بإسناده
رحم الله الاشعريين، إذا أملقوا ، أو كانوا على سفر ، افترشوا ثوبا ووضعوا فيه ما عندهم ، واقتسموه بالسوية ، أولئك قوم هم مني وأنا منهم )
وقال الامام العادل سيدنا عمر بن الخطاب( الناس شركاء فى ثلاث، الماء، والكلأ، والنار )
يعنى بمعنى هسه
فاتورة الموية ،، والملوخية ، والكهرباء مجان من الدولة
،،،،،،
نحقق قسط من حريتنا ،، بى حاجات زى دى،،

الأصنام كانت حسية 360 صنم حول الكعبة والناس يطوفون حولها ،، تراها دييييك أصنام مجسمة وقاعدة (أَلَا لِلَّـهِ الدِّينُ الْخَالِصُ ۚ وَالَّذِينَ اتَّخَذُوا مِن دُونِهِ أَوْلِيَاءَ مَا نَعْبُدُهُمْ إِلَّا لِيُقَرِّبُونَا إِلَى اللَّـهِ زُلْفَىٰ إِنَّ اللَّـهَ يَحْكُمُ بَيْنَهُمْ فِي مَا هُمْ فِيهِ يَخْتَلِفُونَ ۗ إِنَّ اللَّـهَ لَا يَهْدِي مَنْ هُوَ كَاذِبٌ كَفَّارٌ )
،،،،
زى ما كان العهد فى الاصنام الحسية ، هسه صارت الأصنام معنوية ، ولعمري هذه اكبر واصعب واخطر على نفس المسلم السالك المترقي،،
ظهرت اصنام
حب الجاه، حب السلطة ، حب التكبر ، حب الغرور ، حب الغطرسة ، حب الخيلاء،، حب المال، وهذه تجلب اصنام ،، البخل ، الشح ، الرياء، عدم المروءة ،، الحسد ،، الغيره ،، التشفي
،، وهى تاكل الحسنات كما تاكل النار الحطب،، هذه هى الأصنام الجديدة ،، بعدما كانت اصنام مجسمة يحتويها المكان الخارجي،، دخلت جوه الإنسان بقت اصنام داخلية يحتويها قلب الإنسان وفؤاد الإنسان ،، أصنام ترانسستور ،، تماشت مع العصر ،، زى ما تحول الراديو ابو بطارية وأريل خارجي الى راديو ترانسستور الى راديو صغير الى كمبيوتر الى موبايل فيهو كل الدنيا حولك ،، كذلك تحولت الاصنام الى التى ذكرنا ، والناس لا تلقى لها بالا ، وهى وبالا على سحق العمل ،، ومحق العبادة ،، وتقديم الأنا على الأنت فى عمل الخير للناس وخدمة الناس والسهر على راحتهم

تحريم وسائل الانتاج على الفرد، او الافراد القلائل، دى ضرورية ،، عشان ما تنشأ طبقة مجتمعية، تستنكف ان تتزاوج او تتعامل مع عامة المجامع، ولا ينشأ نوع جديد من الاستعباد العصري، انت يكون لك شركات ، وانا يكون لى صدقة وزكاة
قال صلى الله عليه وسلم الصدقة اوساخ الناس، لا تجوز لمحمد ولا لآل محمد
،،،،،
وعرف عنه عليه السلام ، أنه كان لا يأكل مال الصدقة ، ولكنه يقبل الهدية
،،،د،،

تحريم وسائل الانتاج على الفرد ، او الافراد القلائل دى موش زى قصة التأميم العشوائى بتاعة مايو ونميري ديك،،
دى طريقة مدروسة فى جعل الشعب كلو هو صاحب وسيد الشركات والمؤسسات ،، وهو الذي يصدر وهو الذي يستورد وهو الذي ينصع، ينوب عنه عماله ومهندسيه ودكاترته،، وياخذون نسبة ربحية على ذلك ، وجل مال الشركات يروح الى خزينة دولة الشعب ، ويترجم فى خدمات مجانية ، علاج ، تعليم ، بنية تحتية ،، أدوية منقذة للحياة وهكذا

Quote: الشيوعية هى بمعناها الجديد (شيوع خيرات الارض بين الناس) قال صلى الله عليه وسلم فى حديث بإسناده رحم الله الاشعريين، إذا أملقوا ، أو كانوا على سفر ، افترشوا ثوبا ووضعوا فيه ما عندهم ، واقتسموه بالسوية ، أولئك قوم هم مني وأنا منهم ) وقال الامام العادل سيدنا عمر بن الخطاب( الناس شركاء فى ثلاث، الماء، والكلأ، والنار ) يعنى بمعنى هسه فاتورة الموية ،، والملوخية ، والكهرباء مجان من الدولة ،،،،،، نحقق قسط من حريتنا ،، بى حاجات زى دى،،

بدرية سليمان خربت البلد جابت ليها تاصيل شيوعية بالدين , كلامك عن مفهوم الاشتراكية في الاسلام صحيح تماما وده كان سبب الخلاف في الفتنة الكبرى بين مدرستين اشتراكية سيدنا علي وراسمالية سيدنا معاوية
بس ما افتكر الشيوعية في حوجة للتغليف الديني نختلف معاهم لكن عندهم مدرسة اقتصادية عالمية والصين اكبر مثال تنطاح امريكا اقتصاديا الان

نعم خالد قد نختلف معهم فى بعض التفاصيل ...نعم عندهم مدرسة اقتصادية ،،
لكن ماهو مضمون مدرستهم التى ينادوا بها ؟ هى محاولة الاشتراكية صاح؟
،،،،،
الماركسية ليست هى الشيوعية
وانما هى مدرسة من مدارس الشيوعية تخرج ناس، ناس يسقطوا ناس يدخلوا الجامعة ،،

العبرة بالتطبيق،،
النظريات اذا ما لامست ارض واقع الناس يكون تهويم
،،،،،،
فى معانى سامية تتادى بها الشيوعية تتلاقى فى الطريق بحاجات ينادى بها الاسلام مثلا،، موش عملية تغليف لها من الدين
موش محاولة سند لها من الدين
الاعمال الخالدة هى سند نفسها بنفسها ، ولا تحتاج لسند
هل الاشتراكية فى الدين موش فى
هل الديمقراطية فى الدين موش فى ؟
هل الشراكة فى خيرات الارض فى الدين موش فى؟
شيوعي موش معناه ملحد لالالا،،
شيوعية يعنى شيوع خيرات الارض بين الناس
وهذه معانى سامية ،، هسه الزول اءا جاب ليك معانى سامية ما بتاخدها منو لمجرد انو شيوعي مثلا
اذا قريتكم شالا سيل او بحر جوا ناس شيوعين وززعوا ليكم بطاطين
ما بتأخذها منهم لانهم شيوعيين مثلا
ماهو الثورة قامت عشان نسمع راى اى زول ،،
مافى تسلط
مافى حجر
مافى تكميم افواه
ماهو الزمن كلو نسمع عن سبرة الشيوعيين عند الكيزان
خلونا مرة نسمع عن سيرة الشيوعين عند خطباء الشيوعيين
خلونا مرة نسمع عن سيرة الجمهوريين عند متحدثي الجمهوريين
خلونا نسمع من اى جهة ،،عشان يكون حكمنا لها او عليها
يعنى منابر حرة نفتح ليها جميع اجهزة الاعلام بالتساوى
بدون تشنج
بدون ادعاء بأنك حارس دين الله فى الارض، غيرك كافر ،،مشرك ،، وهكذا
دى المعانى السامية التى من اجلها ثار الشباب والكنداكات

اخونا المنصوري كان عايز تقنع الحراس ديل اقنع اصلا بياكلوا عيش من الشعوذة باسم الدين

هههههه
والله استاذ خالد البي ياكلوا باسم الشعوذة إقناعهم صعب