Post: #1 Title: ياجمة حشا المغبون من يفرح اخيرا .. والينعم السودان بالحرية والسلام والعدالة Author: بدر الدين الأمير Date: 08-03-2019, 05:16 AM
05:16 AM August, 02 2019 سودانيز اون لاين بدر الدين الأمير-دولة قطر مكتبتى رابط مختصر
(adsbygoogle = window.adsbygoogle || []).push({});مبروك لامات واباء الشهداءمبروك لروح كل من رحل وهو يحلم بالحرية والسلام والعدالة فى السودان مبروك للمنتصرين كندكات وشباب الثورة رفاق الشهداء الماتراجعت سلميتهم امام كل البنادق والقتل والسحل
Post: #2 Title: Re: من يفرح اخيرا يفرح كثيرا مبروك لروح شهداء Author: بدر الدين الأمير Date: 08-03-2019, 05:25 AM Parent: #1
ياجمة حشا المغبون الكلمات لحميد الغنا لمصطفى سيد احمد ياجمة حشا المغبون فى الزمن الهلاك منجا تكون حانت مواعيدك يكون وكت المطر قد جا شرق ضو البلد عيدك وطابت نسمتو العرجا نكون ياطيبة تمينا وبدينا ولفنا .. غنينا الغنا الراجا وبدت كاس الموده تلف عشق من حلفا لى راجا الف .. الف حبابك الف إيه يا عنزنا العرجا يالبّانا فى الزمن المراحو نشف يا جبّانا للخوانا والعوج البدور ويلف دميرتنا البتروى جرف بصيرتنا وعرش بيتنا تمِيراتنا اللى كانو وقف أصابعين الرجال رصاص شعر راس البنيه سقف تكون دارة الزمان عمرت نكون لمينا فى الفاتو تكون فاقت ملامحنا تضاريسنا القبيل غمرت دُغش ساقت بوابيرنا وندت ساقت بوابيرنا وندت شتلات بعد ضمرت ضُراعيك يا الولد كبرت مراعيك يا البلد كترت خدار .. خدرت غزار .. غزرت غزارا زين برغم الصيف وصناتو برغم البين وأناتو عصافير الجلد قدرت تباصر نسمه منتحره وتطمئن غيمة مندحره تضاير الغابة والصحراء من الغمه وضلاماً شين ومنك ياقريد ننفك تكون حلت عقدة الدين عُقب سيرة البلد سارت على النغمه العديل والزين بعد هالحال بلامرسال يجو العمال يجو الكداح يجو الناس البخبرو شليل وشقيش راح وقمريتين جناح يندلى فوق الصاح من الغفله ورياح الليل وللدنيا الجديده جناح صباح ينسله شدة حيل فياخيالا عدو الخيل ويالطيبه البتمله العين مدى ونباه فى حز القلب غنوه وآه حنان بلدو وحنين منفاه يابت العز ياست الجاه ياهسعتينا يابكرانا يا ماضينا يا بعدين نكون كُنا وبقينا متين متين نقدح مواعيدك مواعيدنا نساورك وين
Post: #3 Title: Re: من يفرح اخيرا يفرح كثيرا مبروك لروح شهداء Author: بدر الدين الأمير Date: 08-03-2019, 05:28 AM Parent: #2
Post: #4 Title: Re: من يفرح اخيرا يفرح كثيرا مبروك لروح شهداء Author: najma Date: 08-03-2019, 06:01 AM Parent: #3
مبروووك يابدر غني يا خرطوم و غني و شدي أوتار المغني و ضوي من جبهة شهيدك أمسياتك و اطمئني
نحن منك ريح و هبت نار و شبت في وجوه الخانوا إسمك يا جميلة و نحن يا ست الحبايب من ثمارك في دروب الليل نهارك و قبل ما يطول إنتظارك نحن جينا
ديل أنحنا القالوا متنا و قالوا فتنا و قالوا للناس إنتهينا جينا زي ما كنا حضنك يحتوينا
و لما فارسك فينا هب و عب حجرك بالمحبة و بالأماني صحى نار الثورة تاني و جانا داخل زي شعاع الشمس من كل المداخل جانا أقدر خت من فوق كتفك إيدو وهز بالمنشور و بشر يومها فرهد في عيونك غصن أخضر و فرحة أكبر من شجونك و السلاسل يا جميلة
يومها كان ميلاد شهيدك يلا غني و لاقي عيدك و لي ثمارك لقي إيدك جيل مكافح حل جيدك و حل قيدك
و من غضبنا الحرو لافح ياما باكر من زنازين العساكر نبني مجدك و مهرجانك و كل قطرة دم عشانك و لي جديدك يا جميلة
Post: #6 Title: Re: من يفرح اخيرا يفرح كثيرا مبروك لروح شهداء Author: najma Date: 08-03-2019, 08:05 AM Parent: #4
قوم يا شهيد احضر معانا اللحظة دي.. صوت الهتاف جاك في السماء؟
شايفنا من فوق يا بطل؟
شايف العلم؟ شايف الحلم؟
شايف بدايات الطريق؟.. شايف نهايات الظلم؟
شايف جميل التضحيات كيف زيَّن الساحات و عم..؟🇸🇩
اهتف معانا من الجنان.. سامعينه صوتك يا بطل.. و ما نسينا موتك يا بطل..
في كل بنود الاتفاق.. حقك.. هو البند الأهم💙
...https://www.0zz0.com
#الدليل
Post: #5 Title: Re: من يفرح اخيرا يفرح كثيرا مبروك لروح شهداء Author: بدر الدين الأمير Date: 08-03-2019, 06:02 AM Parent: #3
يا سلمية عز التضحية وعيد من ضحو لاجلها وطنى ولا ملى بطنى
Post: #7 Title: Re: من يفرح اخيرا يفرح كثيرا مبروك لروح شهداء Author: بدر الدين الأمير Date: 08-03-2019, 10:06 AM Parent: #5
Quote: مبروووك يابدر غني يا خرطوم و غني و شدي أوتار المغني و ضوي من جبهة شهيدك أمسياتك و اطمئني
نحن منك ريح و هبت نار و شبت في وجوه الخانوا إسمك يا جميلة و نحن يا ست الحبايب من ثمارك في دروب الليل نهارك و قبل ما يطول إنتظارك نحن جينا
ديل أنحنا القالوا متنا و قالوا فتنا و قالوا للناس إنتهينا جينا زي ما كنا حضنك يحتوينا
و لما فارسك فينا هب و عب حجرك بالمحبة و بالأماني صحى نار الثورة تاني و جانا داخل زي شعاع الشمس من كل المداخل جانا أقدر خت من فوق كتفك إيدو وهز بالمنشور و بشر يومها فرهد في عيونك غصن أخضر و فرحة أكبر من شجونك و السلاسل يا جميلة
يومها كان ميلاد شهيدك يلا غني و لاقي عيدك و لي ثمارك لقي إيدك جيل مكافح حل جيدك و حل قيدك
و من غضبنا الحرو لافح ياما باكر من زنازين العساكر نبني مجدك و مهرجانك و كل قطرة دم عشانك و لي جديدك يا جميلة
يانجمة سلمية كلها فن وفنون وفنانين والقاتل اصبح المقتول والرهينة
Post: #8 Title: Re: من يفرح اخيرا يفرح كثيرا مبروك لروح شهداء Author: najma Date: 08-03-2019, 10:40 AM Parent: #5
https://www.0zz0.com
Post: #9 Title: Re: من يفرح اخيرا يفرح كثيرا مبروك لروح شهداء Author: بدر الدين الأمير Date: 08-03-2019, 10:41 AM Parent: #8
Post: #10 Title: Re: من يفرح اخيرا يفرح كثيرا مبروك لروح شهداء Author: خضر الطيب Date: 08-03-2019, 11:14 AM Parent: #9
أبو الأمير و ام الأمير دكتورتنا النجمة منال لكم التحية و التقدير و التحية و التجلة لشعبنا العظيم و لشبابنا و الرحمة و المغفرة لشهدائنا الابرار و عاجل الشفاء للجرحى و عودة المفقودين و المعتقلين يجب ان تكون من ضمن أولويات المرحلة
Post: #11 Title: Re: من يفرح اخيرا يفرح كثيرا مبروك لروح شهداء Author: بدر الدين الأمير Date: 08-03-2019, 06:12 PM Parent: #10
يا ود الطيب ياخى دايرين الصديقة المناضلة حفيدة النعيم ود حمد تنضم لكنداكات المنبر
Post: #12 Title: Re: من يفرح اخيرا يفرح كثيرا مبروك لروح شهداء Author: بدر الدين الأمير Date: 08-03-2019, 06:14 PM Parent: #9
