حبيبنا عزالدين .. البوست بإسمي إهداء من الحبيب خضر الطيب وهو يعرف مدى عشقي بهذا القديس والايقونة النوبية .. واسمراللونا إتكاءة فنية للنوبيين حتى لمن عاشوا قبل مائتين سنة .. وطلب الحبيب خضر ترجمة لهذه الاغنية بالنوبية .. وكأنه فتح لي وباب ومسار واسع للاندياح .. وبعد مداخلتين في البوست .. جاءت الكارثة ومجزرة الابيض ( ابناءنا ) لم نستطيع أن نواصل مررت اليوم لأتفقد البوست ووجدتك الحبيب عزالدين ملأت البوست بصور القرود
رغم أنني لا اميل أن اصف القرود بالقبح ولكن ما سبب ؟؟ ونحن في إمتداد العمر ومنذ تسجيلي في سودانيز لم اعتدي على شخص مهما قال
Post: #2 Title: Re: حبيبناعزالدين الفحل .. معقول صور قرود .. في Author: علي عبدالوهاب عثمان Date: 07-31-2019, 01:38 PM Parent: #1
حبيبنا عزالدين الفحل .. لا اصدق هذا أبداً .. مع أن صورة البروفايل عندك تحمل تلك الحفيدة الامورة ( حفظها الله ) على الاقل كان تراعي وجودها
لماذا صور القرود .. هل تقصد المرحوم محمد وردي أو أحد المتداخلين .. أول مرة منذ تسجيلي في سودانيز أدخل في مثل هذه الدائرة مع أن البوست تقريبا توقف مع موجة الحزن
لم أكن أتخيل يا حبيبنا عزالدين أن أرى مثل هذا التصرف
استغفر الله ماذا جرى .. بالغت يا عزالدين .. تنزل صور قرود في بوست بإسم وردي ..رحمه الله رحمة واسعة ..
تحياتي لك مع قدوم شهر الحج الفضيل .. والقرد أيضاً مخلوق في هذا الكون وله دور مثلنا في عمار الأرض ودورة الحياة فيها .. وفي هذا المنبر لدي بوستات كثيرة دافعت فيها عن الحمير .. والقرود أيضاً من خلق الله .. ولا يخلق ربك شيئاً عبثا..
ما زلت في غمرة الاستغراب والدهشة ..
التحية لك الحبيب عزالدين الفحل .. وكل حج وانت بخير ..
Post: #3 Title: Re: حبيبناعزالدين الفحل .. معقول صور قرود .. في Author: علي عبدالوهاب عثمان Date: 07-31-2019, 01:48 PM Parent: #2
تكلم فينا كما تريد .. ولكن الموضوع عن وردي القديس النوبي والالياذة اسمر اللونا .. صدقني هذه الرموز تمثل لنا قداسات وعمق تاريخي وانتماء
كل هذه الرموز تكحلها بصور القرود
والغريبة البروفايل فيها صورة تلك الحفيدة ( الأمورة) حفظها الله ما شاء الله ..
الحبيب عزالدين الفحل رجاء خاص لقد بلغ العمر ما بلغ لو كنا ايام الشباب معليش
فقط توضح لماذا هذه الصورة وما دلالتها ..
ما باقي إلا أطلب النجدة من واحد يجيد العامية للمساعدة الحديث صعب بالفصحى ..
لك التحية أينما كنت وأوصيك كأخ أكبر .. لا تتهكم بالقرود أو بمخلوقات الله عز وجل .. كل له دور في هذه الحياة ..
Post: #4 Title: Re: حبيبناعزالدين الفحل .. معقول صور قرود .. في Author: علي عبدالوهاب عثمان Date: 07-31-2019, 01:49 PM Parent: #3
أرجو حضورك . أيها الحبيب لأننا في ساعات الحزن وكان علينا أن نرابط في ( بيت البكا) في الابيض ولكن صور أحبابنا القرود سحب البساط
Post: #5 Title: Re: حبيبناعزالدين الفحل .. معقول صور قرود .. في Author: محمد محمد قاضي Date: 07-31-2019, 02:17 PM Parent: #1
معليش يا أستاذنا المبجل ومربي الأجيال والرجال الما بعرفك بجهلك وكل إناء بما فيه ينضح ورحم الله وردي الفنان.
Post: #6 Title: Re: حبيبناعزالدين الفحل .. معقول صور قرود .. في Author: adil amin Date: 07-31-2019, 03:14 PM Parent: #5
عندنا واحد اخلاقو ضيقة في الدامر مرة ماشي مع صديق عزيز اسمو عادل زي قال لي شوف اعكنن ليك الزول ده كيف ناداه يا صلاح موز اتلفت فال ليه انعل ابوك وابو الزول الماشي معاك ده داير عندي شنو !! هسة طرف الصوت وصلك ساكت عز الدين عنده تار مع حبيينا خضر الطيب حسب تجولي في البوستات هنا (انا شغال في امن المجتمع الدعم السريع بتاع بكوري ) ليقتم خاتنو قرض بي غادي انت ليس مقصود خلي الدستور يتثبت بس اعلان الدستوري في البورد عشان اويدهم ليك الاثنين وراء الشمس ..شرطو عينا مع اولاد دارفور في البورد ده هسة الحمد الله بريمة واسماعيل مافي
جعليين ولاد كلب امسحا في وشي يا ملك
Post: #7 Title: Re: حبيبناعزالدين الفحل .. معقول صور قرود .. في Author: adil amin Date: 07-31-2019, 03:16 PM Parent: #6
Quote: طرف الصوت وصلك
صوت دي يخيل لي غلط انا زهمرت ما بنفع مدرس ثاني سوط كده
Post: #8 Title: Re: حبيبناعزالدين الفحل .. معقول صور قرود .. في Author: علي عبدالوهاب عثمان Date: 07-31-2019, 04:14 PM Parent: #5
حبيبنا محمد محمد قاضي .. تحياتي يا محترم .. صدقني يا محمد أنا بالنسبة لي ما عندي مشكلة بالله عليك صورة وردي وأسمر اللونا يأتي حبيبنا عزالدين الفحل ويضع صورة القرد ( مكررة) أنا ما هماني أنا أو خضر أو أي آخر وردي ايقونة الوطن .. يقابل بصورة قرد
يا الحبيب محمد أكيد أصبح فينا خطأ قتل .. إغتصاب .. ثم قتل للاطفال بالزي المدرسي .. والحبيب عزالدين كمان يهدي صورة قرد لوردي الموضوع أعمق من خلاف وإختلاف .. طريقة الرد ( معقول)
أذكر أيام أكتوبر .. موت قرشي فقط أثر على كل الوطن .. الى اليوم أكثر من مليون سوداني يحملون إسم القرشي
لا بد من الوقوف وتفكير ملياً في هذا الأمر
شكراً كثير الحبيب محمد .. طيبت خاطرنا .. ورحم الله الايقونة وردي
Post: #9 Title: Re: حبيبناعزالدين الفحل .. معقول صور قرود .. في Author: علي عبدالوهاب عثمان Date: 07-31-2019, 04:21 PM Parent: #8
عز الدين عنده تار مع حبيينا خضر الطيب حسب تجولي في البوستات هنا (انا شغال في امن المجتمع الدعم السريع بتاع بكوري ) ليقتم خاتنو قرض بي غادي انت ليس مقصود ================ الحبيب عادل أمين .. مودتي .. شكراً على التوضيح .. حلوة عبارة ( الدعم السريع بتاع بكوري ) كده لطفت الجو شوية الحبيب عادل .. أنا ما مشكلة وحتى خضر ما مشكلة .. ولكن في بوست (( وردي )) يفتح بوست بإسمي أو بإسم خضر وينزل مليون قرد ..
جميلة عبارة ( الدعم السريع بتاع بكوري )
مشكلتي الحبيب عادل وردي عندي عالم آخر .. وخاصة اغانيه النوبية تحياتي الحبيب عادل وشكراً للمرور
Post: #10 Title: Re: حبيبناعزالدين الفحل .. معقول صور قرود .. في Author: علي عبدالوهاب عثمان Date: 07-31-2019, 05:52 PM Parent: #9
حبيبنا عزالدين تحياتي .. احبابنا القرود أكيد عندهم مهمة ودور في هذه الحياة .. كم من القرود ضحوا من أجل صحة وراحة الانسان في معامل البحوث الانسانية والطبية أجريت مئات التجارب على القرود واستفاد منها الانسان .. بمعنى أن القرود ضحت من أجل الانسانية .. والانسان بطبعه أناني وكأن الله خلق هذا الكون له وحده مع أنه في الاساس مكانه كان في الجنة لو لا تلك الثمرة .. الأرض اصلاً حقت القرود .. وباقي الحيوانات .. حقو الواحد يعيش هذه الدنيا بفلسفة عدم تهميش وتهشيم الاخرين أي كان نوع المخلوق
من أجلك يا وردي رحمك الله رحمة واسعة ..( مسونكيل )
Post: #11 Title: Re: حبيبناعزالدين الفحل .. معقول صور قرود .. في Author: Ahmed Yassin Date: 07-31-2019, 06:04 PM Parent: #9
الاستاذ المبجل والفاضل ووو وو واي حاجة حلوة يا علي عبدالوهاب اولا معرفتي الشخصية بيك الفخر فيها لايوصف ولايكتب ونحن محظوظين بيها جدا وردي اين ما كان يجذبنا ويمتعنا ويدغدغنا ونقعد نحتار في مقدماته الموسيقية كدي اديك مثال بسيط كدة في( الود ) وعمر الطيب الدوش وتوزيع اندريا رايدر عشان تعرف قيمة وردي اكثر .. وردي التزم بالبناء اللحني في المقدمة التزام عجيب في نهاية المقدمة (رايدر) ادخل لمسات لحنية مضادة (كاونتربوينت) اتضح انه وردي هو الذي سمح ل (رايدر) بادخال الجملة اللحنية في سلم صغير (minor) لانه وردي اشرف على التلحين والتدوين (التنويت) و(الانسترومنتالية) اي توظيف الالات لصالح العمل عارف ليه يا شيخ علي .. عشان وردي عارف انه العمل الباهر الكبير دا حيقدم لجمهور سوداني وليس (اوروبي) مثل جنسية الموزع رايدر عموما المجال يختلف ولكن حبيت اروح عن نفسك وعن نفسي شوية من صدمة هذا القرد اللعين
Post: #12 Title: Re: حبيبناعزالدين الفحل .. معقول صور قرود .. في Author: علي عبدالوهاب عثمان Date: 07-31-2019, 06:26 PM Parent: #11
ووو أحمد .. سيرناقمي .. تحياتي يا جميل .. بهذه المداخلة أثبت لنا أن وردي خلق فنان فنان فقط عشان كده ابهج السودان والدول جوار السودان وأفريقيا كلها ربنا يطيب خاطرك يا جميل ..
المشكلة نحن في وطن بعضهم لا يحترم الرموز يا سلام يكفي وردي عندما غنى رائعة محجوب الشريف تلك الانشودة واحتوت على أجمل لفتة في تاريخ الاغنية السودانية (( في حضرة جلالك يطيب الجلوس )) وتلك الجلسة التي أصبحت في اللاوعي السوداني ..
تعرف يا احمد القرد بالنوبية (( أبلانج)) الحبيب أحمد أول مرة من تاريخ تسجيلي في سودانيز اون لاين أدخل في مثل هذه المتاهات .. عشان وردي ..
Post: #13 Title: Re: حبيبناعزالدين الفحل .. معقول صور قرود .. في Author: عماد الدين الطيب عمر Date: 07-31-2019, 10:09 PM Parent: #12
حبيبنا علي لك العتبى انا زرت البوست المعني و حقيقة حاجة شينة من اخونا عز الدين و لو في اي حاجة بينه و بين اخونا خضر كان عليه يرد في بوستات خضر أو يفتح بوست خاص لذلك عز الدين مطالب بالاعتذار حبيبنا عادل امين قال: الجعليين اولاد الكلب دي يبلعوها كيف؟
Post: #14 Title: Re: حبيبناعزالدين الفحل .. معقول صور قرود .. في Author: عزالدين عباس الفحل Date: 08-01-2019, 04:19 AM Parent: #13
علي عبدالوهاب عثمان
سلام . مسكاقني الحبيب والاخ العزيز الفاضل ود عبدالوهاب. I am deeply sorry عاااااااطر الاشواق .
***
،،،،
عزالدين عباس الفحل ابوظبي
Post: #15 Title: Re: حبيبناعزالدين الفحل .. معقول صور قرود .. في Author: adil amin Date: 08-01-2019, 05:47 AM Parent: #14
Quote: حبيبنا عادل امين قال: الجعليين اولاد الكلب دي يبلعوها كيف؟
فضحتونا مع اولاد الغرب هسة الحمدالله بريمة مافي والا كان شرشح بيكم كويس حياك الله يا عمدة كوش =الاقليم الشمالي في البورد ده عداوات شخصية مافي عشان الامور تمشي كويس خضر ده جيبو لي اواسيه كويس المشكلة بعرف الوالد الراحل الله يرحمه
Post: #16 Title: Re: حبيبناعزالدين الفحل .. معقول صور قرود .. في Author: adil amin Date: 08-01-2019, 05:54 AM Parent: #15
Quote: حبيبنا عادل امين قال: الجعليين اولاد الكلب دي يبلعوها كيف؟
قالو الما بتقدر تسدها وسع قدها
Quote: زينب والاسد عادل الامين AUGUST 12, 2013 - شايل عتلتك الكبيرة دي وحايم بيها في شندي مالك ..امشي غطي قدحك في ود سعد هناك ..يا أسد بيشة المكربد قمزاتو مطابقات!! قفز كالملسوع واجترحه غضب عارم لهذه الوخزة المؤلمة من غريمه وصديقه اللدود ود الجعلي في انداية بت مهجوم في هوامش المدينة.. بنت عمه المدللة زينب التي اسماها والدها على جدتها المشهورة الكنداكة وشاعرة القبيلة’زينوبة’ التي كانت تقاتل الأتراك مع الرجال وظلت تجلد معهم لأنها لا تدفع العتب ويضعون لها القطة في سروالها أيضا،كما يفعلون برجال في ذلك الزمن الأغبر من حكم الباش بوذوق الفاشي ،لأنها ولدت وحيدة وبنتا لم يسود وجه أبيها أو يضحى كظيم بل رباها كما يربى الأولاد تعلمت السباحة والمصارعة ولعب السيجة والطاب وكانت ترافق أبيها في كل جولاته ومجالسه والى المحاكم وتعلمت في الكتاتيب مع الرجال..وظلت تذهب إلى مزارع أبيها وتقود المحراث وتنزل سوق المحاصيل في شندي وتبذ الكثيرين شجاعة ورجاحة عقل ومع كل ذلك كانت رائعة الجمال تستحي الشمس نفسها من طلعتها البهية..ويجلها الرجال وتغار منها النساء، اللائي لا يشكلن جزء من عالمها إطلاقا..صديقها الوحيد والغريب هو ‘ود نفوس′ ومحطة الإنذار المبكر الذي ينقل لها أخبار وأسرار القرية، كان على عكسها تماماً،يخالط النساء ويقوم بتمشيطهن ويحب كل ما تحبه النساء في الرجال، لذلك لم يشكل خطرا عليها منذ طفولتهما الباكرة وهو الذي روج قصتها المخيفة التي أثارت توجس الكثيرين وأبعدتهم عنها، انه شاهدها تتبول واقفة كما يفعل الرجال عن جروف النيل في ليلة مقمرة ولكنه لم يجذم بأنه رأى شيئا آخر، ظلت هذه الأفكار والهواجس المضطربة تدور في ذهنه وهو في طريقه إلى القرية، عبر النيل إلى المتمة وركب باص القرية المتهالك..لقد احكم خطته تماما بعد أن فشل الآخرين عبر الزمن معها… ***** ذهب إلى عمه عباس في المجلس وبقايا الخمر تلعب في رأسه ووقف على رؤوس الأشهاد.. – يا عمي اسمع.. الليلة بتك المطلعا لينا في راسنا دي تعقد لي عليها قدام الناس ديل في مكانك ده وخلي الباقي علي!! بهت جل من في المجلس، حدق عباس في ابن أخيه الأثير احمد الملقب بالأسد، كان يحبه أيضا حباً جماً..ولكن تعلقه بابنته وتدليله المفرط لها جعله يتعامي عن كل الأعراف والتقاليد في المنطقة..وترك لها أمر الزواج في يدها وكانت ترفض الجميع بل تستهزئ بهم أحيانا، موظفين في البنادر، أرباب مال،رجال دين،ضباط في الجيش.. ولكن هذه المرة بلغ السيل الذبا،تداولوا الأمر قليلا وتم إجراء العقد في المجلس وارتفعت زغاريد النساء الشامتة في القرية وخرج احمد مندفعا لتنفيذ بقية الخطة حتى لا يفقدها إلى الأبد… عليه أن يصل ود نفوس الخبيث قبل أن يسبقه وينزل لها في المزرعة ويخبرها، دهمه في بيته الذي يقبع فيه وحيدا لمآربه الأخر ..على غرار المثل السوداني ‘السترة والفضيحة متباريات’.. عند هوامش البلدة ووجده يستعد في لبس جلبابه الفضفاض، انقض عليه بغتة واحتضنه وسقط معه على الأرض، كانت الروائح الذكية للعطور النسائية تفوح من المنزل والجسد اللدن وتكاد تذهب بعقل ‘الأسد’.. قام بتكبيل ود نفوس بعمامته وربطه في مرق الغرفة، ونهض بعد أن بصق عليه… - الليلة ما عندي ليك وكت ..كنت جيهتك كويس يا ود نفوس وكرهتك الشغلانة دي للأبد..!! شهق ود نفوس رعبا وردد بصوته الاخن المثير للغرائز - فكني يا زول انا عملت ليك شنو؟؟!! - تشمتوا فيني ود الجعلي وناس شندي كلهم.. انا ‘الأسد’..بتين شفتها تبول واقفة يا ود الكلب..؟! أيقن احمد أن خطته تسير على ما يرام، بعد تعطيل جهاز الإنذار المبكر، فقط عليه أن يهاجمها على حين غرة، انحدر نحو المزارع في خطى واسعة وجسده الضخم الفارع ينتفض غضبا وشهوة أيضا، من جراء العطور التي ملأت خياشيمه بعد معركته الصغيرة مع ود نفوس..والان عليه الاستعداد لمعركته الكبرى، انداح بين سنابل القمح، يتحسس صوتها وغناءها الشجي وتجرد من كل ملابسه وترك السروال للمرحلة الأخيرة..وانقض عليها كما يفعل الأسد بالفريسة وقضى أمراً كان مفعولا وافلتها مهيضة الجناح واستلقى إلى جانبها يحدق في السماء، مثخن الجراح والدماء تغطي وجهه وجسده وذلك النتوء بين رجليه في طريقه إلى الاضمحلال بعد أن افرغ كل حممه الثائرة وانتهت معركة الكرامة… صرخ بأعلى صوته الجهوري، حتى يسمعه الإنس والجان من ود سعد إلى مدينة شندي… - انا ‘الأسد’ انا الشافو ابو..الليلة يا ود الجعلي ما تلفاني بكرة في شندي!!.. لم يأبه لها وهي تنهض في انكسار وتتلفح ثوبها وتعدو نحو النيل وتلقي نفسها فيه وهو يعرف تماما أنها سباحة ماهرة، أنزلت بهم الهزائم النكراء في اختبار عبور النيل في الطفولة البعيدة، ستعبر النيل لا محالة.. وستنجب ابنه في مكان ما،لقد تزوجها على سنة الله ورسوله..وقضى وطره منها…وانزل الهزيمة الساحقة بود الجعلي في انداية بت مهجوم،لابد أن أهل ود سعد سينقلون الخبر إلى البنادر…وستكون لود نفوس قصة جديدة أخرى يرويها غير قصته المختلقة تلك تماما، عندما يعود ويحل وثاقه ويطلق سراحه غدا… وأغمض عينيه وابتسامة عريضة تغمر وجهه الدامي.. وبقي على حالته تلك من الزهو والانتشاء، حتى تنفس الصباح وتعالى صياح الديوك في القرية… ***** - المحطة الشينة دي شنو يا ود الحمداب الما فيها نفاخ نار واحد ؟؟!! - دي محطة ام حسن - يا اخ دي محطة والله الحمار الضكر ما يقعد فيها !! - قالوا عندها قصة غريبة والله ! - قصتا شنو؟! - يااااخ الجوع والعطش كتلنا والقريفة كمان..ما في حتى سجاير يبيعو في المحطة دي..!! ادخل ود الحمداب يده في جيبه واخرج حقة الصعوت ومدها لرفيقه.. - هااااك يا ود كرقس املا خشمك تمباك..نسأل الله السلامة وقول لي قصتا لحدي ما ربك رب العزة يوصلنا شندي بلد الكرم والجود..نملا بطنا المكركبة دي… دار هذا الحديث الساخر، بين اثنين من أبناء الرباطاب، العابرين على سطوح قطار الشمال،قطار كريمة في طريقهما إلى الخرطوم، عبر رحلة طويلة مضنية بقطار متهالك ظل يطوي المسافات عبر قرن من الزمان ،منذ حملة كتنشر العسكرية لفتح الخرطوم سنة 1898..
Post: #17 Title: Re: حبيبناعزالدين الفحل .. معقول صور قرود .. في Author: Al Sunda Date: 08-01-2019, 06:01 AM Parent: #16
Quote: I am deeply sorry
يعني شنو ؟؟؟؟؟؟؟؟ بصراحة ......................
Post: #20 Title: Re: حبيبناعزالدين الفحل .. معقول صور قرود .. في Author: علي عبدالوهاب عثمان Date: 08-01-2019, 07:38 AM Parent: #17
يعني شنو ؟؟؟؟؟؟؟؟ بصراحة ......................
============== AL Sunda مع كامل التحية .. أرجو أن يتكرم الحبيب عزالدين بالاجابة على السؤال معليش أعذرني دخلت البروفايل ووجدت فنانك المفضل وردي
اختلاف في المنبر بين زميلين يتطور إلى هذه الدرجة بجلب القرود إلى البوست وفي حضور الايقونة (( وردي ))
تحياتي وإلى عالم أفضل إن شاء الله
Post: #19 Title: Re: حبيبناعزالدين الفحل .. معقول صور قرود .. في Author: علي عبدالوهاب عثمان Date: 08-01-2019, 07:31 AM Parent: #14
الحبيب عزالدين الفحل .. تحياتي .. اعتذارك مقبول من الجميع .. ولكن الاعتذار الحقيقي لمرحوم وردي أنا أو خضر خذ راحتك كما تريد ولكن في حضور وردي .. (( يطيب الجلوس )) صدقني يا الحبيب عزالدين وردي بالنسبة لي عالم آخر
وبعدين .. أتمنى احترام خلق الله .. كما ذكرت سابقاً لم يخلق الله أي مخلوق عبثاً .. كل الادوية والتجارب الطبية وغيرها يتم تجربتها في القرود ثم بعد ذلك نستخدمها نحن .. القرود تضحي من أجلنا
تحياتي الحبيب عزالدين .. أرجو الابتعاد عن مثل هذه المواقف لأنها تكون خصماً عليك
Post: #18 Title: Re: حبيبناعزالدين الفحل .. معقول صور قرود .. في Author: علي عبدالوهاب عثمان Date: 08-01-2019, 07:22 AM Parent: #13
حبيبنا عماد .. تحياتي .. حتى هذه اللحظة أنا ما مصدق مهما كان .. لا يجوز لا يجوز .. صدقني يا الحبيب عماد أنا أو خضر ما مهم موضوع البوست عن وردي الرمز .. الاعتذار لوردي رحمه الله
لم ألاحظ مداخلة عادل أمين .. الحبيب عادل بالغت .. تحياتي عادل
Post: #21 Title: Re: حبيبناعزالدين الفحل .. معقول صور قرود .. في Author: علي عبدالوهاب عثمان Date: 08-01-2019, 07:45 AM Parent: #18
الحبيب عزالدين .. تحياتي تحياتي أرجو رجاء خاص أخوي عدم مضي في مثل هذا النوع من الردود خاصة مع وردي ..
أشرقت شمس الحرية في الوطن .. التغيير مهم قبل العدالة
وشكراً لجميع الاخوة المتداخلين
والتحية للحبيب عزالدين .. وعيد مبارك
Post: #22 Title: Re: حبيبناعزالدين الفحل .. معقول صور قرود .. في Author: علي عبدالوهاب عثمان Date: 08-01-2019, 08:05 AM Parent: #21
شكراً لجميع المتداخلين والشكر للحبيب عزالدين
نرجو أن تكون هذه آخر مداخلة في البوست ورحم الله وردي ..
Post: #23 Title: Re: حبيبناعزالدين الفحل .. معقول صور قرود .. في Author: خضر الطيب Date: 08-01-2019, 11:44 AM Parent: #22
حبيبنا علي أمبس سرناقمي انت يا استاذنا علي تستاهل كل خير يا صاحب القلب الطيب فأنت معلم من أجيال و من الأوائل في مدرسة نوري الثانوية في ديار الشايقية و قالوا المابعرفك بجهلك و السفيه نبذ الباشا فلا تبتئس يا انسان يا جميل لك العتبى حتى ترضى انا اعرف هذا الشخص الغير مسئول بتاع القرود وواضح من فعلته الشنيعة تلك انه شخص لا يعرف اقدار الرجال من امثالك و من امثال الرمز النوبي و فنان افريقيا محمد عثمان وردي و حقيقة الذي نفسه بغيرٍ جمالٍ لا يرى في الوجودِ شيئاً جميلا و يا عزيزي في حضرة جلالك يطيب الجلوس .. مهذب امامك يكون الكلام لأنك محنك عميق الدروس .. مجيد المهابة ..مديد القوام انت تستاهل الأفضل دائماً استاذنا على كت آوت :- اعتذار هذا الشئ لا يعنيني في شئ .. يجب ان يسحب قروده من البوست للقامة وردي لان تاريخ وردي لا يفهمه مثل هذا الأطخم , البقول للهالك انه سيده البشير
Post: #24 Title: Re: حبيبناعزالدين الفحل .. معقول صور قرود .. في Author: علي عبدالوهاب عثمان Date: 08-01-2019, 12:33 PM Parent: #23
التحية الحبيب خضر .. شكراً على هذه المداخلة التي تروح النفس وشكرا على الهدوء وجمال العبارات صدقني يا خضر كان قصدي من البوست هناك ايراد بعض المقالات التي كتبتها عن أغنيات القديس بالنوبية وكنت قد نشرتها سابقاً ولكن للتجديد
وارجو رجاء خاص من الحبيب عزالدين الفحل سحب تلك الصور من بوست وردي .. أفتح بوست آخر وخذ راحتك للآخر .. مع أني لا أكره القرود ولكن لا أريدهم أن يكونوا مع وردي في البوست
الحبيب إعتذارك مقبول ومشكور عليه .. ولكن كما قال الحبيب خضر أرجوك سحب تلك الصور
خضر أمبس .. لننتظر حتى يتم السحب والمقالات جاهزة .. نعمل إيه قضاء وقدر
Post: #25 Title: Re: حبيبناعزالدين الفحل .. معقول صور قرود .. في Author: Ahmed Yassin Date: 08-01-2019, 12:59 PM Parent: #24
Quote: نرجو أن تكون هذه آخر مداخلة في البوست
حبيبنا علي .. ليه اخر مداخلة ؟ اول شىء مايستفاد من هذا البوست انك رجل قلبك ابيض ومتسامح ، بتعرف طيبة ناس زمان ؟ بس ياها ودا حال الناس البسطاء الترابلة القلوبهم صافية لاتعرف الا الود والتسامح ودموعهم قريبة ، ومع ان الاستفزاز كان قبيحا وشنيعا ويدل على عدم وعي وعدم نضج وينقصه الذكاء الاجتماعي او الذكاء بمفهومه العام ، الا انك ظللت تخاطبه ب (الحبيب) ودا من اصلك الطيب ومن تربيتك النقية يا مربى الاجيال ، وملاحظة مهمة جدا الاستاذ خضر الطيب .. الله يخضر ضراعه برضو اتعامل بمنتهى الرقي والادب .. ودا فن كون انك تتعامل مع قلة الادب .. بـ (الادب) ولم ينجرف الى مستنقع أسن.
Quote: ورحم الله وردي
انت المزعلك وردي .. يا شيخ علي هذا الهرم الشامخ لن يستطيع احد في هذا الكون ان ينال من مكانته ، عشان كدة خليك مرتاح وهاني البال .. انا الزعلني انت وخضر
Post: #26 Title: Re: حبيبناعزالدين الفحل .. معقول صور قرود .. في Author: علي عبدالوهاب عثمان Date: 08-01-2019, 01:31 PM Parent: #25
هذا الهرم الشامخ لن يستطيع احد في هذا الكون ان ينال من مكانته ، عشان كدة خليك مرتاح وهاني البال .. انا الزعلني انت وخضر
=================
حبيبنا ووو أحمد أمبس .. هل تغيرت سلوكيات الناس خلال فترة 30 عام حتى الارواح اصبحت رخيصة .. هل وصلت درجة الكراهية للخصم لدينا إلى أبعاد خيالية لدرجة شنطة المدرسة أصبحت كالحزام الناسف .. يطلق النار على حاملها مباشرة أغينة مثل ( أسمراللونا ) تجلب السعادة والهناء وتأخذ الانسان إلى عام البسط وبصوت القديس وردي تكون المكافأة صور قرود .. لنوسع الدائرة ونأخذ الموضوع بعمق أكثر لماذا تغيرت تصرفاتنا وسلوكنا بهذه الصورة
تحياتي الحبيب احمد امبس .. التحية للحبيب خضر .. مازال مسيطر على الاعصابه وهاديء
الأخ عز الدين ما تزال قرودك تسرح وتمرح في بوست الحبيب علي عبد الوهاب. هذا التربال الجميل الشفاف الأصيل، الذي يخاطبك بـ "الحبيب" ويشير إلى القرود بـ "أحبابنا" ... لا يستحق مثل هذه المعاملة. وقد أوضَح لك ـ بكل ما أوتي من أدب وتهذيب ـ أن تصرفك غير مقبول، ولكنك لم تزد على عبارة تعبر فيها عن عميق أسفك. عمَّ؟ لا أحد يدري. وقد قبلها على علاتها. حتى إيراد هذه الجملة بالإنجليزية يخصم من حمولة جديتها وصدقيتها. رجاءً.. احذف صور القرود. ...................... التحية للحبيب علي وضيوفه.
Post: #30 Title: Re: حبيبناعزالدين الفحل .. معقول صور قرود .. في Author: علي عبدالوهاب عثمان Date: 08-01-2019, 03:33 PM Parent: #27
حتى إيراد هذه الجملة بالإنجليزية يخصم من حمولة جديتها وصدقيتها. رجاءً.. احذف صور القرود.
================ الحبيب محجوب .. تحياتي يا جميل .. أتمنى أن يقبل مداخلتك ويحذف تلك الصور سوف أكرر على الدوام حبيبنا محجوب القصة مرتبطة بوردي رحمه الله مما يحز في النفس لو زعلان مني أو من حبيبنا خضر يفتح بوست ويلعن ويسب كما يريد فقط هذا من أجل القامة وردي ..
ماذا لو بحث احدهم عن اغنية ( اسمراللونا) ووجد اسمر اللونا .. وردي ومعه القرود المساكين ديل ..
شكراً محجوب الحبيب دائما التجمعات السودانية فيها روح تسامح وهذا الحوش الذي جمع الآف وخلق تواصل أسمى من صلة القرابة بينهم لا بد من احترامه كحاضنة بل وجغرافيا جمعتنا بمختلف توجهاتنا .. هذا حوش وطن مثالي نسعى إلى خلق مثله على أرض الواقع
ووجود أمثالكم الحبيب محجوب بهذه الكلمات المؤثرة نموذج لتعويض كل النتؤات ..
شكراً الحبيب محجوب .. عمق ملاحظتك على الاعتذار بالانجليزية .. أنا ملاحظت شكراً
كتبت لكم تعليق الأميرة النوبية أميرة السيد في البوست المعنى ... وفي الحقيقة كلنا حز في نفوسنا منظر تلك القرود في بوست عن الفنان الرائع وردي الذي خلد اسمه في عالم الفن ،،، واذا سمعنا منه فقط اناشيد الوطنية مثل أكتوبر الأخضر، واغنية الود ، لكفى ان يخلد اسمه في عالم الفن العالمي وليس السوداني فقط .. ويا ليت عز الدين يسحب منظر تلك القرود حتى يستقيم البوست ...
Post: #29 Title: Re: حبيبناعزالدين الفحل .. معقول صور قرود .. في Author: Ahmed Yassin Date: 08-01-2019, 03:22 PM Parent: #28
اكيد لا زال القرد يملأ الصفحة بصوره المزدوجة ويبدو ان مقولة ان القرد في عين امه غزال مازالت مستمرة ، عموما القرد دا زاتو عنده صوت وهناك مسميات كثيرة لصوته ولكن الغريبة ان من تلك المسميات (سكسكة) والسكسكة هي صوت القرد لمن يضحك
Post: #32 Title: Re: حبيبناعزالدين الفحل .. معقول صور قرود .. في Author: علي عبدالوهاب عثمان Date: 08-01-2019, 03:47 PM Parent: #29
احمد أمبس .. تحياتي .. أتخيل أن القرد إذا سمع أسمراللونا من وردي بالعود أكيد سيذوب من الطرب ..
لأننا في عمل السواقي لاحظنا أن الابقار تفهم السلاد ( غناء الاروتي ) ومنها ما ورد في قصيدة ( صديق عبدالرحيم ) في القولد وكم سمعت (( إوير ووو ألودا )) ا ونحن في مقتبل العمر عندما نسوق الساقية لم نكن نضرب البقرة بل كنا نغني لها فكانت تزيد سرعة وقوة .. ولذا كان من شروط تعيين ( الأروتي ) سائق الساقية .. جمال الصوت وعلو الحنجرة .. الله الله على بيئة التي كونت وردي والخليل
اكيد احبابنا القرود ديل كان حيطربوا لوردي خاصة أسمراللونا ..
شكرا كثير احمد أمبس ..
Post: #31 Title: Re: حبيبناعزالدين الفحل .. معقول صور قرود .. في Author: علي عبدالوهاب عثمان Date: 08-01-2019, 03:36 PM Parent: #28
وفي الحقيقة كلنا حز في نفوسنا منظر تلك القرود في بوست عن الفنان الرائع وردي الذي خلد اسمه في عالم الفن ،،، واذا سمعنا منه فقط اناشيد الوطنية مثل أكتوبر الأخضر، واغنية الود ، لكفى ان يخلد اسمه في عالم الفن العالمي وليس السوداني فقط .. ويا ليت عز الدين يسحب منظر تلك القرود حتى يستقيم البوست .
============= الابنة امتثال .. تحياتي .. وردي وطن .. أتمنى ذلك حتى نواصل البوست
مسح ولَّ لسه؟ المسح يتضمن إعتذار .. أما الإعتذار بدون مسح ليس بإعتذار على ما أصاب من رشاش القامة وردى وملته ويفسر إعتذار بعدم الإستجابة لطلب المسح!
لو لسة رجاء أمسح!
مع التقدير للعملاق محمد وردى نسأل الله له الرحمة والتحية والتقدير للأستاذ على عبد الوهاب ولكل النوبيين
Post: #34 Title: Re: حبيبناعزالدين الفحل .. معقول صور قرود .. في Author: علي عبدالوهاب عثمان Date: 08-01-2019, 04:08 PM Parent: #33
مسح ولَّ لسه؟ المسح يتضمن إعتذار .. أما الإعتذار بدون مسح ليس بإعتذار على ما أصاب من رشاش القامة وردى وملته ويفسر إعتذار بعدم الإستجابة لطلب المسح!
لو لسة رجاء أمسح!
================= الحبيب نادر .. تحياتي .. شكراً على المتابعة ياجميل رغم أنني اصاب بنوع من الغثيان عند دخول البوست المعني ولكني ذهبت للتأكيد ووجدت الوضع على ما هو عليه .. مازالوا هناك
تحياتي نادر .. احتمال يكون الحبيب عزالدين مشغول حالياً لننتظر قليلاً والساعة ساعة وطن ..
Post: #35 Title: Re: حبيبناعزالدين الفحل .. معقول صور قرود .. في Author: خضر الطيب Date: 08-02-2019, 05:18 AM Parent: #34
الاخ احمد ياسين لك التحية و التقدير
Quote: انا الزعلني انت وخضر
ما عاش اليزعلك , لكن الكيزان و اذناب الكيزان معركتي معاهم من تلاتين سنة في أول يوم للإنقلاب انا كنت داخل استديوهات التلفزيون في البث المباشر و عرفتا الكيزان عن قرب رغم نكرانهم في البداية انو الانقلاب دا كيزاني و بعدها عرفتا الفرق بين الكوز و المسترزق , الكوز وسخ و منافق و ما عندو دين و لا اخلاق لكن الكوز ابداً ما بقول سيدي البشير اما المسترزق ذي عز الطين دا و ود الباوقة والسيدح و المعتوه اللزج صلاح غريبة و الصفيق ورجاغ رغم ان الآخير هذا اعرفه شخصياً و للأسف كان زميلنا في التلفزيون وهو من اعد قائمة الزملاء الذين فصلوهم من العمل دون اي ذنب رغم ان والده هو مقرئ القرآن الشيخ الجليل وراق عبد الرحمن له الرحمة و المغفرة لكن ذي ما بقول المثل (النار تخرا الرماد) و آخرين , ديل اوسخ من الكيزان و هم ناس بدون ضمير و لا اخلاق و ذي الطحالب في البلاعات , تلقاهم داخلين في اي نظام شمولي لانو الأنظمة الشمولية انظمة فاسدة و متعفنة
أما استاذنا على عبد الوهاب هذا الإنسان المتسامح قد اغضبته الإساءة للقامة وردي كما اغضبتنا فعلة هذا المسترزق الذي فقد كفيله و ولي نعمته الفاسد البشير , و الآن كل المسترزقين في امرن ضيق , هؤلاء الطفابيع قد فقدوا كل شئ
Post: #36 Title: Re: حبيبناعزالدين الفحل .. معقول صور قرود .. في Author: Ahmed Yassin Date: 08-02-2019, 11:32 AM Parent: #35
Quote: و عرفتا الكيزان عن قرب
استاذنا المثقف الكبير ودالطيب ليس بعد مداخلتك ما يقال .. في وصف الكيزان والمسترزقين وضعاف النفوس والطفيليين وانت بتعرفهم جيدا بحكم عملك ومزاملتهم لك ، لكن يا استاذنا خضر ودالطيب .. الشىء البزعل والبحير في نفس الوقت هو " ان الانسان مهما كان غباؤه او حتى قلة عقله و ادبه "مفروض قبل أي تصرف في الدنيا يشوف (اللي حيعمله) ماهي عاقبته او نتيجته او تاثيره او هل (هذا وقته ومكانه) خليني اختم ليك ياخضر بى محمد محمدخير وحبيبنا حمزة سليمان وقطعت حي البوستة مرفوع الكلام ودمي ينبح ويندهك تاوقت بي عيني اليمين جوه الشمال من قلبي كان نازل مطر لون المطر كان بشبهك عبيت مشاعري من النسيم وزفرت طلعت الوحيح
Post: #39 Title: Re: حبيبناعزالدين الفحل .. معقول صور قرود .. في Author: علي عبدالوهاب عثمان Date: 08-02-2019, 12:33 PM
الحبيب أحمد ... امبس يا سلام اضفت مسحة جمال للبوست .. شكرا في احدى مداخلاتي .. قلت ان قرد اذا سمع وردي ربما تمدد طرباً زمن الترابلة وعهد السواقي كل حيوان كان عندو دور في دورة الحياة بالساقية هل لاحظت في شعر الخليل ( كلبي يا جمجوم اصلو خاين ) يمزح مع الكلب كمان بصيغة دلع ( مرات الواحد ينادي ولده تعال يا مجرم امعاناً في الحب والدلال) كمان اضاف الجمال لما يراه ناس قبحا ( تور قرنو ماكن ) ويكشح في التراب ( ده التور لمن يكون زعلان ) لم يسبق احدا خليل في هذا السمو الانساني والسبب اليئة التي كونت وردي والخليل .. المفعمة بالانسانية .. بيئة السواقي هنا تعرف قيمة المخلوقات الاخرى حتى الحشرات لها دور
احمد امبس .. لنخرج بالبوست قليلاً من وعثاء القبح ..
Post: #37 Title: Re: حبيبناعزالدين الفحل .. معقول صور قرود .. في Author: علي عبدالوهاب عثمان Date: 08-02-2019, 12:09 PM Parent: #35
حبيبنا خضر .. مودتي لننتظر .... هل سيقوم بإزالة الصور ؟ الحبيب خضر حتى.قابلية الاندياح والاستحضار توقفت عندي .. نتيجة الصدمة .. ليس من احبابي القرود ولكن من هذا التصرف الذي لم يكن متوقعاً ابدا أكيد القديس وردي في برزخه يتألم رحمك الله .. ووو مسونكيل سلم لي على المبدع خليل فرح اذا معاك في البرزخ وقول ليه عزة تعاني من عقوق بعض الابناء هيرووو ووووو أشري .. الترجمه (مع سلامة يا جميل )
الحبيب خضر .. مودتي
Post: #38 Title: Re: حبيبناعزالدين الفحل .. معقول صور قرود .. في Author: علي عبدالوهاب عثمان Date: 08-02-2019, 12:09 PM Parent: #35
حبيبنا خضر .. مودتي لننتظر .... هل سيقوم بإزالة الصور ؟ الحبيب خضر حتى.قابلية الاندياح والاستحضار توقفت عندي .. نتيجة الصدمة .. ليس من احبابي القرود ولكن من هذا التصرف الذي لم يكن متوقعاً ابدا أكيد القديس وردي في برزخه يتألم رحمك الله .. ووو مسونكيل سلم لي على المبدع خليل فرح اذا معاك في البرزخ وقول ليه عزة تعاني من عقوق بعض الابناء هيرووو ووووو أشري .. الترجمه (مع سلامة يا جميل )
الحبيب خضر .. مودتي
Post: #40 Title: Re: حبيبناعزالدين الفحل .. معقول صور قرود .. في Author: Dr. Ahmed Amin Date: 08-02-2019, 12:54 PM Parent: #38
حبيب الكل الاستاذ علي عبدالوهاب تحية لك ولزوارك الأكرم.
زرت البوست المعنى وتالمت جدا وتذكرت المثل (كل إناء بما فيه ينضح) لك الحق ان تغضب ويغضب كل من يملك حسا إنسانيا.
Post: #41 Title: Re: حبيبناعزالدين الفحل .. معقول صور قرود .. في Author: Ahmed Yassin Date: 08-02-2019, 01:55 PM Parent: #40
الحبيب علي ابدالوهاب تود
Quote: المفعمة بالانسانية .. بيئة السواقي هنا تعرف قيمة المخلوقات الاخرى
زي ما وصف شعراء الحقيبة جمال المرأة وجسدها بمسميات زي فريع البات والنهد البرتكان والشعر سواد اللليل بنلقى فرسان الشمال النيلي - وغربه بواسطة (الحكامات) وصفوهم وغنوا ليهم وشبهوهم في الوصف بالوحوش والجوارح والحشرات كمان متل ابكريق والاسد والدود والصقير والثعابين (الدابي) ووصف كرم هذا الفارس وايادى الندى بالمطر والبحر أب كريق في اللِّجِجْ ... أنا أخويَا مُقْلام الحِجَجْ عَرَّش دود مراقد السَار... المن قلبو مو فَشَّار تلِّب يا صقر واطرد الرخم منّي غنّيت كدي أنا قولي تام للعاصي الكسر اللجام تقصد الحصان غَنَّت ليه بت أعمّه، يا عيني أنا الدابي الزَّرَق سَمّه}، يا الفوتك مو دحين غير خالد ما ليك تنين وعَرَّش دود الأربعين السار بوبا ودي كلها اوصاف غنتها المغنية الشهيرة (الحميراء) واحسن من غنى للحماسة هو خلف الله حمد وغنى للنعيم ودحمد الشهير بالثعبان النعيم يا فَحَل القبائل كريم لَمَّام الهمايل كِبْرَاً براك ما أظنو خايل إيدو أم رويق والقبلي شايل رقية بت مسمار وصفت وغنت لاخوها الفارس (الامين ود مسمار) - الالاف درجن- عندما انتصر العبدلاب على الهمج في معركة تاريخية اسمها (معركة الهلالية) وكان قائد الهمج هو ابكر ود وحش وكان رجلا طويلا ضخما قويا شجاعا كان يقاتل عشرة فرسان او يزيد لوحده وارسله زعيم القونج ناسر ابولكيلك لقتال العبدلاب والظفر بهم ، وكان الناس يهابون ابكر والتقى الامين ودمسمار وابكر وجها لوجه وكل يمتطي صهوة فرسه في قتال حكى عنه الركبان فهوى الامين ودمسار على راس ابكر بسيفه فشطره نصفين وفر الهمج بمقتل قائدهم بهذه الصورة وانتصر العبدلاب فغنت رقية بت مسمار اخت الامين ودمسمار تخليدا لهذه الواقعة من قومة الجهل ما خوفوك باخ تور بقر الجواميس الرقادن لخ نقروبو أم هبك الدرباخنه تضخ قرنك بفتح الهامه وبمرق المخ
الأخ احمد ياسين لك التحية و التقدير يا عزيزي لو شخص بس بني آدم خليك من مرحلة الإنسانية دي مستحيل يكون كوز او مسترزق انتهازي وصل مرحة الآدمية حتى بالنسبة ل محمد محمد خير دا كبر انتهازي و اوسخ مما تتصور كنا زملاء في التلفزيون للأسف هو دفعة قبلنا كان شغال في ادارة الاخبار ياخ مستحيل تكون دي قصيدتو لانو القصيدة دي من القصائد المجهول شاعرها الانتهازيين و المتسلقين و المتملقين كتيرين يا حبيب وهم عارفين اننا عارفنهم
Quote: استاذنا المثقف الكبير ودالطيب ليس بعد مداخلتك ما يقال .. في وصف الكيزان والمسترزقين وضعاف النفوس والطفيليين وانت بتعرفهم جيدا بحكم عملك ومزاملتهم لك ، لكن يا استاذنا خضر ودالطيب .. الشىء البزعل والبحير في نفس الوقت هو " ان الانسان مهما كان غباؤه او حتى قلة عقله و ادبه " مفروض قبل أي تصرف في الدنيا يشوف (اللي حيعمله) ماهي عاقبته او نتيجته او تاثيره او هل (هذا وقته ومكانه) خليني اختم ليك ياخضر بى محمد محمدخير وحبيبنا حمزة سليمان وقطعت حي البوستة مرفوع الكلام ودمي ينبح ويندهك تاوقت بي عيني اليمين جوه الشمال من قلبي كان نازل مطر لون المطر كان بشبهك عبيت مشاعري من النسيم وزفرت طلعت الوحيح
Post: #43 Title: Re: حبيبناعزالدين الفحل .. معقول صور قرود .. في Author: Ahmed Yassin Date: 08-02-2019, 03:20 PM Parent: #42
Quote: كنا زملاء في التلفزيون للأسف هو دفعة قبلنا كان شغال في ادارة الاخبار ياخ مستحيل تكون دي قصيدتو لانو القصيدة دي من القصائد المجهول شاعرها
حبيبنا خضر الطيب عارف انا ليه ذكرت ليك محمدمحمد خير دا تحديدا ؟ لأنه مثل سىء الذكر (ورجاغ) البائس الذي كان زميلك في التلفزيون ياخضر من النوع الي يضحك في وجهك بوجهه العابس التعيس ويسمعك كلمات الاخوة والنخوة ومن ورائك يلسعك كالعقرب ، فالحية لاتلد الا امثالها ، محمدمحمدخير يصرح بانه يفطر مع الصادق المهدي وفي الليل يسعى ليقام له حفل تكريم (انقاذي) يحضره وزيرالثقافة انذاك عبدالباسط عبدالماجد وغنى فيه سيف الجامعة
Post: #45 Title: Re: حبيبناعزالدين الفحل .. معقول صور قرود .. في Author: علي عبدالوهاب عثمان Date: 08-02-2019, 03:42 PM Parent: #41
شكرا احمد اميس .. ليس غريبا على احفادهم الذين يقدمون أرواحهم رخيصة في سبيل الوطن لأنهم امتداد لهذا النموذج البطولي الاحظ ان شعر الحماسة انحسر هذه الايام ربما غباء الاعلام بأنه ربط هذا الموروث البطولي بحكومة الكيزان وانتم كاعلاميين وأهل فن عليكم السعي لاعادة الامانة الى اهلها
تحياتي احمد امبس
Post: #44 Title: Re: حبيبناعزالدين الفحل .. معقول صور قرود .. في Author: علي عبدالوهاب عثمان Date: 08-02-2019, 03:24 PM Parent: #40
د . احمد امين .. تحياتي يا جميل شكرا على المداخلة .. دكتورنا الحبيب .. فقط يسحب الصور وينتهي الامر لا اعرف لماذا هو مصر على بقاء الصور
شكر دكتور على احساسك الانساني تحياتي ودمتم
Post: #46 Title: Re: حبيبناعزالدين الفحل .. معقول صور قرود .. في Author: محمد محمد قاضي Date: 08-02-2019, 04:07 PM Parent: #1
Quote: وبعدين .. أتمنى احترام خلق الله .. كما ذكرت سابقاً لم يخلق الله أي مخلوق عبثاً .. كل الادوية والتجارب الطبية وغيرها يتم تجربتها في القرود ثم بعد ذلك نستخدمها نحن .. القرود تضحي من أجلنا
يا سلام عليك يا معلم الأجيال والمربي الجليل أستاذنا علي في بوست من البوستات وصف أخونا خضر الطيب واحد من جرابيع الكيزان بي أبو الدرداق وأبو الدرداق يا أستاذنا علي بالأنداني هو آبدوراجن (آبدورانج) قلت في نفسي والله الحشرة دي فايدتها للناس والدنيا أكبر من الكيزان كووووولهم وكنت عايز أعلق في الموضوع ده وإنشغلت ما عارف بي شنو وقريت مرة عن فايدة أبو الدرداق (آبدورانج) في توازن البيئة والتسميد الطبيعي للزراعة ورغم إنها ناقلة للفضلات إلا إنها واحدة من أنظف الحشرات (ومعاها الصرصار) وما تقبل الوساخة في جسمها ودايما تلقاها لامعة ونظيفة.
Post: #47 Title: Re: حبيبناعزالدين الفحل .. معقول صور قرود .. في Author: علي عبدالوهاب عثمان Date: 08-02-2019, 04:50 PM Parent: #46
الحبيب محمد .. تحياتي اسطورة ( ابدورانج ) من حكاوي الحبوبات أنه طلب ا لزواج من القمرة والقمرة طلبت منها شرط بأن تنظف الأرض تماماً من الروث ثم يتم الزفاف بعد ذلك وهكذا ابدورانج يعمل طوال عمره وإلى ومثل ابدورانج يقال في الشيء البعيد المنال
كنت مفتكرة أن عز الدين ما سحب الصور لأنه بعيد عن المنبر العام ، والغائب عذره معاه دائما ولم يقرا مناشدات الاعضاء له بسحب الصور ولكن الآن اكتشفت انه في المنبر ويعلق على بعض البوستات ، ،، ومناشده مرة أخرى أن يسحب الصور حتى يتمكن أستاذنا علي أن يستمر في تكملة البوست ....
Post: #50 Title: Re: حبيبناعزالدين الفحل .. معقول صور قرود .. في Author: علي عبدالوهاب عثمان Date: 08-02-2019, 11:59 PM Parent: #48
التحية الابنة امتثال .. شكرا الاميرة امتثال على هذه المناشدة يا ريب الحبيب عزالدين يستجيب لهذه المناشدات ويسحب الصور اكراماً للعملاق وردي وغدا السبت هو يوم وفاته .. يوم كئيب ارجوك الحبيب عزالدين يمكن ان تنزلهم هنا يكونوا معنا وانا أرحب بهم واتشرف بهم بس أبعدهم عن وردي .. جزاك الله خيرا
شكرا الابنة امتثال ان شاء الله تكوني واسطة خير والتحية للاميرات
استاذنا علي عبد الوهاب لك التحية و التجلة نحن تعلمنا من من اساتذتنا الاجلاء في بخت الرضا لهم الرحمة و المغفرة و للأحياء منهم مديد العمر مع الصحة و العافية كان و مازال في دستور قاله امير الشعراء احمد شوقي علي احمد شوقي بيك ( قم للمعلم وفه التبجيلا كاد المعلم أن يكون رسولا ) و له قصائد أخرى في مدح الرسول الكريم و رسولنا الكريم جاء يحمل رسالة من رب العالمين لا تبتئس حبيبنا على انت انسان جميل الدواخل و متسامح ما عاش اليصدمك انا مقدر الحاصل ان موعدهم الصبح , اليس الصبح بقريب و القديس وردي في دواخلنا يعيش و خليل فرح جد زميلتي الاعلامية إيثار فرح زوجة الزميل عماد صديق و لكل الاسرة عندي ليهم معزة خاصة
Quote: حبيبنا خضر .. مودتي لننتظر .... هل سيقوم بإزالة الصور ؟ الحبيب خضر حتى.قابلية الاندياح والاستحضار توقفت عندي .. نتيجة الصدمة .. ليس من احبابي القرود ولكن من هذا التصرف الذي لم يكن متوقعاً ابدا أكيد القديس وردي في برزخه يتألم رحمك الله .. ووو مسونكيل سلم لي على المبدع خليل فرح اذا معاك في البرزخ وقول ليه عزة تعاني من عقوق بعض الابناء هيرووو ووووو أشري .. الترجمه (مع سلامة يا جميل )
الحبيب خضر .. مودتي
Post: #51 Title: Re: حبيبناعزالدين الفحل .. معقول صور قرود .. في Author: عزالدين عباس الفحل Date: 08-03-2019, 05:03 AM Parent: #49
اكراما للاخ الحبيب الفاضل علي عبدالوهاب عثمان. والاخوة الزملاء الافاضل. والاخوات الفضليات. تم سحب الصورة ال Chimpanzee وشكرا
***
،،،،
عزالدين عباس الفحل ابوظبي
Post: #52 Title: Re: حبيبناعزالدين الفحل .. معقول صور قرود .. في Author: علي عبدالوهاب عثمان Date: 08-03-2019, 07:44 AM Parent: #51
شكرا الحبيب عزالدين .. أكراما لوردي .. فهو صاحب الكرم وتاريخ
تحياتي ..
Post: #53 Title: Re: حبيبناعزالدين الفحل .. معقول صور قرود .. في Author: خضر الطيب Date: 08-03-2019, 07:52 AM Parent: #52
شكراً اخ عز الدين الفحل و العفو و العافية و دي ايام مباركة و اكرامك لاستاذنا علي عبد الوهاب هذا الإنسان الجميل اسعدني
Quote: اكراما للاخ الحبيب الفاضل علي عبدالوهاب عثمان. والاخوة الزملاء الافاضل. والاخوات الفضليات. تم سحب الصورة ال Chimpanzee وشكرا
Post: #54 Title: Re: حبيبناعزالدين الفحل .. معقول صور قرود .. في Author: علي عبدالوهاب عثمان Date: 08-03-2019, 07:57 AM Parent: #49
الحبيب خضر امبس اهل امدرمان دائما يجسدون قيم الوفاء والانتماء محظوظين .. في كل زقاق وشارع وحجر وشجر قيمة فنية او سياسية او ادبية
شكرا الحبيب خضر على الحضور الزاهي
Post: #55 Title: Re: حبيبناعزالدين الفحل .. معقول صور قرود .. في Author: خضر الطيب Date: 08-03-2019, 09:38 AM Parent: #54
تسلم علي أمبس انت تستحق الأفضل و تسلم انت على حضورك الباهي محبتي
Quote: الحبيب خضر امبس اهل امدرمان دائما يجسدون قيم الوفاء والانتماء محظوظين .. في كل زقاق وشارع وحجر وشجر قيمة فنية او سياسية او ادبية
شكرا الحبيب خضر على الحضور الزاهي
Post: #56 Title: Re: حبيبناعزالدين الفحل .. معقول صور قرود .. في Author: عزالدين عباس الفحل Date: 08-03-2019, 12:08 PM Parent: #55
خضر الطيب
سلام الاخ الفاضل خضر. يازول العفو العافية. لله و الرسول خالص التحايا
***
،،،،
Quote:
شكراً اخ عز الدين الفحل و العفو و العافية و دي ايام مباركة و اكرامك لاستاذنا علي عبد الوهاب هذا الإنسان الجميل اسعدني
Quote: اكراما للاخ الحبيب الفاضل علي عبدالوهاب عثمان. والاخوة الزملاء الافاضل. والاخوات الفضليات. تم سحب الصورة ال Chimpanzee وشكرا
شكراً ليك يا عز الدين لقبول الإعتذار نفتح صفحة جديدة ما فيها الا كل الخير و اتمناك و الاسرة بألف خير يا اخي في هذا الشهر الحرام كون بخير يا عز الدين
Quote: سلام الاخ الفاضل خضر. يازول العفو العافية. لله و الرسول خالص التحايا
Post: #58 Title: Re: حبيبناعزالدين الفحل .. معقول صور قرود .. في Author: adil amin Date: 08-03-2019, 01:02 PM Parent: #57
حياكم الله خلو البورد ده يرجع نكهة السودان الزمان نترافس نضارب ونلعن بعض بس نتسامح البود يسع الجميع نخلي ما هو شخصي الي ما هو وطني فقط في هذه المرحلة https://up.top4top.net/
يا سلام يا عادل ابن استاذنا القامة الراحل محمود احمد الأمين اكيد حنتسامح و الدنيا دي قصيرة و ان طالت اعمارنا شكراً لأغنية نانسي و انا بحب نانسي جداً مما كانت طفلة صديقنا والدها الراحل غدراً بدر الدين عجاج هو أول من ادخل آلة الاورغ في الاغنية السودانية
شكراً يا عادل
Quote: حياكم الله خلو البورد ده يرجع نكهة السودان الزمان نترافس نضارب ونلعن بعض بس نتسامح البود يسع الجميع نخلي ما هو شخصي الي ما هو وطني فقط في هذه المرحلة
Post: #61 Title: Re: حبيبناعزالدين الفحل .. معقول صور قرود .. في Author: عزالدين عباس الفحل Date: 08-03-2019, 02:14 PM Parent: #60
امتثال عبدالله
سلام الفاضلة امتثال. ربما اكون بعرفك جيدا . وبكل فخير . من خلال احدي صديقاتك بالمنبر. انت رمز للمراة المثقفة الواعية. كل سنة وانت في نعيم وصحة خااااااااالص التحايا.
***
،،،،
Quote:
عز الدين عباس شكرا وكتر خيرك وكل سنة وانت طيب
،، امتثال عبدالله
،،،،
عزالدين عباس الفحل ابوظبي
Post: #62 Title: Re: حبيبناعزالدين الفحل .. معقول صور قرود .. في Author: علي عبدالوهاب عثمان Date: 08-03-2019, 02:46 PM Parent: #61
الاحباب خضر وعزالدين جزاكم الله خيرا رب ضارة نافعة
تحياتي ونحن اليوم في وطن شامخ متسامح الملايين في الشوارع وبقلوب صافية
التحية للاحباب
Post: #63 Title: Re: حبيبناعزالدين الفحل .. معقول صور قرود .. في Author: علي عبدالوهاب عثمان Date: 08-03-2019, 02:49 PM Parent: #58
شكرا الحبيب عادل أمين عبارة حلوة (( نكهة السو دان )) والأجمل نغمات نانسي شكرا لهذا الجو الاحتفائي
تحياتي لك الحبيب عادل ..
Post: #64 Title: Re: حبيبناعزالدين الفحل .. معقول صور قرود .. في Author: Ahmed Yassin Date: 08-03-2019, 03:41 PM Parent: #63
القرود اختفت . لكن النعجة لاتزال مربوطة هناك ولم تختفي ( النعجة ام بيض)
Post: #65 Title: Re: حبيبناعزالدين الفحل .. معقول صور قرود .. في Author: علي عبدالوهاب عثمان Date: 08-03-2019, 05:09 PM Parent: #64
الحبيب احمد امبس حبيبنا احمد . أولا ما المقصود ( نعجة أم بيض ) انت عارف نحن في ضواحي الدنيا كمان كنا معزولين في (جزيرة ) صدقني أنا تعلمت كثير في سودنيز تعرف يا احمد بالدنثلاوية النعجة ( اقد ) والبيض (كومبو)
التحية الحبيب احمد .. مبروك الوطن
Post: #66 Title: Re: حبيبناعزالدين الفحل .. معقول صور قرود .. في Author: Ahmed Yassin Date: 08-03-2019, 06:07 PM Parent: #65
Quote: أولا ما المقصود ( نعجة أم بيض ) تعرف يا احمد بالدنقلاوية النعجة ( اقد ) والبيض (كومبو)
حبيبنا واستاذنا علي الكلام دا كتبه صاحب القرود في نفس البوست وطالما هو عن سيد الغنا وردي مفروض يتمسح ويتنسف نسفا مع القرود لأنه هذا الكلام لايتسق مع القامة وردي او في موضوع يخص وردي فارجو انك تطلب منه ان يذهب ويمسح الكلام الكتبو هناك (اضقل بيهو ) بالاضافة الى (اقد كومبو كول)
Post: #67 Title: Re: حبيبناعزالدين الفحل .. معقول صور قرود .. في Author: علي عبدالوهاب عثمان Date: 08-03-2019, 06:18 PM Parent: #66
الحبيب احمد امبش هو اعتذر لخضر وتبادلوا كلمات الشكر أكيد سوف يزيل هذه العبارة . التحية الحبيب احمد .. وإلى وطن متسامح
Post: #68 Title: Re: حبيبناعزالدين الفحل .. معقول صور قرود .. في Author: علي عبدالوهاب عثمان Date: 08-03-2019, 06:18 PM Parent: #66
الحبيب احمد امبش هو اعتذر لخضر وتبادلوا كلمات الشكر أكيد سوف يزيل هذه العبارة . التحية الحبيب احمد .. وإلى وطن متسامح
Post: #69 Title: Re: حبيبناعزالدين الفحل .. معقول صور قرود .. في Author: خضر الطيب Date: 08-04-2019, 00:21 AM Parent: #68
Post: #70 Title: Re: حبيبناعزالدين الفحل .. معقول صور قرود .. في Author: علي عبدالوهاب عثمان Date: 08-04-2019, 07:58 AM Parent: #69
يا سلام يا خضر .. مودتي .. عصر التسامح والسمو مع الاشراقات الجديدة في الوطن لنسجل نموذج للتسامح مع بعضنا.. ونضع الضغائن خلفنا هي عصارة 30 عاماً كانت اليد العليا لفئة محدودة في المجتمع .. أفقروا مادياً وأخلاقياً وسلوكياً ولكنهم ولله الحمد انحسروا ,, .. تحياتي الحبيب خضر ..
Post: #71 Title: Re: حبيبناعزالدين الفحل .. معقول صور قرود .. في Author: خضر الطيب Date: 08-04-2019, 08:07 AM Parent: #70
حبيبنا احمد ياسين شاكر حضورك و يا ريت تشرفنا في بوست وردي انت رائع و لغتك عالية محبتي
Post: #72 Title: Re: حبيبناعزالدين الفحل .. معقول صور قرود .. في Author: HAIDER ALZAIN Date: 08-04-2019, 08:16 AM Parent: #70
يا سلاااام يآخ .. علي هذه الايام المباركة والأجواء الاحتفالية في السودان ..
دي اخلاق عظيمة تعبر عن طيب واصالة هذا الشعب الكريم .. ويستحق ويستاهل الاخ الكريم علي عبدالوهاب ..
جبر الخواطر كويس .. خاصة وقت يجي من زول حبوب زي اخونا علي عبدالوهاب ..
ــــــــــــــــــ..
Post: #73 Title: Re: حبيبناعزالدين الفحل .. معقول صور قرود .. في Author: علي عبدالوهاب عثمان Date: 08-04-2019, 08:40 AM Parent: #72
يا سلاااام يآخ .. علي هذه الايام المباركة والأجواء الاحتفالية في السودان ..
دي اخلاق عظيمة تعبر عن طيب واصالة هذا الشعب الكريم ..
=================== حبيبا حيدر .. شكراً على هذا الاحساس الجميل .. الحبيب حيدر .. تأمل التعبيرات على وجوه هؤلاء الابناء والبنات في احتفالية أمس احساسيس صادقة ونبيلة تجاه هذا الوطن الجميل .. ليس لديهم رصيد في هذه الحياة غير التسامح والمودة والتعالي على الجراحات
رغم العمر .. لم أشعر بصدق جمال هذا الوطن إلا في احتفالات هؤلاء الابناء والبنات
تحياتي لك .. الجميل حيدر .. وشكراً على المرور الزاهي ..
Post: #74 Title: Re: حبيبناعزالدين الفحل .. معقول صور قرود .. في Author: عزالدين عباس الفحل Date: 08-04-2019, 05:48 PM Parent: #73
خضر الطيب
Hi Noted I will take necessary action
***
،،،،
Quote:
يا ريت يا عز الدين تمسح اي مداخلة ما ليها علاقة بموضوع بوست وردي هنا
