الدعم السريع بريء والمجلس العسكري بريء..ديل المندسين..يا ناس انتو عندكم قنابير

01:01 AM July, 30 2019

سودانيز اون لاين
عبدالغني محمد الحاج-
مكتبتى
رابط مختصر

يجري ترويج مكثف لتبرئة السلطة العسكرية الغاشمة المتسلطة على الثورة الآن
ورأس حربتها الدعم السريع
بإستعادة الأسطوانة المشروخة للأنظمة الفاشية ..من يقتل الناس مندسين وطابور خامس ووو
معقولة في ظل سلطة ذات سطوة ذي دي
يقوم بكل القتل الحصل في القيادة
وفي السوكي والأبيض وغيرها من المدن مندسين
طيب لو حميدتي إكتشف إنه في مندسين في قواته
عملت شرك وورطته في مجذرة القيادة..يعني لو كان صادق..المفروض يعمل شنو
يدّي أوامر مغلظة لقواته بأن كل قناص بيحاول يقتل المدنيين في حضور أو ذي الدعم السريع يعتقل فوراً
ليه دا ما حصل؟
يا جماعة ما كل الناس عندها قنابير
يعني إستهداف الثورة من قبل المجلس وحميدتي أشكاله واضحة ومتعددة
أهمها التسويف البحصل في تسليم السلطة للمدنيين
والزيارات المكوكية خارج البلاد بدون تفويض من الثوار
حاجة تقرف لو الناس تحاول تنشر في الشائعات البطلقها مكنة الإنقلابيين
بأن الدعم السريع بريئ من كل ما يحدث
وديل الكيزان المندسين (يعني فاعل وهمي)