Post: #1
Title: حميدتي ومستشارينو: عرف الحيطة المايلة وعش الافاعي ولا لسة؟
Author: Gafar Bashir
Date: 07-27-2019, 05:35 PM
05:35 PM July, 27 2019 سودانيز اون لاين
Gafar Bashir-
مكتبتى
رابط مختصر
ابعاد حميدتي من المشهد حتي ولو بانقلاب عسكري بعد تعذر الاستيلاء علي قواته من خلال اعادة تعيين الاسلاميين
زمان سالنا مستشارينو منو في الشورات المهببة الفاتت دي ... اهم كلو يوم عايزين يغطسوا حجرو الاصلاً غاطس
الانقلابات المتتالية من حقنا الا نصدق فيها اي كلمة لان المجلس وحميدتي لم يعودونا الي علي الكذب المفضوح
لكن لا دخان من غير نار ويبقي الامر رهين بقرايات مختلفة ما من ضمنها مصادر حكومية موثوقة
قلنا السعودية والامارات ما من مصلحتهم انو تكون الحاضنة السياسية لحميدتي هي الاخوان المسلمين لارتباطهم بقطر
لكن ما كنا عارفين انو حميدت زاتو ما جايب خبر للناس العاشرهم عمرو كلو
أعجبني: الشارع وقوي الحرية والتغيير في وادي اخر كان ما يحدث لا يهمها ... نعم لا يهمنا حريقة تحرقهم كلهم
واتضح انو كل ما طول امد التفاوض (اتقاتلو بيناتهم) .. يعني لو زاد شوية ممكن ما نلقي البنتفاوض معاهو
عموما اذا ما عرف لحد الان
يستاهل
|
Post: #2
Title: Re: حميدتي ومستشارينو: عرف الحيطة المايلة وعش
Author: عمر سعيد علي
Date: 07-27-2019, 05:54 PM
Parent: #1
| Quote: لكن ما كنا عارفين انو حميدت زاتو ما جايب خبر للناس العاشرهم عمرو كلو |
ده الشئ المحير يا جعفر . . السذاجة التبعامل بيها حميدتي مع الناس ديل كانو ما بعرفم . .
الشارع متقدم على البشر ديل بمراحل . . شوف ناس اسامة عبد الله البعتقل فيهم من يومين ديل زماان الثوار قبضوهو في شارع المطار . .
|
Post: #3
Title: Re: حميدتي ومستشارينو: عرف الحيطة المايلة وعش
Author: Mutasim Idris
Date: 07-27-2019, 07:01 PM
Parent: #2
العزيز الصديق جعفر بشير سلام..
Quote:
قلنا السعودية والامارات ما من مصلحتهم انو تكون الحاضنة السياسية لحميدتي هي الاخوان المسلمين لارتباطهم بقطر |
مكره الفريق لا بطل.. يجيب حاضنة من وين وهم حواليهوا لافنوا
كالمعصم.. يجيب حاضنة من وين أو مستشارين يقدروا علي
الاسلاميين ومحورهم ودولتهم القااااااعدة موهطة دي؟.
حميدتي راس كبير (سلاح) جسد صغير (جنجويده وفلول)
لكن كرعين يثبتوهوا ماعنده!!
مش ممكن يكون تغيير جلد ولعب علي محاور برضوا؟؟.
المعروف محور الامارات مامتفقين عليه زااااتو..
|
Post: #4
Title: Re: حميدتي ومستشارينو: عرف الحيطة المايلة وعش
Author: Gafar Bashir
Date: 07-27-2019, 08:18 PM
Parent: #3
| Quote: السذاجة التبعامل بيها حميدتي مع الناس ديل كانو ما بعرفم . . |
تعرف الخطأ القاتل الارتكبو هو الحلم بوراثة تركة البشير بدلا عن التوحد مع قوي الثورة ده الفكرة القايدة كل تحركاتو وبالطبع زينها ليهو متشارينو الحولو وهم يضمرون ما يضمرون
حصار الثوار للجنجويد كان رد فعل مشروع جداً لانو من لحظة تخطي انحيازو المزعوم بدا في سلسلة الاكاذيب البشيرية هو ومجلسو .كذب وخداع ونفاق وحماية لرموز النظام السابق بدل اعتقالهم ومحاسبتهم (اللي هي فكرة وراثة تركة البشير)
وهو قايل انو الوراثة بتعني السير في نفس الطريق البشير عشان يقعد 30 سنة ... ما قادر يعرف الناس ثاروا علي شنو
عندو مليون طريقة للاقتراب من قوي الثورة ... فوت فرص كتيرة جدا ً.... ولا زالت الفرص قدامو
اتمني سفره للحلو مع وفد الحرية يكون جزء من استيعاب الدرس
|
Post: #5
Title: Re: حميدتي ومستشارينو: عرف الحيطة المايلة وعش
Author: Gafar Bashir
Date: 07-27-2019, 08:28 PM
Parent: #4
Quote: لكن كرعين يثبتوهوا ماعنده!!
مش ممكن يكون تغيير جلد ولعب علي محاور برضوا؟؟.
المعروف محور الامارات مامتفقين عليه زااااتو.. |
الحل الوحيد هو الاقتراب من الثورة هي الشرعية الوحيدة العندو الان ... والكانت اصلا موجودة وضيعها اكثر من مرة
حماية من جميع الجهات (المحور + المجلس + الاسلاميين) وهو فوت فرص كتيرة للخطوة دي بغض النظر عن الاسباب
الثورة تحتاج الي حماية عسكرية لتفكيك الدولة الاسلامية كهدف اول، ممكن تتنازل وتؤجل عن مناقشة الجنجويد مؤقتا علي الاقل للثلاثة سنوات القادمة (طبعا قبل فض الاعتصام) ولا زال الوضع قابل للتفاوض في ظني
اذا مافهم الكلام ده يتحمل كل الجايي
ونحن نقعد بس في كراسي المتفرجين
|
|