Post: #1
Title: الآن اتفاق الجبهة الثورية و ق ح ت على الفترة الانتقالية- مبروووك
Author: Nasser Amin
Date: 07-24-2019, 11:32 PM
11:32 PM July, 24 2019 سودانيز اون لاين
Nasser Amin-
مكتبتى
رابط مختصر
لا محاصصة في المرحلة الانتقالية
|
Post: #2
Title: Re: الآن اتفاق الجبهة الثورية و ق ح ت على الفت
Author: Mutasim Idris
Date: 07-24-2019, 11:38 PM
Parent: #1
| Quote: لا محاصصة في المرحلة الانتقالية |
خبر ممتااااز جدااا..
يلا بعد دا ينكربوا في الوثيقة الدستورية ويقفلوا كووووول
الثقرات علي الكيزان واذيالهم وأحلام فريق الخلا.
مبرووك يا ناصر علينا..
|
Post: #3
Title: Re: الآن اتفاق الجبهة الثورية و ق ح ت على الفت
Author: Nasser Amin
Date: 07-24-2019, 11:53 PM
Parent: #2
الله يبارك فيك يا معتصم و في السودان وكل السودانيين
و اكيد هذا التوافق سوف يكون له ما بعده مثلا
في المفاوضات القادمة بخصوص الاعلان الدستوري
وأقرأها ايضا من محاولة الانقلاب من الثورة المضادة
*شوف الحاجات دي كلها و اعمل ليك بوست كارب.
|
Post: #4
Title: Re: الآن اتفاق الجبهة الثورية و ق ح ت على الفت
Author: نادر الفضلى
Date: 07-24-2019, 11:58 PM
Parent: #3
الحكومة (مجلس الوزراء) هى حكومة مدنية .. دخل الجبهة الثورية (العسكرية) شنو فى حكومة (مدنية)
أمراء الحرب دخلهم شنو بثورة (سلمية) وحكومة (مدنية)
والجبهة الثورية أساًساً عضو فى (نداء السودان) اللى هو عضو فى ح ق ت
دا عك ح ق ع والمهنيين و أحزاب نداء السودان ودقير المايكروفونات
وشراء للوقت والأمر الرئيسى معلق مع المجلس العسكرى
أخشى غداً ح ق تقيم مؤتمر إعلامى تعلن إتفاقها التام مع الدعم السريع لتشكيل حكومة مدنية!
|
Post: #5
Title: Re: الآن اتفاق الجبهة الثورية و ق ح ت على الفت
Author: Mutasim Idris
Date: 07-25-2019, 00:18 AM
Parent: #4
Quote:
الله يبارك فيك يا معتصم و في السودان وكل السودانيين
و اكيد هذا التوافق سوف يكون له ما بعده مثلا
في المفاوضات القادمة بخصوص الاعلان الدستوري
وأقرأها ايضا من محاولة الانقلاب من الثورة المضادة
*شوف الحاجات دي كلها و اعمل ليك بوست كارب. |
يا ناصر في حاجتين ملاوزين لي.. واحدة أهو يمكن
تكون بددت من هاجس تحزب الانتقالية ولو بعود واحد.
الثانية شفت في الدستورية وفقرة إنفاذ القانون.. دا الجن
زااااتو. لانه لو اخدنا كوووول السيادي والوزراء والتشريعي
وفضلت الاجهزة الامنية في يدينهم بتركيبتها المعقدة المفصلة
علي المجلس العسكري دا معناه دولة مدنية من برة و
عسكرية من جوة.. والانقضاض علي السلطة بعد تصليح
البلد للاسلاميين ببقي سااااهل بعدما نصحح ليهم
اخطاء انقاذهم الاقتصادية والسياسية وإتخلصنا ليهم
من ديناصوراتهم في القيادة ومهدنا الطريق للجيل الثاني
منهم.. شفت كيف!!
وبدون ما ندري نكون أنتجنا الانقاذ2 بثورتنا..
إن شاءالله يكونوا في قوي الاعلان مفتحييييين علي
الثقرات دي في الوثيقة.
|
Post: #6
Title: Re: الآن اتفاق الجبهة الثورية و ق ح ت على الفت
Author: محمد البشرى الخضر
Date: 07-25-2019, 04:52 PM
Parent: #5
شفت يا ناصر و يا معتصم ادريس!
مزيد من الثقة في من وثقتم فيهم من اول يوم وما خانوا ولن يفعلوا
للعربية و للحدث أجندات ولبيجو صراعات شخصية ولفحات و هم السبق الصحفي
لا احد يزايد على وطنية قادة الحرية و التغيير و تجمع المهنيين ووعيهم برغبات شعبهم و ادراكهم لطبيعة الصراع و من هو العدو
ولا عزاء لدونكيشوتات الاجماع الوطني و ابواق الاسافير, هسي ح يخلوا اي شي ويمسكوا في هيكلة و الجسم القيادة لقحت ويعملوا مناحة و بيانات و خوتة في الفاضي!
|
Post: #7
Title: Re: الآن اتفاق الجبهة الثورية و ق ح ت على الفت
Author: كمال عباس
Date: 07-25-2019, 05:07 PM
Parent: #6
اتفقو. علي ماذا ؟قوي الحرية والتغيير وتجمع المهنيين هم القلب النابض للثورة !والدونكشوتيون هم اطرافً نداء السودان وحزب الامة !تخيلوا. ابراهيم الامين يوقع نيابة عن بقية اطرافً نداء السودان. والجبهة الثورية ترفض؟!بتم تفويض احمد الزبيع ليوقع علي الإعلان السياسي من قبل جزء من كتلة نداء السودان والتجمع الاتحادي. ومن دون موافقة بقية طيف قوي الحرية والتغيير قم يأتي الأصم ليعلن ان الأمر تم بدون تنسيق. وان النواقص والاختلالات ستعالج في الوثيقة. الدستورية ثم تعلن فصائل بارزة في التجمع الاتحادي رفضهاللاعلان السياسي!يتم اجتماع في إدريس ابابا. من دون حضور عبد الواحد صاحب اكبر فصيل جماهيري ومن دون الحلو!!ثم يصدر بيان ختامي إنشائي. لا يحسم شيئا ولا يقول شئ وإنما يكتفي بالعموميات والاكلشيات البائسة !وتخرج الجماهير اليوم متمسكة. بإعلان الحرية والتغيير كما هو !
|
Post: #8
Title: Re: الآن اتفاق الجبهة الثورية و ق ح ت على الفت
Author: محمد البشرى الخضر
Date: 07-25-2019, 05:29 PM
Parent: #7
ههههه يا كمال ما تتحسس ياخ
|
Post: #9
Title: Re: الآن اتفاق الجبهة الثورية و ق ح ت على الفت
Author: كمال عباس
Date: 07-25-2019, 07:22 PM
Parent: #8
مافي تحسس
يامحمد البشري ولكن
مناوي وحركة العدل والمساوة ديل هم نفس الحركات التي هرعت لأنجمينا وقررتا التفاوض
مع المجلس العسكري بمعزل عن قوي الحرية والتغيير !
* والجبهة الثورية التي وقعت في أديس أبابا هي الكيان الذي يقوده التوم هجو مناصر المجلس
العسكري وحميدتي !
* والإتفاق مع الفصائل المسلحةفي أثيوبيا تم بمعزل عن حركة الحلو وعبد الواحد !
نجي لنداء السودان
هو الكتلة الرئسية التي فوضت أحمد الربيع للتوقيع علي الإتفاق السياسي
وأحمد الربيع الذي ينتمي لقوي المهنين وقع علي الإتفاق من تفويض وتفويض من كامل قوي
الحرية والتغيير بل من دون تفويض من تجمع المهنين ! ومن دون إعتبار لبقية مكونات نداء
السودان !
وهاهو تجمع المهنين يصدر بيانا مع الحركة الشعبية اليوم يقول فيه
| Quote: ( . إتفق الطرفان علي ضرورة تقويم نواقص وعيوب الإتفاق السياسي الموقع بين قوي إعلان الحرية والمجلس العسكري في مرحلة التفاوض حول الإعلان الدستوري بين الطرفين.) |
لماذا تم التوقيع علي الآتفاق وهو ملئ بالنواقص والمسالب وبعيدا عن إجماع قوي الحرية والتغيير
وبشكل أتي مناقضا لم تم الإتفاق عليه بين تلك القوي ؟
* لما وقع تجمع المهنيين في خطأ التوقيع علي الإتفاق السياسي بصورة آحادية وإنفرادية
وعرجاء ؟
* الموضوعية تقتضي نقد هذه السلبيات والنواقص والتعجل والإرتجال - موقف قوي الإجماع
من الإتفاق السياسي وإجتماع أديس أبابا جيد وقد أثبتت الأيام بعد نظرها فيما يتعلق بالإتفاق السياسي !
بالنسبة للحزب الشيوعي يمكن مناقشة موقفه من بعض القضايا بإعتبار إنه حينما يعترض علي
قضية ما يهدد بغسل يده عن ماسبق التوافق عليه بإعتباره أن حسم ماسبق مرتبط بحسم
ما سياتي !
|
Post: #10
Title: Re: الآن اتفاق الجبهة الثورية و ق ح ت على الفت
Author: Mutasim Idris
Date: 07-25-2019, 08:12 PM
Parent: #9
Quote: مزيد من الثقة في من وثقتم فيهم من اول يوم وما خانوا ولن يفعلوا
للعربية و للحدث أجندات ولبيجو صراعات شخصية ولفحات و هم السبق الصحفي
لا احد يزايد على وطنية قادة الحرية و التغيير و تجمع المهنيين ووعيهم برغبات شعبهم و ادراكهم لطبيعة الصراع و من هو العدو |
يا محمد زماااان قلنا بص الثورة دا يمشي بالراكبين فيه.. بعدين
العاوز يحصل مرحبتين والماعاوز دااااك الشارع.
القوي والتجمع آثروا درب السلامة للحول قريب وركّبوا مقاعد
للناس ديل وحركة البص تقلت والوقفة طولت في زمن الثورة..
المهم الناس ديل عارفنهم منو وكان عندهم فرصة الستة شهور
الاولي (للعاوز) يبقي في الثورة والباب كان مفتوح.
ما تخوين لكن مواكبة والمشي بسرعة الثورة القااااانونية علشان
لا ناس بيجو أو هونداي والعبرية والحدس يبرطعوا ويلفقوا.
الشارع واعي جدا.. منضبط جدا.. ومنتظر.
|
|