ملخص الاتفاق: المجلس السيادي 3+7+1 بدل 5+5+1 لصالح المجلس العسكري

ملخص الاتفاق في اثيوبيا


فاد مراسل "العربية" في السودان، اليوم الثلاثاء، بتوافق قوى الحرية والتغيير والجبهة الثورية على التمثيل في المجلس السيادي.

ونقل مراسلنا عن مصادر أن قوى الحرية والتغيير والجبهة الثورية اتفقت على منح الجبهة الثورية مقعدين مقابل 3 لمكونات التغيير في المجلس السيادي، كما شمل الاتفاق تسمية رئيس الوزراء على أن يبدأ مهامه خلال شهر.

وتعقد قوى الحرية والتغيير والجبهة الثورية في السودان، مساء الثلاثاء، اجتماعاً للمصادقة على اتفاق بينهما على تفاصيل المرحلة المقبلة.

ونقلت مصادر في الطرفين أن عقبة التمثيل في مجلس السيادة تم تخطيها بأن يكون نصيب قوى الحرية والتغيير من الشخصيات التي تمثل الأقاليم السودانية، دون اعتبار لأي انتماءات سياسية.

واتفقت الجبهة الثورية وقوى الحرية والتغيير على ضرورة أن تمضي مفاوضات قوى الحرية مع المجلس الانتقالي مع الاستمرار في معالجة قضايا السلام حتى بعد تشكيل الحكومة وتضمينها في برنامج الحكومة وعملها.

وأضاف أن الحكومة الانتقالية ستخصص حيزاً لإجراءات بناء الثقة.

تواصل الاجتماعات
هذا وتتواصل الاجتماعات بين قوى الحرية والتغيير والجبهة الثورية في أديس أبابا لإدخال الفصائل المسلحة في العملية السياسية، حيث رفضت حركتان مسلحتان سودانيتان المشاركة في مفاوضات أديس أبابا.

الحركتان هما تحرير السودان بقيادة عبد الواحد نور في إقليم دارفور والحركة الشعبية قطاع الشمال بقيادة عبد العزيز الحلو في جنوب كردفان.

وفيما شارك الحلو في مفاوضات مع نظام البشير من قبل لم يشارك عبد الواحد نور في أي مفاوضات في عهد البشير أو بعد سقوطه.
حزب المؤتمر يحسم موقفه
يأتي هذا فيما حسم حزب المؤتمر السوداني موقفه من المشاركة في حكومة الفترة الانتقالية المُرتقبة، وأكد أنه لن يدفع بأي من أعضائه لأي موقع في مجلسي السيادة أو الوزراء.

وأعرب الحزب عن تقديره لكل من دفع بترشيح رئيس الحزب عمر الدقير لمنصب رئيس الوزراء بالحكومة المرتقبة، معتبراً أن الترشيح جاء نتيجة للثقة الغالية التي أولتها قطاعات عديدة من الشعب السوداني للدقير.

ودعا الحزب للنأي عن المحاصصات الحزبية التي تحرف الثورة عن مسارها وتحولها لتسابق على المناصب.

مفاوضات مستمرة
هذا وتدور مفاوضات في العاصمة الإثيوبية، أديس أبابا، بين وفد من "قوى الحرية والتغيير" السودانية و"الجبهة الثورية"، وهو تحالف يضم أهم الحركات المسلحة.

وأبرز الحركات المنضوية تحت "الجبهة الثورية" هما "حركة تحرير السودان" بقيادة مني أركو مناوي و"العدل المساواة" بقيادة جبريل إبراهيم، واللتان تقاتلان في إقليم دارفور.

وتحضر المفاوضات في أديس أبابا أيضاً "الحركة الشعبية لتحرير السودان فرع الشمال"، بقيادة مالك عقار وياسر عرمان وخميس جلاب ومبارك أردول، التي تقاتل في منطقتي جبال النوبة والنيل الأزرق.

المهم في الموضوع
لسة في حركات ما تم استيعابها
كيف حاتكون القسمة

الموضوع طلع محاصصات يعني
طيب لو الثورية جابوا مناوي الغلبة في المجلس حتكون لصالح منو؟

مناوي وخليل
7للمجلس
3 لي قحت

حميدتي ده مش مشي وقابل مناوي وخليل وقعد معاهم
ويوم الاتفاق عملوا ليهم حركة سخيفة كدة
اننشقاق من قوي الحرية
عشان يضعفوه

-----

الموضوع الامني ده مفروض دور عسكري
وديل ياخدو قسمته من المجلس السعكري
ما من المدنيين
ما عرفت الحصل شنو والفهم زاتو كيف

لو صدق الخبر .. مجرد مهزلة ولعب عيال

بالمناسبة الكلام المقتبس ادناه من امبارح القريبة دى وحتى المداد لم يجف بعد وآخرهمومهم :
الوطن الجريح والمواطن المعلق آمال عريضهم عليهم :

Quote: أديس أبابا : صرح الرفيق مالك عقار أير رئيس الحركة الشعبية لتحرير السودان شمال ورئيس الجبهة الثورية السودانية بأن المشاورات التي تجري في أديس أبابا بين الجبهة الثورية السودانية وقوي الحرية والتغيير ليس للمحاصصة السياسية ولاتولي الحقائب الوزارية إنما أتينا لتحقيق أهداف الثورة وبناء السلام الشامل والعادل وبناء دوله المواطنه دون إقصاء لأحد ونفى الأنباء التي ترددت عن طلب الجبهه الثورية للحصول على نصف مقاعد مجلس الوزراء وعضوين في المجلس السيادي. مؤكدآ بأن من يروجون لتلك الأحاديث هدفهم عرقلة المشاورات الجارية *إعلام الحركة الشعبية#

Quote: كما شمل الاتفاق تسمية رئيس الوزراء على أن يبدأ مهامه خلال شهر.

قدر ما قلبت الموضوع المقتبس اعلاه يمين ويسار ابت لى كلو كلو
الفهم شنو ؟

العربية و الحدث بي اجنداتهم يا جعفر ما تاخد كلامهم زي ما هو

المشكلة يا دفعة
انو في تعتيم عجيب

سمعت النفي للموضوع اكتر من مرة

لكن ناس الحرية والجن الاحمر ديل
مافي زول عارف بيعملو في شنو ولا بفاوضوا في شنو
قصتهم عجيبة جدا

ويطلع ليك عباس مدني يقول ليك
المشكلة الوحيدة عندنا عدم الشفافية

خلاص ناخد من الاعلام الرسمي

لكن علي الاقل لو في اي فكرة في الموضوع
احسن يتراجعو

Quote: ويطلع ليك عباس مدني يقول ليك المشكلة الوحيدة عندنا عدم الشفافية

ممكن أتفق معاه يا جعفر في حالة انو الاوضاع طبيعية
والديمقراطية تمت والمؤسسات اتبنت من باب ليس كل
ما يسمع يقال. لكن في حالة الثورة دا كلام ماااااااا
مقبول. الشارع لسة في ثورته وانت بتسايسوا.
يخيل لي مَرّ عليك فيديو مولانا التاج مع الثوار.

سلام معتصم
مر علي
ونتيجة طبيعية للطريقة الشغالين بيها

وانا ما شايف ما يستدي كل التكتم ده ،

ياخي خليهو بتفاوضوا في شنو
وخليها البيانات الرسمية

الكان شغال لغة الرندوك مكرهنا بيها السوشيال ميديا خليهو علي الاقل
يكذب كلام بتقال في قنوات رسمية
نحن ما بنقول يجري وراء كل اشاعة
لكن كلام بتقال في قنوات اعلامية رسمية

البحصل ما صحيح تحت اي ذريعة

Quote: قوى الحرية والتغيير والجبهة الثورية اتفقت على منح الجبهة الثورية مقعدين مقابل 3 لمكونات التغيير في المجلس السيادي

سبحان الله
يعني في الاخر طلعت محاصصة بين اعضاء قحت و فيه بعضهم ينصب نفسه كصاحب يد عليا و يقرر الاخر كصاحب يد سلفي ومنحة من لا يملك لمن لا يستحق.
يا اخوانا اليس فينا رجل رشيد و امرأة رشيدة يبذل النصح لهؤلاء.

يعني بالواضح قحت قررت الدخول في حكومة الفترة الانتقالية.

و كدا قولو لي الفرق بين الاتفاق ده و الناس الجمعهم حميدتي في قاعة الصداقة شنو؟
عندما اتي به حميدتى تم رفضه تماما و الان تأتون من نفس الباب, فماذ تتوقعون الحصاد؟
ما دام فتحتو الباب ده (can of worms) و ختيتو نفسكم اسياد بلد بتمنحو من تشاءو و تذلو من تشاءو فيبقي جهزو نفسكم لـ مقابلة احتاجات 100 او الف لواء خلاء و الا فالحرب سنكون مدورة.
هذه ليست غلطة الحركات المسلحة بأى حال من الاحوال بل غلطة عقلية قحت (النيليين) الذين يرون انفسهم ملأك (تشديد اللام) الحق و لا يستطيعون الخروج من هذه العباءة النتنة لاجل السودان. عقلية انانية الي ابعد الحدود و لا يملك التفكير السليم و لا يمكن ان يأتي بحلول للازمة السودانية.