Post: #1
Title: ولسه بنقول .. الحركات المسلحة اعداء السلام والوطن
Author: HAIDER ALZAIN
Date: 07-23-2019, 07:59 AM
07:59 AM July, 23 2019 سودانيز اون لاين
HAIDER ALZAIN-
مكتبتى
رابط مختصر
الكلام دا كلو يوم بيثبته الواقع..
وكل حقيقة وواقع بتنكشف بتثبت راي وقناعة شخصية بأنه هؤلاء الحركات المسلحة
ماهم الا كيزان حردانيين من ناسهم بسبب التهميش في توزيع غنائم الوطن من مناصب وتشريفات ومكاسب ..
وبصورة اخرى بفهم انه استمرار الحرب دي كان فيهو مجال بيسنزس وشغل ومرابح للعديد منهم كتير ..
بيسنزس بيكبر اطراديا كلما تأزم وتصعد الموقف وكلما مات الشباب وعاني الاطفال ودمرت القرى..
كله دا مفهوم ومعلوم .. ومعلوم الدعومات الخارجية وبيع دماء الشباب والنساء بالرخيص في اروقة النخاسة الدولية..
ومفهوم كمان عندي انهم سماسرة قضايا ومواقف ولا ضمير لهم ..
الما مفهوم عندي البخلي زول يغالطني شنو كمان :)
|
Post: #2
Title: Re: ولسه بنقول .. الحركات المسلحة اعداء السلام
Author: عبداللطيف خليل محمد على
Date: 07-23-2019, 09:50 AM
Parent: #1
حيدر الزين :
أحييك ياخي ..
بعض الحركات خاضعة تماما لاشارات ( بقايا الترابي ) و علي الحاج تحديدا ..
وهم قسم كبير من ( الدبابين) الذين استماتوا في الدفاع عن بقاء الإنقاذ و تعهدوا بـ ( دحر التمرد )
و بلا مغالطات : أن مناوي جلس سنينا كانقاذي و شارك حتى شبع
وعندما خرج عن الإنقاذ - بعد مشاركة بائسة - فقط لأنه لم يجد فرصته الكافية التي كان ينوي عليها
شعر بالتهميش الفعلي لأن ( سلامه وكسر بندقيته ) كان بالمال ..
لكن ما يحير : الحركة الشعبية - شمال ( بفرعيها )
على ماذا يفاوضون ق ح ت ؟
هذا هو السؤال ..
|
Post: #3
Title: Re: ولسه بنقول .. الحركات المسلحة اعداء السلام
Author: احمد الأمين على إدريس
Date: 07-23-2019, 10:08 AM
Parent: #2
حيدر الزين سلامات
انا كواحد زول الله ساي شايف الجبهة الثورية دي الحلقة الاسواء فى المشهد الان
اكعب من المجلس و قحت والحزب الشيوعي وذو النون مجتمعين ..
انتهازية واضحة
اطماع شخصية جدا
مؤهلات صفرية
|
Post: #4
Title: Re: ولسه بنقول .. الحركات المسلحة اعداء السلام
Author: ترهاقا
Date: 07-23-2019, 11:37 AM
Parent: #3
الحركات المسلحة ، الجبهة الثورية أس بلاء السودان
دييل مجرد بلطجية وسبب بقاء الانقاذ لمدة تلاتين سنة
أطالب حقت بإنو ينسوا الكرور دييل عشان نشوف أي قوة عسكرية
أو جماهيرية عندهم
بلا حركات مسلحة بلا جبهة ثورية بلا قرف
|
Post: #7
Title: Re: ولسه بنقول .. الحركات المسلحة اعداء السلام
Author: HAIDER ALZAIN
Date: 07-23-2019, 01:33 PM
Parent: #4
| Quote: الحركات المسلحة ، الجبهة الثورية أس بلاء السودان دييل مجرد بلطجية وسبب بقاء الانقاذ لمدة تلاتين سنة أطالب حقت بإنو ينسوا الكرور دييل عشان نشوف أي قوة عسكرية أو جماهيرية عندهم بلا حركات مسلحة بلا جبهة ثورية بلا قرف |
والله يندرشو درش الجن يا ترهاقا ..
رمم يآخ عليك الله هسه زي التوم هجو دا يتعد صوت كمان !
|
Post: #6
Title: Re: ولسه بنقول .. الحركات المسلحة اعداء السلام
Author: HAIDER ALZAIN
Date: 07-23-2019, 01:18 PM
Parent: #3
تحياتي احمد ..
| Quote: انا كواحد زول الله ساي شايف الجبهة الثورية دي الحلقة الاسواء فى المشهد الان اكعب من المجلس و قحت والحزب الشيوعي وذو النون مجتمعين .. |
لا مقارنة فقط بل هما صنوان المجلس العكسري والحركات التجارية ..
قوى الحرية والتغيير والحزب الشيوعي بي حقهم .. وديل دايرين بي حق الناس الملوث بالدم ..
كلنا بنذكر كلام ابراهيم جبريل وقت الاعتصام وكيف كان بيتهم المعتصمين ويشكك فيهم وانه جايبهم الاكل والقعاد وعبارة عن عطالى
دا رايهم في الحركة المدنية السلمية .. القلعت شركاءهم من اهل الانقاذ
بي مؤهلاتهم الصفرية دي عاوزين يعملوا فيها سلفاكير واموم تاني عشان الفشل والخراب في ورثة ابوهم الاسمو السودان دا يكون عامي شمال وجنوب وشرق وغرب ..
وما بنسى اطلاقاً انه السبب في انفصال الجنوب والمآسي الفيهو دي ايضاً تمت بواسطة حملة سلاح ..في طرف وحملة سلاح في طرف .. وتجار وسماسرة ومرابحين في طرف
وشعب ضائع ووطن ممزق ومستقبل مظلم في طرف ..
يبدو لي الاخوة ما فاهمين انهم الحلقة الاضعف وليس الاسواء فقط في المشهد !
|
Post: #5
Title: Re: ولسه بنقول .. الحركات المسلحة اعداء السلام
Author: HAIDER ALZAIN
Date: 07-23-2019, 12:50 PM
Parent: #2
سلامات يا عبداللطيف
| Quote: بعض الحركات خاضعة تماما لاشارات ( بقايا الترابي ) و علي الحاج تحديدا .. وهم قسم كبير من ( الدبابين) الذين استماتوا في الدفاع عن بقاء الإنقاذ و تعهدوا بـ ( دحر التمرد ) |
اغلب ديل بتلقاهم حركة عدل ومساواة ومناوي وناس انا ناشط دارفوري حايم في نيويورك وزعيط ومعيط ..
مجرد كيزان ودبابيين رخيصين
|
|