المفقودين في الثورة.. لم يلقوا حظهم من الاهتمام

Post: #1
Title: المفقودين في الثورة.. لم يلقوا حظهم من الاهتمام
Author: Mutasim Idris
Date: 07-22-2019, 08:23 PM

08:23 PM July, 22 2019
سودانيز اون لاين
Mutasim Idris-Sacramento
مكتبتى
رابط مختصر

ياخ لما تفقد مفتاح عربيتك والبيت بتجن.. لما تفقد زوووول
بكون حاصل ليك شنو؟!
الفقد كلمة تبعث الحزن والاسي فمابلك لما يكون الفقد
ثائر طلع عشاننا في مسيرة مليونية , موكب , من لجان الاحياء
او معتصم كان في دولة الحرية والسلام.

Post: #2
Title: Re: المفقودين في الثورة.. لم يلقوا حظهم من الا�
Author: Mutasim Idris
Date: 07-22-2019, 08:26 PM
Parent: #1

لم يبرد حشا آهاليهم ويعرفوا قدر الله فيهم. الشهيد أرتقي
حي عند مليك يرزق والجريح بين أهله وصحابه والمغتصب
رغم فداحة الجرم لقي من الاهتمام.. وين المفقود؟؟

Post: #3
Title: Re: المفقودين في الثورة.. لم يلقوا حظهم من الا�
Author: السر عبدالله
Date: 07-22-2019, 08:30 PM
Parent: #1

كما قلت فإن المفقودين وكذلك شهداء الثورة لم يجدوا حظهم من الاهتمام اللازم من قبل قوى الحرية والتغيير ومن نجمع المهنيين ..ونأمل من الحكومة الانتقالية ان تهتم بهذا الأمر، ومحاسبة المسؤولين عن ارتكاب تلك الجرائم الفظيعة ....ونأمل كذلك أن تحتفل الحكومة الانتقالية بنصر الثورة ، ثورة العدالة والسلام...من اجل سودان جديد...

Post: #4
Title: Re: المفقودين في الثورة.. لم يلقوا حظهم من الا�
Author: Mutasim Idris
Date: 07-22-2019, 08:37 PM
Parent: #3

كل الحصل في قضيتهم هو مجهود كبير ومقدر من
ثوار بفتشوا فيهم بانفسهم في المشارح , مقابر جماعية
أو معتقلات وحتي قاع النيل!!!!
أطلقوا الحملة وبفتشوا عن ثوارنا.

Post: #5
Title: Re: المفقودين في الثورة.. لم يلقوا حظهم من الا�
Author: Asim Ali
Date: 07-22-2019, 08:45 PM
Parent: #4

Post: #6
Title: Re: المفقودين في الثورة.. لم يلقوا حظهم من الا�
Author: Mutasim Idris
Date: 07-22-2019, 08:58 PM
Parent: #4

معقولة نتركهم كدا من غير حتي تكون رحلة البحث عنهم
شاغل وهم لينا علي الاقل في مستوي القضايا التانية!!
الثورا ديل هم عصب , نخاع , روح ودينمو الثورة..

حمدتو سليمان الشيخ.. جامعة النيلين. مفقود من الاعتصام

محمد الطيب يوسف مفقود من ٦ ابريل

Post: #7
Title: Re: المفقودين في الثورة.. لم يلقوا حظهم من الا�
Author: Mutasim Idris
Date: 07-22-2019, 09:02 PM
Parent: #6

دي قائمة وفيها محاولة لرصد المفقودين.. العدد اكيد أكبر..

Post: #8
Title: Re: المفقودين في الثورة.. لم يلقوا حظهم من الا�
Author: Asim Ali
Date: 07-22-2019, 09:11 PM
Parent: #7

يوم الجمعه فى جثمان ظهر فى توتى ماعارف هل تم تحدبد الشخصيه ام لاام ان السلطات دفنت الجثمان سريعا؟؟

Post: #9
Title: Re: المفقودين في الثورة.. لم يلقوا حظهم من الا�
Author: Mutasim Idris
Date: 07-22-2019, 09:22 PM
Parent: #8

Quote:
كما قلت فإن المفقودين وكذلك شهداء الثورة لم يجدوا حظهم من الاهتمام اللازم من قبل قوى الحرية والتغيير ومن نجمع المهنيين ..ونأمل من الحكومة الانتقالية ان تهتم بهذا الأمر، ومحاسبة المسؤولين عن ارتكاب تلك الجرائم الفظيعة ....ونأمل كذلك أن تحتفل الحكومة الانتقالية بنصر الثورة ، ثورة العدالة والسلام...من اجل سودان جديد...

السر عبدالله سلام..
لحدي الحكومة الانتقالية!! وأهلهم يفتشوا عليهم بالمجهود الشعبي
بس؟! قضية المفقودين مفروض تلقي حقها من الاهتمام.

Quote:
يوم الجمعه فى جثمان ظهر فى توتى ماعارف هل تم تحدبد الشخصيه ام لاام ان السلطات دفنت الجثمان سريعا؟؟

الراكز الحبيب عاصم..
والله يا عاصم في جثث طلعت في مناطق الشمالية.. ما عارف
كيف يكون إحساس اسرهم وهم في إنتظار ااااي خبر؟!
إنا لله ياااخ..

Post: #10
Title: Re: المفقودين في الثورة.. لم يلقوا حظهم من الا�
Author: السر عبدالله
Date: 07-23-2019, 00:16 AM
Parent: #9

معتصم
طبعا المسؤولين الحاليين لا يمكن أن يهتموا بأمر المفقودين أو الشهداء لأنهم هم السبب ، وهم من ارتكبوا هذه الجرائم..إذن فالحكومة الانتقالية المدنية هي وحدها التي يمكن أن تهتم بهذا الأمر....ونتمنى أن تتشكل هذه الحكومة المدنية بالسرعة المطلوبة لان السودان بدون حكومة منذ شهر ابريل الملضي ...

Post: #11
Title: Re: المفقودين في الثورة.. لم يلقوا حظهم من الا�
Author: Mutasim Idris
Date: 07-23-2019, 01:13 AM
Parent: #10

Quote: طبعا المسؤولين الحاليين لا يمكن أن يهتموا بأمر المفقودين أو الشهداء لأنهم هم السبب ، وهم من ارتكبوا هذه الجرائم..إذن فالحكومة الانتقالية المدنية هي وحدها التي يمكن أن تهتم بهذا الأمر....ونتمنى أن تتشكل هذه الحكومة المدنية بالسرعة المطلوبة لان السودان بدون حكومة منذ شهر ابريل الملضي .

المفقودين يا السر اللي أنا بتكلم عنهم.. ما طالب أهتمام غير
يتعرف حصل ليهم شنو؟ أحياء أم اموات؟ لو في معتقلات او
في مقابر جماعية او حتي في النيل ول دقشوا الخلا دا
فقدوا العقل من هول ماشافوا وحصل ليهم. ديل أهلهم والعشيرة
والصحاب والثورة والدنيا كوووولها عاوزة تعرف مصيرهم.
المجلس وجنجويده ما بهمهم لانه ببساطة ديل ما ناسهم. أنا
بتكلم عن المهنيين وقوي الحرية يتكلموا عن المشكلة دي
وتكون قضية رأي عااام. يعني ما تكون علي شاكلة نترحم علي
شهداءنا ونتمني الصحة لجرحانا والسلوي للمغتصبين ويا جامع
يا رقيب أجمع بالمفقودين.!! ديل الثورة.. ديل فيهم من كان معتصم
في القيادة في الليلة المشؤومة.. حراس تروس؟ لجان احياء؟ ممكن
جدا.. ديل ابطالنا يا السر , وقصة ننتظر لحدي ما الحكومة تجي
ما اظن يكون مقنع ومنطق لامهاتهم ازواجهم اخوانهم واصحابهم.
الشهيد . الجريح . المغتصب حالات أمامنا.. المفقود وين؟؟؟؟