Post: #1 Title: الشاعر الكبير القدال يرثى شهداء فض الاعتصام ويسمى البرهان وبن سلمان وبن زايد وحميدتى Author: بدر الدين الأمير Date: 07-20-2019, 05:33 AM Parent: #0
التحية لشاعر السودان الكبير محمد طه القدال والخلود للشهداء والمجد للسودان .....
Post: #2 Title: Re: الشاعر الكبير القدال يرثى شهداء فض الاعت� Author: بدر الدين الأمير Date: 07-20-2019, 05:37 AM Parent: #1
علق اخى وصديقى الناقد والمؤصل الادبى احمد الامين على المرثية بقوله : ان القدال كان واضح وضوح الشمس
Post: #3 Title: Re: الشاعر الكبير القدال يرثى شهداء فض الاعت� Author: بدر الدين الأمير Date: 07-20-2019, 05:39 AM Parent: #2
وفى تقدير هى مرثية من غضب وحزن وأمل
Post: #4 Title: Re: الشاعر الكبير القدال يرثى شهداء فض الاعت� Author: بدر الدين الأمير Date: 07-20-2019, 05:54 AM Parent: #3
القدال اسمى المرثية باغنية الرواويس بحاول ايرادها هنا بصوته الاثر والمرثية نشرها القدال كنص مكوتوب بعد فض الاعتصام بيومين ابان قطع النت فى السودان من قريته او مدينته الحليوة وبالامس الاول اعاد قراءتها بصوته
Post: #5 Title: Re: الشاعر الكبير القدال يرثى شهداء فض الاعت� Author: Yasir Elsharif Date: 07-20-2019, 06:25 AM Parent: #4
سلامات يا بدر الدين وشكرا والتحية للشاعر القدال ــــــــــــــــــ
محمد طه القدال: أغنية الرواويس .. يونيو ٢١ - ٢٠١٩ راديو دبنقا
شعر: محمد طه القدال
حليوة ٥ يونيو ٢٠١٩ م الطلقة المشت في صدرُه زي اَهة مشت بى غادي تحت الروح مشلهتة من رحيقُه الفاح ومن صبة ثبات الجوف. ما شفتوا الرصاص هضرب؟ صباح الغدر والبهتان؟ هداك العسكري الرداح.. ما شايفنوا كاتل الروح .. كتَل روحوا؟ ومن بعد الكَتِل يا خيبة قام كضب؟ فلا برهان بعد ما اتجلبط البرهان .. بريحة الدم. ودم الدم، وزعزعة الدبابير بالكضبة تلمع فالصو هِن لا هيبة لا فوق الكتِف ترتاح. مَرَقَت طلقة المطلوق وركََّت فوق وطن ممهول بيأبى يروح نبَت صفَق الشهيد عزاً .. قلانا قلي وملانا ملي وتاوق فوق عنا المجروح وشالنوا البنات علمين علم يمسك قلوبهن من رفيف الخوف وتاني .. رفيفو هبّة ناس على باب النصُر واقفين ينادوا عليك .. عليك يا طلقة المطلوق قروشِك من بني سلمان وريشِك من بني نهيان وديشِك من بني حمدان وبكره على العلينا .. نروق ولا رأس العمالة يروق وهم عارفين منو الشتّربِك الأخلاق وسمح القول وسمح الناس وسمح الدين. وهُم شايفين منو الصادربِك الغنوات ولمات النفَق بي فوق. عـلَي يا طلقة المطلوق حنرسُمبِك ملامح ناس يترِّسوا في مسيرات الهدير تامّين شُفّع يُفَّعاً شايلين تهاليل العدِل ميزان ودوس كيزان وتسقط بس وشابات للسلام شَرَعن نواصيهن قصاد الدم وشباناً يغطوا الشم يشيلوا الهم تفرتقوا روق .. يجيبهم روق عـلَيْ يا طلقة المطلوق حننحتبِك رواويسنا اليغنوا مع الصباح للقيف يشدوا على سروج النيل يقودوا الطوف .. يساند الطوف يختوا الزوق بدال العوق بدل زولاً فرد واحد بلا ذمة وبلا طايوق. نقلا عن صفحة الأستاذ محمد طه القدال على الفيس بوك
Post: #6 Title: Re: الشاعر الكبير القدال يرثى شهداء فض الاعت� Author: بدر الدين الأمير Date: 07-20-2019, 06:34 AM Parent: #5
دكتور ياسر ياود الشريف ياصديقى في المنافى وعبر المنافى شكرا لحضورك وانت السباق دوما مستنين اخونا خضر الطيب يجيب المرثية بصوت القدال وشخصيا دوما بقول واكرر الشعر فن مسموع اكثر منه مقرؤ ودى مسالة منذ البدء وفى البدء كانت الكلمة مسموعة
Post: #7 Title: Re: الشاعر الكبير القدال يرثى شهداء فض الاعت� Author: Yasir Elsharif Date: 07-20-2019, 07:22 AM Parent: #6
كلامك تمام
وكلنا في الانتظار لمشاهدة الإلقاء أو سماعه. بحثت ولم أجد تسجيلا أو فيديو لقراءة القدال لها
Post: #8 Title: Re: الشاعر الكبير القدال يرثى شهداء فض الاعت� Author: بدر الدين الأمير Date: 07-20-2019, 08:30 AM Parent: #7
Quote: عليك يا طلقة المطلوق قروشِك من بني سلمان وريشِك من بني نهيان وديشِك من بني حمدان
Post: #9 Title: Re: الشاعر الكبير القدال يرثى شهداء فض الاعت� Author: خضر الطيب Date: 07-20-2019, 09:53 AM Parent: #7
بدر الدين الأمير ابو الأمير شكراً لحسن ظنك و التحية عبرك لشاعرنا الكبير محمد طه القدال صنو محمد الحسن سالم حميد و محمد طه القدال هو رمز و قامة شامخة و باذخة الجمال من شعراء بلادنا كنت بستمع ليهم الاتنين قبل يومين في لقاء تلفزيوني لما قال القدال انو محمد الحسن سالم حميد كان برسل ليهو كرتونتين تمر واحده للمدغ و التانية للشربوت و في لقاء معاهم الاتنين كلو موثق و موجود ما اجمل محمد و محمد الأول ربنا يديهو الصحة و العافية و التاني له الرحمة و المغفرة و شكراً ليك و على ثقتك و التحية عبرك لدكتور ياسر الشريف محبتي ليكم والفيديو حيكون جاهز عملتو زوجتي
Post: #10 Title: Re: الشاعر الكبير القدال يرثى شهداء فض الاعت� Author: خضر الطيب Date: 07-20-2019, 04:30 PM Parent: #9
آسفين للتأخير يا بدر
Post: #11 Title: Re: الشاعر الكبير القدال يرثى شهداء فض الاعت� Author: Yasir Elsharif Date: 07-20-2019, 08:28 PM Parent: #10
كتر خيرك خضر والشكر موصول لزوجتك
مع التحايا
ودي حليوة ــ يوتيوب 2014
Post: #12 Title: Re: الشاعر الكبير القدال يرثى شهداء فض الاعت� Author: خضر الطيب Date: 07-20-2019, 10:51 PM Parent: #11
تسلم دكتور ياسر يا راكز
Quote: كتر خيرك خضر والشكر موصول لزوجتك
مع التحايا
ودي حليوة ــ يوتيوب 2014
معليش اتأخرنا عليكم كان عندنا ضيوف على طول اليوم بإعتبار الويكند و شكراً على اليوتيوب و الشاعر الفذ محمد طه القدال وزوجتي سعيدة بالقصيدة هي رفيقة النضال
Post: #13 Title: Re: الشاعر الكبير القدال يرثى شهداء فض الاعت� Author: بدر الدين الأمير Date: 07-21-2019, 04:33 AM Parent: #12
تسلم صديقى ودالطيب وتسلم المناضلة حفيدة النعيم ود حمد نعود للمرثية بعد ماشركتو زوار البوست السماع لها فى تقديرى قول القدال وجيشم من بنى حمدان فيهى تعميم مخل ان لم أقل ظلم لانو ليس كل جيش حميدتى من بنى حمدان بل فيهم من هو ضد حميدتى
Post: #14 Title: Re: الشاعر الكبير القدال يرثى شهداء فض الاعت� Author: خضر الطيب Date: 07-21-2019, 07:45 AM Parent: #13
صباح الخير حبيبنا بدر الأمير
Quote: تسلم صديقى ودالطيب وتسلم المناضلة حفيدة النعيم ود حمد
و هي تقريك السلام
Post: #15 Title: Re: الشاعر الكبير القدال يرثى شهداء فض الاعت� Author: صديق مهدى على Date: 07-21-2019, 06:03 PM Parent: #14
سلام الاخ الحبيب بدرالدين فعلا كنت صادق فى ما قولته عن منظومة القدال وفعلا لكل جواد كبوة وانا عندما قرات الكلمات كان عندى نفس احساسك لكن قولت انتظر المداخلات فاتت مداخلتك حيث كانت بردا وسلاما فارفع لك القبعة على ملاحظتك الصادقة ودا البنفتش عليه الان فى السودان فى الجانب السياسى
Post: #16 Title: Re: الشاعر الكبير القدال يرثى شهداء فض الاعت� Author: بدر الدين الأمير Date: 07-22-2019, 05:08 AM Parent: #15
الف حمدا على السلامة للصديقين الشاعر محمد طه القدال والشاعر ازهرى محمد على لقد تعرضا لحادث مرور وهم في طريق عودتهم للخرطوم من قرية التى بالجزيرة بعد مشاركتهم فى امسية سياسية وكلاهما بخير
Post: #17 Title: Re: الشاعر الكبير القدال يرثى شهداء فض الاعت� Author: خضر الطيب Date: 07-22-2019, 05:16 AM Parent: #16
ألف حمد الله على سلامتهم و كفارة ان شاء الله زملائي في التلفزيون كانوا بحاولوا يتصلو عليهو امس تلفونو كان مقفول بالنسبة للقدال بخصوص تسجيل القصيدة
Quote: الف حمدا على السلامة للصديقين الشاعر محمد طه القدال والشاعر ازهرى محمد على لقد تعرضا لحادث مرور وهم في طريق عودتهم للخرطوم من قرية التى بالجزيرة بعد مشاركتهم فى امسية سياسية وكلاهما بخير
Post: #18 Title: Re: الشاعر الكبير القدال يرثى شهداء فض الاعت� Author: بدر الدين الأمير Date: 07-22-2019, 07:57 AM Parent: #17
Quote: سلام الاخ الحبيب بدرالدين فعلا كنت صادق فى ما قولته عن منظومة القدال وفعلا لكل جواد كبوة وانا عندما قرات الكلمات كان عندى نفس احساسك لكن قولت انتظر المداخلات فاتت مداخلتك حيث كانت بردا وسلاما فارفع لك القبعة على ملاحظتك الصادقة ودا البنفتش عليه الان فى السودان فى الجانب السياسى
اهلا بالانصارى التقدمى صديق مهدى كثيرا ما امازح اصدقائى الانصار بمقولة ( اعدائك والرجعية ) وفى هذا النص برضو محجوب شريف ووردى وقعو في خطيئة التعميم من قال لهم اى انصارى او ختمى رجعى وبالمقابل من قال ان اى شيوعى او يسارى تقدمى ... القدال شاعر مجيد ويقبل النقد والملاحظات وكثيرا مايستخدم فى اشعاره المفردة الكردفانية والصور الجمالية من تلك البيئة تامل معى هذه المفردة الجمالية فى احد نصوصه الى تغنى بها مصطفى سيد احمد (سنابل قموحك مشاط كردفانى ) نحن ولو تركنا مساحة الحرية للفنون تتناول قضاينا الحساسة والمشربكة بنصل للسلام ووطن السلمية والسلام على المهدى الامام
Post: #19 Title: Re: الشاعر الكبير القدال يرثى شهداء فض الاعت� Author: بدر الدين الأمير Date: 07-22-2019, 01:23 PM Parent: #18
كتب القدال
السلامة و السلام لكل الصحاب أزهري وشخصي بأتم صحة .. تأثرت عربة أزهري من الخلف وفقدت جوالي .. الفقد الحقيقي أن فيه توثيقات غالية لمن رحلوا ولمن بقوا وكذلك جميع اسماء الاصدقاء والأهل .. مع بعض الشعر.. اثلجتم صدورنا باهتمامكم البالغ. لكم المحبة.
Post: #20 Title: Re: الشاعر الكبير القدال يرثى شهداء فض الاعت� Author: بدر الدين الأمير Date: 07-22-2019, 01:55 PM Parent: #19
فى اتصال هاتفى مع الشاعر ازهرى محمد على عبر هاتفه المنزلى بمجرد ان بداء يحكى لى تفاصيل الحادث وانهم راجعين من امسية سياسية من قرية التى بالجزيرة وهم فى اشارة ضوية في بداية شارع عبيد ختم داهمتهم حافلة ليس بها غير سايق وحين زهبو لمركز الشرطة كل التحقيق كان بدور انت كنت على بعد كم من الاشارة ومن بعدها بقى يجينى صوت تسجيل يكرر نفس كلام ازهرى بدون ماهو يسمعنى حاولت اعادة الاتصال بكل ارقام ازهرى لاجد ان الارقام ترن بدون رد هذ المكلامة بينى بين ازهرى لم يمضى عليها اكثر من ٤٥ دقيقة
Post: #21 Title: Re: الشاعر الكبير القدال يرثى شهداء فض الاعت� Author: منتصر عبد الباسط Date: 07-22-2019, 02:35 PM Parent: #20
نتمنى للشاعرين الكبيرين القدال وأزهري السلامة من أي مكروه
Post: #22 Title: Re: الشاعر الكبير القدال يرثى شهداء فض الاعت� Author: بدر الدين الأمير Date: 07-22-2019, 02:41 PM Parent: #21
Quote: نتمنى للشاعرين الكبيرين القدال وأزهري السلامة من أي مكروه
منتصر هو انتو مفتكرين كتايب ظل على عثمان تظهر لكم فى وضح النهار
Post: #23 Title: Re: الشاعر الكبير القدال يرثى شهداء فض الاعت� Author: منتصر عبد الباسط Date: 07-22-2019, 02:46 PM Parent: #21
.يا القدال لو سمحت سؤال مرت تلاتين في الطين والاحوال وكانت قاسيات وليل طال كل مهووس فيها فينا لف وصال وكم افقرت وقطعت أوصال وكانت عهود حروب وفساد وقتال أفسدت للنفوس وحطمت آمال بس لو سمحت سؤال وين فيهن كنت يالقدال؟! ما شفت محجوب شريف كيف لف فيهم وجال وهب في وجوهم وقال وقال ولا حسيت بود بادي لما ناداك وقال يا القدال قرب تعال أشهد على قتل الشهداء الأحدثو الزلزال سكت لا قلت شعر لا كتبت مقال في شهداء الوطن أولائك الأبطال والليلة مية يوم مضت على طرد الظلمة الأندال جايي بعدها تكتب شعر تحزب وفتن وخلاف وجدال ليتك سكت وما خضت في الأوحال ما بضيع دم طاهر بسيف غدر صب وسال وما بضيع حق وراهو أصحاب قيم وخصال خالية من تجارة وندالة وتعصب ولا زال في شعبنا الخير وحب العدل والكرم وما مال صاحب هوى للتحزب إلا أصبح ضال وقالو الحكما خلوه مرضو عضال لا بداويهو وعظ عم لا خال اتركوا كلام الفتن وطنا ظلامو وظلمو طال نسأل رب العباد يلطف وتتحسن الأحوال يمد الله لينا في الآجال نشهد نهضتو بعد الحال منتصر عبد الباسط البخيت 21/ 7 / 2019م
Post: #24 Title: Re: الشاعر الكبير القدال يرثى شهداء فض الاعت� Author: منتصر عبد الباسط Date: 07-22-2019, 02:50 PM Parent: #23
Quote: هو انتو مفتكرين كتايب ظل على عثمان تظهر لكم فى وضح النهار
أعتقد كتائب الظل غير متضررة بل مستفيدة من كل ما يفسد الشراكة بين المجلس العسكري وقوى الحرية والتغيير ومستفيدة من أي تصعيد يقوم به كوادر الحزب الشيوعي وأذياله من حزب بعث وما شابه.
Post: #25 Title: Re: الشاعر الكبير القدال يرثى شهداء فض الاعت� Author: خضر الطيب Date: 07-22-2019, 03:28 PM Parent: #24
Quote: وفقدت جوالي
البركة في سلامة شاعرينا الكبيرين بالله اول ما القدال يعمل تلفون رسلوا لي عشان ارسلوا للشباب بعد اذن القدال طبعاً محبتي
Post: #26 Title: Re: الشاعر الكبير القدال يرثى شهداء فض الاعت� Author: خضر الطيب Date: 07-22-2019, 03:47 PM Parent: #25
سلامة كبيرة ربنا شافهم هو لسه الشارع دا اسمو عبيد ختم دا من الشوارع المفروض يتغير لأسم شهيد من شهدائنا الابرار مش لاسم فطيس من فطايس الهالك الترابي ------------- الحمد لله انك اطمأنيت على شاعرينا الكبرين بالنسبة للوب البحصل في المكالمات دي عادي بتكرر الكلام لحدي ما تقفل الخط لكن لو اتصلتا تاني بظبط معاك