Post: #4 Title: Re: مدح ام ذم ام كلام حكامات ( ساكت ) Author: اخلاص عبدالرحمن المشرف Date: 07-16-2019, 10:31 AM Parent: #3
الجزء الأول ذم بلا شك يؤجج الحرب بلا داعي ( دواس بلا سبب ) يشاكل ( ضبان وجهه )
وينك يا بريمة 😹😂😂
Post: #5 Title: Re: مدح ام ذم ام كلام حكامات ( ساكت ) Author: Arif Nashed Date: 07-16-2019, 10:44 AM Parent: #4
Post: #6 Title: Re: مدح ام ذم ام كلام حكامات ( ساكت ) Author: اخلاص عبدالرحمن المشرف Date: 07-16-2019, 11:02 AM Parent: #5
شكراً Arif Nashed
تعرف يا عارف خاااااسه خااااسة دي ما ريحوها فيها اما بلباص حتي ال بعرف هي قاصدة شنو عمل رايح
المقطع ظريف وناس الواتساب ما قصروا
Post: #7 Title: Re: مدح ام ذم ام كلام حكامات ( ساكت ) Author: Amira Hussien Date: 07-16-2019, 11:40 AM Parent: #6
بلباص ما اظنها شكرتو يا اخلاص الإكان عندهم ليها فهم تانى بعدين البعرفو البلباص ما فارس ولا شجاع دايما جبان وزى ما قلتى كسار تلج ، اللقاء ده صورة من لقاءات النساء مح البشير هسه ديل ما ذاتهم ناس روضة وداليا قبل الصنفرة . عجبتني الحاكمة المودرن بالكارينا البيضا
Post: #8 Title: Re: مدح ام ذم ام كلام حكامات ( ساكت ) Author: اخلاص عبدالرحمن المشرف Date: 07-16-2019, 11:53 AM Parent: #7
كيفك يا أميرة أظن ما قاصدة بلباص ، في ملابس ناس الجيش القايش وحاجة اظن اسمها استلباصات ما متأكدة ، غايتو ده انا ال فهمتو
القايش ده الحزام والثانية تخمين كدة بتاعت الكتوف لو جاءنا زول من ناس الجيش ولا اولادهم ح نعرف
:"" التسوي بجنجاويدك تغلب اجاويدك "" اخلاص الله يجازي محنك ....أوسكار..أوسكار...أوسكار... ضحكتينا ونحن في الهم والغم ....مسافرة السودان قريب جدا وسوف اتيكي بالاخبار من حميدتي نفسه ....
الحبيبة امتثال كيفك يا زولة يا نيل اعملي حسابك لما تمشي الزول ده جهجه الناس بي كلام العمارات والكدايس البشير علم الناس دي تتكلم ( ساكت ) ناس في مراكز حساسة مفروض ما يتكلموا كتير ولما يتكلموا يحسبوا الف حساب مش راندوك ولا كلام حمال أوجه .
متكيفة من الكديسة دي عشان العربان ما ح يعرفوها 😂😂😂😹😹😂😂😂
طبعاً الجماعة ما قصروا عملوا فيديو موازي المهم الناس دي البشير طبعهم بطباعه لازم يخرجوا ( من جلباب ابيهم ) وهم عملوازي ( اًوديب ) يتموا الباقي وما يقلدوه
غايتو حازم البلباص دي الناس اختلفوا ما يحزم به اللباس وتنطق سريع حازم البلباص
ليت احد ابناء المنطقة يسعفنا بشرح
Post: #17 Title: Re: مدح ام ذم ام كلام حكامات ( ساكت ) Author: Ahmed Yassin Date: 07-16-2019, 07:25 PM Parent: #16
بت المشرف وشركاها استلباصات يعني شنو ؟
Post: #18 Title: Re: مدح ام ذم ام كلام حكامات ( ساكت ) Author: Salah Zubeir Date: 07-16-2019, 07:42 PM Parent: #17
سلام بت المشرف ... أنا ود عسكري . وأظن ما تقصدينه ووصفتيهو اسمو اسبليطة وتوضع فيها الرتب من دبابير وغيرو .... بس اسبليطة تبتعد نطقا ومعني عن كلمة بلباص التي تعني كسار التلج في العامية السودانية ...
Post: #19 Title: Re: مدح ام ذم ام كلام حكامات ( ساكت ) Author: عزالدين عباس الفحل Date: 07-16-2019, 08:03 PM Parent: #18
اخلاص عبدالرحمن المشرف
سلام الدكتور بت المشرف . دعيني افرك مقلتي من النعاااااااس . البلباص بصيص من النفاااااااق اسعد الله احلامك
السلام عليكم أستاذ Ahmed Yassin تعرف كلو كلو ما واقع لي انها تقول له البلباص المهم اجتهدت لقيت دي (1- fourreaux d'epaules او حمالات الكتف Vوهي العنصر الذي توضع عليه رتب الضابط او الضابط الصف بالضافة ايضا للقبعة التي تحمل رتبة الضابط اذا كان من جنرال دوبريغاد فما فوق عبر توشحيها بعدد من نجوم العسكرية ) وd’e Pauli’s اتمني أكون قد أجبتك