برهان أجبن من أن يعملها - يقطع النت - يتجرأ باستحقار وازلال وسجن شعب كامل .. ده عدو السودانيين ..!!

09:51 PM July, 15 2019

سودانيز اون لاين
توفيق عيسى مكي-
مكتبتى
رابط مختصر

الشعب السوداني 75% شباب كل شيئ ولا النت ..
مافي عاقل بخلق لنفسه عداوة شعب كامل الا زول غشيم مغشوش (حتى لو غاشاهو نفسه) .. وجاهل لا درس تاريخ ولا حكوا ليه عنه
الشمال رجاله اسياد القتاتة ( في اغتت من الدناقلة والمحس والحلفاويين و.. و .. و ..
ديل حرقوا اسماعيل باشا حي وجنوده بعد عشوهم اكبر وليمة سودانية ههههه وجو اتسحروا بيهم ...
الشباب السوداني اقسم بالله كلهم مدربين وجربوا الدواس من زمن احراش الجنوب ومسلحين هسي مسلحين بالصبر لكن لو الوضع فات حده بتحصل ابادات جماعية والشباب كله ولا النت .... سامع ياسجم الضهاري السم الهاري ولا تخلي واحد يترجموا ليك ...

النت؟
ولا الشهداء

في عاقل بيعادي الشباب ... الشباب روحههم وحياتهم النت ده

Quote: النت؟ ولا الشهداء

تستشهد ولا تتزل وتتهان وتتعزب وتتسجن (السجن المقصود سجن امة كاملة) في بلدك وتتحقر بحمرة عين ورجالة كأنك ما راجل ؟؟
الشهداء اختاروا الطريق الصاح الباقي نحن مش مفروض نختار الطريق الصاح ولا انا غلطان ..

الحرية والتغيير شريك اصيل ...
س سؤال (وسؤال بريئ) : ليه ما طلعوا مواكب لارجاع الانترنت خلال 40 يوم كان الشعب السوداني مسجون فيهم وكل العالم شفقانين علينا من المزلة دي في ابسط حقوقنا في عصرنا ده ؟؟؟

هل الطبخة دي بتمشي علينا ؟؟؟ يا مثقفاتية يا متعلمين ...
نمهل ولكن ما بنهمل ودي احدى الغلطات الما بتتغفر من الشعب السوداني ولو بعد 100 عام لابد من ردها صاعين ولا الناس ديل ما واعية بطبيعة وتفكير الجيل ده

هولاكو ممكن يعمل عمايله عند العرب واهل بغداد وسوريا هنا لأ والف لأ ..
هنا بتحفر ليك من غير ما تشعر وزي ما بتغدر اهلنا علمونا الغدر لما تغلبنا الحيلة وتكتر فينا قلة الادب والاستفذاذ
الكوشي ما بنقدر اقروا التاريخ او خلو يحكوا ليكم عنه

المشكلة يا توفيق هم ما عارفين الانترنت ده زاتو شنو، واحد مطبلاتي عاملين
معاهو لقاء قال الفيديوهات دي كلها مزورة وكلها فوتو شوب ، جنس ده تقول عليهو شنو؟

حيدر المكاشفي يكتب :
تاني قام جاب سيرة الإنترنت

العنوان أعلاه مقتبس من قصيدة حلمنتيشية شهيرة، والقصيدة تصور حال طالب جامعي وقع في غرام زميلة له، ورغم هيامه الشديد بها إلا أنه لم يقو على مفاتحتها والتعبير لها عن حبه، وظل هكذا مترددا يراوح مكانه رغم تباريح الهوى التي تجتاحه، ورغم محاولات أصدقائه الحثيثة معه لحثه على مفاتحة محبوبته،حتى جاء ذاك اليوم الذي رأى فيه محبوبته برفقة خطيبها وربما حبيبها الله أعلم، وفي تلك الأثناء وصفت القصيدة حال عبدو المشوكش قائلة فيه: “وقعته في شارع الزلط.. تبكي وتجعّر والعيون اتورّمت.. ويد القميص، ضهر القميص، كم القميص حتى الفنيلة اتشرّطت.. يا عبدو لا يا عبدو عيب.. قوم يلا صلي على الحبيب.. الواطة صبحت دايرين ننوم.. يا أخوانّا لأ أنا عايز أموت أقع البحر.. ياعبدو لا ياعبدو عيب الدنيا حر والموية بتسخّن عليك.. ثلاثة ساعات زولنا يسب ويكيل.. ودموعو سايلات بالكفوف وشرايطو تلمع في الكتوف”، ولكن رغم رجاءات أصحابه له بأن يستهدي بالله وأن لا يقع البحر إلا أنه أصر وألح إصرارا (وتاني قام جاب سيرة البحر)..
وحكاية المجلس العسكري مع الإنترنت هي ذاتها حكاية صاحبنا عبدو مع البحر، فهاهو المجلس العسكري الذي عمد لقطع خدمة الإنترنت لحوالي الأربعين يوما، أعاد خلالها البلاد إلى حقبة العصور الوسطى، وجعلها جزيرة متخلفة ومعزولة في محيط عالمي هادر بالتقنيات والتقانات والبرمجيات، قبل أن تعيد أحكام قضائية عادلة ونزيهة خدمة الإنترنت، هاهو المجلس العسكري (قام تاني جاب سيرة الإنترنت). رغم نصح الناصحين بعدم جدوى الحجب الذي ستترب بسببه أضرار عليهم بأكثر مما توقعوا من نفع. هذا غير الأضرار الضخمة والخسائر الفادحة التي يوقعها على قطاعات مختلفة من المجتمع، ففي الأنباء أن المستشار القانوني لرئاسة الجمهورية، تقدم بطعن لدى محكمة الخرطوم الجزئية طالبا بموجبه إلغاء قرار عودة خدمات الإنترنت بالبلاد. ولكن المستشار القانوني لجمعية حماية المستهلك اعترض على الطعن لعدم وجود مؤسسة للرئاسة في البلاد، بعد سقوط الرئيس المخلوع عمر البشير. وعلى المستشار القانوني الذي تقدم بالطعن إحضار مكتوب رسمي يوضح الجهة التي يمثلها. ولا ندري سببا لهذا الإصرار على معاداة الإنترنت أو فلنقل الخوف منه، غير أنها محاولة يائسة لإخفاء (أشياء) لا يراد للناس الاطلاع عليها، ولكن هيهات إذا كان المقصود عمليات القتل والسحل التي وقعت عند فض الاعتصام، فتلك صارت عند الناس من المعلوم بالضرورة، بل موثقة ومحفوظة ومتداولة، ولن تفيد لطمسها عمليات الحجب فقد سبق السيف العزل، ولا ندري أيضا أسباب توجس قيادات المجلس العسكري من الإنترنت، في الوقت الذي يحرص فيه الرؤوساء والوزراء والسفراء وكبار المسؤولين الرسميين في مختلف بقاع العالم على التعامل مع الإنترنت، وتدوين آرائهم وتعليقاتهم وملاحظاتهم حول مختلف القضايا والمواضيع عبر وسائط التواصل الاجتماعي من تويتر وانستغرام وفيسبوك وغيرها، إلا جماعة مجلسنا العسكري لا يتعاطونه فحسب، بل يتوجسون منه خيفة وتلك لعمري منقصة وعيب كبير عليهم التخلص منه سريعا
=======
منقول من الفيس للفائدة وتوري وجهة النظر العامة شنو

Quote: المشكلة يا توفيق هم ما عارفين الانترنت ده زاتو شنو،

فهمهم يا ترهاقا الانترنت = الفيسبوك بس

Quote: النت؟ ولا الشهداء

الامخاخ ما واحد .. في مخ أمير .. وفي مخ حمير ..
عشان شبال اتاخد في حفلة في حفلة من حفلات امدرمان المميذة اخرت الامير عثمان شيخ الدين عن اجتماع مجلس الحرب فبنشوة ذاك الشبال جا غير الخطة دواس فجر والنتيجة استعمارنا واستحمارنا ستين سنة وخلال يومين او تلاتة 50 الف شهيد فما عارف اللغة واقعة ليك ولا اديك نفحة مخ اميري ...