مرة عيسى لام لى اخونا واحد اسمو علي بغجور ،، يضحكقال لى انا رسلت لى اولادى يجوني فى كريمة ،، وعلى بغجور كان جاى فى القطر ،، لاقاهو عيسى فى محطة كريمة قال ليهو يا على اولادى ابوهن وهم جوا معاك فى القطر دا؟على بغجور قال لى ابدا ما جوا معاى فى القطر كلو كلو ،، قال ليهو ياعلى متأكدقال ليهو متأكد تب ،، وانا يوم السوق جيت غاشى اصلو ما جابوا لى خبر سفرطوالى عيسى كان عندو حفلة فى القرير ،، سفر ،،مايقيف القطر الا اولاد عيسى وابوهم ينزلوا من القطر يفتشوا عيسى سماء ارض ما يلقوالاقى ليك على بغجور بعد كم يوم فى سوق كريمة قال ليهو دا شنو السويتو يا علي،،قال ليهو والله اعذرنى يا عيسى جيت اكضب وغلبنى وانا ذاتو ما عارفهم معاى فى القطر يلا عيسى قام قطع ليهو اغنية ،، بحاول افتشا اجيبا [email protected] صديق منصوري
رد على سؤال وردنى يمكنك ان تقول ان الشايقية والمناصير والبديرية ، والبديرية الدهمشية ، والأمارة ، والحامداب،، يمكنك ان تقول هم حاجة واحدة،، لهجتهم واحدة ،، تراثهم واحد ،، ما تقدر تفرزهم من بعض،، مرة ود بادى قال لى فى هذا السؤال،، الشجرة واحدى ، لكن زى عملت ليها فروع غلاد كدى من فوق كل فرع بقا غليد كدى وفرق افتكر هذا اعظم تشبيه،، التفاريق البسيطة جدا والدقيقة جدا بين مكونات هذه المجموعات الواحدة المتوحدة ، ما بيعرفوها إلا الناس المقصودين فى مناطقهم التى يقطنونها،، التنوعات السودانية موجودة تحت ظل الوطن الواحد ، وهى ثقافات تثري ولا توزع
Post: #12 Title: Re: فنان المناصير الاول ومديح راقي بالطنبور Author: Dr. Ahmed Amin Date: 07-15-2019, 12:51 PM Parent: #11
تحياتي باشمهندس صديق وعساك طيب والأسرة
ياخي استبشرنا خير ببوست (تركيا) لكنه الظاهر (اتشفط) وقطع لينا خططنا
المهم بنتواصل من خلال ايميلك ان شاءالله ..
Quote: الشايقية والمناصير والبديرية ، والبديرية الدهمشية ، والأمارة ، والحامداب،، يمكنك ان تقول هم حاجة واحدة،، لهجتهم واحدة ،، تراثهم واحد ،، ما تقدر تفرزهم من بعض،،
الرباطاب والمناصير لا تفصلهم فاصلة عن بعض في كل شيئ فهم اولاد عمومة في ابوحمد حياتنا واحدة تب ثقافة ولهجة وتاريخ ... وشايف في بوفايلك انك درست بمدرسة ابوحمد الثانوية وأنت اكثر الناس دراية بهذه العلاقة..
انظر كيف صور هذا الشاعر حال قريته واهلها ونظمها الفنان ولحنها بلهجته المحببة التى تهز مشاعر كل من عاش فى مثل هذه البيئة الجميلة ف.. الكل يجد نفسه هنا فى هذه الكلمات الصادقة النابعة من نفس راضية بحالها متواضعة ترنو للهدوء فى قريتها الساكنة الهادئة العن معى الاخوان المجرمين وتوابعهم من الجنجويد الذين جلبوا القتل لبلدنا
Post: #15 Title: Re: فنان المناصير الاول ومديح راقي بالطنبور Author: علي عبدالوهاب عثمان Date: 07-15-2019, 06:39 PM Parent: #14
يا سلام الحبيب منصوري .. المرحوم عيسى بروي .. زارنا في مدينة جدة وكانت لنا جلسات ( رابطة أبناء دنقلا ) لأن الشمال ده واحد رغم إختلاف اللغة ولكن صدقوني الثقافة واحدة وأقصد الشمالية بخريطة زمان المديرية الشمالية من الدامر إلى حلفا .. خط نيلي مبدع مبدع وقدم للوطن عشرات المبدعين .. ============================ منصوري الحبيب .. معقول تنسى .. النشيد الوطني للمناصير تقريباً لحنها عيسى بروي وأذكر كلماتها :
أنا من أعز ديار منصوري موقد نار أنا قدوتي الأخيار أبوبكر و المختار وخالد المغوار والفاروق وعلي الكرار وأنا من أعز ديار منصوري موقد نار
نعم كان يطلق عليها النشيد الوطني المنصوري ( بالجد ) رغم أننا كنا نمزح معه
كان يردد هذه الاغنية بشغف وشوق شديد يا سلام يا منصوري لقد قضيت أجمل أيام شباب في تلك المناطق كنت معلم وجئت من دنقلا إلى نوري ما شاء الله جنة الله في الأرض أجمل ناس على شريط النيل .. لقد كتبت بعض الذكريات عن ذلك الزمان سوف ابحث عنها ونوثق تلك الفترة الرائعة
بعدين أنا زول تربال ما عارف أنزل فيديو أرجو أن تبحث عن النشيد الوطني للمناصير بلحن بروي ويمكن تنزل في البوست
كمان اخونا علي عبد الوهاب اضاف اضافات مقدرة ومشى لى عند النشيد الوطني بتاع المناصير ( منصوري موقد نار انا،، انا من اعز ديار انا) وهى من كلمات شقيق عيسى ،،،، حمود دفعتنا ،، وود خالتنا وعمنا ،، وهو مغترب حمود فى المملكة منذ زمن طويل ،، وهو رجل ذو دين واخلاق وطرفة وونسة لاتملها يا سلاااام يا على ايوه خط النيل دا كلو مبدع،،، وعندى خبر جلسة اولاد دنقلا فى جدة وتلك الابداعات بعضها مسجل للتاريخ الحقيقة عيسى عنده اصدقاء لايمكن ان تحصيهم ،، وعيسى فنان متواضع وانسان لاتمل مجلسه وونسته،، وهو فوق ذلك رجل ختمي على السكين وجدوده خلفاء ختيمة ،، تسلم يا على قد اضفت انت اضافات رائعة