دبابيس من صحف اليوم 14 يوليو 2019 م

03:10 PM July, 14 2019

سودانيز اون لاين
Abdulhaleem Osman-Sudan
مكتبتى
رابط مختصر

.
.
المهنه:
بناضل وبتعلم..
تلميذ فى مدرسة الشعبِ
المدرسة فاتحه على الشارع
والشارع فاتح فى القلبِ
والقلب.. مساكن شعبيّه
ودينى محل ما تودينى
شرّد اخواتى واخوانى
فتش أصحابى وجيرانى
خلينى فى سجنك... وانسانى
في سجنك جُوّه زنازين
أرمينى وكتّف ايدىّ
من أجل الشعب السودانى
📌 عليكم الله في كوز يقدر يقول كلام زي دا.........
.
.
📰 على خطى البشير حذو النعل بالنعل:
👈 البشير في عطبرة : (أقسم بالله العظيم كان دقت المزيكا أي فأر حيدخل جحره )
👈 حميدتي في حجر العسل: "والله والله الذخيرة دي لو دورت تلاتة يوم عمارات الخرطوم دي الا تدخلها الكدايس"....
📌 غايتو لو حسب أغنية الحجل بالرجل يا حبيبي سوقني معاك..... ياربي حميدتي ماشي وين .....
.ه.
.ه.
📰 الوطن:
👈 مسيرات حاشدة تطالب بالقصاص لقتلى الاعتصام
📌 كلما يقولوا القصاص ناس الهناي البتاعي يتلمسوا رقبتهم
.
📰 الوطن:
👈 حميدتي يطالب قيادات "الوطني" بإعادة الأموال المنهوبة
📌 أيوااااا لو عاوز حاجة تخفف عنك أمشي في الدرب دا
.
📰 الوطن:
👈 "الشيوعي" يرفض الاتفاق ويقاطع الفترة الإنتقالية
📌 والله أنا خايف نمشي ونجي نندم انه ما سمعنا كلامكم
.
📰 الوطن:
👈 تأجيل جلسة مناقشة الوثيقة الدستورية لليوم
📌 كترة المرض للموت
.
📰 الجريدة:
👈 الالآف يتظاهرون بالعاصمة والولايات
📌 من ضاق طعم المظاهرات تاني فطامته صعبة
.
📰 الجريدة:
👈 المهدي: لابد من إبعاد الجيش عن العمل السياسي والعسكريون أكبر ضحايا الانقلابات
📌 أمال إنت ضحية شنو؟ وقع فوقك سقف ؟
.
📰 الجريدة:
👈 تجمع المهنيين: مسودة الاتفاق غير نهائية ونعترض على بعض النقاط
📌 نعترض ونتطاول ونتدور ونتثلث المهم دم الشهداء مايروح هدر
.
📰 الجريدة:
👈 ارتفاع أسعار اللحوم بود مدني ودعوات لمقاطعة الشراء
📌 قاطعوا ميتينها ذاتو
.
📰 التيار:
👈 تظاهرات ضخمة في مليونية شهداء فضّ الاعتصام
📌 الكلام ليك يا المنطط عينيك
.
📰 التيار:
👈 كباشي لـ”التيار: لم نطلب التأجيل والحرية دخلت في مشاورات
📌 معاك مصحف ؟
.
📰 السوداني:
👈 “العسكري”: مليار دولار بالبنك المركزي
📌 ماتقولوا الكلام دا يقوموا (الناس ال لابسين الكاكي بتاع الدعم السريع وسايقين تاتشرات وشايلين كلاشات ودوشكات وسيطان وخراطيش من سوق ليبيا وقاعدين يعملوا تجاوزات عشان يخربوا سمعة الدعم السريع) يهجموا على البنك تاني ويشيلوها في صناديق ويطلعوا وما نعرف مكانهم
.
📰 السوداني:
👈 حميدتي: أجهزة مخابرات تعمل على تشويه صورة”الدعم السريع”
📌 أوع يكونوا ديل هم نفسهم (الناس ال لابسين الكاكي بتاع الدعم السريع وسايقين تاتشرات وشايلين كلاشات ودوشكات وسيطان وخراطيش من سوق ليبيا وقاعدين يعملوا تجاوزات)
.
📰 السوداني:
👈 تأجيل اجتماع لـ”العسكري” و”قوى الحرية” إلى اليوم
📌 الفورة غيرناها بقت مليونين
.
📰 السوداني:
👈 الإمدادات: سددنا ديون الشركات الأجنبية للعام 2017 وفتحنا اعتمادات جديدة
📌 الديون دي شاملة الكوميشنات والا ديون صافية ؟؟
.
📰 الانتباهة:
👈 الغموض يكتنف مصير التوقيع على وثيقة الاتفاق
📌 عادي نحن اتعودنا على الغموض بدليل إنه لي هسع ما قادرين نعرف من فض الإعتصام وهل هي قوات حكومية نظامية والا حرامية وقطاعين طرق ولي هسع ما قادرين نعرف الناس ال لابسين الكاكي بتاع الدعم السريع وسايقين تاتشرات وشايلين كلاشات ودوشكات وسيطان وخراطيش من سوق ليبيا وقاعدين يعملوا تجاوزات عشان يخربوا سمعة الدعم السريع
.
📰 الانتباهة:
👈 شموع وبالونات في سماء الخرطوم تأبينًا للشهداء
📌 وأهو كله بالون في بالون
.
📰 الانتباهة:
👈 زراعة آلاف الأفدنة بأصناف مجهولة بالجزيرة
📌 دي جديدة دي.... بس ان شاءالله تكون أصناف جيدة
.
📰 الانتباهة:
👈 العسكري: جهات قامت بتصوير”51″ مقطع فيديو لفض الاعتصام بغرض التشويه
📌 ياخي تخخخخ.... يعني كنت عاوز الجهات دي تصور لكم فلم (ثقافي) مثلاً...
.
📰 الانتباهة:
👈 اتحاد العمال يطالب القطاع الخاص بتطبيق زيادة الأجور
📌 من وين ؟ هو شركات جهاز الأمن خلت فيها قطاع خاص؟
.
📰 أخبار اليوم:
👈 مولانا الميرغني بعد غياب من التصريحات يحذر من تحويل السودان لحلبة صراع ويقول: لم أعتزل العمل السياسي.
📌 يا مولانا انت معتزل البلد كلها بلا عمل سياسي بل فتة باردة معاك
.
📰 أخبار اليوم:
👈 حميدتي : لايوجد خلاف بين المجلس العسكري وقوى اعلان الحرية والتغيير ..
📌 يعني عاملينا لنا (هيديك) ساكت ؟
.
..
📌ابووضاح 📌