Post: #1
Title: قوى الحرية ليست صنماً يُعبَد
Author: محمد محمود محمد
Date: 07-05-2019, 04:54 PM
04:54 PM July, 05 2019 سودانيز اون لاين
محمد محمود محمد-الخرطوم
مكتبتى
رابط مختصر
صحيح ..
تجربة بشرية قابلة للتصويب و تصحيح الأخطاء ..
غير المقبول هو التخوين .. والاتهام ببيع دم الشهداء ..
الهياج و الفعل الثوري لا يمكن أن يستمر للأبد .. و في المقابل نخسر مزيد من الشباب ..
أي زول من حقّو ينتقد الاتفاق التم.. و يقول رأيو الموضوعي فيه .. حتى لو كان ضرورة استمرار التظاهر و العصيان ..
أما ناس ق ح ت لا تمثّلني .. فمن حقو الخروج للشارع و اعلان رفضو للاتفاق .. من جوّة الشارع .. غير المقبول هو تحريض الآخرين على الخروج و انت و اسرتك في مأمن .
الشباب الطلعت اليوم مبتهجة بالاتفاق التمّ .. لأنهم ضايقين المر .. بلد حالها واقف .. خدمات صفر ؛ السلع الاساسية في زيادة غير معقولة ؛ مدارس و جامعات مقفولة ..
من لم يمت برصاص الجنجويد .. قتلته المسغبة .
الشعب السوداني ليس هو رواد الاسافير و المغرّدين .. الغالبية هم اهل الريف و البوادي و اطراف المدن .. من حقّهم وطن آمن مستقر يلبّي احتياجاتهم القليلة.
|
Post: #2
Title: Re: قوى الحرية ليست صنماً يُعبَد
Author: النصرى أمين
Date: 07-05-2019, 05:08 PM
Parent: #1
ابصم بالعشرة على كل كلمة فى
المنشور ده
|
Post: #3
Title: Re: قوى الحرية ليست صنماً يُعبَد
Author: محمد محمود محمد
Date: 07-05-2019, 06:33 PM
Parent: #2
اشكرك استاذ النصري على الدعم .
|
Post: #4
Title: Re: قوى الحرية ليست صنماً يُعبَد
Author: Kabar
Date: 07-05-2019, 07:34 PM
Parent: #3
محمد..حبابك يا صديق
قوى الحرية والتغيير قادت التفاوض في ظروف قاسية وشاقة ، وواجهت هذه القوى ضغوط كثيرة على المستوى الداخلي ، الإقليمي ، الدولى ، ولكن بالرغم من تلك الضغوط تمكنت هذه القوى ان تحافظ على التوازن بنسبة كبيرة للغاية..!
الإتفاق الذي تحقق ، صحيح قد لا يكون هو الأفضل، لكنه يشكل تقدم ومكسب كبير للغاية ، فلقد انتصر السودان يا صديق..
المهم ان تكون فترة انتقالية ناجحة..والمؤشرات تذهب الى ذلك..
كبر
|
Post: #5
Title: Re: قوى الحرية ليست صنماً يُعبَد
Author: Khalid Abbas
Date: 07-05-2019, 07:38 PM
Parent: #1
زمان ليه ماكان تحريض وانت واسرتك في مأمن ؟
ندعم قحت لكن بعيدا عن المنطق الاعوج واسلوب القطيع
|
Post: #6
Title: Re: قوى الحرية ليست صنماً يُعبَد
Author: محمد محمود محمد
Date: 07-05-2019, 09:19 PM
Parent: #5
صديقي محمد النور
| Quote: فلقد انتصر السودان يا صديق.. |
بالضبط يا كبر .. انتصر السودان ..تم كبح جماح التصعيد .. و الخوف من شرك الحرب الاهلية .. و البلد زي ما عارف شملة بت كنيش.
تحياتي كبر .
|
Post: #7
Title: Re: قوى الحرية ليست صنماً يُعبَد
Author: محمد محمود محمد
Date: 07-05-2019, 09:32 PM
Parent: #6
سلامات يا خالد ..
Quote:
زمان ليه ماكان تحريض وانت واسرتك في مأمن ؟ |
المنطق الاعوج و سلوك القطيع القلتهن ..خليهن ..
عارف ..انا ما حجرت على رايك .. لكن طالما دُرت المرقة .. ابقا مارق انت اول و بعدين غلطان البيقول ليك مارق مالك .. لكن كونك قاعد مطمئن و عاوز الناس تمرق تكاتل بدالك ..ياهو ده العوج .
زمان القلتها ما عارفها متين .. لكن في اي زمن .. لو قناعتك الشارع هو الحل الوحيد .. ما عندك غير تطبّقك قولك ..بيان بالعمل .
|
Post: #8
Title: Re: قوى الحرية ليست صنماً يُعبَد
Author: النصرى أمين
Date: 07-05-2019, 10:35 PM
Parent: #7
وصلتنى الرسالة ادناه من إحدى الأخوات عضو فى البورد
لكن فقدت الباسورد يا ريت بكرى يرسل ليها باسورد جديد -
سلام عليكم أخ النصري
أتمني أن تكون و الاسرة بخير
ما عندي باسورد لكن وددت أن ابصم بالعشره على بوست ألأخ محمد محمود
و ما وجدت له إيميل
ربنا يصلح الحال و يغطي على الشباب ألفي مواجهة الخطر ،
لك شكري و أسفة للإزعاج
Thank you,
|
Post: #9
Title: Re: قوى الحرية ليست صنماً يُعبَد
Author: محمد محمود محمد
Date: 07-06-2019, 00:15 AM
Parent: #8
| Quote: ربنا يصلح الحال و يغطي على الشباب ألفي مواجهة الخطر |
ونقول مع الاخت الكريمة و معاك اخونا النصري ..آميين ..
ربنا يقدّرنا جميعاً في تقديم خير للوطن .. المرحلة الانتقالية مهمة و متطلّباتها تستوجب نبقا على قلب رجل واحد ؛ ما استطعنا ؛ و نقيل البلد من عثرتا.. اقل ما يمكن تقديمو لروح الشهداء.
شاكر لاختنا الكريمة و ليك اخوي النصري حُسن الظن.
تحياتي و احترامي.
|
Post: #10
Title: Re: قوى الحرية ليست صنماً يُعبَد
Author: Khalid Abbas
Date: 07-06-2019, 07:52 AM
Parent: #7
| Quote: زمان القلتها ما عارفها متين |
زمان من أول لحظة طلعت الناس ضد البشير وكان هذا منطق الكيزان انت مرتاح وأمن وتدعوا الناس للخروج . هل بعد الإتفاق سيصبح هذا منطقنا
أسال الله أن لا تكون دماء الشهداء قميص عثمان
|
Post: #11
Title: التسامي
Author: ahmedona
Date: 07-06-2019, 08:03 AM
Parent: #10
كلامك جميل يا محمد محمود ...
أهم شئ التسامي فوق الجراحات والثارات مع تقديم المجرمين والفاسدين لمحاكم عادلة .....
وعدم الإساءة لعلماء المسلمين وإن إختلفنا مع بعضهم....
بعيدا ً من التهميش ...
تسود المساواة بين كل أرجاءه...
لخلق وطن معافى ...
خلاف ذلك --- مكانك سر...
|
Post: #12
Title: Re: قوى الحرية ليست صنماً يُعبَد
Author: عباس محمود
Date: 07-06-2019, 08:07 AM
Parent: #10
السلام عليكم
أوافقك تماما فى قبول الأتفاق
يبقى الرهان قائما على تقوية النقابات ولجان الأحياء
ووحدة قوى الحرية والتغيير لوصول الثورة لغايتها وبسلاحها المجرب .. السلمية
|
|