ضيّعت هدف ذهبي في مرمي يونس محمود يا صلاح شعيب ! إستضاف برنامج الحصاد كلٍ من يونس محمود وصلاح شعيب فهرطق يونس محمود كعادته مهدداً بأن الشارع ممثلٌ في أعيان الإدارة الأهليه يقف إلي جانب المجلس العسكري ! فتوقعت من صلاح شعيب أن يرد الكرة بذكاء مذكراً يونس دفاعه كبوق إعلامي للإنقاذ طوال عقد التسعين مهاجماً عرب الخليج في حصارهم لصدام حسين بواسطة القواعد الأمريكية في قطر والسعوديه !
Post: #2 Title: Re: ضيّعت هدف ذهبي في مرمي يونس محمود يا صلاح � Author: abdalla elshaikh Date: 07-02-2019, 01:17 AM Parent: #1
لو فعلت ذلك يا صلاح بتكون ضربت أكثر من عصفور بحجر واحد منها تنبيه دول الحلف السعودي الإمارتي لكونهم مفعولٌ بهم من قِبل الإخوان المسلمين ويونس محمود كان آلتهم الدعائية التي كالت الشتائم البذيئة للملك فهد وزعماء الخليج ! ومنها يونس محمود نفسه والذي عاني نفسياً وما يزال يعاني من مرارة ما تعرض له من معاملة وحشيه من الأمن السعودي حينما وطأت قدماه أرض السعودية معتمراً في ألنصف الثاني من تسعينيات القرن الماضي فرقد علي إثرها في مستشفي السلا الطبي لإجراء عمليةٍ دقيقه !
Post: #3 Title: Re: ضيّعت هدف ذهبي في مرمي يونس محمود يا صلاح � Author: abdalla elshaikh Date: 07-02-2019, 01:26 AM Parent: #2
فيا جماعه الكيزان ديل ناس ما عندهم أخلاق ولذلك لا تتعاملوا معهم بتهذيب وسمو أخلاقي لأنهم ببساطه يمكن يدوسك بالجزمه ويرمي بك في أقرب سلّة مهملات ! ولذلك ركّزوا علي نقاط ضعفهم الأخلاقيه وسددوا ضرباتكم بدون تهذيب !
Post: #4 Title: Re: ضيّعت هدف ذهبي في مرمي يونس محمود يا صلاح � Author: خضر الطيب Date: 07-02-2019, 01:49 AM Parent: #1
حبيبنا كارلوس كيف حالك و الاسرة زمن الحلقة كان 20 دقيقة منها خمسة دقائق تقرير في البداية مع الترحيب بالمتحدثين الاخ صلاح شعيب كان مرتب جداً في ردوده الخائن جرقاس النظام يونس محمود كان بدفع في اتجاه انو يلقى ليهو ضل في المجلس الانقلابي وهو كوز معفن لن انسى مواقفه التطبيلية ياخ دا لما كان برتبة رائد و بنبح في الاذاعة قبل نشرة الساعة تلاتة جا لي صاحبنا ابوحراز في المحلات بتاعة مسجد امدرمان اشترى تلاجة كان احساسو كانو اشترى قمر صناعي دا اتفه مخلوق مشى على وجه الارض .. تباً له بس
Post: #5 Title: Re: ضيّعت هدف ذهبي في مرمي يونس محمود يا صلاح � Author: abdalla elshaikh Date: 07-02-2019, 02:11 AM Parent: #4
خضر سلامات وكل عيد وأنت بخير ! صلاح شعيب كان مُرتب و مهذب ! ولكن مع الكيزان وأللي ما عندهم أخلاق يجدر بنا أن نترك التهذيب جانباً ونشوت في التنك ! هسع في ذمتك ألبيعمل فيهو عيساوي و زوجته سهام الخواض في تلفزيون الشعب السوداني هل دا فعل ناس عندهم أخلاق ؟ يا خضر ديل بستنسخوا ليهم برامج بتاع ساحات فدأ جديد ضد ثورة الملايين من ألشعوب السودانيه ! أما الطيب مصطفي يكتب ليل نهار واصفاً ثوارنا بأبشع الألفاظ ! فالناس ديل ما عندهم أخلاق !
Post: #6 Title: Re: ضيّعت هدف ذهبي في مرمي يونس محمود يا صلاح � Author: خضر الطيب Date: 07-02-2019, 02:40 AM Parent: #5
Quote: خضر سلامات وكل عيد وأنت بخير ! صلاح شعيب كان مُرتب و مهذب ! ولكن مع الكيزان وأللي ما عندهم أخلاق يجدر بنا أن نترك التهذيب جانباً ونشوت في التنك ! هسع في ذمتك ألبيعمل فيهو عيساوي و زوجته سهام الخواض في تلفزيون الشعب السوداني هل دا فعل ناس عندهم أخلاق ؟ يا خضر ديل بستنسخوا ليهم برامج بتاع ساحات فدأ جديد ضد ثورة الملايين من ألشعوب السودانيه ! أما الطيب مصطفي يكتب ليل نهار واصفاً ثوارنا بأبشع الألفاظ ! فالناس ديل ما عندهم أخلاق !
انت اكيد يا كارلوس بتعرف عيساوي و سهام بحكم الدراسة في المعهد و انا عرفتهم بحكم العمل في التلفزيون , ما كان يسمى تلفزيون السودان و الحيشان التلاتة اول ما جاء نظام الكيزان و الطيب سيخة كان عيساوي مرافق شخصي للطيب سيخة و عملوا برنامج اسمو على خطى الاصلاح و شالو ناس كتيرة للصالح العام اللستة كانت جاهزة من الصفيق وراق زويل المنبر و مصدق حسن و بعدها لما بقى الطيب سيخة والي لدارفور مشى معاهو عيساوي و بدأ يعمل برنامج اسمو رسالة دارفور و في يوم جاب لي تسجيل صوتي لعبد الماجد هارون الاصبح في غفلة من الزمن وكيل وزارة الاعلام و عبد الماجد كان ضابط برتبة ملازم في ما كان يسمى بقوات السلام عيساوي ما عندو قشة مرة سهام قابلتها قبل خمسة سنوات و بعدها تقريباً اشتغلت في تلفزيون قطر او جامعة قطر متعاونة عموماً الشئ البعمل فيهو عيساوي دا ما جديد عليهو
Post: #7 Title: Re: ضيّعت هدف ذهبي في مرمي يونس محمود يا صلاح � Author: دفع الله ود الأصيل Date: 07-02-2019, 06:24 AM Parent: #6
SALAM ود الشيخ ، @ ياخي ولا ذهبي و لا حاجة؛ ازميل صلاح شُعيب راجل زمنو مزنوق و قدامو مسائل أهم من يضيعا مع كلب لهلاه منيش على خانة مسيلمة لاكضباشي.
# تاني حاجة الجزيرة زاتا بتبالغ، لكن معذورة ، صاحبة تار و شغالة ضرب رُكب يمين و شمال. عاملة لينا وجع وضع بالكوز متسلق ضياء الدين بلال عامل عوينااتو مقلوزات متل ميزان البصل كما يختولو بصلة ترجح بي كفتا. و جابت قبل كدا اللواء عبد الباسط داك شلوفتو مرخية على جنبة متل قرد الشمبانزي. و برضو شمس الدين البشير مستشار الانغاز الإعلامي بالدوحة مستضيفاه في اتجاه معاكس ضدعبد الباقي الظافر. و لسة في الطريق ربيع عبد العاطي و لا الطاهر التوم الجخس المتعتت حسين خوجلي. و تاني ما فاضل إلا عبد الحي و الجزولي و الناجي عبد الله.
Quote: انت اكيد يا كارلوس بتعرف عيساوي و سهام بحكم الدراسة في المعهد و انا عرفتهم بحكم العمل في التلفزيون , ما كان يسمى تلفزيون السودان و الحيشان التلاتة
# يلا نجي ليك إتا ياخدرأخوي مالك ياخي على(الحيشان التلاتة) بالله المنطقة دي محظورة فيا ريت تفطها. لانو اسم شُهرتي ولا ناقة له ولا جمل في سهام و عيساوي . بالموماسبة ذكرتني عمنا حيدرعبد الحميدرحمه الله، من ظُرفاء العباسية ؛ كان راجل حنيِّن و مجاملاتي للطيش. فمرة كنا في جلسة ما منظورمثيلا و مساجلة ساخنة بينَا كشباب ثائرين على أنظمة (عسكر و حرامية ) و بينو هو وصاحبو دكتور عمر إبراهيم عبود . فلامن خلاس زنقناهم شديد قام عمك فجأة قلب موجة معانا و فضل يسجل تنازلات و يذكر في مآثر أكتوبر الأخضر و التقاء جيلجيل البطولات بحيل التضحيات و يلا نسى رحو لحدِّما قَبَّل ينبز في نظام الريس عبود زاتو. يلا هنا دكتورعمر عبود ملاصقو؛ فانتبه و قام بالراحة قرصو و قاللو : يا حيدر إنتا الحتة دي ما تفطها ياخ .
تقبل خالس مودتي أخوك/ ود الحيشــان التـلاتـة مؤذن مغمور في جزيرة مالطة
Post: #8 Title: Re: ضيّعت هدف ذهبي في مرمي يونس محمود يا صلاح � Author: محمد بدرالدين Date: 07-02-2019, 06:42 AM Parent: #7
صراحة ضيع اهداف كتيرة لكن الحبيب صلاح كان مركز على ابراز رؤى ق ح ت ما التفت لحرق بوق الانقاذ و كان ف امكانه ذلك .... ناس اركان النقاش كانو الجموه احجارا و ردموه اسفل سافلين حتى لا يقوم له قومة و لا صوت و لكن صلاح كان صالحا جعله الله كذلك .. المودة و التقدير لكم جميعا اكيد التاريخ لن ينسى افعال البوق و حتما سياتى يوم و يدفع فيه الثمن غاليا
Post: #9 Title: Re: ضيّعت هدف ذهبي في مرمي يونس محمود يا صلاح � Author: حامد بدري Date: 07-02-2019, 07:19 AM Parent: #8
الابواق والاقلام التي تطمس الحقيقة لانها جوعانة للدولار كتيرة بلة الغايب الطيب مصطفى الرزيقي الهندي هذه الابواق اسكتها الشارع السوداني للاسف المهر كان جدا غالي شباب في ريعان ومقتبل اياموم يموتو بالرصاص في الراس لا لشي الا لانهم ارادوا العمل الحر والشريف والعدالة امس الاول صورة جدا حزينة لتلاتة شباب متلفحين الاعلام وشعارات الثورة ومعهم مكرفون مضروبين رصاص في الراس والصدر ربنا يرحموم ويصبر والديهم التحية للشعب السوداني البطل والاحترام للشهداء جميعا وتحية خاصة لام هزاع فقد لقنت الجنجويدي درس كنداكي عظيم
Post: #10 Title: Re: ضيّعت هدف ذهبي في مرمي يونس محمود يا صلاح � Author: tabaldy Date: 07-02-2019, 07:26 AM Parent: #8
اتوقعت صلاح شعيب يسألو عن وضع الجيش كقوة كومبارس وعن رأيو في حميدتي ورتبة الفريق أول الوصلتو لنيابة المجلس العسكري
تحياتي
Post: #11 Title: Re: ضيّعت هدف ذهبي في مرمي يونس محمود يا صلاح � Author: خضر الطيب Date: 07-02-2019, 08:33 AM Parent: #10
مرحب ود الأصيل و د الحيشان التلاتة طبعاً قبل النظام المنقلع رئيسه كان الاذاعة و التلفزيون و المسرح فاتحين على بعض لما جو الكيزان قفلو النفاجات دي قال ايه لاسباب امنية و الحاجة دي قطعت التواصل بين الزملاء في الحيشان التلاتة بمناسبة العباسية اسماعيل عيساوي كان ساكن قدام شرطة الربيع ما عارف اذا كان لسه موجود و لا رحل و عمو عيساوي الله يرحمو كان في الاذاعة و كمان ساكن العباسية مجموعة كبيرة من الاذاعة و التلفزيون كانوا في العباسية منهم كان مدير البرامج في التلفزيون عمنا العاقب صاحب المقولة الشهيرة ( رمضان فاجأنا ) لما سألوهو الصحفيين في انو برامج رمضان ما كانت على قدر المستوى :) ايام ياخ محبتي
Quote: # يلا نجي ليك إتا ياخدرأخوي مالك ياخي على(الحيشان التلاتة) بالله المنطقة دي محظورة فيا ريت تفطها. لانو اسم شُهرتي ولا ناقة له ولا جمل في سهام و عيساوي . بالموماسبة ذكرتني عمنا حيدرعبد الحميدرحمه الله، من ظُرفاء العباسية ؛ كان راجل حنيِّن و مجاملاتي للطيش. فمرة كنا في جلسة ما منظورمثيلا و مساجلة ساخنة بينَا كشباب ثائرين على أنظمة (عسكر و حرامية ) و بينو هو وصاحبو دكتور عمر إبراهيم عبود . فلامن خلاس زنقناهم شديد قام عمك فجأة قلب موجة معانا و فضل يسجل تنازلات و يذكر في مآثر أكتوبر الأخضر و التقاء جيلجيل البطولات بحيل التضحيات و يلا نسى رحو لحدِّما قَبَّل ينبز في نظام الريس عبود زاتو. يلا هنا دكتورعمر عبود ملاصقو؛ فانتبه و قام بالراحة قرصو و قاللو : يا حيدر إنتا الحتة دي ما تفطها ياخ .
تقبل خالس مودتي أخوك/ ود الحيشــان التـلاتـة مؤذن مغمور في جزيرة مالطة
Post: #12 Title: Re: ضيّعت هدف ذهبي في مرمي يونس محمود يا صلاح � Author: دفع الله ود الأصيل Date: 07-02-2019, 09:38 AM Parent: #11
فعلن ، يا خدر ، كانت أيام لا تُنسى من الزمن الجميل بحقٍ. و تظل أحياء امدرمان حُبلى بظفراء قاع المدينة . نذكر منهم الكمالين آفرو سينا بود نوباوي . و العباسية كان من أظرف ظرفائها حبيبنا و عندليبنا الاسمر الراحل زيدان إبراهيم الله يرحمو كان قطباً باززاً في حزب البهجة . مرة جايبنو في برنامج ( مطرب و جماهير) فبدأ بنبذة تعريفيةعن روحو قال : أنا زيدان ود أم الحسن و الحسين ساكن العباسية جوار جامع مرفعين الفُقرا , ثم أضاف: طبعن يا جاعة أول مرة تسمعو إنو الفُقرا عندهم مرفعين ، لاكين ما تلاوزو ، ما بعضي . و لكن رغم إنو كان معروف كمحرك دفع أمامي لكوامن الهوى الغلاب بوجدان الناس ، عترنا ليه في أغنية وطنية / هي ( أكتوبر الأخضر مرحى) .
* كما نعتذر لود الشيخ للخروج عن نص البوست.
Post: #13 Title: Re: ضيّعت هدف ذهبي في مرمي يونس محمود يا صلاح � Author: Ahmed Yassin Date: 07-02-2019, 02:36 PM Parent: #12
ودالشيخ وشركاه ضيع بلنتي اول شىء يبدو ان صلاح شعيب كان متهيب الموقف . اكثر ما لفت نظر المتابعين للحلقة واثار بعض من الغضب على صلاح انه كان يخاطب يونس ب (اللواء يونس) وكررها اكثر من عدة مرات رغم ان يونس كان يوجه كلامه لمقدم الحصاد جمال ريان ويشير لى صلاح ب (الضيف) بل وهمز بكلام كان المفروض صلاح ان يرد عليه رد قوي عندما قال يونس (يشم رائحة الشواء من على البعد ) طرح وردود بوق الانقاذ الذي اشتهر بتطاوله على الملوك والامراء والرؤساء العرب بل على كل الجيران. كانت الفرصة سانحة ومهيأة امام صلاح شعيب وكان ببساطة شديدة ان يلقم يونس حجرا ويضع الكرة في الشباك الخالية