مستوى الوعي العند السودانيين دة ما عادي..

07:55 PM July, 01 2019

سودانيز اون لاين
ombadda-السودان
مكتبتى
رابط مختصر

#
كنت أشاهد في فيديو لاحد أمهات الشهداء وهي تخاطب جموع من الثوار. تبين لهم
أن حميدتي ارسل لها اثنين من المستشارين ليساوموها. وهي رفضت.
في بداية الفيديو ما كنت فاهم القصة ومن هي أو ما الموضوع. كل ما جال في خاطري
إنها ربما تكون أحدي المتحدثات باسم قوى الحرية والتغيير.
لكن سرعان ما انبهرت عند علمت انها أم وانسانة بسيطة وان ابنها شهيد..
السودان ده عجيب

#
فيديو آخر لجموع من الثوار تهتف خلف السيدة مريم الصادق المهدي.
بصوت واحد جهوري "حزب الأمة يسقط بس"
مما اضطرها لمغادرة المظاهرة..


#
موقف اخر مع عثمان ذو النون

واخر مع الضي بشارة الذي ذرف الدموع..

الثوار ديل واعيين جدا..
والساسة والناشطين المفروض يعملوا مليون حساب للشعب دة..

دة غير سلمية التظاهر التي انبهر لها العالم اجمع والتنظيم الدقيق لها.

شعب عظيم والله

منقول
‏خلونا نتفق انو ام هزاع شالت وش حميدتي امس و مرغتو في الأرض.. لما رفضت تقابلوا وقالت لي مستشاريه انها ما بتتهدد ولا بتخاف.. وانو يدها الما مستعدة تصافح بيها يدو المليانة دم حيجي يوم تتمد لي رقبتو وتقطعها ليهو..
المرأة دي لا يكفيها تكريم ولا تشريف..
‎#مليونيه30يونيو

سلام يا دكتور
و ما تنسى الإبداع لأنهم ادخلو أساليب و طرق كان ليها الأثر الكبير في إشعال الثورة و إستمرارها
و كان ليها الأثر في جذب الكثيرين للخروج للشارع

ربنا يحفظهم و ينصرهم ..

تحياتي

السلام عليكم
أكرر اقتراحي بإعطاء مقعد في مجلس السيادة لأم الشهيد

شكرا لمروركما
أبو الحسين واخلاص..

#
رجل بسيط جدا تتوجه إليه كاميرا تلفزيون السودان فى الشارع..
ليتافجأ معدي التلفزيون بتغيير موضوع حديثه إلى نقد للإعلام،
وعدم تفاعله مع الشارع بأسلوب سهل ممتنع لكنه اسلوب قوى مقنع
نال استحسان المارة الذين تجمعوا وجعلهم يصفقون له..