الثوار يحاصرون الدكتورة مريم الصادق المهدي

الثوار يحاصرون الدكتورة مريم الصادق المهدي


07-01-2019, 07:47 PM


  » http://sudaneseonline.com/cgi-bin/sdb/2bb.cgi?seq=msg&board=500&msg=1562006879&rn=0


Post: #1
Title: الثوار يحاصرون الدكتورة مريم الصادق المهدي
Author: Hassan Farah
Date: 07-01-2019, 07:47 PM

07:47 PM July, 01 2019

سودانيز اون لاين
Hassan Farah-جمهورية استونيا
مكتبتى
رابط مختصر




Post: #2
Title: Re: الثوار يحاصرون الدكتورة مريم الصادق الم
Author: Mutasim Idris
Date: 07-01-2019, 07:51 PM
Parent: #1

سلام يا حسن..
الشارع عااااااارف وفاااااااهم بس مقطعو ففففي حشااااو.

Post: #4
Title: Re: الثوار يحاصرون الدكتورة مريم الصادق الم
Author: ombadda
Date: 07-01-2019, 08:20 PM
Parent: #2

الصديق المهدي..
مع احترامي لانتمائك لحزب الأمة..
حزب الأمة غير جدير بالثقة بعد أن شارك البشير في الحكم على مدى 30 عاما..
وعلى أعلى المستويات، ولم يعر للشعب السوداني الكادح بالا، بل جري وراء مصالحه..
ولو ثبت الصادق المهدي وناضل وعارض ولم يتهاون، لجاء الان بعد زوال البشير
محمولا على الاعناق متوجا كرئيس من جديد..
لكن نقول شنو
سوي
حزب الأمة، يسقط بس 😂😂😂

Post: #5
Title: Re: الثوار يحاصرون الدكتورة مريم الصادق الم
Author: محمد البشرى الخضر
Date: 07-01-2019, 10:36 PM
Parent: #4

سلام عليكم حسن و الزملاء

الدكتورة لسان حالها يقرأ بيت الشاعر هذا جناه أبي علي وما جنيت على أحد!
سيدي أحرجها و أحرجنا معاها :)

يا دكتور امبدة إن كان لحزب الأمة حسنة واحدة فهي عدم مشاركته مع الانقاذ ولو للحظة واحدة في الحكم, كل الشايفهم قايمين وقاعدين وسالين لسناتهم ديل شاركوا على الاقل في برلمان نيفاشا ان لم يكن شراكة راسها عديل!

Post: #6
Title: Re: الثوار يحاصرون الدكتورة مريم الصادق الم
Author: صديق مهدى على
Date: 07-01-2019, 11:00 PM
Parent: #5

حباب ود البشرى الظاهر الدكتور بتكلم عن مبارك المهدى وجناحه

Post: #7
Title: Re: الثوار يحاصرون الدكتورة مريم الصادق الم
Author: othman mohmmadien
Date: 07-02-2019, 07:42 AM
Parent: #6

اكيد الذين تعرضوا للدكتورة مريم الصادرة من الثورة المضادة التي لا تريد لقوي الحرية أن تتوحد وتكون على قلب رجل واحد هؤلاء يريدون تشتيتهم وعدم الوصول لاتفاق مع المجلس العسكري. ارجو من الدكتورة مريم أن لا تعيرهم كثير اهتمام لأنهم يسعون لزرع الفتن بين مكونات قوى الحرية والتغيير.

المصدر:
https://www.youtube.com/watch؟v=bbLrv5Hlf4Ehttps://www.youtube.com/watch؟v=bbLrv5Hlf4E

Post: #8
Title: Re: الثوار يحاصرون الدكتورة مريم الصادق الم
Author: Mohd Ibrahim
Date: 07-02-2019, 07:57 AM
Parent: #7

ماملاحظين انو اللاندكروزر لوحاتو استثمار ...ناس مفترض فيهم القدوه والعفة كقادة ولكن طبعا كلهم بحبو السلطة والجاة واستغلال النفوذ..طبعا ظاهرة العربات الاستثمارية هذة خطة شريرة اتاحت لذوي النفوذ ادخال سيارات فارهة بدون دفع جمارك للدولة ..
الجمارك يدفعها الشعب المقهور وقيادته تتمتع بالاعفاءات الجمركية ..احد شيوخ الانقاذ ومقرئ قران مشهور ذهب الي الشرطة وفتح بلاغ سرقة لسيارتة المليارية وبلا خجل السيارة استثمار مملوكة له شخصيا ..

Post: #9
Title: Re: الثوار يحاصرون الدكتورة مريم الصادق الم
Author: ombadda
Date: 07-02-2019, 09:49 AM
Parent: #8

سعادة اللواء عبد الرحمن الصادق المهدي مستشار رئيس الجمهورية عمر حسن البشير..
ده كان مشارك بصفته شنو؟ حزب أمة ول مستقل ول منشق من حزب الأمة؟
فهمونا معاكم..
والمشاركة ليست وزارات وحصص في البرلمان..

Post: #10
Title: Re: الثوار يحاصرون الدكتورة مريم الصادق الم
Author: صديق مهدى على
Date: 07-02-2019, 05:39 PM
Parent: #9

طبعا عبدالرحمن الصادق يمثل نفسه وبس يا دكتور

Post: #11
Title: Re: الثوار يحاصرون الدكتورة مريم الصادق الم
Author: نادر الفضلى
Date: 07-02-2019, 06:10 PM
Parent: #10


Quote:
طبعا عبدالرحمن الصادق يمثل نفسه وبس يا دكتور


بقى نائب رئيس جمهورية لأنه عبد الرحمن الصادق وبس
وليس لأنه عبد الرحمن الصادق المهدى إبن إمام الإنصار ورئيس حزب الأمة

فقط لأن عبد الرحمن صاحب الخبرات والكفاءات النوعية التى أهلته لمنصب نائب رئيس جمهورية
وليس عبد الرحمن الصادق المهدى العاطل بالوراثة!

كراع فى الجنة وكراع فى النار .. ويد تشابى شمال وأخرى يمين
أو الجرى والطيران معا .. تهتدون وتهربون وترجعون .. تشاركون ..
تخدعون وتكذبون .. وتصدقون الكذبة .. ما شاركنا .. دا الإبن براهو
شن قيمتو الإبن بدون أبوه وحزبو!؟! حزب أبوه ما حزب قريبه مبارك!!

Post: #12
Title: Re: الثوار يحاصرون الدكتورة مريم الصادق الم
Author: Mohamed Doudi
Date: 07-02-2019, 06:38 PM
Parent: #11

استغرب من زول ذى دكتور امبده يكون سطحى لهذه الدرجه
منذ متى يا دكتور يتم محاسبه الاحزاب بمشاركه زويهم فى كيانات اخرى؟
لو كلامك صاح لتم فتح بلاغ ضد الحزب الشيوعى بجريمه القتل والتعذيب على كل الجرائم التى ارتكبت تحت قياده صلاح قوش لان شقيقه قيادى بالحزب الشيوعى
وكذلك لنصبت المشانق لعمر الدقير لان شقيقه جلال الدقير كان فاسدا ووزيرا للصاعه ناهيك عن اخته اجلال وشقيقه محمد الذان سقطا مع البشير ليله 11 ابريل
عبدالرحمن الصادق علاقته بحزب الامه مثل علاقتك بحزب الامه

دودى

Post: #13
Title: Re: الثوار يحاصرون الدكتورة مريم الصادق الم
Author: adil amin
Date: 07-03-2019, 04:06 AM
Parent: #12

ايوه كايس لي بوست ذى ده من زمان
طبعا الاسقاطات بتاعة الشباب الاقل من 30 سنة معذورين فيها شباب وجد نفسع في متاهة بين بعاعيت مايو 1969 وايتام الترابي 1989 عفن مصر والانقلابات وعلم بابكر عوض الله
الشيوعيين هم من رحل هذا الوعي المازوم للشباب الجديد ..وازمة الشيوعيين في انهم عايزين سودان بدون ختمية او انصار من الاساس وهم الكيزان الغزالة الفوق في السلم ويلوكون تاريخ مزور ومشين صممه المصريين من 1821
لحدي الليلة عشان ن كون كده متهاهة شعب اسود...
الكيزان يرفسو الجمهوريين والحركة الشعبية مشاريع الحداثة السودانية الاصلية
الشيوعيين يرفسو الختمية والانصار الجذور الروحية للمجتمع السوداني واليدمقراطية العميقة
اما التكارين السلفية بتاعين ال سعود ديل تخصصهم في صوفية السودان
هذه التعبئة الخاطئة هم يسقطوها علي الصادق المهدي الفاشل الذى لوث حزب الامة العظيم من 1964 وخلي القناديل المحجوب وعبدالرحمن علي طه وجاب الزنابيل اضل والعن سياسي في السودان الترابي وعبدالله محمد احمد وعلق مع مشاريع الاخوان المسلمين المشينة من 1964 لحدي اليوم 2019
والهرولة معاهم الي مصر ايضا ... وقاعد معاهم في بوتيك ق ح ت العجيب لجميع انواع البضاعة المصرية المنتهية الصلاحية
اسالو الشيوعيين رائهم شنو
في المهدي والمهدية وتفسها
في السيد عبدالرحمن المهدي
في حزب الامة نفسه
في الانجليز
في الديمقراطية نفسها
وعبر
حستو الجبهة المعادية للاسنعمار والحزب الشيوعي السوداني
وبعدين نفتح دفتر الاحزان من الاول الي اخر من 1821-2019 دور مصر الرخيص في تسميم وعي السودانيين بسبب قرود بافلوف ديل ...
اذا الصادق المهدي فاشل ..انت يا الشيوعي والناصري والبعثي افشل منه مليون مرة
واذا عندكم مشكلة مع الصادق المهدي ....مريم الصادق المهدي لها كسبها السياسي ومعاناتا في ظل النظام
انتو رايح ليكم درب وتوهتو الشباب معاكم يا بعاعيت مايو 1969
والشعار المبتور ده لا يصنع ثورة حقيقية بحجم المهدية 1 والمهدية 2 اطلاقا
وتاني ما في زول يبرقص ويغطي دقنو في السودان
عاش ابو هاشم

https://up.top4top.net/

الخارطة السوداء المشوهة دي يا المتحولين سياسيا هي مبلغكم من العلم الوعي والله يرحم الشباب المغيب المباريكم لحدي هسة ده

Post: #14
Title: Re: الثوار يحاصرون الدكتورة مريم الصادق الم
Author: adil amin
Date: 07-03-2019, 04:22 AM
Parent: #13

تعالو مارقين لي بره يا قوى الاجماع الوطني التي لم يجمع عليها احد يمرق جلدكم البمبي تتمسحور بالكريمات عاملين فيها عرب وتجلدو في الجنوبيين يا ناس المركز لحدي جوكم عرب فوق العادة الجنجويد جلدوكم في الخرطوم بلد السكر المسحوم

هكذا يتم ترحيل الوعي السفيم جيلا بعد الجيل للشباب في السودان عبر 60 سنة من الاستقلال
Quote: مجموعة من العلماء و ضعوا 5 قرود في قفص واحد و في وسط القفص يوجد سلم و في أعلى السلم هناك بعض الموز
في كل مرة يطلع أحد القرود لأخذ الموز يرش العلماء باقي القرود بالماء البارد
بعد فترة بسيطة أصبح كل قرد يطلع لأخذ الموز, يقوم الباقين بمنعه
و ضربه حتى لا يرشون بالماء البارد
بعد مدة من الوقت لم يجرؤ أي قرد على صعود السلم لأخذ الموز على الرغم من كل الإغراءات خوفا من الضرب
بعدها قرر العلماء أن يقوموا بتبديل أحد القرود الخمسة و يضعوا مكانه قرد جديد
فأول شيء يقوم به القرد الجديد أنه يصعد السلم ليأخذ الموز
ولكن فورا الأربعة الباقين يضربونه و يجبرونه على النزول..
بعد عدة مرات من الضرب يفهم القرد الجديد بأن عليه أن لا يصعد السلم مع أنه لا يدري ما السبب
قام العلماء أيضا بتبديل أحد القرود القدامى بقرد جديد
و حل به ما حل بالقرد البديل الأول حتى أن القرد البديل الأول شارك زملائه بالضرب و هو لا يدري لماذا يضرب
و هكذا حتى تم تبديل جميع القرود الخمسة الأوائل بقرود جديدة
حتى صار في القفص خمسة قرود لم يرش عليهم ماء بارد أبدا
و مع ذلك يضربون أي قرد تسول له نفسه صعود السلم بدون أن يعرفوا ما السبب
لو فرضنا .. و سألنا القرود لماذا يضربون القرد الذي يصعد السلم؟
أكيد سيكون الجواب : لا ندري ولكن وجدنا آباءنا وأجدادنا هكذا
عملياً هذا ما نطبقه نحن في أعمالنا وحياتنا اليومية
نبقى في الروتين خوفاً من التغيير !!!رغم ان ايقاع الزمن الدوار ابتلع الزامر والمزمار وكسدت كل البضاعة التي صدرتها لنا مصر وعجزت الانتلجنسيا السودانية العاطلة-نفس الناس- عن توطينها في السودان عبرالعصور . الان 2019 كسدت في بلد المنشا نفسها مصرالمؤمنة "واضحى اليتفرج ما يشتريش"...فماذا بعد؟؟!!


هسة لو وقفت الشباب الثائرين ديل قلت ليهم
بتعرف شنو عن السيد عبدالرحمن المهدي ؟؟ ما يعرف وحتي دوره في مشروع الجزيرة ركاز التنمية السودانية
بتعرف شنو عن اركماني؟؟ دوره في استعادة الهوية السودانية ((الدينية )) ما بعرف
لو ساتهم الكعب شنو في دستور 2005 ما بعرف
ما دور المحكمة الدستورية ؟ ما بعرف
كم عدد قضاتها ما بعرف
من هو عبدالرحمن علي طه ما بعرف
من هو الرئيس محمد نجيب برضه ما بعرف يكون مباري ساطع الناصري والسنهوري البعثي وقايل صدام حسين عقد الجلاد
ليه
لانه في ساقطين عايزينهم وقود يطلعو علي جثثهم بس ويلولو لا مريكا الحقينا ويا قطر ويا امارات ويستمر الفجر الكاذب
مدنية مدنية ...تسقط بس وعااااك عاااك
ولو الانصار والختمية متخلفين وكانو مع الانجليز في العصر الذهبي 1938-1956 وده كلو تخلف وقوى رجعية مرتبطة بالاستعمار ...مشروع الجزيرة والنقل والنهري والسكة الحديد
هسة بعد 60 سنة من التقدم والحداثة والانقلابات والشيوعيين والبعثيين والناصريين والكيزان والسلفيين
الحمار ده مربوط هنا ليه ؟؟
https://up.top4top.net/

بالله واحد ينزل لينا اغنية عجبوني اولاد السرارة

Post: #20
Title: Re: الثوار يحاصرون الدكتورة مريم الصادق الم
Author: sadig mirghani
Date: 07-03-2019, 11:04 AM
Parent: #12

ما تحاول تلف وتدور
عبدالرحمن شارك في الانقاذ باعتبارو يمثل حزب الامة
وابوه زعيم الحزب وكان موفدا له من قبل عندما قرر الصادق الرجوع من تهتدون
وجاء عبدالرحمن للبشير يطلب العون وكان منفذا لعملية تهتدون من قبل
وكان مشرفا على جيش حزب الامة في التجمع باسم الامة
والان الصادق قبل ايام داعب حميدتي بان عبدالرحمن مكانو محفوظ داخل حزب الامة هو ومعه شخص لا اذكره
فلماذا تصر على تغليف الحقائق

Post: #15
Title: Re: الثوار يحاصرون الدكتورة مريم الصادق الم
Author: محمد محمد قاضي
Date: 07-03-2019, 05:33 AM
Parent: #1

Quote: ايوه كايس لي بوست ذى ده من زمان


هههههههه عشان تقول شنو؟؟؟
1- كعكوك المركز والجنسية البنية والخضرا وأقليات مشوهة المركز
2- رؤية جون قرنق ودستور 2005 وإتفاقية نيفاشا والحركة الشعبية
3- الصرف الصحي الصاغ صلاح سالم والمشاريع المصرية
4- محمود محمد طه والجمهوريين والطرق الصوفية والحوليات خخخخ
5- ديمقراطية وستمنستر والإنجليز الصنعو الإير باص هههههه
6- الأقاليم الستة وتسعة قضاء في المحكمة الدستورة
7- الختمية والحزب الإتحادي وعلم الإستقلال وجناين كسلا هههه
8- الإنصار وحزب آل المهدي والسيدة مريم هي هي هي
9- الشيوعيين والناصريين والبعثيين وعلم بابكر عوض الله
10- وإنتو حدكم 30 يونيو 2019

غير الفرمالة الفوق ديل ما عندي ليكم جواب لأي سؤال تاني
إلا تقولوا الروب وااااااي مدنياااااااووووو

Post: #16
Title: Re: الثوار يحاصرون الدكتورة مريم الصادق الم
Author: محمد محمد قاضي
Date: 07-03-2019, 05:39 AM
Parent: #1

عندي إضافة يا شباب ممكن؟

عاش أبو هاشم

______________
مع إني ما متأكد أبو هاشم ده حي ولا ميت

Post: #17
Title: Re: الثوار يحاصرون الدكتورة مريم الصادق الم
Author: عبدالعظيم عثمان
Date: 07-03-2019, 05:55 AM
Parent: #16

سيد البوست والزملاء المشاركين فيه
الفاتحة علي روح البوست
عادل امين جا شايل عدة الشغل
وحينيك أم حلة البوست والبوستات المجاورة

Post: #18
Title: Re: الثوار يحاصرون الدكتورة مريم الصادق الم
Author: adil amin
Date: 07-03-2019, 06:30 AM
Parent: #17

Quote: هههههههه عشان تقول شنو؟؟؟
1- كعكوك المركز والجنسية البنية والخضرا وأقليات مشوهة المركز
2- رؤية جون قرنق ودستور 2005 وإتفاقية نيفاشا والحركة الشعبية
3- الصرف الصحي الصاغ صلاح سالم والمشاريع المصرية
4- محمود محمد طه والجمهوريين والطرق الصوفية والحوليات خخخخ
5- ديمقراطية وستمنستر والإنجليز الصنعو الإير باص هههههه
6- الأقاليم الستة وتسعة قضاء في المحكمة الدستورة
7- الختمية والحزب الإتحادي وعلم الإستقلال وجناين كسلا هههه
8- الإنصار وحزب آل المهدي والسيدة مريم هي هي هي
9- الشيوعيين والناصريين والبعثيين وعلم بابكر عوض الله
10- وإنتو حدكم 30 يونيو 2019

غير الفرمالة الفوق ديل ما عندي ليكم جواب لأي سؤال تاني
إلا تقولوا الروب وااااااي مدنياااااااووووو

بس فرمتة بسيطة يا القاضي ويترتب المشروع البديل الحقيقي للسودان في مخك الصغير
بالله معلقة لبيد دي نسوي بيها شنو يا اهل النرجسية التي اعيت م من يداويها
https://up.top4top.net/

Post: #19
Title: Re: الثوار يحاصرون الدكتورة مريم الصادق الم
Author: adil amin
Date: 07-03-2019, 06:36 AM
Parent: #17

Quote: سيد البوست والزملاء المشاركين فيه
الفاتحة علي روح البوست
عادل امين جا شايل عدة الشغل
وحينيك أم حلة البوست والبوستات المجاورة

انا جقود الرجعي المتربط بالاستعار انا الزيي منو
نحن نمارس تنوير وانت بتمارس تهريج وكل ما يمر الزمن انت تتلاشي ونحن نظهر والزمن بينا
خلوني اتفشى قبل تجو تقعدو في راسنا بالمحاصصة الرخيصة وتضيعو ما تبقى من السودان وندخل مرحلة وقف حمار الشيخ في العقبة يا ق ح ت الايام المنسية الاذرى وجها ما نقلتو مشاريع المصريين المعفنة بس نقلتو فقعصتهم كمان