الآن في شرق النيل .. يتحدث و يشكر العمد والأمراء (ديل منو كمان؟) .. الغريبة الناس الملمومين بيهتفوا عسكرية مية المية ..و حميدتي بيقول ليهم لا ..في مجلس تشريعي و مجلس وزراء مدني.
Post: #2 Title: Re: جميدتي يتحدى الشعب السوداني Author: محمد محمود محمد Date: 06-30-2019, 03:19 PM Parent: #1
الملاحظ انو حميدتي كان منزعج جدا .. و ذكر انو في قنّاصين اصابوا 3 من الدعم السريع و 5 مواطنين أمام السلاح الطبي .. و بأنزعاج شديد ذكر انهم ماشين يلحقوا الموقف و أنهى الخطاب.
Post: #3 Title: Re: جميدتي يتحدى الشعب السوداني Author: عبد الصمد محمد Date: 06-30-2019, 03:24 PM Parent: #2
ربما هذا يشيء بتبييت النية لضرب المسيرة ربك يستر يا محمد محمود يعيدون الكذبة الفاجرة والمفضوحة لضرب المظاهرات السلمية
Post: #4 Title: Re: جميدتي يتحدى الشعب السوداني Author: محمد محمود محمد Date: 06-30-2019, 04:02 PM Parent: #3
Quote: ربما هذا يشيء بتبييت النية لضرب المسيرة
حسب العددية الشفتها و انتشار المسيرات في مدن كتيرة ؛ اعتقد صعب جدا يلجأوا للتكتيك ده ..و الّا كتبوا نهايتهم بأيدهم ..كل انظار العالم صوب الحاصل في السودان الآن. من الافضل يتخلوا عن العنجهية و الغرور الاصابهم ..و يعرفوا حجمهم الحقيقي مقارنة بخصمهم ؛ و يختّوا اصلابهم في واطة الله دي و بسلموا الشعب امره. تحياتي عبد الصمد.
هههههه كلفت الجماعة ونفًس عليهم حفلة الرًقيص المكرى على أشلاء الشًهداء من أي طينة هؤلاء الأنتهازيين؟ ماذا كانوا يتوقًعون ؟ ومكرًمنوا بى درع الزًيف؟ هؤلاء قصعات كل جيفة .. هتًيفة وجوقة نفعيًين حميتًى قنع من خيراُ في مستشارى الغفلة والقفلة الآن كما السًابق لا يمكنه اللًعب أكثر على حبال الدًهنسة والحشود المكريًة هل عرف حجمه بعد؟ هذا الجًنجويداى اللًزج المطًرب لا يفقه ما تفوًه به ... قال ليهم إنتوا بتقولوا عسكريًة ونحن بنقول مجلس وزراء خلًاهم في السًهلة ولملم خيبتوا وهرب .... ولسًة ماشين في السًكة نمد
يا أستاذ محمد محود الراجل ده مرات بشفق عليهو الكيزان اللي معاهو دييل فكوهو في المنابر وبقى يشنق نفسو كل يوم ، شن جاب العمد والامراء وهلمجر الزول ده فهمه السياسي متواضع جداً، والحاشية اللي حولو انتهازيين يحيروا إبليس زاتو
السلام عليكم. انت د. محمد محمود (جامعة هاورد) في واشنطن؟!
Post: #11 Title: Re: جميدتي يتحدى الشعب السوداني Author: محمد محمود محمد Date: 06-30-2019, 07:53 PM Parent: #9
Quote: سيذهب سليل الجنجويد القتلة إلى مزبلة للتاريخ
أظنها أعلى من مقامو استاذ عبد الله الشقليني .. المزبلة دي فيها ناس في حجم هتلر و موسوليني ..اياديهم مخضبة بدماء أعداء لشعوبهم .. المعتوه ده كل حصيلتو من الضحايا ..ناس عزّل و مساكين من شعبه و اهله . تحياتي يا أديب.
Post: #12 Title: Re: جميدتي يتحدى الشعب السوداني Author: محمد محمود محمد Date: 06-30-2019, 08:01 PM Parent: #11
Quote: الزول ده فهمه السياسي متواضع جداً، والحاشية اللي حولو انتهازيين يحيروا إبليس زاتو
اصلاً مافي فهم سياسي ولا يحزنون يا صديقي .. عندو جبل دهب و معاه مرتزقة ..يقتلوا عند الطلب بدم بارد . من المؤسف بعد الازهري و المحجوب و الفضلي و مولانا علي عبد الرحمن يمثّل الشعب السوداني شخص بمقدرات حميدتي الهزيلة. تحياتي يا فنّان.
Post: #13 Title: Re: جميدتي يتحدى الشعب السوداني Author: محمد البشرى الخضر Date: 06-30-2019, 08:39 PM Parent: #12
Quote: و يجي يقول ادوني تفويض ..
وتلفزيون السودان يكتب اتنين مليون مواطين يفوضون المجلس!! غايتو التلفزيون حيّرنا!! قدرة على النفاق و التدليس لم اكن اظن انها متوفرة عند سوداني راضع لين امه!
الزول دا يا محمد بسيط جدا وتفكيره لسة تفكير خلا وقبيلة واهل وعزوة, بعمل حساب كبير جدا للعدد و الحشود من يومه الوقف هايج وقال احنا مقطوعين من شجرة احنا ما عندنا قاعد العندة قاعدة اكبر مننا يرفع يده بانت بساطة تفكيره وما الاصرار على فض الاعتصام قبل صلاة العيد الحاشدة الاعلن عنها الا دليل آخر على خوفه من مسألة الحشود دي!! لذا بان اضطرابه اليوم و اعتقد ما رآه و التقارير النقلت له إمّا جابت راسه وعرف الشعب مع منو أو تهوّر مرّة أخرى كما فعل في موضوع فض الاعتصام وتسبب في كارثة أخرى لكن المرة دي لن يفلت وستكون نهايته بإذن الله
Post: #14 Title: Re: جميدتي يتحدى الشعب السوداني Author: محمد محمود محمد Date: 06-30-2019, 08:54 PM Parent: #13
و عليكم السلام اخ معتصم ..
Quote: انت د. محمد محمود (جامعة هاورد) في واشنطن؟!
اكيد قصدك محمد محمود الطيب (ابو العز) .. صديق و دفعة جامعة .. طالت بيننا وبينو الاعوام .. التحية ليك و ليهو يا معتصم .
Post: #15 Title: Re: جميدتي يتحدى الشعب السوداني Author: محمد محمود محمد Date: 06-30-2019, 09:11 PM Parent: #14
عزيزي ود البشرى ..
Quote: قدرة على النفاق و التدليس لم اكن اظن انها متوفرة عند سوداني راضع لين امه!
والله يا محمد أسوأ أداء اعلامي ممكن الزول يشوفو ..كمية من النفاق و التزلّف للعساكر ..تدّي ربك العجب .. ما كنّا كده ياخ .. حتى تلفزيون البشير اداؤه مرات كان بيدّيك احساس متوازن . تحياتي يا صديق .
قمة الفانتازيا ... الجًوكر حميتًى في مسرح الكيزان >> يا الله ..... ما هذا العبث ؟ هذا المتقزًم المأزوم قلسيب سيل الإنحطاط الكيزانى شعب عملاق تسلًط عليه أقزام.
التعديل لصق الشًريحة المقصودة
Post: #17 Title: Re: جميدتي يتحدى الشعب السوداني Author: محمد محمود محمد Date: 07-01-2019, 00:36 AM Parent: #16
فيديو مبالغة يا اسامة ابارو .. المهرّج ده اذا الكلمتين ديل محتاج يلقّنوهن ليه .. باقي الجنرالات ديل مبارينو فوق ام كم ؟ الكلام الوحيد القالوا من راسو (شغلتكم دي كركبة شديدة ..انا مثبتها من قبيل )😅😅 شكرا على الفيديو يا اسامة.
Post: #18 Title: Re: جميدتي يتحدى الشعب السوداني Author: ترهاقا Date: 07-01-2019, 01:53 AM Parent: #17
والله يا اسامة ده فيديو مبالغة، وحقو بكري يعلقوا لينا فووق محل الكاراكتير ما ظنيت الموضوع يكون قدر ده وإنه في سوداني إنتهازي زي اللي بيملي فيهو ده غايتو الكيزان دييل يحيروا إبليس
Post: #19 Title: Re: جميدتي يتحدى الشعب السوداني Author: اْسامة اْباّرو Date: 07-01-2019, 02:37 AM Parent: #18
شفت الفن ده إطًوًر كيف؟ مسرح العرائس يا ترهاقا دى" اللوقا تاقو" على أصل أبوها ,,, قالوا للأستاذ سيد الشًغلة ذاتا يحيى شريف .... تعال إتعلًم