Post: #1
Title: هل سنشاهد قيادات التجمع والحرية والتغيير أمام المتظاهرين في 30 / 6 / 2019 ؟
Author: Hani Arabi Mohamed
Date: 06-28-2019, 07:58 AM
07:58 AM June, 28 2019 سودانيز اون لاين
Hani Arabi Mohamed-كوكب الأرض
مكتبتى
رابط مختصر
Quote: الاخوة والاخوات :
1. قيادات تجمع المهنيين.
2. قيادات قوى الحرية والتغيير.
3. قيادات كل القوى السياسية التي تدعو للتظاهر.
وجودكم في مقدمة الصفوف أمام جماهيركم وخوضكم للصعاب معهم ومقاسمتكم لهم في السياط والخيزران والبمبان والرصاص امر اساسي.
وإلا تسقطوا انتو ذاتكم
|
|
Post: #2
Title: Re: هل سنشاهد قيادات التجمع والحرية والتغيير
Author: Osman Musa
Date: 06-28-2019, 09:03 AM
Parent: #1
شهادة للتاريخ يا اخي
الاكثرية منهم في مقدمة الصفوف . راينا خالد سلك وراينا مشعل شرارة عطبرة استاذ عصام خضر .
كلهم في الصفوف القدامية .
لهم كتير. التقدير. ولهم المحبة .
ومنصورين انشاءالله
|
Post: #3
Title: Re: هل سنشاهد قيادات التجمع والحرية والتغيير
Author: امتثال عبدالله
Date: 06-28-2019, 04:32 PM
Parent: #2
اذا كانوا في مقدمة الصفوف فهم فعلا يمثلون الشعب ...والا فليذهبوا من حيث أتوا ولنبحث عن من يمثل الشعب ...
|
Post: #4
Title: Re: هل سنشاهد قيادات التجمع والحرية والتغيير
Author: هيثم طه
Date: 06-29-2019, 10:20 PM
Parent: #3
هاني سلامات وعساك طيب
ياخي اعذرني ح اكون حاد وقاسي شوية في الرد !
اولا : تعرف اكتر فترة الزول ابتعد جدا من المنبر منذ الانضمام حتي من الاطلاع العادي فترة الثورة دي من ديسمبر لي حسع
علي غير العادة المنبر متاخر جدا -حسب تقديري - عن الثورة شديد و الكتابات في معظمها باهتة جدا
و ما بتتناسق مع ايقاع و لغة الثورة عدا كتابات قلة
حسع نوع البوست دا بخلي الزول يحس انو الناس ديل جادين !
ياخي معظم ناس المنبر ديل ما بقروا اللغة العالية والجديدة بتاعت مناشير المهنيين !؟
لغة بتدعمك نفسيا و تديك قوة و تشحنك فكر وعاطفة و بعيدة من التخوين او حتي احساس انك مقصر
وخطاب ايجابي بسوقك لدائرة الفعل
علي ضوء الكلام دا -الزول لامن يجي يقرا زي عنوانك زي دا - وايحاء استنكاري !!
بتساءل يا ربي جاهم خبر انو القيادات دي اتفقت انها ح تختفي يوم الملونية !
و طوالي كمان الاستنتاج او في حالة عدم استيفاء شرط الخروج بالسقوط !!
ليه العنف والاستعجال والكلام المرسل والاستسهال في الكتابة !!؟
يعني اللغة دي ثورة ومحاولة اثبات ثورية اكثر من المعاناة البلقوها القيادات دي يوميا من الجنجويد !
ياخي و بالذات الشباب الصغار ديل كبروا عشرين سنة بالهم والمسؤولية ووبساطة يسقطوا بس !
ياخي افرض -فرضا انك حسيت انو القيادات ما ح تطلع --
ياخي افضل نخلي اللغة ايجابيا و ندعوهم لاهمية الخروج ! دا طبعا بافتراض انهم ما ح يطلعوا
تحياتي --
|
|