Post: #2
Title: Re: التوم هجو!!
Author: محمد البشرى الخضر
Date: 06-27-2019, 05:44 PM
Parent: #1
ياخوي انت ومناوي ومين ومين أكان لوّح لكم حميدتي بذهبة وماله و عايزين تبيعوا - سميتها تتواصلوا - بي راحتكم
لكن ما تجي تسيئ للتحالف القادنا للمرحلة الاحنا فيها دي و له اخطاؤه بالطبع لكنها مهما عظمت لا تشبه ما تقول به من ترهات تخدم اجندة المجلس و للثورة المضادة!!
قوم قد كدا ولا كدا
حتى المدنية نحن وراء التحالف و امامه وكامل دعمنا له
بعد داك نفتح الدفاتر و نتحاسب بالديمقراطية في ظل دولتنا المدنية
|
Post: #3
Title: Re: التوم هجو!!
Author: حامد بدري
Date: 06-27-2019, 05:54 PM
Parent: #2
مسا الخير
حيحصل ليو زي ما حصل للشراتي اليوم
الببيع امو بلقا اليسوما ليو
|
Post: #4
Title: Re: التوم هجو!!
Author: Nasser Amin
Date: 06-27-2019, 06:06 PM
Parent: #3
Quote:
لكن ما تجي تسيئ للتحالف القادنا للمرحلة الاحنا فيها دي و له اخطاؤه بالطبع لكنها مهما
عظمت لا تشبه ما تقول به من ترهات تخدم اجندة المجلس و للثورة المضادة!!
|
سلام ود البشرى
الادارات الاهلية تم طردهم اليوم بمهانة من المعرض
ودا مصير كل من اصبح سلعة.
قوى الحرية و تجمع المهنيين برغم اخطائهم احيانا
فهم كما كتب صديق في الفيس بنفس المعنى
...
..
.
|
Post: #5
Title: Re: التوم هجو!!
Author: اخلاص عبدالرحمن المشرف
Date: 06-27-2019, 06:20 PM
Parent: #4
الجنجويدي الأوامر جاءته من اسياده
عرفوا ان آل 67 % دي الهوم ورك بتاعهم
وأسياد الأسياد نهروالجميع ، زمااان قلت ما تهتموا بهم
الأوامر بتجيهم ، الله يبارك في مغتربي امريكا واوربا
ديل جننا آل ما بحمل برانا ، التحية لهم ولسه الجاي احلي
|
Post: #6
Title: Re: التوم هجو!!
Author: علاء سيداحمد
Date: 06-27-2019, 06:25 PM
Parent: #4
اى شخص انتهازى وصولى مُهان .. ودائماً عاقبة الانتهازية هى الخسران
|
Post: #7
Title: Re: التوم هجو!!
Author: Mutasim Idris
Date: 06-27-2019, 06:28 PM
Parent: #4
سلام يا محمد والضيوف..
دا واضح انه فارش بضاعته للعسكر وفريق الخلا. ولانهم بفتشوا لخشم البقرة علشان يلقوا (حاضنة) خارج الفلول والدولة العميقة والعمد والشراتي الما جابت ليهم تمن ,
الباشا دا مع اولاد الضي والظهور التاااااني لذنون ممكن يخلق ليهم واجهة. الشعبية موجوده (شعب كل حكومة راقديييييين) بس الواجهة المقبولة كدا لحدما ممكن تتوفر.
الثورة ماضية في طريقها والثوار وشعب السودان وااااعي لقضيته وعارف صليحه من عدوه.
قشة ما تعتر ليهم.. دا واشباهه من سقط المتاع و الي المزبله في اماااان.
|
Post: #8
Title: Re: التوم هجو!!
Author: عبدالعظيم عثمان
Date: 06-27-2019, 06:38 PM
Parent: #4
ناس الجبهة الثورية ديل بيفرفروا ليهم فترة
ورايحة ليهم هيكلة، الناس ديل جزء من نداء السودان
وقت وقعوا علي إعلان الحرية والتغير (بالمناسبة هم آخر كتلة توقع)
كانوا قريبين من إتفاق مع البشير قبل الثورة
عشان كدا نفسهم في التغيير ما طويل
اسمع كلام التوم هجو الفوق دا عاوز يركب في السلطة من مرحلة
وبدون أي ضمانات لتأسيس السلطة المدنية الإنتقالية كاملة
المهم والعاجل ان تطرح قوى الحرية والتغيير المبادئ العامة لميثاق
السلام وأن تحدد فيه إشتراطات واضحة وأهمها أن التفاوض حول
السلام وترتيباته يجب أن يتم مع السلطة المدنية الإنتقالية وليس
مع المجلس العسكري الإنقلابي ، الموضوع موضوع سياسي
موضوع السلام موضوع سياسي وعاوز مشروع متكامل ولا يجب
أن يترك لأمراء الحرب وتتم كلفته بأفق أمني (الكلام دا مفروض يقولوه
ناس الحرية والتغيير)
|
Post: #9
Title: Re: التوم هجو!!
Author: حسن ادم محمد العالم
Date: 06-28-2019, 07:48 AM
Parent: #8
ودالبشري سلاااام يا حبيب
التوم هجو يتحدث تحت تاثير الصراع الداخلي في نداء السودان
اذ تري الجبهة الثورية جناح جِبْرِيل مناوي التوم هجو ان هناك
بيع وشراء وتجاهل داخل نداء السودان اتجاهم لذا سارعوا
الان لعقد صفقة مع المجلس العسكري في تشاد عن طريق ادريس
دبي نكاية في نداء السودان
أظل اندهش من التوم هجو وهو الرجل الذي عاصر
الشريف حسين الهندي في سبعينيات القرن الماضي
ان يتحدث تحت تاثير الانفعال والهزيمة بخطاب
اصطفافي يَصْب في مصلحه العسكري
|
|