من يقنع الامام بانه اصبح عبئا ثقيلا علي المشهد السياسي؟؟

08:30 AM June, 27 2019

سودانيز اون لاين
محمود الدقم-
مكتبتى
رابط مختصر

لم اري شخص متناقض في مواقفه السياسية مثل السيد الصادق المهدي، فينما بعض قواعد جماهير حزب الامة الشباب كانوا في يوما من الايام منحازين للحراك الحاصل، نجد السيد الامام يدلي بتصريحات عجيبة تتعلق بمسارات التفاوض
يا ايها الامام ان الزمن تجاوزك وان لم يقطعها حزبك معك ناشف فان الزمن يستجاوز حزبك زااااتو.

Quote: يا ايها الامام ان الزمن تجاوزك وان لم يقطعها حزبك معك ناشف فان الزمن يستجاوز حزبك زااااتو.

الصادق المهدي فقد البوصلة من 1964 لمن لوث حزب الامة العظيم والاصيل بالاخوان المسلمين والترابي الساقط علي حساب المؤسسين من سودانيين وست منستر الاذكياء
https://up.top4top.net/
وانضم الي النخبة السودانية وادمان الفشل
انت اول حاجة اقنع الشيوعيين والناصريين والبعثيين من بعاعيت مايو 1969 وعلم بابكر عوض الله انهم يطورو وعيهم في حدود سودان 1956 وعلم الاستقلال بدل علم مايو والقبيح والوضع المذل للسودان تحت جذم المصريين والعرب ..
والمشاريع السياسية السودانية المحترمة غير الاحزاب الوطنية التقليدية والوجدان السوداني السليم الختمية والانصار هي
الحزب الجمهوري = اسس دستور السودان
الحركة الشعبية =اتفاقية نيفاشا ودستور 2005
العيب في الصادق المهدي ام في المشهد السياسي نفسه المشوه واعادة وتدوير الدولة المركزية
ونرجسية الشيوعيين والكيزان لا تقل عن نرجسية الصادق المهدي ونظرية حقي سميح وحق الناس ليه شتيح المضيعة السودان لحدي هسة

https://up.top4top.net/

الازمة في السودان ازمة وعيين وليس ازمة اشخاص فلان او اعلان

شكرا اخي عادل علي المداخلة، اكثر ما يحير في امر السيد الصادق المهدي بانه يتعامل ويعامل حزبه وكانه مزرعة دواجن، فالرجل ممسك بتلابيب حزبه من خمسينات القرن الماضي وللان، نفس الوجوه ونفس الشبه
ثم بعد ذلك ياتي ويتحدث عن الديمقراطية، للان هناك يتبركون ويسبحون باسم الصادق في منتهي القداسة والالوهية والرجل يستلذ ويدمن هذه القداسة، هناك جهد طيب من شباب حزب الامة في الحراك الثوري الحاصل، لكنه يحرجهم بتصريحاته العقيمة، لست ادري اليس هناك رجل رشيد ينتقد اداء هذا الصادق؟؟

كما قلناها للسيد الامام منذ اكثر من عشرة سنوات، عليك ان تترجل يا ايها الامام، ليس لانك علي اعتاب التسعين فحسب، بل ان الاوان للاجيال ان تاخذ نصيبها في التغير وخصوصا شباب حزب الامة، دور الامام اشتر منذ هروبه من السودان تحت مسمي تهتدون او تخرجون لا ادي!!

والله انت بفهمك المتواضع أصبحت عبئا ثقيلا على وعينا من انت لتقرر للإمام أو لغيره

Quote: كما قلناها للسيد الامام منذ اكثر من عشرة سنوات، عليك ان تترجل يا ايها الامام، ليس لانك علي اعتاب التسعين فحسب، بل ان الاوان للاجيال ان تاخذ نصيبها في التغير وخصوصا شباب حزب الامة، دور الامام اشتر منذ هروبه من السودان تحت مسمي تهتدون او تخرجون لا ادي!!

عشان تكون منصف القديم في الساحة السياسية هو بس ...؟؟
والله الشيوعيين والبعثيين والناصريين ديل محريني لحدي هسة هو شيوعيين وبعثيين وناصريين لي شنو
ممكن تجدد حزب الامة نركب ليهو مكنة حركة شعبية او يكونو جمهوريين ومن افضل الجمهوريين علي الاطلاق ابناء الانصار
لكن الشيوعي والناصري والبعثي والكوز والسلفي في السودان ده عليك الله في زمن المخطط الامبريالي الصهيوني المكشوف ده ناكلهم بي شنو
هسة هو اكبر من ابو عيسي ولا صديق يوسف مثلا ؟؟
انت ظلمتو كشخص
ركز علي المشهد البائس كله وشوف نحن ماشين وين في نص بلد ودارفور المتصدعة ومنو في ديل اصلا عندهم مشروع فدرالي حقيقي من الاساس

الشيوعي والبعثي علي الاقل متسقين مع انفسهم ومواقفهم، والشيوعي غض النظر عن اتفاقنا معه او اختلافنا معه لكن يحسب له ان به شيء من الديمقراطية الداخلية والحواارات بوضوح لكن الصادق منذ تستنيات القرن الماضي ياهو نسخة واحدة وانت اتيت بمقتبس يصب في موضوع البوست.

Quote: الشيوعي والبعثي علي الاقل متسقين مع انفسهم ومواقفهم، والشيوعي غض النظر عن اتفاقنا معه او اختلافنا معه لكن يحسب له ان به شيء من الديمقراطية الداخلية والحواارات بوضوح لكن الصادق منذ تستنيات القرن الماضي ياهو نسخة واحدة وانت اتيت بمقتبس يصب في موضوع البوست.

والله الشيوعي والناصري والبعثي هم ناس انقلاب مايو 1969 وممخازيهم تزول منها الجبال ..وما بستحو
ونحن في السودان قضيتنا ديمقراطية فارقناها بعد اللاستقلال 1956 ودخلنا ردة حضارية اسمها الانقلابات والايدولجيات العربية
وهسة بسالك سوؤال مباشر هل المتحوليين سياسيا ديل بتجيبهم صناديق الاقتراع في السودان ؟؟ حتي لو بعد 1000 سنة ضوئية ؟؟ عشان كده مكنكشين في المحاصصة الانتهازية
بعدين ياتو موقف للشييوعيين كانو شيوعيين وعملو عملية تحول سياسي في امريكا وبقو يمجدو امريكا قد دنا عذابها وقالو نحن نيو ليراليين ..ويلهثو هسة وار امريكا تجي السودان توح الكيزان وتختهم في راسنا نحن القوى الرجيعة المرتبطة بالاستعمار
الختمية و الانصار ...شفت المحن دي كيف .. والمتغطي بي امريكا عريان والعالم واضح الان
https://up.top4top.net/

يا محمود القدم حصل سودانك قبل يضيع ما تبقى منه
هذه قوى غير ديمقراطية تتصارع علي حساب السودان وشعب السودان والمرض واحد "النرجسية السياسية "

السلام عليكم
الأستاذ محمود الدقيم حزب الأمة القومي حزب قائم بذاته
ولك حق النقد والانتخابات العامة ما تصوت له دي الديمقراطية
اكثر من كده ما من حقك.
أما عمره فنسأل الله ان يمد له فيه وعندك ريجان يعد من اعظم الحكامً
وكان مسنآ ولديك ترامب وجون بايدن ف العمر ليس مسبة

وعليكم السلام الاخت اخلاص، اصلا موضوع البوست ليس في عمره بالسنوات والاشهر والايام، بل تحدثت عن مواقفه السياسية المتذبذبة تاريخيا، ثانيا حزب الامة الان تشقق باكرا واصبحت احزاب الامة، فهناك حزب الامة جناح السيد الصادق، وحزب الامة جناح مبارك المهدي، واخر جناح مسار.
ثالثا لا يوجد احد في هذه البسيطة يحدد لي ما هو حقي وما هو غير حقي الا القانون فقط، اعلم الكثيرات والكثيرين من اتباع ومريدي الامام يسبغون عليه ثوب القداسة، وهذه في حد ذاتها كارثة، علي منسوبي حزب الامة الشباب العمل علي اعمال الجراحة في معالجتها، ونقد التجربة التاريخية للحزب عامة ومواقف الامام خاصة، التي تسببت في الكارثة التي يعيشها الشعب السوداني من من وراء راس هذا الامام فلقد فرط هذا الصادق في الديمقراطية حينما جاءته من قبل الشعب، ثم الان يبكي علي اللبن المكشوح علي الارض، لذا لا بد من نقد هذا الامام بل وتنحيته من ادارة الحزب، في حال اراد الحزب اللحاق بركب الحداثة. شكرا

تنحيته عديل !!!
يعني كل آل ما يوافقك تزيله ، الإقصاء ده كيف ؟
الأحزاب كلها بما فيها الشيوعي تعاني مما فعلته الإنقاذ
وظروف الديمقراطية غير الدكتاتورية وأنت لك من العلم ما
يجنبك الخطل ، أما السيد مبارك ف حزب اخر ، وموقف الإمام
مفهوم لكثر ولا يستدعي الغضب ولو تمعنت في ما قال تجد انه
لم يرفض أو يمنع فقط طلب عدم الاستعجال وفتح الباب لمشاركة
أعضاء حزبه بأن الحراك في يوم ٣٠ يونيو هو تذكير بالانقلاب علي
الديمقراطية
مع كامل الاحترام

ديك العدة
كان بكسر عدة ناس البيت
الآن في مناسبة في الحلة و عدة كم بيت مغسلة في حتة واحدة
اها الآن بكسر عدة الحلة كلها ... 😂😂😂😂

السلام للجميع ...

مشكلتنا مع الصادق المهدى انه عنده عداء تاريخى مع الحزب
الشيوعى .
اى نقد لتصرفات و مماحكات السيد الإمام طوالى الحيران يشبكونا انتو حزب شيوعى.

السيد الإمام منذ قيام الانقاذ مواقفه لزجة جدا.
اتعاطفنا معاه لمن اللزوجة تتطابق مع خط الثورة و المقاومة.
نختلف معه و نتمنى ان يختفى من الساحة السياسية لمن اللزوجة تكون مضرة للحراك الثورى.


يا دقم اخليك تويتر ، تجدع التويته فى الهواء الطلق و تنساها

اسع نقول لكم عدم مسئوليتكم أودت بحياة الشباب
تقوموا تجونا بالدوشكات 😂😂😂

اهم ما قاله الإمام لم يسلط علبه الضوء
اعتراف المجلس العسكري بمسيؤليته عن
فض الاعتصام ومحاكمته علي ذلك أو في
ما معناه ، قال للاعور اعور في عينو تاني شو .

يا محمود
ما تنسى أن الصادق المهدي كان آخر رئيس وزراء شرعي في السودان ..وجاء بالانتخاب وليس على ظهر دبابة ....
وبصراحة اذا في حق وعدل مفروض ترجعوا لنقطة الصفر ،يعني من البداية ،من حيث قام انقلاب نظام اللصوص والحرامية، ويكون الصادق المهدي رئيسا للحكومة الانتقالية حتى إجراء الانتخابات ...ويذهب المجلس العسكري الكيزاني وعصابات الجنجويد إلى جحورهم

Quote: مشكلتنا مع الصادق المهدى انه عنده عداء تاريخى مع الحزب الشيوعى . اى نقد لتصرفات و مماحكات السيد الإمام طوالى الحيران يشبكونا انتو حزب شيوعى. السيد الإمام منذ قيام الانقاذ مواقفه لزجة جدا. اتعاطفنا معاه لمن اللزوجة تتطابق مع خط الثورة و المقاومة. نختلف معه و نتمنى ان يختفى من الساحة السياسية لمن اللزوجة تكون مضرة للحراك الثورى. يا دقم اخليك تويتر ، تجدع التويته فى الهواء الطلق و تنساها

النصري سلامات، الحزب لازموا تجديد عفش وديكور ووجوه، لا يمكن من اكثر من خمسين سنة والصادق في مكانو، هو الكل الامر والناهي، نعم الصادق يتفق مع النظام انه يرمي بفشله وفشله حزبه علي الشيوعي السوداني
كيفما اتفق، وشباب الحزب علي هديه سائرون والنتيجة ان الحراك الذي حدث في هبة سبتمبر 2013 والان حدث له التجاوز الكبير.

مشكلة الصادق المهدي ومشكلة حزب الامة البنيوية تتمثل في عدم قبوله لاي حلول سياسية تطال المشهد السياسي الراهن او السابق ما لم يختم عليها هو اذ انه يعتبر نفسه مرجعية سياسية ورقم كبير لا يمر احد من خلفه او امامه
الا برضاه لذلك قلنا لهم صححو سيدكم هذا وغيرو مواعين تفكيركم قليلا خصوصا وان الحزب يملك قاعدة جماهيرية تتمثل في كيان الانصار.

تويتر ظريف وانا موجود فيه من 2012 وللراغبين في اضافتي او اضافتهم فحسابي هوMahmoudAldagam@ تسلم كثيرا يا باشا

Quote: ديك العدة كان بكسر عدة ناس البيت الآن في مناسبة في الحلة و عدة كم بيت مغسلة في حتة واحدة اها الآن بكسر عدة الحلة كلها ... 😂😂😂😂

الاخ ابوحسين سلامات ما دي المشكلة زاتا وكان اتكلمنا مشكلة وكان سكتنا خايفين مدني تغرق :)

سلام اخي محمد الدقم و سلامات لضيوفك الكرام
كتبت الأخت إمتثال:

Quote: ما تنسى أن الصادق المهدي كان آخر رئيس وزراء شرعي في السودان ..وجاء بالانتخاب وليس على ظهر دبابة

سلام يا امتثال
انتي برضو ما تنسي ان الصادق المهدي فرط في النظام الديمقراطي
و النتيجة هي ما نحن فيه الآن من مأساة و خراب و موت و دمار
الصادق اخبروه بأمر انقلاب البشير قبل عدة ايام من الإنقلاب و لم يفعل شيئاً
كان بإمكانه كرئيس وزراء فعل الكثير و اخذ كل الإحتياطات اللازمة لإفشال
خطة الإنقلاب و منع حدوثه، و لكنه للأسف لم يفعل شيئاً (و حدس ما حدس)
رأيي الشخصي ان الصادق المهدي غير مؤتمن على اي سلطة يتولاها و ممكن
جدا يفرط فيها تاني كما فعل في 1989 خاصة و ان الساحة السياسية اصبحت الآن
تعج بالمتربصين بالسلطة من العسكريين و بقايا النظام البائد

بإعتبارة رئيس الوزراء حتي ٣٠ يونيو ١٩٨٩م
بإعتبار إن الإنقلاب أبعده شخصياً و هو المُنْتَخَب من الشعب
و بما إن الشَعب قرر الخروج في هذا اليوم تعبير عن إستنكاره
لسرقة السلطة من يده.
كنت أتوقع من السيد الصادق المهدي ان يكون في مقدمة الصفوف
بلسانه علي أقل تقدير. كنت اتوقع منه و لو إشارة للسلطة التي
تمت سرقتها و هو علي رأسها في خطابه. أو اعتزار للجماهير
عن فشله و فشل حكومته علي الحفاظ علي الديمقراطية.
و لكن ظني خاب عندما سمعته ينادي بعدم التصعيد
هل الخروج للتعبير عن السخط لما حدث في ٣٠ يونيو ٨٩ تصعيد؟
الجماهير تستعد للخروج في يوم فقدت فيه السلطة و انت علي رأسها
اتركهم لحالهم إذا لم تستطيع قيادتهم او التواجد معهم.
و عاش نضال الشعب السوداني

حامد الصاوي .ازيك ياخي ..
لقد سمعت والعهده على الراوي وهو ضابط في القوات المسلحة ، الما منها فائدة، أن السبب في نجاح انقلاب نظام اللصوص والحرامية هو مبارك الفاضل الذي كان وزيرا للداخلية ، وأن ضباط الأمن أخبروه بخبر الانقلاب ولكنه لم يكترث ولم يبلغ رئيس الوزراء وفي الصباح وجد نفسه مطاردا من ضباط الانقلاب ....بل يقول آخرون أنه كان يعلم بأمر الانقلاب ولكنه سكت كيدا الصادق المهدي ...وكان لا يرتاح إليه لأنه كان بتطلع بزعامة الحزب....وهذا ما ثبت الآن لأنه اسس حزبا آخر ومتشقا من حزب الأمة الآن..

يقنعو لي شنو ؟؟؟

دا جلدوا بقى زي جلد التمساح

قدر ما يحكوا برضو أملح


الزول دا زهمر ،،،، وحنك بيش

لازمو الضُل بس

Quote: يقنعو لي شنو ؟؟؟ دا جلدوا بقى زي جلد التمساح قدر ما يحكوا برضو أملح الزول دا زهمر ،،،، وحنك بيش لازمو الضُل بس

شكرا اخي سيف الدين شايفو اليوم طلب من جماعتو يشاركوا في 30 يونيو
برضو خطوة ايجابية ينبغي الاشادة بيها لكن نتمني ان تكون هذه الخطوة لوجهة الله والوطن

سلام اختي امتثال
ليس مبارك الفاضل وحده، الصادق المهدي رئيس الوزراء الشرعي المنتخب نفسه كان على علم بإنقلاب الإنقاذ في يونيو 1989
الكاتب فتحي الضو كتب عن تفاصيل الأيام التي سبقت انقلاب الإنقاذ المشئوم و اشار لمعرفة الصادق المهدي بأمر الإنقلاب
قبل حدوثة و ذكر اسم الظابط الذي اخبره، و كذلك هناك إفادات إدريس البنا التي اكدت ما ذهب اليه الكاتب فتحي الضو
ارجو مراجعة البوست ادناه كتبه الزميل عبد الله الأسد عام 2016 عن هذا الموضوع،
جبتو ليك هنا كامل عشان اوفر عليك عناء البحث



الصورة التحت دي هوادة ساي فوق البيعة

الصاوي
شكرا لك والى عبدالله الأسد لهذه المعلومات الثرة والمفيدة.....ومنكم نتعلم ....

الأخت او الإبنة إمتثال - إزيك
قامت ثورة اكتور 1964م بشعاراتها التي لم تكترث لها الحكومات بعد اكتوبر
قامت ثورة ابريل 1985 م بشعاراتها التي لم تكترث لها الحكومات بعد أبريل
الان ثورة ديسمبر 2018 تتقدم لتحقيق أهدافها السامية
ثورة فاقت الثورتين في عدد الشهداء ...
في الإصرر علي تجاوز اخطاء الماضي...
ثورة تشق طريقها بعزيمة شباب راكب راس زي ما بقولوا
السيد الصادق ينتمي الي جيل اكتوبر و جيل ابريل ...
مشبع بثوريتهما بما فيها من صاح و غلط.
جيل ديسمبر عاوز يستفيد من الصاح و يصحح الغلط
السيد الصادق عاوزهم يكرروا الغلط زاتو.
الاجدي له ان يتحول الي مشاهد قدم ما عنده, أخطأ و أصاب
شخصيا ضد اي افتعال مشاكل مع سيادته. لان الوقت غيرمناسب
فما زالت قوي الانقاذ تقاوم الثورة. و كثير جداً من اعضاء حزب
الأمة في مقدمة الصفوف خاصة في المظاهرات.
إختصار:
عقلية الامام لم تتجاوز اكتوبر و ابريل
عيون الامام لاتري البريق المتوهج في عيون الثوار (أحفاد الإمام)
و لكن ضمير الإمام لا يتحمل سقوط شهد آخر و مستعد لتقدم
كثير من التنازلات من أجل ذلك (وجهة نظر)
أذن الإمام لم تسمع بوعي هتاف الشباب
(يا نموت زيهم يا نجيب حقهم)
الموقف الآن لا يتحمل عصاية قايمة و عصاية نايمة
وزي ما قال حميد عليه الرحمة و السلام
الليلة يا موت يا حياة
خاتي ال بيختار الوسط.
تحية لصاحب البوست و ضيوفه الكِرام.

شكرآ Hamid Elsawi
شكرآ كثير

Quote: وبصراحة اذا في حق وعدل مفروض ترجعوا لنقطة الصفر ،يعني من البداية ،من حيث قام انقلاب نظام اللصوص والحرامية، ويكون الصادق المهدي رئيسا للحكومة الانتقالية حتى إجراء الانتخابات ...ويذهب المجلس العسكري الكيزاني وعصابات الجنجويد إلى جحورهم

حولا !! هى أصلها عجلة مأجرا ما تم سحبتو فيها باقى ليهو عقاب مدة إيجار لازم يكملو ؟!!
دستورا وقانونا الصادق المهدى مدة دورة الديمقراطية الكان رئيس وزرائها بتنتهى فى أبريل 1990
بعدها لا هو لا غيرو عندهم تفويض شعبى سواء أعضاء مجلس سيادة، أو رئيس وزراء ووزرائه
وطبعا الصادق رئيس وزراء غير منتخب مباشرة من الشعب ولكن من نواب البرلمان، وأثناء
فترة الأربعة سنوات 1986 إلى 1990 يحق للبرلمان سحب الثقة منو وتكليف غيرو .. فإسطوانة
آخر رئيس وزراء منتخب لحدى اليوم ما بتقسم .. هسة لو جابو الأحياء من برلمان تلك الفترة
ما بسحبوا منو الثقة بأثرى رجعى .. يركبوا مكنة آخر نواب برلمان منتخبين ... هههه

هو هسة محاكمة مدبرى ومنفذى إنقلاب الإنقاذ الأصلو ما طالب بيها الصادق،
عامل رايح منها ومعاهو النائب العام ... على رأس قائمة المتهمين منو ؟
ما ياهو الصادق المهدى رئيس الوزراء المنتخب دا .. المرحوم على محمود حسنين
تمت تصفيته لأنه فتج بلاغ عند النائب العام مطالب بمحاكمة مدبرى إنقلاب الإنقاذ!

Quote: مشكلتنا مع الصادق المهدى انه عنده عداء تاريخى مع الحزب الشيوعى .

اول مرة اعرف في حزب شيوعي في السودان ؟؟
ادوات عبدالناصر والامبرالية العالمية الرخيصة في السودان يعادو ليك شنو
وقاعد تزيف في التاريخ ووعي الشباب وترفس من زمن حستو والجبهة المعادية للاستعمار ضد الختمية والانصار ولم تحقق غير مقعدين في 1986 وتتكلم باسم (الشعب السوداني ) لحدي هسة
ووعيك ما فايت مثلث الحمدي جمهورية العاصمة المثلثة وعلم بابكر عوض الله ده ...
انتو تنظيمات وليس احزاب وما عندكم علاقة باالديمقراطية ولا وعي ولا سلوك
وصديق يوسف برضه مسن وقاعد في الساحة السياسية يهرطق كمان
با اخ عليكم الله عولمو وعيكم دخ شوية قبل يضيع السودان
الانقلابات في السودان وارها المخابرات المصرية والامريكية بعد الاستقالال وجابت الحثالة الي سدة الحكم علي حساب الديمقراطية الخلوها الانجليز 1958 و1969 والانقلاب بتاع 1989 خلفه التنظيم الدولي للاخوان المسلمين واداة المساونية في العالم العربي والاسلامي
والكيزان والان والشيوعيين والمتحولين سياسيا ماشين في نفس المشروع وكلاهما ساقط ورخيص وليس له علاقة من الاساس بالدولة المدنية واشراطها

ومن كتاب لعبة الامم لرجل المحابرات الامريكية ماليز كولاند هذا اللاركس
https://up.top4top.net/

قتلو وليم دينق و الازهري والهادي المهدي وعبدالخالق محجوب ومحمود محمد طه و جون قرنق..ومحمود حسنين والمخطط ماشي ...السودان ملوث بعد الاستقلال يحتاج نظافة بي المحكمة الدستورية والفدرالية ونقل العاصمة كوستي

Quote: حولا !! هى أصلها عجلة مأجرا ما تم سحبتو فيها باقى ليهو عقاب مدة إيجار لازم يكملو ؟!! دستورا وقانونا الصادق المهدى مدة دورة الديمقراطية الكان رئيس وزرائها بتنتهى فى أبريل 1990 بعدها لا هو لا غيرو عندهم تفويض شعبى سواء أعضاء مجلس سيادة، أو رئيس وزراء ووزرائه وطبعا الصادق رئيس وزراء غير منتخب مباشرة من الشعب ولكن من نواب البرلمان، وأثناء فترة الأربعة سنوات 1986 إلى 1990 يحق للبرلمان سحب الثقة منو وتكليف غيرو .. فإسطوانة آخر رئيس وزراء منتخب لحدى اليوم ما بتقسم .. هسة لو جابو الأحياء من برلمان تلك الفترة ما بسحبوا منو الثقة بأثرى رجعى .. يركبوا مكنة آخر نواب برلمان منتخبين ... هههه هو هسة محاكمة مدبرى ومنفذى إنقلاب الإنقاذ الأصلو ما طالب بيها الصادق، عامل رايح منها ومعاهو النائب العام ... على رأس قائمة المتهمين منو ؟ ما ياهو الصادق المهدى رئيس الوزراء المنتخب دا .. المرحوم على محمود حسنين تمت تصفيته لأنه فتج بلاغ عند النائب العام مطالب بمحاكمة مدبرى إنقلاب الإنقاذ!

شكرا الفضلي
الامام يري ان اي اتفاق مع اي حكومة لابد وان يعمل ليهو نظام verification ثم من بعد يجاز
ودا بدا واضح في اسمرا وبعد اسمرا والغريب ما دخل السيد الامام في تجمع معارضة والا اتفرتق هذا التجمع وذهب ادراج الرياح
والامر ايضا بعض الشيوعيين بحسب ما كتب منصور خالد

Quote: يا محمود ما تنسى أن الصادق المهدي كان آخر رئيس وزراء شرعي في السودان ..وجاء بالانتخاب وليس على ظهر دبابة .... وبصراحة اذا في حق وعدل مفروض ترجعوا لنقطة الصفر ،يعني من البداية ،من حيث قام انقلاب نظام اللصوص والحرامية، ويكون الصادق المهدي رئيسا للحكومة الانتقالية حتى إجراء الانتخابات ...ويذهب المجلس العسكري الكيزاني وعصابات الجنجويد إلى جحورهم

شكرا امتثال علي المداخلة اعتقد انك وجدت الاجابة الكافية من الاخوان وعلينا ان لا ننسي ان الامام ايضا يتحمل وزر تخاذله وتفريطه في الحكم
والغريب انه لم يلجاء الي محاكمة من انقلبوا عليه للان بل وتصالح معهم شيء في غاية الغرابة

Quote: سلام يا امتثال انتي برضو ما تنسي ان الصادق المهدي فرط في النظام الديمقراطي و النتيجة هي ما نحن فيه الآن من مأساة و خراب و موت و دمار الصادق اخبروه بأمر انقلاب البشير قبل عدة ايام من الإنقلاب و لم يفعل شيئاً كان بإمكانه كرئيس وزراء فعل الكثير و اخذ كل الإحتياطات اللازمة لإفشال خطة الإنقلاب و منع حدوثه، و لكنه للأسف لم يفعل شيئاً (و حدس ما حدس) رأيي الشخصي ان الصادق المهدي غير مؤتمن على اي سلطة يتولاها و ممكن جدا يفرط فيها تاني كما فعل في 1989 خاصة و ان الساحة السياسية اصبحت الآن تعج بالمتربصين بالسلطة من العسكريين و بقايا النظام البائد

سلام اخي الصاوي قلت فكفيت لا زيادة عندي تسلم كثيرا

الأخ رئيس الوزراء السابق لم يقدم في تاريخه شيء يذكر
وهو بلغ 86 سنة ,,, والثورة ثورة شباب ،
ومعظم شباب الحزب مع الثورة


ياخي شوف ليك مصلاية وقوم صلي واترك الناس في حياتها


*

والبقنع منو با عبدالله الشيوعيين والبعثيين والناصريين وبعاعيت مايو 1969 انهم برضو موضة قديمة وانتهت ذى الشالستون والقميص التحرمني منك

في خطبة الجمعة قال لي جماعته اطلعوا في 30 يونيو ...
😂😂😂😂😂😂😂😂
الزول تحفة و الله ...

بصراحة ، اليوم موقف حزب الأمة كان مشرف

Quote: بإعتبارة رئيس الوزراء حتي ٣٠ يونيو ١٩٨٩م بإعتبار إن الإنقلاب أبعده شخصياً و هو المُنْتَخَب من الشعب و بما إن الشَعب قرر الخروج في هذا اليوم تعبير عن إستنكاره لسرقة السلطة من يده. كنت أتوقع من السيد الصادق المهدي ان يكون في مقدمة الصفوف بلسانه علي أقل تقدير. كنت اتوقع منه و لو إشارة للسلطة التي تمت سرقتها و هو علي رأسها في خطابه. أو اعتزار للجماهير عن فشله و فشل حكومته علي الحفاظ علي الديمقراطية. و لكن ظني خاب عندما سمعته ينادي بعدم التصعيد هل الخروج للتعبير عن السخط لما حدث في ٣٠ يونيو ٨٩ تصعيد؟ الجماهير تستعد للخروج في يوم فقدت فيه السلطة و انت علي رأسها اتركهم لحالهم إذا لم تستطيع قيادتهم او التواجد معهم. و عاش نضال الشعب السوداني

شكرا حامد الصاوي علي المداخلة
وعلي التحليل العميق التي تفرد به
كلام مموثق وموضوعي يستحق الاشادة تسلم كثيرا