Post: #1
Title: يا نبقى تبع روسيا يا نبقى تبع أمريكا مباشرة.. يا تفكك قسري!
Author: محمد جمال الدين
Date: 06-26-2019, 10:00 PM
10:00 PM June, 26 2019 سودانيز اون لاين
محمد جمال الدين-
مكتبتى
رابط مختصر
عندنا خيارين بس عشان الاستقرار وتفادي شبح التفكك وربما التلاشي : يا نبقى تبع روسيا يا نبقى تبع أمريكا.. نفتح خط مباشر وليس بالوكالة.. في الحالة الأولى نجدد صفات التسلح الروسي للجيش السوداني اي كان الان وفي المستقبل وفق خطة واضحة ومعلنة .. كدا بنمرق باقل الخساير .. او نبدأ لأول مرة في التاريخ نتسلح من امريكا ونوقع صفقات سلاح جديدة (نفعل مباشرة) اي نلغي كلما دونها ونتجه بالكامل غربا لأول مرة في تاريخ السودان الحديث.. وعليه ربما خرجنا إلى بر الامان وفق مشيئة شديدة الدهاء.. لا يوجد خيار ثالث بالمناسبة! .
ان كنت احتاج ان افصح اكثر.. لا بأس .. إذن هناك لمن شاء تلاتة لايفات من سنة ٢٠١٥ وتلاتة مقالات نفس السنة وبوست جديد بالراكوبة وسودانيز اونلاين تتحدث عن هذه الخيارات القسرية .. والا نحن مع شعبنا كما شاء نفعل.. وما تلك سوى الحلول الاستراتيجية والعملية والمكاسب المحسوبة منطقيا! .
|
Post: #2
Title: Re: يا نبقى تبع روسيا يا نبقى تبع أمريكا مباشر
Author: محمد جمال الدين
Date: 06-26-2019, 10:06 PM
Parent: #1
دا آخر الكلام. . بدون مقدمات أو لولوة أو فنكهة كتيرة أو تكسب بالمثاليات وهي مصفوصة على قارعة الطريق.
لاحظ ان هناك خيار ثالث لكنه شبه مستحيل تحت شمس القرن دا.. بالمنطق كدا!
|
Post: #3
Title: Re: يا نبقى تبع روسيا يا نبقى تبع أمريكا مباشر
Author: Mohamed Adam
Date: 06-26-2019, 11:31 PM
Parent: #2
سلام اخي محمد جلال
نمسك قرار ثالث...
نعلنها علي مسمع ومرأي العالم:
السودان دولة مسالمة، ما عايزين جيوش عشان نسلحها من اي جهة!
ماعايزين عداوات مع العالم...
مشاكلنا الدولية نرفعها لنفس العالم ليتكفل بحلها لأننا شعب إختار ان
يعيش في أمن وسلام.. لانظلم دولة ولا عايزين دولة تظلمنا ..
نحن مع الليبرالية ولسنا مع الواقعية، نحن مع الاخلاق، الأديان، وكل القيم الراقية النبيلة..
داخل المنظومة الإنسانية(الأمم المتحدة)..!
نعلنها عالية مدوية وبعديها لا نهاب العواقب!
موت موت حياة حياة ..
احسن نموت مرفوعي الهامة والجبين ونترك اللعنة تطارد النظام العالمي بدل ما نتركه يتخبط في
دياجير الظلام!
كون الدول تبدأ بهذا الوعي يعتبر في حد ذاته، بداية النهاية لهذا النظام العالمي المفلس!
مجرد علمك بدسائسه، يسقط... خلونا نقود هذه المقاومة السلمية حتي يتحرر الإنسان.
|
Post: #4
Title: Re: يا نبقى تبع روسيا يا نبقى تبع أمريكا مباشر
Author: محمد جمال الدين
Date: 06-26-2019, 11:35 PM
Parent: #3
سلام محمد ادم
Quote: موت موت حياة حياة ..
احسن نموت مرفوعي الهامة والجبين ونترك اللعنة تطارد النظام العالمي بدل ما نتركه يتخبط في
دياجير الظلام!
كون الدول تبدأ بهذا الوعي يعتبر في حد ذاته، بداية النهاية لهذا النظام العالمي المفلس!
مجرد علمك بدسائسه، يسقط... خلونا نقود هذه المقاومة السلمية حتي يتحرر الإنسان. |
طبعا دا خيار.. خيال جيفاري وما أعظم جيفارا
|
Post: #5
Title: Re: يا نبقى تبع روسيا يا نبقى تبع أمريكا مباشر
Author: هاشم احمد ادم
Date: 06-27-2019, 02:06 AM
Parent: #4
سلام محمد جمال
فقد السودان حرية الاختيار منذ ثلاثين عام
على يد عبد الرخيم حمدى( تاسيس اقتصاد السوق )
بل قد تم الاختيار للسودان وهو خيار امريكا
والذى اسمية خيار ( الدولار ) .وبكلام مثقافتية
( الرأسمالية ).
أما التفكيك دا بعيد لان اقتصاد السوق لا
يؤيد ذلك ، بل القراءة المستقبلية تشير إلى
عودة الجنوب خلال العشرين سنة القادمة .
—-
للمعلومة ؛ امريكى من اصل سودانى ( وجه ضاحك )
|
Post: #6
Title: Re: يا نبقى تبع روسيا يا نبقى تبع أمريكا مباشر
Author: Hassan Farah
Date: 06-27-2019, 05:35 AM
Parent: #1
لا يوجد خيار ثالث بالمناسبة! .
-----------------------------------------
محمد جمال الدين سلام
الكيزان عملوها فينا... ربوا لنا المحن... والبربى المحن لابد يلولى صغارن اصبحنا اليوم نلولى فى الرعاوى حميدتى
انا غايتو شايف مخرجنا الوحيد ان نتقدم بعريضة للانجليز ندعوهم يجوا يمسكوا البلد
جربناهم قبل كدا
|
Post: #7
Title: Re: يا نبقى تبع روسيا يا نبقى تبع أمريكا مباشر
Author: tabaldy
Date: 06-27-2019, 10:18 AM
Parent: #6
تحياتي
برنامج بلا حدود على قناة الجزيرة بث حلقة مباشرة مع القيادي في حزب المؤتمر السوداني مستور أحمد محمد آدم
حلقة مهمة وفيها بعض الإجابات رغم تعامل الأستاذ مستور ببعض الدبلوماسية في الردود على بعض الأسئلة
|
Post: #8
Title: Re: يا نبقى تبع روسيا يا نبقى تبع أمريكا مباشر
Author: محمد جمال الدين
Date: 06-27-2019, 03:40 PM
Parent: #7
هشام وحسن وتبلدي.. تحيات وشكرا للادلاء بالرأي.. كل رأي حقيقي ومن الضمير يفيد من يتامله مهما راه مختلفا لما عنده.. انه جدل الرؤى.
طلب مساعدة: كيف احمل تسجيل صوتي من الواتساب إلى منبر سودانيزاونلاين مباشرة؟ لمن يعلم.. هناك تسجيلات صوتية موضحة تفصيليا لمزاعمي في هذا البوست التي ربما تبدو غريبة للبعض منا !
|
Post: #9
Title: Re: يا نبقى تبع روسيا يا نبقى تبع أمريكا مباشر
Author: محمد جمال الدين
Date: 06-28-2019, 11:33 PM
Parent: #8
في شرح إضافي للفكرة في تسجيلات صوتية في الواتساب. لسا ما عرفت كيف اجيبها هنا.. كمان رفعت قبل شوية رفعت بوستات متعلقة ربما فيها شرح إضافي لمحتوى البوست دا.
شكرا لصبركم معاي
|
|