Post: #2 Title: Re: موكب 30 يونيو مديناووووو Author: adil amin Date: 06-26-2019, 03:30 AM Parent: #1
نتوقع المرة دي قيادة قحت والمهنيين يكونوا ذي ريفرنت مارتن لوثر كنج جونيور في الصف الاول في الزحف المليوني ان شاء الله يوم ٣٠/٦ المرة دي عايزين نشوف صديق يوسف وساطع الحاج والسنهوري وولد عباس مدني والرشيد وكل طاقم ونجوم فضائية العربية والجزيرة السيرة دلوكة والعريس قدام
https://up.top4top.net/
Post: #3 Title: Re: موكب 30 يونيو مديناووووو Author: عبدالعظيم عثمان Date: 06-26-2019, 05:00 AM Parent: #2
امس وصل وفد الحرية والتغيير لقرية أم شجرة في القضارف لتقديم تنوير للمواطنين عن آخر الآحداث وخيارات قوى الحرية والتغيير لتحقيق نقل السلطة للمدنيين تأتي هذه الخطوة إستكمالا لتحركات الحرية والتغيير خارج الخرطوم للإلتقاء بالثوار والمواطنين
Post: #4 Title: Re: موكب 30 يونيو مديناووووو Author: adil amin Date: 06-26-2019, 06:15 AM Parent: #3
Quote: امس وصل وفد الحرية والتغيير لقرية أم شجرة في القضارف لتقديم تنوير للمواطنين عن آخر الآحداث وخيارات قوى الحرية والتغيير لتحقيق نقل السلطة للمدنيين تأتي هذه الخطوة إستكمالا لتحركات الحرية والتغيير خارج الخرطوم للإلتقاء بالثوار والمواطنين
راديو دبنقا وفضائية سودان بكره المملة قاعدة تسوي شنو من 2018 وانتو اصلا عندكم حامل فكري او مشروع سياسي من الاساس ؟؟ يا حليل ايام الحركة الشعبية وراديو الحركة 1983-2005
المرة دي ما معاكم فضائية الجزيرة ولا المؤتمر الشعبي ولا حزب الامة ولا ذونون واحمد الضي ,,
Post: #5 Title: Re: موكب 30 يونيو مديناووووو Author: عبدالعظيم عثمان Date: 06-26-2019, 10:03 AM Parent: #4
المعركة يا عادل امين معركة حقوق مافي وقت ولا مجال لأي سفسطة او صراع أيدلوجي عقيم.. الشعب السوداني عاوز حقوقه من تحالف الكيزان مع الجنجويد ، عاوز سلطته المدنية كاملة إنت إختار مكانك وخاتي البيختار الوسط يا تختار أهلك والشعب او تختار الجنجويد والفلول ما عندك طريقة تفرفر او تنظر او تتفلسف
البل يوم 30 يونيو
Post: #6 Title: Re: موكب 30 يونيو مديناووووو Author: عبدالعظيم عثمان Date: 06-26-2019, 11:30 AM Parent: #5
الإستعدادات التي تسبق مواكب 30 يونيو 2019 تؤكد أن الشعب السوداني عاقد العزم علي نيل حقه كاملا في سلطة مدنية كاملة وليست حكومة مدنية تحت سيطرة العسكر سلطة مدنية كاملة من أعلي هرم السلطة السيادية مرورا بالتشريعي والتنفيذي وحتي المحليات أنتهي زمن إستهبال الكيزان وفسادهم
مواكب هادرة في 30 يونيو لإستلام السلطة المدنية وتحرير السلطة من قبضة الجنجويد وفلول الكيزان
الحل في البل مواكب الحداد علي الشهداء
Post: #7 Title: Re: موكب 30 يونيو مديناووووو Author: عبدالعظيم عثمان Date: 06-26-2019, 11:32 AM Parent: #6
مديناووووو الهتاف المحبب للشهداء مديناووووو
Post: #8 Title: Re: موكب 30 يونيو مديناووووو Author: عبدالعظيم عثمان Date: 06-26-2019, 12:19 PM Parent: #7
تحالف الكيزان مع الجنجويد هو القابض على السلطة يوم 30 يونيو 2019 يوم الخلاص من الفاسدين
ياو ياو ياو مواكب ما بتتراجع تاني
Post: #9 Title: Re: موكب 30 يونيو مديناووووو Author: عبدالعظيم عثمان Date: 06-26-2019, 05:52 PM Parent: #8
مواكب 30 يونيو 2019 زلزال تحت أقدام الجنجاكوز زلزال تحت أقدام تحالف الكيزان مع الجنجويد مديناووووو
Post: #10 Title: Re: موكب 30 يونيو مديناووووو Author: احمد حمودى Date: 06-26-2019, 10:44 PM Parent: #9
مدنياووووووووووووو
Post: #11 Title: Re: موكب 30 يونيو مديناووووو Author: adil amin Date: 06-27-2019, 04:37 AM Parent: #5
Quote: المعركة يا عادل امين معركة حقوق مافي وقت ولا مجال لأي سفسطة او صراع أيدلوجي عقيم.. الشعب السوداني عاوز حقوقه من تحالف الكيزان مع الجنجويد ، عاوز سلطته المدنية كاملة إنت إختار مكانك وخاتي البيختار الوسط يا تختار أهلك والشعب او تختار الجنجويد والفلول ما عندك طريقة تفرفر او تنظر او تتفلسف
البل يوم 30 يونيو
ده البعجبني فيك...الهذيان...والفشل المستمر والافلاس الصبة فشلت العصيان فشل المحاصصة فشلت 30 يونيو 2019 من غير كيزان الترابي المؤتمر الشعبي ومن غير حزب الامة وراى الصادق المهدي واضح ومن غير نجوم الغد الضي وذو النون.. عملو احزاب جديدة . وانتو يا بعاعيت مايو1969 الشيوعيين والبعثيين والناصريين ومثلث الحمدي والعلم القبيج ده 30 يونيو 2019 بتجي وبجي ارفع ليك بالبوست براي لاثورة مزيفة ومحاصصة بتجيبكم ولا انتخابات بتجيبكم .. ولا امريكا بتجيبكم .ودي قوانين سياسية ذى الفيزياء.. كان اسحن تمسكو درب جونق قرنق من 2010 والانتخابات ديك وتقعدو بي حجمكم الطبيعي في السودان وتراهنو علي الانتخابات فقط والدستور والمحكمة الدستورية في فترة سنتين بس ونحن سجلنا 18 مليون في انتخابات 2010 المخزي في الامر انتو لحدي هسة شيوعيين وناصريين وبعثيين لي شنو وبتفاضو باسم منو يا اب شريحتين نحن لا مصريين ولا عراقيين نحن سودانيين بنعرف الديمقراطية من زمان وطلعنا بيها الانجليز 1956
Post: #12 Title: Re: موكب 30 يونيو مديناووووو Author: ترهاقا Date: 06-27-2019, 05:11 AM Parent: #11
الكوز عادل محمود الامين بطل الاعيبك الكيزانية المتدثرة بجون قرنق ألعب بعيد إنت لا إتحادي ولا جبهة شعبية ولا سودان جد\يد ولا ولا ولا ولا إنت كوز وفي الكيزان مغفل نافع نقطتنا بسكاتك ، الثورة دي ما ناقصة لوسخك ده وإن عدت ، عُدنا
Post: #13 Title: Re: موكب 30 يونيو مديناووووو Author: عبدالعظيم عثمان Date: 06-27-2019, 05:34 AM Parent: #12
فلتكن يا عام عام الإنتصار الشعب السوداني يبحث عن سلطتة يبحث عن كرامته التي اراقها الكيزان في الشوارع الشعب عاوز حقه كامل تحالف الكيزان مع الجنجويد دا أسوء تحالف في تاريخ السودان ، تحالف القتلة والفاسدين تحالف الجهلة وتجار الدين تحالف العنصرية والإرهاب دا اسوء تحالف (الكيزان مع الجنجويد)
يوم 30يونيو سيكتب الشعب السوداني نهاية المهزلة سيكتب تاريخ جديد لأمه ناهضة ومستقبل مشرق
مديناووووو ياو ياو ياو
كل إرهاصات ما قبل 6ابريل حاضرة الإستعدادات للمواكب أكبر مما نتصور رغم إنقطاع النت لإنفجرت وسائل التواصل الاجتماعي كل السودان بلا إستثناء يعمل لمواكب الشهداء في 30 يونيو 2019
Post: #14 Title: Re: موكب 30 يونيو مديناووووو Author: عبدالعظيم عثمان Date: 06-27-2019, 05:49 AM Parent: #13
الثورة دي نارها مسكت في الأطراف ونجضت برا الخرطوم.. هسي نفس الشئ مدن السودان وفرقانه واقفين ألف أحمر وشغالين بإستمرار لإنجاح مواكب 30يونيو 2019 ناس البرقيق امس مخاطبات في السوق شايلين اعلامهم ناس سنار مرقوا ناس كسلا برا مدني والأبيض
يا جنجويد قطركم صفر شيلوا معاكم فلول الكيزان وإتخارجوا الشعب عاوز سلطته كاملة
Post: #15 Title: Re: موكب 30 يونيو مديناووووو Author: عبدالعظيم عثمان Date: 06-27-2019, 05:55 AM Parent: #14
يا شعب إتلما اوعاك تنجما لساها ما سقطت لسة الحرامية متربصين أكثر
مواكب هادرة في 30 يونيو 2019 لإستلام السلطة المدنية مواكب الشعب السوداني حدادا علي شهداء المجزرة
Post: #16 Title: Re: موكب 30 يونيو مديناووووو Author: عبدالعظيم عثمان Date: 06-27-2019, 09:28 AM Parent: #15
ترهاقا سلامات عادل امين دا سيبك منو كلما ما يوم 30 يونيو يقرب كلما الكاروشة بتقوم عليه وتركبه حالة خوف ساي من غير سبب هو زول مطرطش ساي لافي في المنبر شايل لافتة الحركة الشعبية وعاجن معاها شوية دروشة وراشيها بي حضرة جمهورية وطلع الزول المامفهوم دا
Post: #17 Title: Re: موكب 30 يونيو مديناووووو Author: adil amin Date: 06-28-2019, 04:36 PM Parent: #16
بتمرقو بي ياتو علم المرة دي يا عبدالعظيم الانتهازي عشان اشوفكم وعيتو ولي لا
https://up.top4top.net/
علم مايو 1969 ولي علم الاستقلال 1956
Post: #20 Title: Re: موكب 30 يونيو مديناووووو Author: adil amin Date: 06-28-2019, 04:47 PM Parent: #16
Quote: ترهاقا سلامات عادل امين دا سيبك منو كلما ما يوم 30 يونيو يقرب كلما الكاروشة بتقوم عليه وتركبه حالة خوف ساي من غير سبب هو زول مطرطش ساي لافي في المنبر شايل لافتة الحركة الشعبية وعاجن معاها شوية دروشة وراشيها بي حضرة جمهورية وطلع الزول المامفهوم دا
خلاص يا عبدالعظيم خليتك نشوف عبقريتكم بتودنيا وين ,,,الديمقراطية ولي الفصل السابع ؟؟ ان شاء الله بجي يوم الاثنين ارفع البوست ده انا بقدم ليكم نصائح مجانية عشان تطلعو من فشلكم المستمر ده وانو عاملين فيها الغزالة الفوق في السلم
Post: #21 Title: Re: موكب 30 يونيو مديناووووو Author: عبدالقادر محمد Date: 06-28-2019, 04:49 PM Parent: #16
Quote: ترهاقا سلامات عادل امين دا سيبك منو كلما ما يوم 30 يونيو يقرب كلما الكاروشة بتقوم عليه وتركبه حالة خوف ساي من غير سبب هو زول مطرطش ساي لافي في المنبر شايل لافتة الحركة الشعبية وعاجن معاها شوية دروشة وراشيها بي حضرة جمهورية وطلع الزول المامفهوم دا
ما كاروشة البواسير كحال كل الكيزان والله
Post: #18 Title: Re: موكب 30 يونيو مديناووووو Author: adil amin Date: 06-28-2019, 04:42 PM Parent: #12
Quote: الكوز عادل محمود الامين بطل الاعيبك الكيزانية المتدثرة بجون قرنق ألعب بعيد إنت لا إتحادي ولا جبهة شعبية ولا سودان جد\يد ولا ولا ولا ولا إنت كوز وفي الكيزان مغفل نافع نقطتنا بسكاتك ، الثورة دي ما ناقصة لوسخك ده وإن عدت ، عُدنا
ده الفرق بين وعيي وعيك https://up.top4top.net/
انت لو بتعرف الحركة الشعبية وتحترما شايل علم بابكر عوض الله ده ليه وراضي بالسودان المعاق ده ليه في شعارك
https://up.top4top.net/
هل ده شعاركم يا تراهاقا قال ...ولي مدسوس ساكت برضه وريني شعار قوى الحرية والتغيير الشعار ذاتو بعبر عن وعي
Post: #19 Title: Re: موكب 30 يونيو مديناووووو Author: عبدالقادر محمد Date: 06-28-2019, 04:46 PM Parent: #12
Quote: الكوز عادل محمود الامين بطل الاعيبك الكيزانية المتدثرة بجون قرنق ألعب بعيد إنت لا إتحادي ولا جبهة شعبية ولا سودان جد\يد ولا ولا ولا ولا إنت كوز وفي الكيزان مغفل نافع نقطتنا بسكاتك ، الثورة دي ما ناقصة لوسخك ده وإن عدت ، عُدنا
قال هو من طلائع مايو مدنيااااااااااااااااااااااااو
Post: #22 Title: Re: موكب 30 يونيو مديناووووو Author: إبراهيم عبد الحليم Date: 06-28-2019, 06:24 PM Parent: #19
Post: #23 Title: Re: موكب 30 يونيو مديناووووو Author: عبدالعظيم عثمان Date: 06-28-2019, 06:47 PM Parent: #22
سنخرج للشوارع ساهرين هتافنا وستقلانا الشوارع بالبسالات طريق الشعب طريق الحكم المدني 30يونيو 2019 يوم السودان الكبير مواكب الشهداء في مدن وقري السودان
Quote: نت لو بتعرف الحركة الشعبية وتحترما شايل علم بابكر عوض الله ده ليه وراضي بالسودان المعاق ده ليه في شعارك
يا سيد عادل أمين ، الأعلام ما بتغير الافكار ، الوقت وقت عمل يا عادل عشان الناس تقتلع هذه الطغمة الفاسدة بعد داك نشوف حنعمل شنو مع علم المرحوم بابكر عوض الله
Post: #26 Title: Re: موكب 30 يونيو مديناووووو Author: adil amin Date: 06-29-2019, 03:32 AM Parent: #24
Quote: يا سيد عادل أمين ، الأعلام ما بتغير الافكار ، الوقت وقت عمل يا عادل عشان الناس تقتلع هذه الطغمة الفاسدة بعد داك نشوف حنعمل شنو مع علم المرحوم بابكر عوض الله
علم مايو1969 اكبر تدليس سياسي في التاريخ ....يعني اعادة تدوير المتحولين سياسيا الشيوعيين والبعثيين والناصريين باطر جديدة العلم يعبر عن وعي عديل كده علم الاستقلال رد اعتبار لسودانيين وست منستروالازهري 1956 هل الازهري مات بي بالملاريا 1969 ولي الخساسة في السياسة بدت مع الكيزان في السودان ..وبعد ده تتمسخرو من بوست لي بوست الثورة التي ترفع علم بابكر عوض الله لا تمثلني وبابكر عوض الله مجرم ذى الترابي والاثنين قضاة تكنوقراط ..ولا تعنيني بداياتها ولا مالاتها وووادينو انقلاب 1969 قبل تدينو انقلاب 1989 وكلاهما شوه السودان والسودانيين ارضا وانسانا ثورة ما تزحنا من مصر والعرب وترجع جنوب السودان عودنا فيها عود مرة وما بمشط الانقاذ بي قملا ابدا بي محاصصة او غيرو وما تسمي نفسك ترهاقا اذا كان ده وعيك ..سمي نفسك عبدالناصر ما مشكلة او صدام حسين او مناة الثالثة الاخرى القرضاوي زمان في توب اسمو محمد نجيب وتصدق الكيزان المنبتين غيرو اسم داخلية كلية الهندسة من ترهاقا الي ابو قتادة ...مش قلنا ليكم مشكلة المركز ده نفسية وليس سياسية
Post: #27 Title: Re: موكب 30 يونيو مديناووووو Author: adil amin Date: 06-29-2019, 03:42 AM Parent: #26
Quote: ما كاروشة البواسير كحال كل الكيزان والله
كويس انا كوز جناح عبدالله دينق نيال, وفي رواية اخرى جناح عشة العبشاوي,,,,يا طلائع مايو1969
الليلة السبت حددو من هسة بطلعو بي ياتو علم ؟؟؟؟؟اديتكم فرصة 24 ساعة وبعدين اليتفرج ما يشتريش ويا عبدالعظيم خلي اللغة الهتافية الفجة دي حاور الراس بي لراس والرجال تموت متوافية البجيب لي البواسير ...لغة البعايعت بتاعة اكتوبر 1964 صلحو راديو دبنقا وفضائية سودان بركه وانسو اعلام العرب الخليج وخاطبو الشعب السوداني بي مشروع علمي وعملي مضاد تماما للانقاذ من 30 يونيو 1989 ولحدي الليلة كان ما عندكم امسكو درب جون قرنق الواضح ما فاضح ويبدا بي الجنوب الجديد ومشروع الامل في انتخابات 2010
Post: #28 Title: Re: موكب 30 يونيو مديناووووو Author: adil amin Date: 06-29-2019, 03:49 AM Parent: #27
https://up.top4top.net/
عايز تغيير السودان ..غير وعي الناس عبر اذاعة راديو دبنقا بي برمجة واضحة وفضائية سودان بكره..استدعي الحضارة السودانية وخليوت بعانخي والمهدية والرتب والمولد ...وخلي الرفس العشوائي والوصاية علي الناس والجعجعة باسم الشعب ..وعي الشعب ده بي برنامج تحول ديمقراطي واضح **** غير كده طلس جمهورية العاصمة االمثالثة والنخبة السودانية وادمان الفشل في مثلث الحمدي والسودان حيلحق امات طه دي بس بداية برمجة اذاعية جاهزة
https://up.top4top.net/
Post: #29 Title: Re: موكب 30 يونيو مديناووووو Author: adil amin Date: 06-29-2019, 03:56 AM Parent: #28
اين التواصل الجمهاهري في اذاعة وفضائية المعاارضة
الاذاعة الموجهة المحترمة هي التي ستهزم المشروع الامبريالي الصهيوني ومشورة شعبية راقية لكل السودانيين في المركز والاقاليم والمهاجر كل يوم 2 ساعة للتاواصل الجماهير المعاك والضدك عشان تعرف انت وصلت وين وواقف وين اعلام الخليج ده كان وين من 1989 ؟؟ زمن السودانيين عندهم مضحكة بس وكاميرا خفية
https://up.top4top.net/
لشعب الواعي هو الجبل الذى تتحطم فيه كل مشاريع الامبريالية الصهيونية الشيطانية في المنطقة واسوا حاجة بتقدموها انتو من 6 ابريل ولحدي الان الاعلام المهزوز ده والتصريحات الغوغائية والمتفلتة
و
Post: #30 Title: Re: موكب 30 يونيو مديناووووو Author: عبدالعظيم عثمان Date: 06-29-2019, 06:01 AM Parent: #29
المؤتمر الصحفي الأخير للمجلس العسكري الإنقلابي فيه رفض مستبطن للمبادرة الأفريقية قال :تصلح أساس للتفاوض يعني تاني تحرجروا لي 100 يوم وتستمر الإعتقالات والقتل ما قرأته من المؤتمر الصحفي لكباشي هو رفض المبادرة الأفريقية المشتركة
لم يترك هذا المجلس العسكري الإنقلابي طريقا آخرا غير الثورة والشارع قفل كل مسارات الحل واوسد كل الطرق التي تقود للسلطة المدنية مافي حل غير الشارع 30يونيو 2019 لإنتزاع السلطة المدنية وحدادا علي الشهداء مواكب الشهداء والسلطة المدنية
Post: #31 Title: Re: موكب 30 يونيو مديناووووو Author: عمر دهب Date: 06-29-2019, 06:12 AM Parent: #29
٣٠ يونيو هواحد اسلحه الجماهير ضد الاكاذيب ٣٠ يونيو للتذكير بأن دماء الشهداء في اعناقنا ٣٠يونيو السلميه تبين رأي الشعب السوداني ضد الخونه بكل اصنافهم و اثوابهم . .
Post: #32 Title: Re: موكب 30 يونيو مديناووووو Author: عبدالعظيم عثمان Date: 06-29-2019, 07:25 PM Parent: #31
قوات الأمن تحاصر مقر تجمع المهنيين ساعة إنعقاد المؤتمر الصحفي ، وتقتحم المؤتمر الصحفي مواكب 30 يونيو 2019 ، مواكب الحداد على الشهداء وتسليم السلطة المدنية بكرة الراجفة التي ستتبعها الرادفة اركزوا يا جنجويد أركزوا يا كيزان الشعب السوداني بكرة مارق عاوز حقه كامل
Post: #33 Title: Re: موكب 30 يونيو مديناووووو Author: عبدالعظيم عثمان Date: 06-30-2019, 09:08 AM Parent: #32
حرية سلام وعدالة والثورة خيار الشعب
Post: #34 Title: Re: موكب 30 يونيو مديناووووو Author: عبدالعظيم عثمان Date: 06-30-2019, 12:43 PM Parent: #33
حشود كبيرة جدا أمام منزل الشهيد وليد في المزاد ببحري هذا الشعب يريد حقه كاملا وسيسقط الجنجويد
Post: #35 Title: Re: موكب 30 يونيو مديناووووو Author: عبدالعظيم عثمان Date: 06-30-2019, 03:31 PM Parent: #34
يوم من أيام السودان الخالدة الشعب السوداني يقطع الطريق علي المجلس العسكري الإنقلابي وعلي الثورة المضادة وفلول الكيزان الشعب دا علي باليمين عاوز حقه كامل في سلطة مدنية كاملة
الحرية والعدالة ، تمثل الشرفاء من الثوار : الجرحى المقتولين والسجناء والمغتصبين
ألف تحية لإشراق الشعب السوداني وصموده *
Post: #41 Title: Re: موكب 30 يونيو مديناووووو Author: حسن ادم محمد العالم Date: 06-30-2019, 04:34 PM Parent: #40
يا عظمة داخلين البوست نتغزل في الشعب السوداني الذي اندهش العالم حقا في حضرة جلالك يطيب الجلوس مهذب أمامك يكون الكلام السجود لكل للسودانيين في داخل السودان وخارجه
Post: #44 Title: Re: موكب 30 يونيو مديناووووو Author: عبدالعظيم عثمان Date: 06-30-2019, 05:40 PM Parent: #43
امس أنا كتبت : بكرة الراجفة التي ستتبعها الرادفة والراجفة إسم من أسماء جهنم والليلة دا جهنم الجنجويد والكيزان تجمع المهنيين حدد مسارات المواكب والمواهيم ديل ذاكرتهم زي ذاكرة الذبابة تحديد الهدف النهائي للمواكب والتظاهرات كان واضح لكل زول متابع القصر الجمهوري هدف رئيسي من قبل ثلاثة أيام
المجلس العسكري الإنقلابي إتلولو وإتجرجر لغاية ما الثوار زحفوا زحفا زحفا نحو القصر
لسة قدامه الفرصة ويحقن دم السودانين ويسلم السلطة للمدنيين
والا بعد الراجفة ستكون الرادفة
Post: #45 Title: Re: موكب 30 يونيو مديناووووو Author: عبدالعظيم عثمان Date: 06-30-2019, 05:45 PM Parent: #44
قيادات قوى الحرية والتغيير اليوم كانوا في قيادة المظاهرات والمواكب
محمد ناجي الأصم عمر الدقير عزالعرب حمد النيل أيمن خالد خالد سلك
ديل كلهم كانوا مغيرين وعطشانين وبعضهم شرب بمبان عشان ما يجي كوز او واحد من الفلول يزايد علي قيادات الحرية والتغيير
Post: #46 Title: Re: موكب 30 يونيو مديناووووو Author: عبدالعظيم عثمان Date: 06-30-2019, 06:30 PM Parent: #45
الناس العذبونا وطلعوا عينا وقالوا حشود ٦ابريل كانت مصنوعة وسمح لها بإشراف قوش وحميدتي الليلة الناس ديل نزلوا من السما عشان تعرفوا أن الشعب السوداني اذا اراد فعل شئ لا مانع له.. ودا تأكيد ان ٦ أبريل صنعها الشعب ولم يسهم فيها أي واحد من القتلة والكيزان الفاسدين
Post: #47 Title: Re: موكب 30 يونيو مديناووووو Author: عبدالعظيم عثمان Date: 06-30-2019, 06:39 PM Parent: #45
الناس العذبونا وطلعوا عينا وقالوا حشود ٦ابريل كانت مصنوعة وسمح لها بإشراف قوش وحميدتي الليلة الناس ديل نزلوا من السما عشان تعرفوا أن الشعب السوداني اذا اراد فعل شئ لا مانع له.. ودا تأكيد ان ٦ أبريل صنعها الشعب ولم يسهم فيها أي واحد من القتلة والكيزان الفاسدين
Post: #48 Title: Re: موكب 30 يونيو مديناووووو Author: عبدالعظيم عثمان Date: 06-30-2019, 06:43 PM Parent: #47
كتب زميل المنبر عادل أمين سلطان الخرمجة والمنخوليا الاتي:- "" المرة دي عايزين نشوف صديق يوسف وساطع الحاج والسنهوري وولد عباس مدني والرشيد وكل طاقم"" لسوء حظه قيادات الحرية والتغيير كانوا في مقدمة المظاهرات وخاب ظنه تعال أبلع الكلام الكتبته فوق
Post: #49 Title: Re: موكب 30 يونيو مديناووووو Author: صلاح أبو زيد Date: 06-30-2019, 06:53 PM Parent: #48
يا عبد العظيم كيفك
دنقلا مرقت
Post: #50 Title: Re: موكب 30 يونيو مديناووووو Author: عبدالعظيم عثمان Date: 06-30-2019, 08:49 PM Parent: #49
سلامات يا صلاح التحية لأهلنا في دنقلا والفاشر وكسلا وبورتسودان وكل بقاع السودان اليوم سطروا ملحمة تاريخية واكبر تظاهرة في يوم واحد في تاريخ السودان
Post: #51 Title: Re: موكب 30 يونيو مديناووووو Author: عبدالعظيم عثمان Date: 07-01-2019, 06:47 AM Parent: #50
خلي واحد من العساكر المواهيم ديل يجي يقول انا عندي تفويض من الشعب السوداني إنتهي سلموا السلطة وإنتظروا ال محاكمات على كل الجرائم حتي اللحظة الفرصة أمامكم لتسليم ناعم للسلطة دون دماء ولكن فلتعلموا ان الشعب السوداني لن يتنازل عنه حقه يلتف حول قياداته من قوى الحرية والتغيير
