Post: #1
Title: جيش الهنا ياطعم يانايتي
Author: Khalid Abbas
Date: 06-20-2019, 08:14 PM
08:14 PM June, 20 2019 سودانيز اون لاين
Khalid Abbas-Sudan
مكتبتى
رابط مختصر
زمان اسمها مصنع الرجال وعرين الابطال طلعوا بتاعين شعارات وجلالات
بدربوهم على الانبراش وقصص التعلمجية وايام الكلية ونسة حبوبات.
صدق حميدتي عندما قال هو في جيش الواحد ما زعلان الا على الاحترام لعساكر الجيش السنين
الفاتت مفتكرين القبة تحتها فكي
|
Post: #2
Title: Re: جيش الهنا ياطعم يانايتي
Author: امتثال عبدالله
Date: 06-20-2019, 08:37 PM
Parent: #1
وللأسف الشديد جداد الخلا طرد جداد البيت ....وجداد البيت مكسور ومهزوم ....
خلاص بقينا نصدق الآن أن الجندية انتهت في كرري ،، بعدما كنا نظن أن الكلية الحربية مصنع الرجال ....والشهامة والمروءة والإخلاص للوطن ....لكن .....خلاص الكلام كمل .....
|
Post: #3
Title: Re: جيش الهنا ياطعم يانايتي
Author: Khalid Abbas
Date: 06-20-2019, 08:39 PM
Parent: #2
| Quote: وللأسف الشديد جداد الخلا طرد جداد البيت |
ديل حمام جداد كتيرة عليهم
|
Post: #4
Title: Re: جيش الهنا ياطعم يانايتي
Author: امتثال عبدالله
Date: 06-20-2019, 10:03 PM
Parent: #3
وزي ما قال بدر الدين الأمير بقوا سواسيو ...جمع سوسيو ...
..سمعنا أنه زمان في ضباط...أسماؤهم زي عبد الماجد حامد خليل ، وسعد بحر ، وواحد ثالث نسيت اسمه..كانوا ضباط جيش ليهم شنة ورنة ..ولمن يمشوا في الشارع ...الواطة تهتز تحت أقدامهم...
يعني نقول هسع يا حليلهم ....
|
Post: #5
Title: Re: جيش الهنا ياطعم يانايتي
Author: Khalid Abbas
Date: 06-22-2019, 05:57 AM
Parent: #4
قال ليك الجلالة الجديدة لجكة الصباح
الجيش الضاع يا الله
ضيعوا الكيزان يا الله
غرقوه فساد يا الله
والحزية كروش يا الله
اكرام الميت يا الله
فاتحة ودفنوا ياحسرة
|
|