يا بكرى ابوبكر ، ممكن نهظر معاك شوية 😂؟

يا بكرى ابوبكر ، ممكن نهظر معاك شوية 😂؟


06-20-2019, 01:23 PM


  » http://sudaneseonline.com/cgi-bin/sdb/2bb.cgi?seq=msg&board=500&msg=1561033424&rn=0

Post: #1
Title: يا بكرى ابوبكر ، ممكن نهظر معاك شوية 😂؟
Author: النصرى أمين
Date: 06-20-2019, 01:23 PM

01:23 PM June, 20 2019

سودانيز اون لاين
النصرى أمين-كالغرى, كندا
مكتبتى
رابط مختصر



طبعا الجنجويد ديل عندهم قروش لا ليها اول ولا اخر.


لو لاوزوا لبك بعشرة مليون دولار يشتروا الموقع و تشيل عفشك و تتخارج ، كيف ؟


قبل عشرة سنين الانقاذ لاوزو ليك باثنين مليون دولار .
دلوقت مع التضخم ممكن اكتر ....

تبيع و تمشى فلوريدا ..تشترى يخت و تسبح مع الدلافين و تتخارح من صحراء أريزونا
Post: #2
Title: Re: يا بكرى ابوبكر ، ممكن نهظر معاك شوية 😂؟
Author: النصرى أمين
Date: 06-20-2019, 01:25 PM
Parent: #1

لو هظار ثقيل ..احذف طوالى
Post: #3
Title: Re: يا بكرى ابوبكر ، ممكن نهظر معاك شوية 😂؟
Author: معاوية المدير
Date: 06-20-2019, 02:05 PM
Parent: #2
Post: #4
Title: Re: يا بكرى ابوبكر ، ممكن نهظر معاك شوية 😂؟
Author: Gafar Bashir
Date: 06-20-2019, 02:10 PM
Parent: #3

ههههههههههههه
بيع طوالي

نخلي ليهم خلاء

ونمشي لي موقعك الجديد
سودانيز اولاين 2

عشان يبقوا جنجويد خلاء
Post: #5
Title: Re: يا بكرى ابوبكر ، ممكن نهظر معاك شوية 😂؟
Author: النصرى أمين
Date: 06-20-2019, 02:10 PM
Parent: #3

يا مدير با حركات فنية.
تعرف ..
بعد بكرى يستلم العشرة مليون
يدفع للأعضاء حسب المشاركات و فترة التسجيل.
غايتو انا بتوقع يجازف لى بخمسة الف دولار
Post: #6
Title: Re: يا بكرى ابوبكر ، ممكن نهظر معاك شوية 😂؟
Author: بكرى ابوبكر
Date: 06-20-2019, 02:19 PM
Parent: #5

ما برضي باقل من جبل عامر

ودور البابور يا النصري بخليك محاسب لايرادات الجبل
Post: #7
Title: Re: يا بكرى ابوبكر ، ممكن نهظر معاك شوية 😂؟
Author: امتثال عبدالله
Date: 06-20-2019, 04:08 PM
Parent: #6

والله يا النصري انا اعتقد انه اذا ناس الجنجويد عرضوا عليه مليار دولار فعليه أن لا يقبل ..لان الجنجويد قتلوا شباب السودان واذلوا شيوخ السودان واغتصبوا بنات السودان وارتكبوا المجازر الرهيبة ...فبيننا وبينهم دم وثار ....ولكن يمكنه أن يقبل من اي طرف آخر غير الجنجويد....ولكن بصراحة عليه أن يحتفظ بهذا الاسفير الذي أصبح صوت من لا صوت له ..والان أصبح صوت ثورة السودان ...ضد نظام اللصوص والحرامية
Post: #8
Title: Re: يا بكرى ابوبكر ، ممكن نهظر معاك شوية 😂؟
Author: عمار محمد ادريس
Date: 06-20-2019, 05:37 PM
Parent: #6

😂 😂 😂 😂 😂
Post: #9
Title: Re: يا بكرى ابوبكر ، ممكن نهظر معاك شوية 😂؟
Author: ABUHUSSEIN
Date: 06-20-2019, 05:47 PM
Parent: #8

Quote: ودور البابور يا النصري

كهربتكم قطعت و ل بتطاعن فيني بالكلام ....
Post: #10
Title: Re: يا بكرى ابوبكر ، ممكن نهظر معاك شوية 😂؟
Author: النصرى أمين
Date: 06-21-2019, 02:54 AM
Parent: #9

شكرا يا شباب على المرور..

يا بكرى البيعة طقه بطقه على قولة تجار السيارات فى الدلالة.
الجنجويدى يسلم الجبل بما حمل و تسلمه انت الباسورد بتاع السيرفرات.
مع البيعة طبعا المكتبات كلها بما فيها الخور و العقد مع حافظ للتحويلات الذى ينتهى
عام 2049 😄
Post: #11
Title: Re: يا بكرى ابوبكر ، ممكن نهظر معاك شوية 😂؟
Author: النصرى أمين
Date: 06-21-2019, 02:56 AM
Parent: #10

با ابوحسين حكاية بابور حميدتى دى فى كل السوشال ميديا
هى تقريبا حديث المجالس الأيام الأخيرة لا اظن بكرى عنده فكرة انك صاحب المقولة .
Post: #12
Title: Re: يا بكرى ابوبكر ، ممكن نهظر معاك شوية 😂؟
Author: Kabar
Date: 06-21-2019, 08:45 AM
Parent: #11



ههههههه...كاااااااااااااااك وتاني كااااااااااااااااااااك على قول حبيبنا ود الصايم..!!

ومنو القال ليك يا النصري الجنجويد بيصرفوا قروشهم ودولاراتهم كده ساكت سمبلا؟؟

الموضوع فيهو امتحانات وسؤالات منكر ونكير..!

خليك من جعفر بشير..لأنو الحكي التالي ما عندو فكرة عنو..ولكن تعال نسألك يا النصري قبال نشتري (كجنجويد) منبر سودانيز اونلاين..!!

مش انت ود قلبا يا النصري..!

طيب..




ده ترتيب البلابل الأصلي..قول اسمايهن (تبدا من اليمين او الشمال مش مهم)..!

دي فوكا حاجة يعني؟

السؤال التاني.. متين وليه الترتيب ده اتغير يا النصري يا ود قلبا؟..وقول اساميهن بالترتيب الحالي (يعني سنة 2019)..!

ما قادر تجاوب على هذه الأسئلة البسيطة يا النصري..ممكن تبقى عريان وتسمح للجنجويد تشتري سودانيز اونلاين.. ولأن الجنجويد فرسان..لو قلت الروب وغلبني اجاوب..ممكن نخلي ليك سودانيز اونلاين كما هو..!!

شرحو: لو غلبك يا النصري تعرف ترتيب البلابل زمان وليه الترتيب ده اتغير..فشنو الجنجويد ما ح يلزمو شراء المنبر..والأفضل ليهو يصرف دولاراتو في اماكن اخرى..!!

ديل البلابل يا النصري..زمان ، والآن..لمن تعرفهن ممكن الجنجويد يتفاوض في شراء المنبر..!!

كبر
Post: #13
Title: Re: يا بكرى ابوبكر ، ممكن نهظر معاك شوية 😂؟
Author: النصرى أمين
Date: 06-21-2019, 05:00 PM
Parent: #12

شكرا محمد على الفيديو .
والله لحسى ما بعرف افرز البلابل حياة من هادية من نجاة
بالرغم من انو و نحن تلاميذ فى المتوسطة نمر على بيتهم فى الملازمين كل يوم .

المهم
ابكر شكله داير الجبل