Post: #1
Title: رحِـم الجيش ده شلختو يابرهان
Author: حامد بدري
Date: 06-20-2019, 08:03 AM
Parent: #0
08:03 AM June, 20 2019 سودانيز اون لاين
حامد بدري-
مكتبتى
رابط مختصر
صباح الثورة والعافية
اب شلوفة رقيقة مصاص دماء الشعب والعرقي العمبلوق برهان يكرر وبكل سخف انو الجنجويد والدعامة من رحم الجيش كررها حتى في خطاب المحن الطبية امس الاول ماعارفين زاتو ماشين بينا وين الدياشة المايصين ديل كباشي وياسر وكل مجلس الشوم وحدث ماحدث كلنا يعلم رمزية المكان وقدسيته يقصد اعتصام القيادة ماصدقنا عادت للشعب حيوته وكرمه ونكران ذاته وتذويب الفوارق بين مختلف المكونات القبلية كل الامل ده نسفتو بكل غباء وصفاقة وغدر وقتل وحتدفعو التمن فالتاريخ لايرحم
يابرهان الجيش مؤسسة قومية وان كان اتملت كيزان عندها شرطة عسكرية وجهات عدلية وقانونية وسجن حربي يااخ حدس ماحدس مابتحلك ورفيع المصابعين واللغة بتاعت امس دي كان نفعت بشة مارسها كثيرا مع مواطنيه والمجتمع الدولي ألم يحرك شنبك الماكن ده منظر الرجل الفارس الباسل الأتلمو فوقو الجنجويد اربعة نفر ووقعو فوقو جلد وكل العالم استغرب ايعقل ان يكون الكلام ده في السودان حتى منصف المرزوقي اتخلع وابتدر حديثه للجزيرة بتلك الحادثة البشعة اها منظر زي ده لا اتا ولا نايبك الغدار حميتي بتاع القانون وبالقانون ماجابو الاربعة ديل وجلدوهم وحاكموهم اتو متخيلين العدالة نفخ مكرفون وشرتايات ورشوة تشترو بيها اصحاب الذمم الرخيسة والعدالة اساس الحكم
يامجلس ياعسكري صفحة جديدة واياديكم ملطخة بدماء الابرياء ماحتبقى الا لو شفنا محاكمات فورية للقتلة والجنود المتفلتين وبعدها نشوف حكومتنا المدنية
|
Post: #2
Title: Re: رحِـم الجيش ده شلختو يابرهان
Author: حامد بدري
Date: 06-20-2019, 08:09 AM
Parent: #1
العملتو ده انتهك شرف الجندية بعد ان فض حميتي وجنجويده بكارتها استقيلوا يااخ او اعلنوا انحيازكم للجماهير وبعدها شوفو لو الشعب ماوقف معاكم دي الصفحة الوحيدة الممكن نفتحا معاكم
|
Post: #3
Title: Re: رحِـم الجيش ده شلختو يابرهان
Author: حامد بدري
Date: 06-20-2019, 08:18 AM
Parent: #2
ظاهر جدا الخلاف بين حميتي وبرهان في موضوع التفاوض برهان قال يجب ان نعود للتفاوض وبدون اقصاء وحميتي عايز بسرعة تشكيل حكومة عشان يديها التحية طبعا الغدار ده منتظر يحكم على جثث الابرياء ودماء الشرفاء
|
Post: #4
Title: Re: رحِـم الجيش ده شلختو يابرهان
Author: Mutasim Idris
Date: 06-20-2019, 08:32 AM
Parent: #2
حامد سلام..
حدس ما حدس الغريبة كتبتها في البوست بتاعي قبل ما اقرأ البوست بتاعك دا.. توارد وجع والم يا حامد اخوي..
انا سؤالي لمجلس البلهاء ديل وين كانت الاستخبارات العسكرية يوم المجزرة الاسود؟ هل ما كانوا عارفين حجم القوة تسلحها وحركتها؟ يبقي ياتو جيش دا الحامي البلد؟
قصة (حدس ما حدس) دي يقولها للأدارة الأهلية (البصموا) ليهم بالتفويض.
|
Post: #5
Title: Re: رحِـم الجيش ده شلختو يابرهان
Author: حامد بدري
Date: 06-20-2019, 09:07 AM
Parent: #4
Quote:
Mutasim Idris
حامد سلام..
حدس ما حدس الغريبة كتبتها في البوست بتاعي قبل ما اقرأ البوست بتاعك دا.. توارد وجع والم يا حامد اخوي..
انا سؤالي لمجلس البلهاء ديل وين كانت الاستخبارات العسكرية يوم المجزرة الاسود؟ هل ما كانوا عارفين حجم القوة تسلحها وحركتها؟ يبقي ياتو جيش دا الحامي البلد؟
قصة (حدس ما حدس) دي يقولها للأدارة الأهلية (البصموا) ليهم بالتفويض.
|
معتصم اخوي حبابك
حدس ماحدس دي دليل كافي انو الجماعة ديل بسكرو ويقرروا مصير البلد عز الطشمة استحالة يكون ده كلام واعين واللزيزة كولومبيا طيب كولمبيا دي زباينا منو وشايلنا لي شنو رجعوها خلى الناس تطلع العالي لانو ما من صالحكم الشعب ده يكون واعي كترو الكونترينات عشان تاني مايحدس شيئ
|
Post: #6
Title: Re: رحِـم الجيش ده شلختو يابرهان
Author: حامد بدري
Date: 06-20-2019, 09:47 AM
Parent: #5
شفتو الزول الجميل ده اشرف وانقى من كل دبابيركم ياجيش والقمتو تصرفو فيها بالشوالات لي شفع الدعم ولو رحم حواء السودانية عِقر يكفي انه انجب دسيس والمهندس بتاع اعالي النفق
التحية للمناضل الجسور دسيس زول يلمني في ابقدوم عسل ده دايرو يجي عمرة ويلم الناس وراو في احرامو حول الكعبة ويشبكوم ثورة
|
Post: #7
Title: Re: رحِـم الجيش ده شلختو يابرهان
Author: ABUHUSSEIN
Date: 06-20-2019, 01:26 PM
Parent: #6
الجيش عندو رحم كمان .....؟؟؟؟؟
|
Post: #8
Title: Re: رحِـم الجيش ده شلختو يابرهان
Author: حامد بدري
Date: 06-20-2019, 04:14 PM
Parent: #7
Quote:
الجيش عندو رحم كمان
|
ابوهسين هكرفي انقتو
برهان قدانا الدعم من رحم الديش الدعم روح الديش المهم لو منتظرين صبي عسكري تمام لازم نحافظ على الرحم والا حيعقر جيشنا بي سبب العاهات كباشي وبرهان وياسر وعبدالخالق
ماعندك جلالة سمحة كده ياريت لو بتاعت الشردة حارة وشينة حارررررررررررررة وشينة للاسف بدل العسكري الحمش فوق الجمر بمش مشا المواطن على الجمر والجياشي فاكي التتك والتكة :)
|
Post: #9
Title: Re: رحِـم الجيش ده شلختو يابرهان
Author: حامد بدري
Date: 06-20-2019, 05:02 PM
Parent: #8
اب شلوفة رقيقيييي مصاص العرقي ودماء الشعب السوداني حدس ماحدس
طيب نتبوهم ليكم شوية وصدقنا تبريركم الفطير وحدس ماحدس
وكت دايرنها رمزية للثورة ومزار للثوار والتاريخ الجداريات كبيتو فوقا زيت رجوع لي شنو
ماسحنا ليييييييييييي
|
Post: #10
Title: Re: رحِـم الجيش ده شلختو يابرهان
Author: ABUHUSSEIN
Date: 06-20-2019, 05:37 PM
Quote: ابوهسين هكرفي انقتو
برهان قدانا الدعم من رحم الديش الدعم روح الديش المهم لو منتظرين صبي عسكري تمام لازم نحافظ على الرحم والا حيعقر جيشنا بي سبب العاهات كباشي وبرهان وياسر وعبدالخالق
ماعندك جلالة سمحة كده ياريت لو بتاعت الشردة حارة وشينة حارررررررررررررة وشينة للاسف بدل العسكري الحمش فوق الجمر بمش مشا المواطن على الجمر والجياشي فاكي التتك والتكة :) |
كان صدقنا حكاية انو الجيش عندو رحم صدقني الجنجويد (المرتزقة) ديل اكيد اولاد حرام ...
حكاية انو البطن بطرانة زاااااتا ما بتشفع ليهم قبحهم و شناتهم الفيها دي .....
ديل ما بشبهونا نهائي الله يقطع طاريهم ....
|
Post: #11
Title: Re: رحِـم الجيش ده شلختو يابرهان
Author: حامد بدري
Date: 06-22-2019, 08:06 AM
Parent: #10
Quote:
كان صدقنا حكاية انو الجيش عندو رحم صدقني الجنجويد (المرتزقة) ديل اكيد اولاد حرام ...
حكاية انو البطن بطرانة زاااااتا ما بتشفع ليهم قبحهم و شناتهم الفيها دي .....
ديل ما بشبهونا نهائي الله يقطع طاريهم ....
|
الناس دي لامين لحم راس من تشاد والنيجر وافريقيا الوسطى وناس بوكو حرام
اكيد شاهدتا اللقطة بتاعت رقصة الافعى والغراب في الدفار والكيتا مدورة طبعا ده كجور وطقوس
غايتو رحم الديش لو ما جاب اخوان حامد بلدنا عليها السلام البرهان والكباشي حيفرقو دمها بين القبائل
الشعب السوداني لن يسكت على السلمية الى ما لانهاية وماحيقبل بالظلم والطغيان
|
Post: #12
Title: Re: رحِـم الجيش ده شلختو يابرهان
Author: حامد بدري
Date: 06-22-2019, 03:58 PM
Parent: #11
لبنان سودانية قادمة في الطريق
لغة العصابات الجنجويدية في ضاحية الخرتوم
والجيش ساكت ومرخم
سمعنا اخبار كويسة اطلقوا سراح محمد صديق بتاع دفن الدقن وبعض الاتحفظو عليهم بعد فض الاعتصام
|
Post: #13
Title: Re: رحِـم الجيش ده شلختو يابرهان
Author: حامد بدري
Date: 06-22-2019, 04:26 PM
Parent: #12
الجنجويدي في مباشر الان
خطاب ممجوج ومكرر نفس المخاطبة الدينية والتركيز على الادارة الاهلية والرشوة الخدمية
وظاهر جدا انو الجنجويدي الارهابي ده لن يقبل بايو اتفاق
الاطباء جنجويدك دقوهم امس في ابراهيم مالك افتح النت عشان يجيك الزيت كلو
مكونات الشعب السوداني موش ذمم تشتريها تلع لع بيها في المكرفونات زي بتاعت النساء في خدورهن ولا ولد دينار البايع امو في السوق ولاف معاك من مكرفون ومعاو فتة لحم
التحدي الان كبير جدا وعلى تجمع المهنيين الضغط بشدة والمحافظة على سلمية الثورة الجنجويدي ده لو الخرتوم دي كانت بيوت طين وقش كان وراكم عروض
|
Post: #14
Title: Re: رحِـم الجيش ده شلختو يابرهان
Author: حامد بدري
Date: 06-24-2019, 06:14 AM
Parent: #13
لم يترك المجلس العسكري لنا خيار سوى التصعيد الثوري
الزمن لم يعد في الصالح والمجلس اتنصل
ركزوا في شغلكم البلد منتظراكم شباب مؤمن تماما بقضيته وسلميته لو كتمت لكل حادث حديث
|
Post: #15
Title: Re: رحِـم الجيش ده شلختو يابرهان
Author: حامد بدري
Date: 06-24-2019, 07:49 AM
Parent: #14
المجلس العسكري يعمل على إعداد قانون اسمه جريمة اهانة القوات المسلحة، يقضي بسجن وتغريم الذين ينتقدون الجيش
لو صدق الخبر ده معناتا السيناريو المصري الحجل بالرجل
الحمد لله البقت غرامة اهانة الديش دي مفروض عقوبتا قص اللسان بس الكلام ده لو في جيش وطني غير مأطر ومؤدلج جيش وطني موش مجموعة فأرات يملو جيوبم رشاوي ويزرطو نايمين
الله بسعلكم انا اختك حتحميني ويخليها للرصاص ده جيش يعملو ليو قانون بعدم المهانة المهانة اتا شلتا ليها جرادل رويسك
|
Post: #16
Title: Re: رحِـم الجيش ده شلختو يابرهان
Author: حامد بدري
Date: 06-25-2019, 07:56 AM
Parent: #15
المجلس العسكري يفتح بلاغا في مواجهة الصحفية سهير عبدالرحيم بتهمة الاساءة للجيش
سهير بي مية رجل منكم ياقتلة ياخونة
حتلفو وتدورو في حلقة مفرغة الشعب كلو اتخذ قرارو وكلمتو وخزلتو وانتم لاتمثلون حتى جيشكم اللابسين دبابيرو
والتحدي قايم خلي واحد ارزقي يقبل يعمل معاكم حكومة وطنية الا تجيبو حسن طرحة وذو النون وباقي الارقمة التلمعو فيهم بالكمرات
|
|