وتصف موظفين مطار الخرطوم بالهمج بعد داك شعرت انها محتاجة لحمام فذهبت لحمام النساء وجدته مغلق فطوالى مشت حمام الرجال اها بعد ما جات طالعة من حمام الرجال وجدت كل الناس ينظروا لها محتارين فى امر هذه الداعية ههها بعد داك قالت هو انا الجابنى شنو ؟
Post: #2 Title: Re: تراجى تقلب الدنيا فى مطار الخرطوم بعد فقد� Author: صديق مهدى على Date: 06-19-2019, 04:42 PM Parent: #1
الحمدلله على السلامة يا تراجى بس تانى اذا جاية مطار الخرطوم قضى حاجتك فى الطايرة ههههها ملحوظة انت يا تراجى مشكلتك فى مطار الخرطوم ما حليتها جاية تحلى مشكلة بلد والله عجب
Post: #3 Title: Re: تراجى تقلب الدنيا فى مطار الخرطوم بعد فقد� Author: صديق مهدى على Date: 06-19-2019, 04:44 PM Parent: #2
زنقة تراجى فى مطار الخرطوم
Post: #4 Title: Re: تراجى تقلب الدنيا فى مطار الخرطوم بعد فقد� Author: Mahjob Abdalla Date: 06-19-2019, 04:45 PM Parent: #1
يا صديق اختشي الزولة دي بت حلتنا و ما بنرضي تجرو فوقها الشوك.
Post: #6 Title: Re: تراجى تقلب الدنيا فى مطار الخرطوم بعد فقد� Author: محمود الدقم Date: 06-19-2019, 04:55 PM Parent: #4
اخي صديق احتراماتي ياريت نتجاوز الكروت المحروقة ونركز في حق الشهداء والوطن.
Post: #5 Title: Re: تراجى تقلب الدنيا فى مطار الخرطوم بعد فقد� Author: عبد الصمد محمد Date: 06-19-2019, 04:54 PM Parent: #1
يا جماعة تراجي تطير عيشتها رغم إختلافي معها لكنها لا تستاهل الهجوم عليها بهذه الصورة هي مواطنة سودانية وسياسية ومن حقها معاملة عادلة وديمقراطية
Post: #7 Title: Re: تراجى تقلب الدنيا فى مطار الخرطوم بعد فقد� Author: حامد عبدالله Date: 06-19-2019, 05:10 PM Parent: #5
Quote: محمد زاهر أبوشمه @yWLcMMWMNu1jnM0 20min بعد ان فقدت احدى حقائبها عند وصولها مطار الخرطوم هاجمت تراجي إدارة المطار ووصفت العمال باللقطاء والمتخلفين، ورفضت ان تكشف عن محتويات الشنطة المفقودة، وكان معها وفد مكون من خمسة أشخاص، وكانت تصرخ في الجميع بطريقة هستيرية وتردد.. قرف قرف..انا الجابني شنو هنا يا عواليق
وسألت عن دورة المياه فوجدتها مغلقة بسبب أعمال الصيانة، فدخلت حمام الرجال وسط دهشة الجميع وعندما خرجت، بعد أن قضت حاجتها ورأت الاستغراب في وجوه المسافرين ، وصفتهم بالمتخلفين..
#دوّر البابور
Post: #8 Title: Re: تراجى تقلب الدنيا فى مطار الخرطوم بعد فقد� Author: سيف الدين محجوب Date: 06-19-2019, 05:14 PM Parent: #7
يا خوي الكانوا في المطار فرقة شعبية مؤجرة + سواق الباص المؤجر للفرقة + الكمساري + كم حمال من ناس المطار + كم أمن جنجويد
سوعال ؟ الشنطة لقتا ولا لا ؟ حمام الرجال كان كيف ؟ لما طلعت ما قالت حاجة ولا حتى إففففففف ؟
Post: #9 Title: Re: تراجى تقلب الدنيا فى مطار الخرطوم بعد فقد� Author: صديق مهدى على Date: 06-19-2019, 05:30 PM Parent: #8
تحياتى لكم جميعا لكن احسن شى فعلته الثورة طلعت الحشرات من جحورها ههههها بس انشاء الله زنقة تراجى دى فى مطار الخرطوم ما تمروا بيها يعنى لو فى واحد فيكم قرر امشى السودان فى الايام دى عليه ان يعمل حسابه من الطايرة وهى نازلة هههه
Post: #10 Title: Re: تراجى تقلب الدنيا فى مطار الخرطوم بعد فقد� Author: محمد البشرى الخضر Date: 06-19-2019, 07:59 PM Parent: #9
الكلام دا فيه ريحة شتل كبيرة لا اظنه حقيقة, لكنها العادة السودانية الاصيلة: احرق المختلف
Post: #11 Title: Re: تراجى تقلب الدنيا فى مطار الخرطوم بعد فقد� Author: Hafiz Bashir Date: 06-19-2019, 08:15 PM Parent: #10
بتبالغ يا تلفزيون السودان
تلفزيون السودان يستقبل تراجي مصطفي وينقل وصولها الى مطار الخرطوم للمشاهدين
Post: #12 Title: Re: تراجى تقلب الدنيا فى مطار الخرطوم بعد فقد� Author: امتثال عبدالله Date: 06-19-2019, 08:35 PM Parent: #11
فعلا السودان ده غريب ... زولة كانت بتغني للبشير ونظام عصابة اللصوص والحرامية ويستقبلوها استقبال رسمي متلفز ... ويقولوا نظام اللصوص سقط !!!!!؟؟؟ سقط بوين إذا الخال الرئاسي لسع يشجع المجلس بقمع الثوار ويحرص حمدان دقلو ان لا يرحم أهل التغيير والحرية والتجمع.... بس وروني سقطت كيف !!!!؟؟؟؟؟؟؟؟
Post: #13 Title: Re: تراجى تقلب الدنيا فى مطار الخرطوم بعد فقد� Author: صديق مهدى على Date: 06-19-2019, 09:12 PM Parent: #12
حباب امتثال ربنا عالم بالحال فالناس كلها شاركت فى النضال عدا اشباه الرجال مافى داعى للاستعجال فالتغير حصل فلا محال ان قصر الزمن او طال فلا مجال للراعى او التربال فالاثنين الى زوال ويبقى نضال الاجيال والتاريخ سجال يا امتثال صديق مهدى على
Post: #14 Title: Re: تراجى تقلب الدنيا فى مطار الخرطوم بعد فقد� Author: AMNA MUKHTAR Date: 06-19-2019, 09:42 PM Parent: #1
يا إمتثال ما ياهو المجلس العسكري دا زاتو نظام عصابة اللصوص، بالله مايغشوكم الاكواز، خليكم تفتيحة ياعالم!
بخصوص ضياع شنطها: لو صح ذلك مامفروض نأخذه بسطحية .. السؤال: لماذا تضيع شنطها او بالتحديد تتأخر؟ ما هو الشيء البداخل تلك الشنط؟ هل فيها ممنوعات او فيها مستندات مهربة لزعزعة أمن وإستقرار الداخل او إش معني تضيع حقائب شخص مدعي من قبل المجلس العسكري بتذكرة First class ماشي جاي ويستقبل بحشد رسمي ويخرج من بوابة قاعة كبار الزوار. تراجي خازوق دخل السودان في الغالب مرسل لضرب اللحمة الوطنية بين الثوار. وانها احسن أداة لإلهاء الثوار عن مواصلة مقاومتهم للنظام! سمعنا انها مبرمجة لمقابلة ذو النون(وجه ضاحك) والمجلس العسكري To investigate في حوادث 29 رمضان ... والله هانت الزلابية!!
موضوع حمامات وما حمامات دا موضوع إنصرافي وتافه، ركزوا في موضوع الشنط او اسبكم كما سبتكم تراجي بمداخلتها:
Quote: قرف يقرفكم
Post: #16 Title: Re: تراجى تقلب الدنيا فى مطار الخرطوم بعد فقد� Author: دفع الله ود الأصيل Date: 06-20-2019, 04:18 AM Parent: #15
[} صديقنا الصدوق المهدي المرضي/ صديق مهدي ، تحية و تجلة ليك و لضيفانك الكرام البررة . أما و بعد،،، بالمناسبة كنتَ عامل ليك عتبى حتى تستغيث مني بالرضا بقضاء الله و قدره، و ذلك لما بدر مني في بوستنا المعنون كالآتي: « هي غلفا و شايلة موسا و حايمة تطهر» ، أي و والله صحي. لكن لقيت روحي أنا المفروض «أعاتبك و كلي حِنِّية» .
[} فياخي الولية برضو ضيفتنا ؛ صحي عندها جواز دخول و «مروق» زيها و زي أي ِّزول و إيِّ زولة. فما ليك حق ياخي تنزل فوقا شمال كدي . خسوسن , عمنا الإمام زاتو معروف راجل مسامح و كريم و شكلو عامل (عضان) الحامل طرشا و قرر يفضل ناسي الماضي و أحزانو؛ و عفا الله عن المنابيز . ثم إتا عارف نتنا بجاي كاطع موية و نور ؛ ف الزولة دي ما عندها فرصة تقرأ و لا ترد على كلامك دا ؛ و لا ظنيتا فاضية من الردحي مع ظيطة ظمبريطة المولد و الاستغبالات الحاشدةو النبوبات قاجة مع جماهير قراقير هلال مريح و عباسية موردة في المطار.
[} بعدين ياخي دي ظاطا مي غلتتا ؛ لأنو المفروض الجيهات الرسمية و لا شعبية الداعيالا شخسية جهبوذة ليها هامة و شنة و رنة قدر دي متلتلنها لينا قالنها من كندا ، ما دام أصلن عارفين حالنا واقف و عندنا صيانة في «مُستُراحات» النساوين ، موش كان مفروض يحضرولن كان مسلن « قصرية » و لا قصريتين يختوهن احتياطي جوة صالة كوبار الزايرات و الزوار، لزوم القعاد في حالة الزنقات الطارئة زي دي، بدل الفضايح و شيلة الحس. و بالموناسبة دا ح يكون موضوع (لايف) كارب و جاهز من هسي لبعدينك، و كتين نلقى الشغلانة فولة ماكولة و نرجع بخفي حنين ، و يختلفو اللصوص عشان يظهر السارفو ينشبكو عسكر و حرامية و يلا، تقول كدي تنقلب الساحرة على سحرة فرعون.
[} و لا كمان كان في تاني تريقة : فهي طالما كانت جاية عن طريق دبي يعني ، كان ممگن ينزلوها فوق شاطئ الراحة في برج خليفة ، يوفرولا كامل سبل الراحة، ( وهي لاكين جنس راحة نصاح)!عشان تعرف تشوف لهم شغلا صاح، من هناك
[} أها، قالولك آجنا عندهم هناك النصيبة دا بالله بس من يحس بيك قضيت غردك و خلاس قايم منو، برايو بقوم بالمهمة ينسحب و مويتو تشلل تحتك و ممكن كمان يمشمشكبمناديل الفاين؛ بس إت ما عليك علا تساعدو بدعاء الخلاء ، إنو: (الحمد لله الذي أذهب عنك الأذىو عافاك) .
[} ياخي موش زي عندنا بجاي. فدحين قتالي: الحاجَّة لامن جات مارقة من مستراح الرجال، كانت شگلها متاففة و بطنا طامة تقرف الليمون ظاطو؟! يلا نجي بعدا للسوعال الجوهري : ماعرفتوها, هل انجر ليها، و لا لقتو تقيل أگيد ياخي،(دا شغل يابوسة عديل).
Post: #17 Title: Re: تراجى تقلب الدنيا فى مطار الخرطوم بعد فقد� Author: صديق مهدى على Date: 06-20-2019, 07:57 PM Parent: #16
حباب ود الاصيل الرجل الاصيل والله انا زعلان منك بالحيل كيف تحرمنا من كلامك الجميل ولا تزرع فى دارنا شتلة تذكرنا باهلنا قبيل شهاة ورجالة وكرم ما فى ليهو مثيل ولا كتبت كلمة فى اعظم جميل غدروا بهم اناس لا بفرقوا بين عدو ولا خليل يا حليلهم ديل شباب وجاهوا الموت عديل ربنا يعوض شبابهم الجنة امين امين يا ود الاصيل صديق مهدى على