للاسف وصلتنا إشارات عديدة ان قطاعات من الشعب لا تعرف ما يحاك ضدها من مؤامرات و مزايدات. الشعب معزول من العالم الخارجى . المجلس الانقلابى الجنجويدى يسيطر على وسيلة الاعلام الوحيدة التلفزيون.
بيانات تجمع المهنيين السودانيين و قوى إعلان الحرية و التغيير لاتصل للأغلبية. والمصيبة ان المؤتمر الصحفي امس استطاع تحييد ناس كتار . ايضا المنشقين من النشطاء السياسيين لعب دور كبير لصالح المجلس.
استمرار الحظر على الانترنت يشكل خطر كبير على الثورة
Post: #2 Title: Re: المجلس الانقلابى الجنجويدى استفرد بالشع� Author: اْسامة اْباّرو Date: 06-15-2019, 04:16 AM Parent: #1
+ نشاط المخابرات الرًوسيًة والصًينيًة والمصريًة المموًل بسخاء من خزانات أبوظبى والرًياض المبذولة لإستعباد الشًعوب. + التًباين المطلبى لمكونات الشًعب السًودانى بفئاته العمريًة والفكريًة بين جيل اليوم الثًورى المصادم وشيوخ الأمس المهادنة. + و + الكثير والكثير على الحصر .... ثورة غالية وعزيزة على نفوس المؤمنين بها لأنًها ولدت من رحم المعاناة ... تلقت ضربات موجعة حتًى من ذوى القربى ..... تكالبت عليها الإحن من كلً مبتذل مأجور ودنيئ وعشمنا أن تزيدها صلابة.... تحيًة ثوريًة
Post: #3 Title: Re: المجلس الانقلابى الجنجويدى استفرد بالشع� Author: النصرى أمين Date: 06-15-2019, 04:20 AM Parent: #2
اهلا أسامة.. يذكرنى حال الشعب السودانى اليوم بزيارة قمت بها قبل سنتين الى كوبا . الانترنت غير متوفر لعامة الشعب. ليس هناك خدمةانترنت فى الجوال .
الإنترنت موجود فى أماكن معينة (واى فاى) و غالى جدا . الشعب بصورة عامة معزول عن العالم الخارجي.
Post: #4 Title: Re: المجلس الانقلابى الجنجويدى استفرد بالشع� Author: ترهاقا Date: 06-15-2019, 04:40 AM Parent: #3
Quote: تلقت ضربات موجعة حتًى من ذوى القربى ..... تكالبت عليها الإحن من كلً مبتذل مأجور ودنيئ وعشمنا أن تزيدها صلابة.... تحيًة ثوريًة
هذه الثورة ستغير محرى التاريخ للإقليم كلو ، لذلك ستواجه بصعوبات جمة ومؤامرات خبيثة ، ولابد من الصمود وبالتأكيد إن شاء الله ثورة ناجحة ستنقذ السودان وستنقذ كل الدول المحكومة بالدكتاتورية
Post: #5 Title: Re: المجلس الانقلابى الجنجويدى استفرد بالشع� Author: اْسامة اْباّرو Date: 06-15-2019, 05:10 AM Parent: #4
والله يا فنًان ... ياخ نحن شعب جميل ونستحق نحقًق ما نطمح إليه .. حتماُ ثورتنا منصورة بعون الله ومثابرة الخيًرين من أبناء الوطن كلً في مجاله ..
Post: #6 Title: Re: المجلس الانقلابى الجنجويدى استفرد بالشع� Author: Gafar Bashir Date: 06-15-2019, 05:26 AM Parent: #5
Quote: المؤتمر الصحفي امس استطاع تحييد ناس كتار
بالبساطة دي ؟ ناس منو؟
شنو الفي المؤتمر الصحفي ادي لتحييد الناس ...
Post: #7 Title: Re: المجلس الانقلابى الجنجويدى استفرد بالشع� Author: Mutasim Idris Date: 06-15-2019, 08:44 AM Parent: #6
عندهم الفضائيات شغاله.. الشارع ده والله فاهمين الثورة اكثر من نفسها زاااتو..
Post: #8 Title: Re: المجلس الانقلابى الجنجويدى استفرد بالشع� Author: علاء سيداحمد Date: 06-15-2019, 09:33 AM Parent: #7
Quote: للاسف وصلتنا إشارات عديدة ان قطاعات من الشعب لا تعرف ما يحاك ضدها من مؤامرات و مزايدات. الشعب معزول من العالم الخارجى
اكيد اشارات كيزانية والكوز اصلا ماعندو مخ يعنى عايزين يقولو بأن الشعب معزول على العالم الخارجى عشان حجب الانترنت !؟ الكلام دا كلام زول غبى ! لان الانسان لايعيش بالانترنت وحده حيث هناك مصادر خبر اخرى مثال القنوات الفضائية والاذاعات العالمية وهناك طرق اخرى كثيرة .
الشعب السودانى واعى جدا ويعلم مايحاك ضده من مؤامرات من قوى اقليمية وعالمية . وقد حان ساعة الحساب .
Post: #9 Title: Re: المجلس الانقلابى الجنجويدى استفرد بالشع� Author: علاء سيداحمد Date: 06-15-2019, 09:36 AM Parent: #8
Quote: المجلس الانقلابى الجنجويدى استفرد بالشعب السودانى المعزول عن العالم
عنوان غير موفق ابداً ومردود
Post: #10 Title: Re: المجلس الانقلابى الجنجويدى استفرد بالشع� Author: النصرى أمين Date: 06-15-2019, 12:14 PM Parent: #9
المجلس لا يمكنه القيام بهذه الفعلة المشينة (حظر النت) التى ادانا العالم كله مالم يكون عنده مصلحة حقيقية . فى مكالمة مع قريبة لى قالت ان الاربع ايام الأولى بعد المذبحة كانت اصعب ايام تمر بها فى حياتها ؛ اضافت كنا لا نعرف تحديدا ما يجرى ؛ المساجد و نداءات لحماية الاحياء من عصابات النقرز ، شباب الحى يحرسون الشوارع الداخلية بالسيخ و العصى ، حالة خوف شديد و قلق و توتر لانهم لا يعرفون ماذا يجرى بسبب حظر الإنترنت .
قالت انها لم تشاهد اى فيديو للمذبحة و لا تعرف ماذا حدث بالظبط .
الثورة دى و منذ قيامها تعتمد على السوشال ميديا من واتساب وفيسبوك و تويتر. التجمع نجح فى إدارة الحراك فى الشارع بفضل السوشال ميديا.
اليوم مافى سوشال ميديا ؛ فى بس قنوات فضائية معظمها تلعب لصالح المجلس ماعدا الجزيرة لأسباب خاصة بها و هى المعروفة الشعب السودانى دعمها طوال 30 سنة للبشير.
أسأل نفسك يا مغترب ؛ لو كنت مفصول من النت طوال الأحداث الدامية هل ستكون بنفس الفهم الذى انت عليه الان ؟ لو كنت صادق ، لكانت الاجابة بالنفى
باختصار ؛
حظر الانترنت يشكل خطر كبير على الثورة السودانية
Post: #11 Title: Re: المجلس الانقلابى الجنجويدى استفرد بالشع� Author: النصرى أمين Date: 06-15-2019, 12:25 PM Parent: #10
لو داير كلامى يقع ليك يا مغترب. جرب اعزل نفسك من النت 3 ايام و اعتمد فقط على العربية و الحدث و الفضائية السودانية و الجزيرة.
مالم تعيش الحرمان لن تعرف قيمة الشئ الذى حرمت منه.
Post: #12 Title: Re: المجلس الانقلابى الجنجويدى استفرد بالشع� Author: النصرى أمين Date: 06-15-2019, 12:30 PM Parent: #11
انا شخصيا لمن اصحى من النوم و قبل امشى على الحمام لازم افتح الجوال و اشوف التطورات شنو فى تويتر و الفيسبوك و واتساب ولو فى احداث جسام اشيل الجوال الحمام.
الحرمان من هذه الخدمة يكاد يشل حياتى تماما.
Post: #13 Title: Re: المجلس الانقلابى الجنجويدى استفرد بالشع� Author: النصرى أمين Date: 06-15-2019, 01:22 PM Parent: #12
اسألوا الناس فى تويتر و كيف اثر غياب التايملاين السودانى. والله بقى مسيخ بدونهم .. فقدنا ثوريتهم و حماسهم . فقدنا ظرافتهم و تغيير صورة البروفايل كل يومين. فقدنا تعليقاتهم النارية و فيديوهاتهم الفريش.
تويتر اكتر مكان اتاثر بحظر الإنترنت. اما ناس سودانيزاونلاين التأثير ضعيف جدا للاسباب الآتية
Post: #14 Title: Re: المجلس الانقلابى الجنجويدى استفرد بالشع� Author: النصرى أمين Date: 06-15-2019, 01:26 PM Parent: #13
حظر الإنترنت يكاد لا يؤثر على سودانيزاونلاين لان الأغلبية العظمى من الأعضاء تعيش خارج السودان .
يا النصري ما تدي الموضوع حجم قدر ده الجزيرة مباشر شغالة فيديوهات بس احضرها ما بتحتاج لي انترنت زاتو والعربية شغالة لقاءات متواصلة
Post: #16 Title: Re: المجلس الانقلابى الجنجويدى استفرد بالشع� Author: علي عبدالوهاب عثمان Date: 06-15-2019, 01:45 PM Parent: #15
حبيبنا النصري .. تحياتي هذا الخبر من موقع النيلين عاجل نقلاً عنن اسكاي نيوز
الخبر كما يلي :
كشف رئيس اللجنة السياسية بالمجلس شمس الدين كباشي لـ (الإنتباهة)، عن التئام اجتماع أمس مع الوسيط الإثيوبي ومندوب الاتحاد الإفريقي الدائم بالسودان. وأوضح أن الاجتماع تداول العودة للتفاوض مع قوى الحرية والتغيير، وأكد أن الأمور تمضي بصورة وصفها بالجيدة والإيجابية، وأضاف قائلاً: (ستتم الدعوة قريباً من قبل الوسيط للتفاوض). وأفصح مصدر مطلع لـ (الإنتباهة) أن العسكري سيعلن عن تشكيل حكومة لتصريف الأعمال خلال أسبوعين من تاريخه سواء تم الاتفاق مع قوى الحرية أم لم يتم, ورجح في ذات الاتجاه أنه في حال تعثر الاتفاق مع قوى الحرية ستتم مشاركة بعض الأحزاب المنضوية تحته بمشاركة بعض التكنوقراط بمن فيهم عدد من أساتذة الجامعات وبعض الخبرات الوطنية التي تعمل في المنظمات الإقليمية والدولية. وفى سياق قريب من ذلك قال كباشي لـ (الإنتباهة): (نحن لدينا خيار الدعوة لانتخابات مبكرة, لكن أرجأنا هذا الخيار للجهود التي يبذلها الوسطاء وصولاً لاتفاق، وما عايزين نلجأ للحل الأحادي إلا إذا استنفدنا كل الجهود، ويظل هو الخيار الأخير). ومن جهته أكد مصدر آخر أن الوسيط الإثيوبي لم يستطع أن يحدث تقارباً بين الطرفين حتى الآن. ==================== هل يمكن للعسكر القيام بهذا العمل لم يرد في القنوات الاخرى احسب انه مجرد تهديد اجوف
Post: #17 Title: Re: المجلس الانقلابى الجنجويدى استفرد بالشع� Author: النصرى أمين Date: 06-15-2019, 01:46 PM Parent: #15
أهلا جعفر والله الموضوع خطير جدا جدا . مستحيل قنوات فضائية لديها اجندتها الخاصة تقدر تغطى العجز الناتج من حظر النت.
زى ما كتبت فوق ، عشان تعرف حجم المشكلة ، حاول اعزل نفسك من النت يوم واحد فقط . و حتعرف المعاناة للشعب فى الداخل.
مافى اى بديل للإنترنت ، لا قنوات فضائية و لا رسائل خطية .
حاول غيب من الانترنت نصف يوم و حتعرف
Post: #18 Title: Re: المجلس الانقلابى الجنجويدى استفرد بالشع� Author: محمد بدرالدين Date: 06-15-2019, 02:01 PM Parent: #17
النصرى الهميم و الشباب ان شاءالله منتصرين ... سؤال تقنى هل يمكن ان يكون النت الا يتجزأ النت ؟ اى تكون كتلة واحدة او مربوطة مع بعض بحيث لا يمكن ان نعطى النت للمصالح الحكومية و نفصلها عن العامة ؟ .. لان الكضباشى ذكر فى مؤتمر الاعترافات المجانية بان النت لم يقطع من المصالح و قُطع من العامة طيب مافى ابن ستين كلب ههههه يقدر يربط النت كلو مع بعض ؟ عشان كلو يا يشتغل يا يفصل ما عندنا مهندسيبن و لا هكرز
Post: #19 Title: Re: المجلس الانقلابى الجنجويدى استفرد بالشع� Author: النصرى أمين Date: 06-15-2019, 02:08 PM Parent: #18
اهلا محمد
للاسف النت مفصول من خدمات الجوال .
الخدمة الوحيدة المتوفرة هى ال Wifi والتى تتواجد عند بعض الشركات و بعض الأثرياء لكن غالب الشعب والذى يستخدم mobile data محظور من الخدمة . عشان كده عدد كبير من الفيديوهات اتسرب لخارج السودان
Post: #20 Title: Re: المجلس الانقلابى الجنجويدى استفرد بالشع� Author: النصرى أمين Date: 06-15-2019, 03:41 PM Parent: #19
وجدت هذه الرسالة اا المبشرة فى الفيسبوك ؛- اتصال قبل قليل بالسودان طمني وسر بالي الحمد لله.. رغماَ عن انه المواصلات بقت سايبه اي زول يخت التعريفة العاوزها والغلاء المستشري لكن الشباب مترابطين وبكونوا في لجان الاحياء.. مافي زول شغال بالانترنت.. التوجيهات بالرسائل النصية.. التوعية والتنوير بالانتفاضة التانية شغالة قرف.. التواصل برضو شغال مع ثوار الاقاليم.. منتظرين بس اشارة تجمع المهنيين عشان يستجيبوا لنداء الشوارع التي لا تخون.. ما شغالين بالناس الانشقوا.. ما شغالين بمؤتمرات المجلس الانقلابي.. ما شغالين بوساطات الخارج ومواقف الدول.. روح الشهداء ومجزرة القيادة العامة حاضرة بقوة في كل المجالس.. ابشروا ابشروا الخير قررررررررب
الزميل عبدالباري العجيل
#قوموا_الى_ثورتكم_يرحمكم_الله
Post: #21 Title: Re: المجلس الانقلابى الجنجويدى استفرد بالشع� Author: النصرى أمين Date: 06-15-2019, 03:52 PM Parent: #20
أشاهد الآن و عبر الفيسبوك بث مباشر لقناة الشروق و لقاء جماهيري للجربوع مع (جماهير) منطقة قرى الكبرى.
