من هو الخائن والعميل؟؟؟؟؟؟

02:54 PM June, 13 2019

سودانيز اون لاين
رياض ادريس همت-بروكسل بلجيكا
مكتبتى
رابط مختصر

أولا نترحم على شهداء الثورة فقد زهقت أرواح من اجل أن ينعم السودان بالحرية والسلام والعدالة وكذلك نسال الله العزيز القدير عاجل الشفاء للمصابين وعودا حميدا للمفقودين أن شاء الله.
لاحظت في كثير من الآراء والمداخلات استخدام كلمة خائن - عميل - كوز - يريد شق الصف ......
وأثار انتباهي أن كل من يأتي براي مخالف لغيره تطلق عليه الألقاب أعلاه، فما هو معيار اطلاق مثل هذه الألقاب في هذه المرحلة الحساسة جدا في تاريخ السودان؟؟؟؟

كما تفضلت في هذه المرحلة الحساسة ، فالخائن والعميل هو كل من أراد أن يشق الصف
ويعمل لأجندة المجلس العسكري والدولة العميقة ولإضعاف آمال وطموحات الشعب االذي يمثله قوى الحرية والتغيير
وتجمع المهنيين،

اخونا رياض
السلام عليكم ورحمه الله
طبعا الكوز دا معرووووف
دا زول دقنو طويييلة و مرات بدون دقن
و في جبهتو في فلقة و مرات فرقتين قالوا دا من كتلة الصلاة و القيام و مرات ما تلقى عندو فلقة
الناس يكونوا في الصلاة و تلقاه حااااايم في السوق
يعرف الله و لا يخشاه
لقمتو في الاكل كبيييرة
و هو اخر واحد يقوم من الصينية
يرسل الرباطة يضربوك و يجي هو يحامي ليك
لو أمنتو شي الله يعلم يرجعو.
يمكن ليك في الدين و هو ما عندو دين
ياكلك و ما يستحي
عندو استعداد يعمل اي شي عشان يكون في الاول يقتل ينهب يزني يغتصب
عشان كدة ما ترقد له في مأمن
و كمان برضو بحب الفن و الرقيص
أن شاء الله اكون ما قصرت

تحياتي

العدو واضح وخصومتو فاجرة
قدر الاسلحة العندنا
افضل نوجهها ليهو
ما لي بعضنا والا دي زاتها نوع من انواع الخيانة
لانها بتعمل في اضعافنا وتقوية المجلس

بكل تأكيد هناك من لديه أجندته الخاصة ولكن كما ذكر الأخ الفاضل جعفر بشير يجب أن نتكاتف في هذه المرحلة مبدئيا
حتى نصل للهدف الأساسي ( حرية - سلام - عدالة) بحكومة انتقالية مدنية ومن ثم يكون لك حدث حديث.