Post: #1
Title: الجنجويدى حميدتى حيرجع النت يوم 7يوليو
Author: النصرى أمين
Date: 06-13-2019, 02:04 PM
02:04 PM June, 13 2019 سودانيز اون لاين
النصرى أمين-كالغرى, كندا
مكتبتى
رابط مختصر
والسبب الولو.
لأن العريضة للبيت الأبيض الأمريكى بتاعت الجنجويد تنظيم ارهابى لازم
تحصل على 100 الف توقيع خلال شهر ينتهى يوم 6 يوليو.
الشراشيح (المغتربين بلغة حميدتى) استطاعوا الحصول على 58 الف توقيع فى عشرة الف.
لو ناس السودان اتحصلوا على النت الرقم ممكن يصل 5مليون توقيع
|
Post: #2
Title: Re: الجنجويدى حميدتى حيرجع النت يوم 7يوليو
Author: النصرى أمين
Date: 06-13-2019, 03:29 PM
Parent: #1
طبعا لمن المجلس الانقلابى الجنجويدى يقول ان النت خطر على أمن الدولة
يقصد ان جرائم الجنجويد مؤثقة بالصور و الفيديوهات و لا يمكن السماح بنشرها
لانها خطر على امن الجنجويد.
طيب فى هاشتاق جديد يشارك فيه كبار الفنانين العالميين يطالب
بفك الحظر على الإنترنت.
جنجويد رباطة فعلا
|
Post: #3
Title: Re: الجنجويدى حميدتى حيرجع النت يوم 7يوليو
Author: النصرى أمين
Date: 06-13-2019, 03:30 PM
Parent: #2
أين اختفى الجربوع؟
|
Post: #4
Title: Re: الجنجويدى حميدتى حيرجع النت يوم 7يوليو
Author: Mutasim Idris
Date: 06-13-2019, 03:40 PM
Parent: #3
| Quote: أين اختفى الجربوع؟ |
فريق اول الخلاء بفتش للدرون.. مرشوش 10/صفر
النصري ازيك
|
Post: #5
Title: Re: الجنجويدى حميدتى حيرجع النت يوم 7يوليو
Author: النصرى أمين
Date: 06-13-2019, 03:52 PM
Parent: #4
اهلا معتصم.
الجداد بتاع الجربوع يدافعوا عنه ؛ قالوا انه حاول يفض الإعتصام بالعصى لكن ناس
الأمن قتلوا الناس.
طيب انت يا جربوع موش وعدت انك لن تفض الإعتصام
و انك لو داير تفضه حتعلن .
موش ده كلامك يا جربوع
|
Post: #6
Title: Re: الجنجويدى حميدتى حيرجع النت يوم 7يوليو
Author: Mutasim Idris
Date: 06-13-2019, 04:44 PM
Parent: #5
الاعتصام كان هاجس بالنسبة ليه وانفضاضه كان همه الاول.
رجع من اسياده بوصفة فض الاعتصام باعتباره العقبة الوحيدة في طريق تنفيذ المخطط وتسريعه للتنصيب.. ولانه مستجد سلطة اضيف ليها غباء خلاء
زائد تاريخ اسود في جرائم ضد الانسانيه اعطي تعليماته بعد تحديد ساعة الصفر ليلة قبل وقفة العيد, باعتبار انه الناس ح تنشغل بالعيد
وبعدما ترجع الواقع علي الارض ح يكون مختلف.
طبعا بنفس اسلوب التعتيم علي جرائمهم قرروا قطع النت (ظنا) منهم ح يطمس ادلة ادانتهم زي ما حصل مع اهلنا في غربنا الحبيب.
هيهات يا سفلة.. لم ننسي ولن نغفر.
|
Post: #7
Title: Re: الجنجويدى حميدتى حيرجع النت يوم 7يوليو
Author: النصرى أمين
Date: 06-13-2019, 05:08 PM
Parent: #6
ده تحليل سليم جدا معتصم .
الأوامر جات من الاستخبارات المصرية و العميل طه الحسين
بمباركة من أولياء العهد .
و الجربوع وقع فى أبناء وطنه قتلا و سحلا.
يوم فض الإعتصام حيظل فى ضمير الشعب السودانى لقرون قادمة .
شرارة الغضب حتظل مشتعلة لن تنطفئ ابدا حتى او سلم الحكومة اليوم و رجع تشاد
|
Post: #8
Title: Re: الجنجويدى حميدتى حيرجع النت يوم 7يوليو
Author: Mutasim Idris
Date: 06-13-2019, 05:53 PM
Parent: #7
يا النصري مجلس العسكر ده ابسط مما نتخيل.. مقارنة بين كل العساكر المروا علينا في تاريخنا ديل اقل قامة في كل شئ.. ما عمالة وبس انما حتي خطابة
فهم او توجه.. واااضح جدا انهم دمي متحركة في مسرح عرائس.. لو مسكتهم واحد واحد في تصريحاتهم علي تباينها تتسم بالضحالة وقلة الفكر.
حميدتي ماعارف فرق الدمقراطية من الشوري والمدنيه عنده فوضي وهز العصايا اثناء الكلام هي الكلمات الوحيدة (تهديد) البتطلع بيها منه في اي مرة وقف
فيها وخاطب. بقول اضربو لكن ما توقفوا حياة الناس و اعملوا عصيان مدني لكن من غير متاريس.. شفت كيف.
البرهان لما يقرأ بيان من ورقه مكتوبه قدامه بنهر الحروف وبقطع الكلمات وبشر مط الفكرة. ولو قال كلام من راسه يحسسك بضآلتك وتضيع وقتك.
عبدالخالق بتاع انا اكعب من حميدتي دا كمان كوم برااااه. آخر تصريح ليه قال فيما معناه دي بلد في زول عاقل بمسكها؟ بشرح علي عدم طمعهم للسلطة يعني
زي القال وين مسقط راسي وهو بفتش علي المخدة. دي ولادة دي.
الكباشي دا بقي تحفة..
عاوز اقول الخلق ديل لو طلعتهم من محيط (عسكريتهم) دي ما بساوا بصله والله تكفتهم بلا غبينه. الناس ديل اختاروهم اختيار.. خريجي مدرسة البشير وسنوات خدمتهم
قضوها اما في حرق سحق قتل بني جلدتهم وفصلهم من بعض في وقت ربع الوطن مستعمر او في دسائس وتآمر وعماله.
المحور لقي عندنا كل مستلزمات مخططاته.. دهب اراضي و ماء ومرتزقه بنفذها ليهم حثالة البشر فينا (قوة و غباء)..
نتماسك يا النصري اخوي قرررررربت بالجد قربت..
صبرا جميل.
|
Post: #9
Title: Re: الجنجويدى حميدتى حيرجع النت يوم 7يوليو
Author: النصرى أمين
Date: 06-13-2019, 06:10 PM
Parent: #8
احسن واحد فيهم ياسر العطا ؛ لكن مختفى من قبل
مجزرة القيادة و ما معروف الحاصل عليه شنو.
الباقين فعلا مرض .
البشير نجح يربى اشباه رجال.
لا يحسنون سوى الطعن من الخلف.
لعنة الله عليهم.
غايتو كباشى ده لا يتفوق عليه فى اللؤم سوى نافع الما نافع .
لئيم و كذاب .
البرهان من النوع الغدار ..جبان لكن حريف فى الغدر و الخيانة و طاعة الاسياد.
(غايتو مداخلتك الفوق دى فى كلمة قربتها اربع مرات )
|
Post: #10
Title: Re: الجنجويدى حميدتى حيرجع النت يوم 7يوليو
Author: Mutasim Idris
Date: 06-13-2019, 06:14 PM
Parent: #9
| Quote: (غايتو مداخلتك الفوق دى فى كلمة قربتها اربع مرات ) |
جاية من (شرم ووط) يااخ يعني بقطع الفكرة..
ههههههههههه
|
Post: #11
Title: Re: الجنجويدى حميدتى حيرجع النت يوم 7يوليو
Author: امتثال عبدالله
Date: 06-13-2019, 06:27 PM
Parent: #10
انا مفتكرة الكلمة القراتها اربع مرات هي :الكباشي بقى" تحفة "..لانه فعلا بقى تحفة في الكضب الكثير...حتى أنه بقى يصدق نفسه من كثرة الكضب...
فضحونا عساكر آخر زمن ....وكيف ما فضحونا إذا كان جدادة الخلا طردت جدادة البيت....
|
Post: #12
Title: Re: الجنجويدى حميدتى حيرجع النت يوم 7يوليو
Author: النصرى أمين
Date: 06-13-2019, 08:04 PM
Parent: #11
وآلله يا امتثال
الكباشى و بسرعة بدأ يحل محل نافع على نافع
فى بغض الناس ليه.
زول لئيم فعلا و عينه قوية وهى نفس ميزات نافع
|
|