Post: #1
Title: الثورة مقاسها مفصل... جبة ومركوب... ما بوت ....
Author: فقيرى جاويش طه
Date: 06-12-2019, 08:08 AM
Parent: #0
08:08 AM June, 12 2019 سودانيز اون لاين فقيرى جاويش طه-Arlington va مكتبتى رابط مختصر
فى أيدك جمره وفى التانية سلاح وفى رأسك ولا فكره بالواضح ورينا نهايتك ان بعت الأرض لغيرك او بعت ولاد الناس فالثورة مقاسا مفصل جبه ومركوب ما قدر البوت ولا كاكى مظبط لى عسكر او بوريه بالواضح حيينا وامرق وكتر خيرك او سلّم تسلم فى أيدك جمرة ثورة بتحرق وفى التانيه سلاح ومنشّن وعسكر جاهز لى غزو الناس المعتصمين قدام الديش وهديك الفشقة مغتصبة وتشكي وحلايب راجياك امرق من قصر الناس الحارسة صقيعة العسكر بطل تسويف مش لو زرتوا قصور المجرم بن سلمان او تممتوا امام السيسي العبو غيرا فالمشهد مكشوف والعالم بسمع وبشوف سلمية الثورة وقمع الديش وملكى ولابس كاكى وكمان جنرال... فى أيدك جمرة ثورة بتحرق فى التانيه سلاح وذخيرة فشنك لانو صدورنا الرحبة بتحمى الثورة وكل سراق اتآمر قبض السعر التافه وباعنا رخيص لى أولاد زايد احسن يتخارج من بدرى فالثورة أساس الحكم الجاي الثورة مقاسا مفصل جبة ومركوب ما بوت او كاكى مظبط فى ملكى وكمان جنرال...
احمد ابنعوف بغداد يونيو ٢٠١٩
|
|