Post: #1
Title: عنجهية (حميدتي) والمجلس العسكري ستضطر الشعب السوداني للمقاومة المسلحة ..
Author: Mohammed Haroun
Date: 06-02-2019, 03:20 PM
03:20 PM June, 02 2019 سودانيز اون لاين
Mohammed Haroun-UK
مكتبتى
رابط مختصر
المقاومة المسلحة خيار محتمل جدا .. المقاومة المسلحة في العاصمة الخرطوم لأنها هي السودان ولأنها حيث ينام الحرامية القتلة المجرمين .. ناس المجلس العسكري عديمي الرحمة انتهازيون يجتمعون في مكاتب مكيفة وينامون في عمارات وقصور مكندشة .. هؤلاء الأوغاد لا يحسون بمعاناة الثوار المعتصمين أمام القيادة العامة في الحر والهجير في شهر رمضان ويتربصون ويماطلون الشعب السوداني ويحمون أسيادهم .. انهم لا يفهمون إلا لغة السلاح .. من البداية قلت لكم أعضاء المجلس العسكري ديل أخوان مسلمين لن يسلموكم الحكم بأخوي وأخوك ولكنكم لم تصدقوني ...
تحياتي
|
Post: #2
Title: Re: عنجهية (حميدتي) والمجلس العسكري ستضطر الش�
Author: Mohammed Haroun
Date: 06-02-2019, 06:56 PM
Parent: #1
والتفاوض مع هؤلاء الأوغاد مهزلة .. يراوغون ويماطلون ويضيعون وقتا ثمينا للشعب السوداني .. والله ما شايف أي حل مع هؤلاء الضلاليين إلا المقاومة المسلحة..
تحياتي
|
Post: #3
Title: Re: عنجهية (حميدتي) والمجلس العسكري ستضطر الش�
Author: Mohammed Haroun
Date: 06-03-2019, 09:39 AM
Parent: #2
المقاومة المسلحة هي الخيار الأوحد لدحر هذا الطغيان ..
لو كان الثوار مسلحين لردوا الصاع صاعين صباح هذا اليوم لهؤلاء الأوباش ..
أنا شخصيا كفرت بأي ثورة سلمية .. ما أخذ بالقوة لا يسترد إلا بالقوة ...
حميدتي طلع اكبر وغد لكن ليك يوم مهما طال الزمن .. تبا لك أيها المجرم الحقير
تحياتي للثوار الذين قدموا أرواحهم من أجل الوطن ولا نامت أعين الجبناء.
|
Post: #4
Title: Re: عنجهية (حميدتي) والمجلس العسكري ستضطر الش�
Author: مدثر صديق
Date: 06-03-2019, 09:49 AM
Parent: #3
سلام
| Quote: المقاومة المسلحة هي الخيار الأوحد لدحر هذا الطغيان .. |
لو كان الخيار ده ناجح كان نجح مع الحركات المسلحة ....والتى لم تستطع ان تفعل ما فعلته السلمية ....
السلمية هي الخيار فقط .....
|
Post: #5
Title: Re: عنجهية (حميدتي) والمجلس العسكري ستضطر الش�
Author: احمد حمودى
Date: 06-03-2019, 10:29 AM
Parent: #4
Quote: السلمية هي الخيار فقط .....
|
تانى مافى سلمية بعد الموت دة والرهيفة التنقد
|
Post: #6
Title: Re: عنجهية (حميدتي) والمجلس العسكري ستضطر الش�
Author: مدثر صديق
Date: 06-03-2019, 10:46 AM
Parent: #5
| Quote: تانى مافى سلمية بعد الموت دة والرهيفة التنقد |
سلام
الحركات المسلحة قاتلت 16 سنة و لم تحرك شعره في نظام البشير .....السلمية في 4 اشهر ازاحت النظام من الحكم ...
العمل المسلح ها هو يثبت فشله في سوريا و في ليبيا ....السلمية مهما طال الزمن ستاتي اكلها
الله يجنب البلاد من اصحاب الاجندة .....
!!!!!!
|
Post: #7
Title: Re: عنجهية (حميدتي) والمجلس العسكري ستضطر الش�
Author: Mohammed Haroun
Date: 06-03-2019, 11:41 AM
Parent: #6
Quote: لو كان الخيار ده ناجح كان نجح مع الحركات المسلحة ....والتى لم تستطع ان تفعل ما فعلته السلمية ....
السلمية هي الخيار فقط .....
|
الأخ مدثر صديق سلام .. الحركات المسلحة أخطأت وحملت السلاح في الأقاليم النائية.. المقاومة المسلحة هذه المرة تكون في العاصمة الخرطوم .. لازم الخرطوم اللابدين فيها دي نقلبها ليهم جهنم ..ما عاوزين معاهم مفاوضات ولا بلطجة ..
تحياتي
|
Post: #8
Title: Re: عنجهية (حميدتي) والمجلس العسكري ستضطر الش�
Author: Mohammed Haroun
Date: 06-03-2019, 11:53 AM
Parent: #7
| Quote: تانى مافى سلمية بعد الموت دة والرهيفة التنقد |
اخونا أحمد حمودي سلام .. فعلا يا أخي بعد الموت دا ما في سلمية تاني .. ما ضيعتنا إلا المواقف المائعة.. هم عاوزين يحكمونا بالحديد والنار والجبروت ونحن لن نسمح لهم بذلك مطلقا ..
تحياتي
|
Post: #9
Title: Re: عنجهية (حميدتي) والمجلس العسكري ستضطر الش�
Author: ابوالقاسم ابراهيم الحاج
Date: 06-03-2019, 11:58 AM
Parent: #8
انا نفسي بشوف السلمية لاتنفع مع هولاء القتلة عشان كده لازم ندافع عن انفسنا لايمكن ان يكون المدنيين كالحملان وسط هولاء الوحوش القتلة
|
Post: #10
Title: Re: عنجهية (حميدتي) والمجلس العسكري ستضطر الش�
Author: معاوية المدير
Date: 06-03-2019, 12:02 PM
Parent: #9
سلآمات يا محمد هارون .
الحل في البل، ولكي يستقيم حال البلد لا بُدّ من كنس المجلس
العسكري وحميدتي والدعم السريع ومن ساندهم من علي وجه
الأرض، بلآ قرف ...
|
Post: #11
Title: Re: عنجهية (حميدتي) والمجلس العسكري ستضطر الش�
Author: مدثر صديق
Date: 06-03-2019, 12:58 PM
Parent: #10
سلام
| Quote: الحركات المسلحة أخطأت وحملت السلاح في الأقاليم النائية.. المقاومة المسلحة هذه المرة تكون في العاصمة الخرطوم .. |
المقاومة المسلحة ...لم و لاتاتي باي نتائج للسوريين و لا الى غيرهم .....ميدان العمل المسلح الكل يجيده.......الخاسر الاكبر هو الشعب و ليس الحكام ...
لا يمكن ان نخوض حرب 5 سنوات كمثال و يموت 300 الف كما في سوريا لنصل لحلول معلبه من قبل الامم المتحده تفرض علينا حومة توافقية ...
اعتقد ان الشعب السوداني حكيم و لا ينجر الى العاطفة و يحكم عقله عند المحن .............
|
Post: #12
Title: Re: عنجهية (حميدتي) والمجلس العسكري ستضطر الش�
Author: Mohammed Haroun
Date: 06-03-2019, 03:25 PM
Parent: #11
Quote:
انا نفسي بشوف السلمية لاتنفع مع هولاء القتلة عشان كده لازم ندافع عن انفسنا لايمكن ان يكون المدنيين كالحملان وسط هولاء الوحوش القتلة |
أخونا ود الحاج سلام .. لابد من الدفاع عن النفس ..هم الذين بدأوا القتل واستباحوا دماء ابنائنا وبناتنا.. السلاح متوفر في السودان.. المقاومة المسلحة هي خيارنا الوحيد الآن .. كل الثوار قادرين على حمل السلاح .. لن نكون حملان وديعة بعد اليوم ..
تحياتي
|
Post: #13
Title: Re: عنجهية (حميدتي) والمجلس العسكري ستضطر الش�
Author: Mohammed Haroun
Date: 06-03-2019, 04:01 PM
Parent: #12
Quote: سلآمات يا محمد هارون .
الحل في البل، ولكي يستقيم حال البلد لا بُدّ من كنس المجلس
العسكري وحميدتي والدعم السريع ومن ساندهم من علي وجه
الأرض، بلآ قرف ... |
أخونا معاوية المدير سلام .. والله ما في أي حل غير كنسهم بالقوة .. ديل شغلهم بقى حقارة واستخفاف وسخرية بالشعب السوداني .. هم قايلين شيل السلاح صعب .. لازم نحمل السلاح ونقتلهم كما قتلوا ابنائنا وبناتنا .. ما عندنا أي خيار غير كدا .. لا تفاوض بعد اليوم ..
تحياتي
|
Post: #14
Title: Re: عنجهية (حميدتي) والمجلس العسكري ستضطر الش�
Author: Mohamed Adam
Date: 06-03-2019, 04:16 PM
Parent: #13
| Quote: الحركات المسلحة أخطأت وحملت السلاح في الأقاليم النائية.. المقاومة المسلحة هذه المرة تكون في العاصمة الخرطوم .. |
المقاومة المسلحة بليبيا بدأت من طرابلس، في اليمن بدأت من صنعاء، وفي سوريا بدأت من دمشق!!!
لو سمعتك الإنقاذ مناديا بتسليح المقاومة، تعطيك بوسة في خديك وعلي جبينك وكمان تعمل ليك نصب تذكاري في كافوري امام منزل البشير!
ياخوي لا لن نحيد من السلمية.
قوة ثورتنا في سلميتها...!
|
Post: #15
Title: Re: عنجهية (حميدتي) والمجلس العسكري ستضطر الش�
Author: Abdullah Idrees
Date: 06-03-2019, 04:40 PM
Parent: #14
| Quote: المقاومة المسلحة بليبيا بدأت من طرابلس، في اليمن بدأت من صنعاء، وفي سوريا بدأت من دمشق!!! |
اشارة ذكية جدا
ووصلوا لنفس النتيجة التي توصلنا اليها ، واعنى العمل المسلح في الاطراف او خارج المركز
العمل المسلح تكلفته كبيرة جدا جدا ونتائجة غير مضمونة بالمرة
|
Post: #16
Title: Re: عنجهية (حميدتي) والمجلس العسكري ستضطر الش�
Author: Mohammed Haroun
Date: 06-03-2019, 05:45 PM
Parent: #15
Quote: ياخوي لا لن نحيد من السلمية.
قوة ثورتنا في سلميتها...!
|
الأخ محمد آدم سلام .. أنا شخصيا كفرت كفرا لا رجعة فيه بالثورة السلمية .. المقاومة المسلحة تكون في الخرطوم محل الرئيس بنوم والطيارة بتقوم .. يعني عاوزنا نكرر نفس غلطة الحركات المسلحة عشان نخليهم يضربوا أهلنا بالطائرات ويشردوهم من قراهم زي ما حصل في دارفور وجنوب كردفان .. خليها تولع في العاصمة بس ..
|
Post: #17
Title: Re: عنجهية (حميدتي) والمجلس العسكري ستضطر الش�
Author: Mohammed Haroun
Date: 06-03-2019, 05:54 PM
Parent: #16
| Quote: العمل المسلح تكلفته كبيرة جدا جدا ونتائجة غير مضمونة بالمرة |
اخونا عبدالله إدريس سلام .. لابد لهؤلاء البرابرة الأوباش أن يعرفوا الشعب السوداني على حقيقته .. شعب لا يرضى بالظلم ولا الهوان .. سلمية سلمية لم تخلصنا من الحرامية .. الحرية مهرها غالي والديمقراطية لا تقدم على طبق من ذهب .. الحرية والديمقراطية مضرجتان بالدماء .. ما كل الشعوب تنعم بها ..
|
Post: #18
Title: Re: عنجهية (حميدتي) والمجلس العسكري ستضطر الش�
Author: Abdullah Idrees
Date: 06-03-2019, 08:28 PM
Parent: #17
Quote: اخونا عبدالله إدريس سلام .. لابد لهؤلاء البرابرة الأوباش أن يعرفوا الشعب السوداني على حقيقته .. شعب لا يرضى بالظلم ولا الهوان .. سلمية سلمية لم تخلصنا من الحرامية .. الحرية مهرها غالي والديمقراطية لا تقدم على طبق من ذهب .. الحرية والديمقراطية مضرجتان بالدماء .. ما كل الشعوب تنعم بها ..
|
والله يا محمد انا ما مختلف معاك في كمية الوجع والحزن والاحساس بقلة الحيلة ، وتراودني رغبات الثأر برضو زيك بالظبط
الحقارة حارة يا محمد
لكن الزول بس بعاين للتكلفة العالية بالذات في منطقة زي العاصمة يسكنها حوالي 10 مليون شخص
جروح دارفور وجبال النوبة والنيل الازرق لن تبرأ ابدا حتى يتم تقديم كل من شارك فيها للعدالة وهؤلاء الاوباش لن يتورعوا في احراق السودان بالكامل
كل عام وانتم والبلد كلها بخير
|
Post: #19
Title: Re: عنجهية (حميدتي) والمجلس العسكري ستضطر الش�
Author: Mohamed Adam
Date: 06-03-2019, 11:35 PM
Parent: #18
| Quote: .. أنا شخصيا كفرت كفرا لا رجعة فيه بالثورة السلمية .. المقاومة المسلحة تكون في الخرطوم محل الرئيس بنوم والطيارة بتقوم .. يعني عاوزنا نكرر نفس غلطة الحركات المسلحة عشان نخليهم يضربوا أهلنا بالطائرات ويشردوهم من قراهم زي ما حصل في دارفور وجنوب كردفان .. خليها تولع في العاصمة بس . |
يا ولد ابا هارون انا عارفك زول حمش وقلبك حار مابتقبل الحقارة لكن صدقني طريقك دا مابتلقي ليهو مشجعين كتار، مؤكد بتعرف الحكمة البتقول: الموية بتفتفت الصخور الصلدة بشوية نقيطات مستمرة!
|
Post: #20
Title: Re: عنجهية (حميدتي) والمجلس العسكري ستضطر الش�
Author: Mohammed Haroun
Date: 06-04-2019, 00:33 AM
Parent: #19
Quote: الحقارة حارة يا محمد
لكن الزول بس بعاين للتكلفة العالية بالذات في منطقة زي العاصمة يسكنها حوالي 10 مليون شخص |
أخونا عبدالله مساء الخيرات .. لازم بيوتهم وقصورهم اللابدين فيها دي تتهد على روسينهم أولاد الكلب عشان أولادهم ونسائهم المثنى وثلاث ديل يضوقوا التشرد والتسول .. يا اخي ديل خربوا البلد ونهبوا أموال طائلة وتركوا الشعب على الرصيف .. التكلفة العالية حصلت وانتهت والشعب الفقران ما عنده ما يخسره ..
|
Post: #21
Title: Re: عنجهية (حميدتي) والمجلس العسكري ستضطر الش�
Author: Mohammed Haroun
Date: 06-04-2019, 00:44 AM
Parent: #20
| Quote: يا ولد ابا هارون انا عارفك زول حمش وقلبك حار مابتقبل الحقارة لكن صدقني طريقك دا مابتلقي ليهو مشجعين كتار، مؤكد بتعرف الحكمة البتقول: الموية بتفتفت الصخور الصلدة بشوية نقيطات مستمرة! |
أخونا محمد آدم سلام .. الشعب السوداني فقد ارواح غالية وتجرع مهانات وذل .. ولو ما شال السلاح الأوباش ديل حا يشدوا ويركبوا وما حا يسلموكم بلدكم إلى يوم القيامة .. تلاتين سنة شابكننا سلمية ما جابت لينا إلا المحقرة .. جهز نفسك لامن الحكاية تولع عشان تقدر تحمي نفسك ..
|
Post: #22
Title: Re: عنجهية (حميدتي) والمجلس العسكري ستضطر الش�
Author: مدثر صديق
Date: 06-04-2019, 08:50 AM
Parent: #21
اخونا محمد هارون
ممكن تجيب لينا مثال في العالم الحديث (ما بعد الحرب العالمية التانية ) نجح فيها العمل المسلح للوصول للسلطة او من الوصول لاهداف نبيلة ...
الوضع صاح سئ جدا لكن الشعب السوداني صبور و قادر للوصول الى ما يريد بالسلمية فقط .........
!!!!!!!
!
|
Post: #23
Title: Re: عنجهية (حميدتي) والمجلس العسكري ستضطر الش�
Author: Mohammed Haroun
Date: 06-04-2019, 09:59 PM
Parent: #22
Quote: اخونا محمد هارون
ممكن تجيب لينا مثال في العالم الحديث (ما بعد الحرب العالمية التانية ) نجح فيها العمل المسلح للوصول للسلطة او من الوصول لاهداف نبيلة ... |
والله أقرب مثال الوغد معمر القذافي الذي ركب في الشعب الليبي 42 سنة وسامهم سوء العذاب واستحل نساءهم وداس على شرفهم .. لامن الليبيين شالوا السلاح قتلوهوا شر قتلة وخوزقوهو بخازوق مرتب أوووي.. سلمية سلمية قال!! المقاومة المسلحة في الخرطوم العاصمة هي خيارنا الأوحد .. المجلس العسكري اليوم ألغى كل ما أتفق عليه مع قوى الحرية والتغيير ..
|
Post: #24
Title: Re: عنجهية (حميدتي) والمجلس العسكري ستضطر الش�
Author: Mohammed Haroun
Date: 06-05-2019, 08:36 PM
Parent: #23
Quote: هذا *القرد الجاهل* أسس إمبراطورية من المال و السلاح في ظل سقوط الدولة في عصر الظلام الذى كسى بعتمته كل ربوع بلادنا بإسم *المشروع الحضارى* .. فخر صناعة الإسلاميين !!!
وقال زعيم الجنجويد (التشادي) حِمِيْدْتِي قولته المشهورة/المُوثَّقة بالنص:
" *البلد دي بَلْفَهَا عِنْدَنا.. نِحْنَ أسياد الرَّبِطْ والحَلْ، مافي وَدْ مَرَا بِفِكْ لِسَاْنُو فُوْقْنَا.. نِحْنَ ما قَاعدين فِي الضُلْ، نِحْنْ فَازْعِيْن الحَرَّاْيَة، زُوْلْ مَا بَكَاتِلْ مَا عِنْدو رَأْي.. أَيِّ وَاحِد يِعْمِل مَجْمَجَة، ياها دِي النَّقْعَة، والذَّخيرة تَوَرِّي وِشَّها، نِحْنَ الحكومة، ويوم الحكومة تَسَوِّي ليها (جيش) بَعَدْ دَّاك تَكَلِّمْنَا..!* ".[/QUOTE
شوفو يا ناس حميدتي بقى يتبجح كيف!!!! البلد قدل فيها (الورل) .. دا كله بسبب سلمية سلمية ..
المقاومة المسلحة أصبحت فرض علينا كلنا والله ..
]
|
Post: #25
Title: Re: عنجهية (حميدتي) والمجلس العسكري ستضطر الش�
Author: مدثر صديق
Date: 06-06-2019, 07:49 AM
Parent: #23
| Quote: أقرب مثال الوغد معمر القذافي الذي ركب في الشعب الليبي |
و النتيجة هي كما هو ظاهر ...اصبحت ليبيا دزلتين .......او كانهم شعبين ........
السلمية هى من ازالة حكم البشير و هي القادرة على انتزاع الحقوق ...
|
Post: #26
Title: Re: عنجهية (حميدتي) والمجلس العسكري ستضطر الش�
Author: Mohammed Haroun
Date: 06-06-2019, 08:43 AM
Parent: #25
| Quote: السلمية هى من ازالة حكم البشير و هي القادرة على انتزاع الحقوق ... |
من قال لك أن حكم البشير زال؟؟ إذا استطعت أن تخدع نفسك بذلك فلن تخدع العاقلين بتلك المسرحية التي يشاهد فصولها كل العالم الآن .. انا شخصيا أناشد الشعب السوداني الشجاع المقدام بالاستعداد للمواجهة المسلحة .. الشعوب التي تتمتع بالحرية والديمقراطية والرخاء الإقتصادي لم تنل ذلك بأخوي وأخوك .. فقد حملوا السلاح وقاتلوا الطغاة .. الطاغية البشير لا زال يحكم ولازال يتمتع هو وإخوانه وأسرته وحزبه بكامل الحماية والصلاحيات عبر ما يسمى بالمجلس العسكري الإنتقالي .. لعبة مكشوفة يا مدثر .. بالله أصحى وصحصح شوية ولا تصدق منطق الكيزان الفج ..
تحياتي وان شاء الله السنة الجاية تكون والشعب السوداني بالف خير
|
|
|