Post: #2
Title: Re: نصيحة لحميدتي .. يا ولدضمي..
Author: حسن ادم محمد العالم
Date: 05-30-2019, 09:17 PM
Parent: #1
حبيبنا محمد ادم رمضان كريم
التجربة التي لا تورث حكمة تعيد نفسها
|
Post: #3
Title: Re: نصيحة لحميدتي .. يا ولدضمي..
Author: Mahjob Abdalla
Date: 05-30-2019, 09:32 PM
Parent: #2
سلام محمد ادم
تعرف جاني تسجيل واتساب من واحدة عرفت نفسها (بنت عمك) لحميدتي, قدمت ليهو نصائح غالية و كلام عقل ما تتخيل.
اتمني انو حميدتي يسمعا التسجيل ربما يغير رأيو.
___________
في التسجيل قالت لو "ولضمي"
|
Post: #4
Title: Re: نصيحة لحميدتي .. يا ولدضمي..
Author: Mohamed Adam
Date: 05-30-2019, 09:49 PM
Parent: #1
مايجري بساحة القيادة العامة وبالشارع السوداني هو تأريخ في طورو التشكلي...
التأريخ، في غني تام عن زول يحلف بالله ويقول هو صادق وزول كلامو بره وما بيعرف الدسدسة وتكبيرتو وتهلليلته مازي بتاعت النظام البائد إنما هي بتاعت ربنا وهو فقط عايز يرضي ربنا.. عشان كدا هو واقف قلبا وقالبا مع الثورة و الثوار!
الثورة مابتهم بداخل النوايا بقدر ما هي بتهتم بالخارج(الواقع)..
بمعني؛ الناس ماعايزة تعرف علاقتك مع ربك شنو بقدرما هي عايزة تعرف علاقتك معاهم كيفين هي، هل هي بطالة ام هي كويسة... ودا يكون البيان بالعمل اصلو مابيكون بالنواية الحسنة ولا بالتسر خلف سليقية البداوة و الريف..
قيادة الناس ما عايزة عفوية بل عايزة تفهم للواقع ودا يعني هي علم في حد زاتو، يهتم بكل تفاصيل حياة الثوار(بواقعهم)..
الثورة بالسودان الآن قوية ومتينة ... وقوتها في سلميتها.. وتيارها يجرف اعتي التنظيمات القمعية... ودا يعني قوة السلاح او كثرة العسكر لايجديان في كبح جماحها...هذة الثورة ليست نزهة بعربات الدفع الرباعي زي تجاربك الماضية الكانت بچرتتي، وادي هور او بقوز دنقو وإنما هذة الثورة مختلفة عن كل ذلك لأنها صحراء ومحيط في آن واحد... تهلك الدليل وتغرق العوام وكل من كان تجهيزاته غلط وغير مواكبه... وإنت يا ولدضمي تجهيزاتك "لنصرة" هذه الثورة غلط في غلط وكمان ما مواكبة.. حتي مستشارينك غلط، لأنهم كيزان امثال الرزيقي ومسااار تور ام جاعورة.....
التأريخ هو حوادث تتشكل في الواقع والواقع يرسلها للمستقبل كما هي.. نعم قد تتعرض لتزوير هنا وهناك، لكنو لايسمن ولايغني من جوع وح يكشف امرة طال الزمن او قصر.
سلم للثوار تسلم.
|
Post: #5
Title: Re: نصيحة لحميدتي .. يا ولدضمي..
Author: Biraima M Adam
Date: 05-30-2019, 10:09 PM
Parent: #4
| Quote: حبيبنا محمد ادم رمضان كريم |
آزول ها يا ول أبا حسن العالم .. ناس كندا .. ديل ذي زولنا بتاع الضهاري .. شاف الناس غسلوا ملابسهم وشارنها في أشجار الغبيش والكرسان ..
سألهم .. آناس هوووي .. الناس ديل مصوبنين ملابسهم مالهم ..؟ عندهم عرس؟ ..
واحد رد عليه: آزول أت ما جايب خبر .. باكر العيد؟
زول الضهاري رد: رمضان جاء وفات .. والله كنت عايز لي فيه يوم!
ول أبا محمد أدم ما تزعل من أخوك .. بقرك عليك .. قالوا ناس كندا ما بصوموا .. نهارهم طويل .. بقتلوا رمضان والشمس فوق ..
التحية للقائد الهمام حميدتي ..
بريمة
|
Post: #6
Title: Re: نصيحة لحميدتي .. يا ولدضمي..
Author: Mohamed Adam
Date: 05-30-2019, 10:15 PM
Parent: #4
مرحب بالأخ والزميل عالم.Quote: حبيبنا محمد ادم رمضان كريم
التجربة التي لا تورث حكمة تعيد نفسها |
ولدبا دا مغشوش من الناس الحواليو بتوقعوا تجربتو بتاعت الثورة المسلحة بغرب السودان هي نفسها تجربة الثورة السلمية بالقيادة العامة.. عشان كدا تجربته ح تعيد نفسها غلط لأنو جاب معاهو نفس الأدوات الحارب بيها الأولي ليحارب بيها الثانية... وشتان مابين الأولي والثانية...!!
|
Post: #7
Title: Re: نصيحة لحميدتي .. يا ولدضمي..
Author: ترهاقا
Date: 05-30-2019, 10:55 PM
Parent: #6
ناس المجلس العسكري بيحرقوا فيهو في نار هادئة ، يا ريت مستشارينو الصحفيين الكيزان دييل يفهموهو
|
Post: #8
Title: Re: نصيحة لحميدتي .. يا ولدضمي..
Author: Mohamed Adam
Date: 05-31-2019, 02:38 AM
Parent: #7
سلام يا الهبييب محجوب ود حي مجمج| Quote: اتمني انو حميدتي يسمعا التسجيل ربما يغير رأيو. |
ولدضمي "ضقلو" دا بعد زيارتو لمحمد بن سلمان، شالتو الهاشمية وجاتو الهوشا بتاعت الحكم تاني خلاس عنافي وخرط الرسن من راسو، تاني مابسمع لبت عمو ولا بيسمع نصيحة من اي زول.... عايرة(جافلة) وأدوها سوط.... الزول دا اخشي ما اخشي انو يقوم يطبز ويعامل الثوار بمقولتك البتكرها يامحجوب والمشهورة بتاعت: "العربي لحنلو واللمباوي بينلو"..يبقي مهما لحن او بين للثوار ولدضمي حميدتي دا اقولها ليك بالفم المليان طامع عدييييييل في حكم السودان ... غايتو الله يكضب الشينة !!.
|
Post: #9
Title: Re: نصيحة لحميدتي .. يا ولدضمي..
Author: Mohamed Adam
Date: 05-31-2019, 03:01 AM
Parent: #8
ولدضبا ولدي بالإسم، بريمة "محمد آدم"| Quote: قالوا ناس كندا ما بصوموا .. نهارهم طويل .. بقتلوا رمضان والشمس فوق .. |
انا غايتو صايم.. لا لشيء إلا ان الصوم رياضة روحية مابتتعوض وكذا الصلاة وعندي الوضوء اهم من الصلاة وعندي الجوع في الصوم اهم من الشعيرة نفسها.. عشان كدا إطمئن ما ح افرط عليه حتي لو يدخلوني في النار !
آها قصرت معاك يا الله كدا قولي رايك في تور الخزف صاحبك ولدضبا حميدتي!!
|
Post: #10
Title: Re: نصيحة لحميدتي .. يا ولدضمي..
Author: Biraima M Adam
Date: 05-31-2019, 05:39 AM
Parent: #9
| Quote: آها قصرت معاك يا الله كدا قولي رايك في تور الخزف صاحبك ولدضبا حميدتي!! |
ههههاي يا ول أبا ... والله لا أحبك إلا لصدقك مع نفسك .. وهكذا ول أبا حميدتي .. صادق مع نفسه مثلك ..
أتمني ول أبا دكتور بدر السنوسي يمر من هنا ..
بريمة
|
Post: #11
Title: Re: نصيحة لحميدتي .. يا ولدضمي..
Author: Kabar
Date: 05-31-2019, 08:42 AM
Parent: #10
ول ابا محمد ادم..حبابك يا صديقي
غايتو ول ابا حميدتي بقي لينا زي بيضة امكتيتي: كن شلتها بتكل امك ..وكن خليتها بتكتل ابوك..!!
اخونا عبد الله مسار بتاع مواسير..وتشهد المنطقة..!!
الصادق الرزيقي ..جلابي سبابي ساكت..!
كبر
|
Post: #12
Title: Re: نصيحة لحميدتي .. يا ولدضمي..
Author: Mohamed Adam
Date: 05-31-2019, 09:27 AM
Parent: #11
اخونا كبر حياك الله وبياك.Quote: غايتو ول ابا حميدتي بقي لينا زي بيضة امكتيتي: كن شلتها بتكتل امك ..وكن خليتها بتكتل ابوك..!!
|
صاحبك زي الحسكنيت يا في جسمك يا في هدمك، سيك سيك معلق فيك(بقصد التكاثر بالإنتشار)!Quote: خونا عبد الله مسار بتاع مواسير..وتشهد المنطقة..!!
الصادق الرزيقي ..جلابي سبابي ساكت..! |
ولدضمي دا، مستشارينو بقو زي الديك الأجاويدو عيالو اليوم كلو لافين ببحتو !!
|
|