حميدتي واخوهو ... اسكت يا زول ... اضحك يا زول

رابط الفيديو:

تداول سودانيون عبر مواقع التواصل الاجتماعي مقطع فيديو قالوا إنه يظهر اللواء عبد الرحيم حمدان دقلو شقيق الفريق أول محمد حمدان دقلو “حميدتي” نائب رئيس المجلس العسكري الانتقالي وهو يخوض سجالا مع موظفي شركة الكهرباء في الخرطوم المشاركين في الإضراب أمس الثلاثاء.

ويظهر اللواء عبد الرحيم -وهو نائب شقيقه حميدتي في قيادة قوات الدعم السريع- مخاطبا المضربين على خلفية مطالبتهم المجلس العسكري بتسليم السلطة إلى المدنيين، فيسألهم إن كان سيرضي السودانيين تسليم السلطة لقوى إعلان الحرية والتغيير؟ ملمحا إلى أنه لا إجماع على ذلك.

لكنه فوجئ برد المحتجين الذين قالوا في صيحة واحدة “نعم يرضينا”، ليزداد التوتر بعد ذلك، فيصيح اللواء عبد الرحيم “اسكت يا زول”، ثم يمضي ليقول إن بين المحتجين “عناصر مندسة”.

حظي الفيديو بكثير من التعليقات على مواقع التواصل الاجتماعي، إذ قال بعض المعلقين إن موظفي الكهرباء “أفحموا” شقيق حميدتي، وكتب أحدهم إن هذا هو “رد الشعب” على شقيق حميدتي.

وتساءل ياسر إبراهيم “ما هي صفة شقيق حميدتي وهو يخاطب مهندسي الكهرباء؟”، ورأى أن ما تفعله قوات الدعم السريع لم يفعله النظام السابق “من إذلال وإرهاب للموظفين”.

https://twitter.com/i/status/1133413745072459777https://twitter.com/i/status/1133413745072459777

=

تحياتي يا جعفر
...
..
.

كلامه ده بيعكس ما يدور في أروقة المجلس العسكري، تفتكروا أي تفاوض حينفع مع الناس دييل؟
القصة بقت قلع ، وبعدين تعيين النائب اخو حميدتي بدييل دي كيف ؟ مش قالوا الدعم السريع من رحم الجيش؟
وبصفته شنو بيخاطب الناس دييل؟

شكرا يا الصادق علي الفيديو

Quote: وبصفته شنو بيخاطب الناس دييل؟

طبعا يا ترهاقا ده فهم المجلس وفهم اخوهو
فاكرين انو الناس دي كلها عبارة عن بهايم ما بقدروا يديروا بلد
والوحيد البقدر يديرها ياهو حميدتي
حقيقة ما عارف منو الزارع ليهم الاوهام دي في راسهم وفي راس حميدتي
ياخي ديل لا بفهموا لا بتعلموا ابدا
ناس يردوا عليك قدامك تقول مندسين .... الزول ده عايش في احلامو

انتو في هو و لا في الجماعة المعاهو ماسكين سلاحهم معمر و وجوههم بتقول انهم مستعدين يفكو رصاص لو الزول داك ما سكت.

____________
سؤالي, القاعد ينظم اللقاءات ده منو و الناس البتقعد تسمع ليهم ديل فيهم مدير المؤسسة (مجبور علي الصلاة)؟

Quote: حقيقة ما عارف منو الزارع ليهم الاوهام دي في راسهم وفي راس حميدتي

الصحفيين الانقاذيين سيئي السمعة كلهم ملمومين على حميدتي ، ويمكن بقوا مستشارين ليهو كمان

السلام عليكم
المشكلة ما في اللواء عبدالرحيم المشكلة في حرسه
صباعه علي الزناد
ً. الكلام لما ما يعجبه يضغط لا شعوريآ
غايتو ربنا نجا الحضور
الزول ده ما يدوه سلاح معمر

Quote: الجماعة المعاهو ماسكين سلاحهم معمر و وجوههم بتقول انهم مستعدين يفكو رصاص لو الزول داك ما سكت

وهو لو ما حرسو ما حرسو ديل بقدر يقول كلامو ده
كان علقوهو ليك من رجلينه زي ظونون

لواء الخلاء دا قبل كدة اجتمع بناس الكهرباء في بداية رمضان دا ايام القطوعات وافتكر انه اخد منه قسم الولاء والطاعة
ودا رد فعل طبيعي انه فيهم مندسين.. ماياها اللبانه..
تربية كيزان علي خلاء بتعمل اكتر من كدة.

Quote: الكلام لما ما يعجبه يضغط لا شعوريآ غايتو ربنا نجا الحضور

مشكلة كبيرة غير انو معظمهم شفع وصغار وراسهم محشي باوهام كتيرة ... تبعيتهم عمياء وثقافتهم ثقافة حرب ... ما مميزين بين منطقة عسكرية ومنطقة مدنية
طبيعي في لحظة انفعال او احساس خاطئ بخطر ممكن يطلقوا النار ... زي ما حصل اكثر من مرة

عشان كدة بننادي بوقات الشرطة والجيش السوداني كقوات نظامية ومدربة علي التعامل مع مواقف زي دي .... قدر التدريب الاتدربوهو افضل بمليون مرة من ديل
الله يستر علي الناس في كل مكان