حميدتي ليس سوي بلطجي وقواته ليسوا سوي جنجويد ويومهم قريب

03:10 PM May, 28 2019

سودانيز اون لاين
Gafar Bashir-
مكتبتى
رابط مختصر

بلطجة وتعديات علي المواطنانين في المؤسسات والبنوك الحكومية
وفوضي كبيرة
نتيجة حتمية
لوجود مليشيات الجنجويد في الخرطوم بلا رادع ولا والي

هذا الكائن وقواته خطر على السودان وشعبو وافضل شىء ان يلم قواتو ويمشى يتكامل طه فى السعوديه فى خدمه التاج السعودى فى مواجهه اليمن وايران.

لا يعقل ان تكون دولة كاملة تدار من قبل مليشيا
لا شرطة ولا جيش

ياخي نحن بنفاوض في المجلس العسكري ده علي اساس
مش اساس الامن الفالقنا بيهو

وين الامن خلال الفترة الماضية

ده شغل بلطجة وقلة ادب جنجويد ومليشيات حميدتي
حقيقة الواحد ما بيامل ان تنفلت الامور لكن لو انفلتت
والله لا جنجويدهم ولا جيشهم بيحميهم

هم شافوا الثورة السلمية
لكن ما شافوا ثورة مسلحة

Quote: بلطجة وتعديات علي المواطنانين في المؤسسات والبنوك الحكومية وفوضي كبيرة نتيجة حتمية

في الفاشر حصلت مرتين كان مرتباتهم اتأخرت لمدة يوم او يومين, احتلو الفاشر و ما طلعو منها تجاه الخلا الا بعد وصول عبدالرحيم حسين و علي عثمان بالكاش من الخرطوم و تسليمهم مرتباتهم.

Quote: لوجود مليشيات الجنجويد في الخرطوم بلا رادع ولا والي

كلنا متفقين في (ما هذا ولماذا)
لكن ما عرفنا فهمكم في الكيفية التي يمكن أن
نخلص بها من اللغم الذي زرعه الكيزان أولاد الحرام
كيف الخلاص من هذه الملشيات؟
ما هي رؤيتكم في كيفية الخلاص من هذه الملشيات ؟
لأنو دا السؤال المهم هل اطمع في اجابة ؟

Quote: هذا الكائن وقواته خطر على السودان وشعبو وافضل شىء

دي رغبة الجميع لكن كيف تتحقق ؟!
الإضراب والإعتصامات ممكن تؤثر على القوات النظامية
لكن مستحيل تضر بملشيات أهلية
بل مؤكد تغذيها وتقويها وتطيل في عمرها
التوحد والائتلاف والاستقرار والتوافق والتعقل وترك العراك الحزبي الضيق
بين كيانات المعارضة للكيزان
هو ما يمكن أن يوصل لنهاية لهذه الملشيات بدمجها في القوات المسلحة
أو تجريدها من السلاح وتسيرحها.

الشغله بقت نفش ريش ومغالطه وملاواه مع الشعب
عبدالرحيم دقلو يخاطب موظفى الكهرباء (باى صفه ؟؟؟!!!) ويقول كان ادوها للناس البفاوضو فى المجلس بترضو ولما الناس قالت ايوه اعلى صوت يدا فى كلام اسكت يازول وانتو فى ناس مزروعين جواكم و........
الناس دى فكوهم فى خلق الله وملو راسهم بكلام فارغ خاصه وانهم فجاه بالسلاح وسوط العنج بيحاولو يفرضو سلطه لا حق لهم فيها واصبحوا تذير فتنه فى البلد .

العمالة لامراء الخليج لكن الكلمة عندنا نحن في النهاية

عايز يمشي الخليج الطريق يفوت جمل

الشغله بقت نفش ريش ومغالطه وملاواه مع الشعب
عبدالرحيم دقلو يخاطب موظفى الكهرباء (باى صفه ؟؟؟!!!) ويقول كان ادوها للناس البفاوضو فى المجلس بترضو ولما الناس قالت ايوه اعلى صوت يدا فى كلام اسكت يازول وانتو فى ناس مزروعين جواكم و........
الناس دى فكوهم فى خلق الله وملو راسهم بكلام فارغ خاصه وانهم فجاه بالسلاح وسوط العنج بيحاولو يفرضو سلطه لا حق لهم فيها واصبحوا تذير فتنه فى البلد .

Quote: وانهم فجاه بالسلاح وسوط العنج بيحاولو يفرضو سلطه

طبعا يا عاصم قدر ما اتخيل شفع صغار شايلين ليهم سلاح وسوط عنج
والفهم الفي راسهم هو تاديب الشعب
اقول انعل ابو السلمية
ديل لو الناس سايقاها سلمية كان كل واحد فيهم اكل سوطو وسلاحه

يا منتصر عاين دول العالم دي كلها بيحصل فيها شنو
ياخي ما في دولة فيها جيش وشرطة
تلقي مليشيات منفلتة وحايمة وشايلة السلاح لا خاضعة لمنطق ولا قيادة دولة
مافي بلد في العالم فيها الفوضي والكلام الفارغ ده

يفرض الجيش والسلطة سيطرنهم علي البلد الفاكة دي
ويتم جمع السلاح الحايمين بيهو الشف ديل
يدخلو في القوات النظامية
ولا لو عاشقين الموت يمشو يحرروا لينا حلايب دي
النشوف نفشة ريشهم واللسان الطويل حدو وين
يعني عشان النناس سايقاها سلمية

الكائن دا مفتكر الحكم شنو فى ظل دوله ديمقراطيه هو حكم مطلق وتحكم فى الشعب زى مابعمل هسى وهو مجرد (قاعد على الكرسى بفرده واحده) طيب لو اتوهط حيعمل شنو ؟؟؟
العساكر يتاعين المجلس ديل وروهم شنو مفهوم الحكم البنسعى ليهو .كلموهم انو معناهو تكون خادم للشعب (مش مرفه ومتعدى على حق الشعب اواموالو)

كنت بسمع في ناشط دارفوري ضليع اسمو ابوغزالة يتكلم عن ماهية الجنجويد أو الدعم السريع
وأوضع أن هنالك مجموعة كبيرة من بوكو حرام انضمت إلى الدعم السريع بعد إقناعم بأن
الحوثيين اشد كفراً ويجب قتلهم ، يعني الحايمين في الخرطوم دييل احتمال نصهم جماعة بوكو حرام
وناس بوكو حرام دييل معروفين اكتر ناس بيحتقروا المرأة وشوفو حصل شنو اليو م في البنك المركزي، ضربوا نسوان
تخيلوا؟ وكسروا ليهم جوالاتن دييل رجال دييل؟

up