Post: #1 Title: صاحب السمو الملكي حميدتي ده شرب في السعودية شنو ؟ Author: Gafar Bashir Date: 05-28-2019, 01:54 AM
يهدد ويتوعد ويرغي ويزبد ياخ ما قالو ليك ما تتكلم
يا ريت لو سمعت كلامهم
Post: #2 Title: Re: صاحب السمو الملكي حميدتي ده شرب في السعود� Author: Asim Ali Date: 05-28-2019, 02:28 AM Parent: #1
من خطابو ذاتو ماقدر يدس الخوف من المحاكمه(دايرين يحاكمونا بى قانوننا) لو استلم المدنيين السلطه. القاعده البيهضرب بيها دى قاعده الناس الكيزان/الدوله العميقه الداير يفرضهم بالقوه على حساب قوى الثوره. بعدين اعذرو الزول فجاه لقى روحو فى وضع ماكان يحلم بى نصو انو يتحكم فى شئون بلد ومغشوش بى عقالات بلا عقول
Post: #3 Title: Re: صاحب السمو الملكي حميدتي ده شرب في السعود� Author: عبد الصمد محمد Date: 05-28-2019, 02:34 AM Parent: #2
شرب من حكمة محمد بن سلمان ما شفتوا في التلفزيون قاعد يستمع ليه كما التلميذ النجيب
Post: #4 Title: Re: صاحب السمو الملكي حميدتي ده شرب في السعود� Author: Gafar Bashir Date: 05-28-2019, 02:35 AM Parent: #2
والله يا عاصم كلام يحير ده بتكلم عن قواعد شعبية غير موجوده الا في مخيلته واوهامو ... مصور ليهو وواهمينو انو هو يمتلك الجيش والشرطة وجهاز الامن والمرور اضافة لي فلول احزاب الفكة الجمعهم قبل ايام ديل ...
ياخي الناس ديل لا بتعلمو لا بهمو لا بعقلو... ده نفس المسار المشي فيهو عمر البشير وسقط قبل شهرين وكان فعلا يمتلك كل هذه القوي العسكرية مع قواعد عريضة من الاسلاميين حقيقية وليست اوهام
لكن حميدتي شكلو موهوم وهمة كبيرة
Post: #5 Title: Re: صاحب السمو الملكي حميدتي ده شرب في السعود� Author: Gafar Bashir Date: 05-28-2019, 02:43 AM Parent: #4
Quote: شرب من حكمة محمد بن سلمان ما شفتوا في التلفزيون قاعد يستمع ليه كما التلميذ النجيب
تعرف كل الاوهام دي يومين وتظهر ليهو حقيقتها ... لكن المشكلة ما بتعلم ... حايقفز للامام بدل من تحكيم الواقع والعقل والمنطق لمن يقع علي راسو
هسي اول ما قالو ليهو مرتب تلاتة شهور طارت ليهو في راسو ... لانو دي الحقايق والواقع القدامو وحاتجيهو واحدة ورا التانية ... هو قايلها شوية قروش يرميها مرة وخلاص اشتري بيها الشعب السودااني دي دولة كاملة والاف الموظفين والمرتبات والزيادات والبدلات محتاجة اقتصاد قوي ومنتج ال 250 مليون دي موية للصايمين ما بترويهم وكثرة التكرار بتعلم الشطار
Post: #6 Title: Re: صاحب السمو الملكي حميدتي ده شرب في السعود� Author: Mohamed Adam Date: 05-28-2019, 03:51 AM Parent: #5
الشاربين مستشارينو
Post: #7 Title: Re: صاحب السمو الملكي حميدتي ده شرب في السعود� Author: Gafar Bashir Date: 05-28-2019, 04:28 PM Parent: #6
Quote: الشاربين مستشارينو
والله يا محمد ادم الوواحد متمني ان يكون ده الحال في النهاية برغم تاريخ حميدتي المخزي في دارفور الناس ادوهو فرصة وشكروا ليهو كلامو عن وقوفو مع الثوار
لكن من سقوط البشير لحد الان وضح انو الموضوع كلو كذبة واستغفال للسودانيين مفتكرين انو القصة فهلوة وشطارة
لو عندو مستشار واحد عاقل مفروض يوجهو انو اللطريق ده نهايتو صعبة لكن علي قولك
Post: #8 Title: Re: صاحب السمو الملكي حميدتي ده شرب في السعود� Author: Mahjob Abdalla Date: 05-28-2019, 06:13 PM Parent: #7
Quote: الناس ادوهو فرصة وشكروا ليهو كلامو عن وقوفو مع الثوار
دي الغلطة الارتكبوها الناس لكن برضو كويس انو الزول ده فك اخرو سريع بدل ما كان تصدقو و يظهر علي حقيقتو بعد كم سنة.
Post: #9 Title: Re: صاحب السمو الملكي حميدتي ده شرب في السعود� Author: نادر الفضلى Date: 05-28-2019, 11:41 PM Parent: #8