مقتطفات من اقوال حميدتي: *غشتنا شعارات قوى الحرية و التغيير وظهرت نياتهم الحقيقية. *لن نوقف التفاوض و لكن يجب (اشراك الجميع) في الحراك السوداني. * ليس هناك ما هو اكثر منا قاعدة شعبية. * قوى الحرية و التغيير هدفها ان نسلمها السلطة و نعود لثكناتنا. *ثمة قوى تسعى لزرع الفتنة بين القوات المسلحة. * تشكيل حكومة خلال 3 شهور تكون قوى الحرية والتغيير (جزء منها). ..................................................................................
يبدو المجلس العسكري يريد اشراك فلول النظام السابق + الدواعش
Post: #2 Title: Re: حميدتي و تصريحات نارية في لقائه بالشرطة Author: عبدالعظيم عثمان Date: 05-27-2019, 07:07 PM Parent: #1
مافي حل مع اللجنة الأمنية دي يا ناصر الا البل حميدتي صدق نفسه الناس ديل لازم يعرفوا إنو الشعب عاوز حقه كامل وميزان تاني ما بحكموا الا علي جماجم الشعب السوداني ديل بيلعبوا ولا شنو تخيل الكوز رئيس اتحاد النيلين 1996 كان مرافق لي برهان في رحلته الخارجية دا شغل كيزان وتصريحات حميدتي تصريحات كيزان مافي حل مع الكيزان الا البل بل زي يوم 6 أبريل وتسقط اللجنة الأمنية
Post: #3 Title: Re: حميدتي و تصريحات نارية في لقائه بالشرطة Author: محمد البشرى الخضر Date: 05-27-2019, 07:20 PM Parent: #2
حميدتي بالمناسبة يقول ما يلقى على مسامعه احيانا دون ا يفهمه حتى لو تذكر الورقة الكان بقرا منها الانتهاكات المزعومة في المؤتمر الصحفي الجاب فيه سيرة نزيل ذو النون من المنصة! الليلة برضو بقول كلام ما فاهمه شوف حديثه عن التمثيل النسبي! وآخر حديثه يناقض اوله واضح انه بيان حزب الامة امس حديثه عن الانتخابات له ما بعده يبدو ان هذا هو الاتجاه, لا مجال للاعتراف بالمجلس العسكري بعد اسبوعين الباقيات من مهلة الاتحاد الافريقي و مافي طريقة تسليم الحكم لقوى الحرية و التغيير الآن قدامهم الطريق التالت انتخابات مبكرة او تشكيل حكومة مدنية فيها وفيها.
عموما تجمع المهنيين قدامه دور كبير اول شي يتحلل ويتفك من قيود التحالف الصار تناحر و تشاكس حزبي دا ويعود يقود ثورته بالطريقة البعرفها و المرة دي لابد وكما قال الراحل حسنين الله يرحمه يكونوا جاهزين بخطاب واحد للمجلس او اللجنة او غيرها, دي حكومتنا المدنية فلان وعلان سلموها السلطة وسموا لينا وزير دفاع ووزير داخلية وانتهينا نسخة للتحاد الافريقي, الامم المتحدة و كل السفارات
Post: #4 Title: Re: حميدتي و تصريحات نارية في لقائه بالشرطة Author: Asim Ali Date: 05-27-2019, 07:44 PM Parent: #3
Quote: نسخة للاتحاد الافريقي, الامم المتحدة و كل السفارات
والبرهان زار السيسى رئيس الدوره الحاليه للاتحاد الافريقى ولللاسف الناس ماشافت البعد دا فى كلاما عن زياره البرهان لمصر
Post: #6 Title: Re: حميدتي و تصريحات نارية في لقائه بالشرطة Author: محمد البشرى الخضر Date: 05-27-2019, 07:47 PM Parent: #4
رئاسة دورة الاتحاد الافريقي لا تعطيه قدرة على تغيير القوانين - على الاقل في الفترة القليلة المتبقية- استطاع الضغط وتمديد المهلة مرة ودا حده هو نفسه حتى يخرج مصر من المأزق اضطر للاستعانة بعدلي منصور قبل ان يخلع اليونيفورم و يستلمها بالانتخابات
Post: #8 Title: Re: حميدتي و تصريحات نارية في لقائه بالشرطة Author: Asim Ali Date: 05-27-2019, 08:34 PM Parent: #6
ود البشرى ماضرورى يكون الموضوع تمديد زمنى وانما خيارات بديله (بدعوى تسليمالسلطه للشعب ) ربما اتفاق على طرح خيار انتخابات مبكره مثلا. وشىء مايحدث شايفنو محاولات استقطاب الشعب باساليب مختلفه حتى فى دارفور فى اخبار عن تحركات غريبه لكسب التاييد
Post: #5 Title: Re: حميدتي و تصريحات نارية في لقائه بالشرطة Author: Mahjob Abdalla Date: 05-27-2019, 07:46 PM Parent: #3
Quote: عموما تجمع المهنيين قدامه دور كبير اول شي يتحلل ويتفك من قيود التحالف الصار تناحر و تشاكس حزبي
سلام ود البشرى ده الكلام المفترض يحصل من اول يوم.
Post: #7 Title: Re: حميدتي و تصريحات نارية في لقائه بالشرطة Author: كمال عباس Date: 05-27-2019, 08:33 PM Parent: #5
تجمع المهنيين سيقود كل القوي الوطنية الثورية التي ثبتت علي اعلان. الحرية والتغيير ومقرراته وعلي قرار الاغلبية المدنية في مجلس السيادة المثبت عليه من قبل قوي الحرية والتغيير وسيقود. القوي التي تنادي بالإضراب السياسي !! وليذهب من يرفض قرار الإضراب ويخذل عن العسكر !!
Post: #9 Title: Re: حميدتي و تصريحات نارية في لقائه بالشرطة Author: Nasser Amin Date: 05-27-2019, 08:40 PM Parent: #5
يا مراحب بالاخوة
Quote: ليس هناك ما هو اكثر منا قاعدة شعبية.
ماذا يقصد حميدتي بهذه الجملة؟ العسكري يجب الا تكون له قاعدة شعبية! هل اتفق مع حزب سياسي و يتكلم بلسانه؟ ...................................................................
Quote: لن نوقف التفاوض و لكن يجب (اشراك الجميع) في الحراك السوداني.
اشراك الجميع يعني اشراك الكيزان و الدواعش و هذا ما يتناقض مع رغبة حلفاء و داعمي المجلس و موقفهم واضح من الاسلام السياسي. ...................................................................
*الحل في استلام تجمع المهنيين زمام الامور الآن و تفعيل الجداول و الفعاليات.
Post: #10 Title: Re: حميدتي و تصريحات نارية في لقائه بالشرطة Author: محمد البشرى الخضر Date: 05-27-2019, 11:09 PM Parent: #9
Quote: ربما اتفاق على طرح خيار انتخابات مبكره مثلا.
دي يا عاصم للأسف اكاد أراها رأي العين بيان حزب الامة أمس لم يكن عن موضوع الاضراب فقط, فيه فقرة تحدثت عن الانتخابات العامة ودا اول مرة يصدر عن أحد مكونات التحالف كدا الصورة وضحت وما محتاجة السيسي او الاتحاد الافريقي حتى, دي زي ما بقولوا الضربة جات من الكرمك!
Post: #11 Title: Re: حميدتي و تصريحات نارية في لقائه بالشرطة Author: Ali Abdalla Hassan Date: 05-27-2019, 11:19 PM Parent: #10
ناصر أمين أنا ما لاحظت إنك فاتح بوست لنفس الخطاب .. ولذلك فتحت بوست آخر
Post: #12 Title: Re: حميدتي و تصريحات نارية في لقائه بالشرطة Author: Gafar Bashir Date: 05-27-2019, 11:41 PM Parent: #11
Quote: هل اتفق مع حزب سياسي و يتكلم بلسانه؟
هههههههه حميدتي ده زول الله ساي شايلاهو الهاشمية خليهو بس يدفع للناس ديل مرتباتهم وبعدها نشوف الشهر التاني
حميدتي المسكين بتكلم عن احزاب الفكة والفلول والتجنيد الشغال فيهو الايام دي مع الادارات الاهلية... قال قواعد قال ... الايام الجاية حايعرف قواعده كويس
Post: #13 Title: Re: حميدتي و تصريحات نارية في لقائه بالشرطة Author: محمد البشرى الخضر Date: 05-27-2019, 11:46 PM Parent: #12
لاحظت قاليهم معليش يا اخوانا الحافز ح يكون بالاساسي انتو عارفين الظروف!! شكله القصة ضغطت و لقى قصة التلاتة شهور دي ح تكمل الجبل هههه
Post: #14 Title: Re: حميدتي و تصريحات نارية في لقائه بالشرطة Author: Mahjob Abdalla Date: 05-28-2019, 00:01 AM Parent: #13
لو افترضنا في انتخابات حرة و نزيهة و ناس الدولة العميقة قعدو جنب, منو عندو في الاحزاب عندو فرصة الفوز باغلبية؟
Post: #15 Title: Re: حميدتي و تصريحات نارية في لقائه بالشرطة Author: Mutasim Idris Date: 05-28-2019, 00:11 AM Parent: #14
Quote: منو عندو في الاحزاب عندو فرصة الفوز باغلبية؟
بعد تلاتين سنه ح تطلع درون يا محجوب ههههههههه
Post: #16 Title: Re: حميدتي و تصريحات نارية في لقائه بالشرطة Author: كمال عباس Date: 05-28-2019, 00:12 AM Parent: #14
سلام أخ محجوب !
Quote: لو افترضنا في انتخابات حرة و نزيهة و ناس الدولة العميقة قعدو جنب, منو عندو في الاحزاب عندو فرصة الفوز باغلبية؟
المجلس العسكري لايملك صلاحية أوسلطة إعلان إنتخابات ( مبكرة أو متأخرة) هذا قرار وسلطة جهاز تشريعي - وتنفيذ وحكومة مدنية ..
Post: #17 Title: Re: حميدتي و تصريحات نارية في لقائه بالشرطة Author: وليد زمبركس Date: 05-28-2019, 00:27 AM Parent: #1
تحياتي استاذ Nasser Amin مماطلات المجلس العسكري صارت جلية و واضحة للعيان ، كنت اتوقع من قوي الحرية و التغيير أن يضغطوا علي المجلس العسكري اكثر و ذلك بمطالبته بإضافة مجموعة أخري للمجلس تمثل الضباط المفصولين من الخدمة تعسفيا ، فكما أن المجلس العسكري يصر علي أن هناك قوي ثورية أخري غير قوي الحرية و التغيير ، فهناك أيضا قوي وطنية أخري تم إبعادها من الجيش يلزمنا أن نستعين بها لترجيح كفة الصراع لصالح القوي الوطنية ، فالقضية لا تكمن في عسكري مقابل مدني ، بل أن الاصل يجب ان يكون داعمو الثورة مقابل داعمو الحركة الاسلامية و الذين لا يسعون لإنهاء سلطتها عساكر كانوا ام مدنيون . القضية هي ثوار مقابل سدنة و ليس عساكر مقابل مدنيين .
Post: #18 Title: Re: حميدتي و تصريحات نارية في لقائه بالشرطة Author: Asim Ali Date: 05-28-2019, 04:01 AM Parent: #17
هذا الكائن لبس جلابيه اكبر منو . فى حديث لى مع جارى لى من دارفور قلت ليهو الزول بيجهز نفسو عشان يبقى رئيس .اكد لى بى شواهد بيعملها فى دارفور واستدرك جارى قائلا لو بقى رئيس نحنا ننفصل بس.(اسماعيل وينو يسمع الكلام دا) الزول دا مفروض يقعد فى علبو ومايجيب كفوه للبلد. مازالت قناعتى بوجوب ان يكون هو ومجموعتو تحت مكون تحت قياده القوات البريه تضعو فى مكانو الصحيح مش فوق فى مجلس اعلى للجيش او لجنه امنيه.
Post: #19 Title: Re: حميدتي و تصريحات نارية في لقائه بالشرطة Author: Asim Ali Date: 05-28-2019, 04:01 AM Parent: #17
هذا الكائن لبس جلابيه اكبر منو . فى حديث لى مع جارى لى من دارفور قلت ليهو الزول بيجهز نفسو عشان يبقى رئيس .اكد لى بى شواهد بيعملها فى دارفور واستدرك جارى قائلا لو بقى رئيس نحنا ننفصل بس.(اسماعيل وينو يسمع الكلام دا) الزول دا مفروض يقعد فى علبو ومايجيب كفوه للبلد. مازالت قناعتى بوجوب ان يكون هو ومجموعتو تحت مكون تحت قياده القوات البريه تضعو فى مكانو الصحيح مش فوق فى مجلس اعلى للجيش او لجنه امنيه.
Post: #20 Title: Re: حميدتي و تصريحات نارية في لقائه بالشرطة Author: Asim Ali Date: 05-28-2019, 04:01 AM Parent: #17
هذا الكائن لبس جلابيه اكبر منو . فى حديث لى مع جارى لى من دارفور قلت ليهو الزول بيجهز نفسو عشان يبقى رئيس .اكد لى بى شواهد بيعملها فى دارفور واستدرك جارى قائلا لو بقى رئيس نحنا ننفصل بس.(اسماعيل وينو يسمع الكلام دا) الزول دا مفروض يقعد فى علبو ومايجيب كفوه للبلد. مازالت قناعتى بوجوب ان يكون هو ومجموعتو تحت مكون تحت قياده القوات البريه تضعو فى مكانو الصحيح مش فوق فى مجلس اعلى للجيش او لجنه امنيه.
Post: #21 Title: Re: حميدتي و تصريحات نارية في لقائه بالشرطة Author: Nasser Amin Date: 05-28-2019, 11:48 AM Parent: #20
Quote: أنا ما لاحظت إنك فاتح بوست لنفس الخطاب .. ولذلك فتحت بوست آخر
اخونا على عبد الله حسن و لا يهمك يا حبيب , حميدتى اليومين ديل رجل الشباك و من الطبيعي تكثر البوستات عنه.