منظمة العمل الدولية تعلق عضوية جمهورية السودان في اجتماعها اليوم بعد تصريحات شخص غير دستوري وغيرمنتخب هدد العمال في كل انحاء السودان بالفصل التعسفي بعد تهديد العمال بالتوقف عن العمل والاضراب واوضحت المنظمة في بيان رسمي صادر لها انه لايحق لاي مسؤل في اي دولة فصل كل العاملين في الدولة وهم يمارسون حق اساسي من حقوقهم المعترف بها دولية وهي ( سلطة مدنية ) غير ان التعامل والتهديد بفصل كل المضربين اي فصل كل العاملين في الدولة يعتبر تصرف غير مسؤل لان فصل العمال له طرق وقوانيين تحكمة وتدافع عنه منظمة العمال الدولية وعليه فان منظمة العمل الدولية تاسف حقا لتعليق عضوية جمهورية السودان لاجل غير مسمي ورفع تقارير للامم المتحدة والمنظمات الاقليمية والدولية ولاسيما الافريقية والعربية وتقاطع جميع انشطة السودان واخلاء مقعد السودان ابتداء من اليوم منظمة العمل الدولية جنيف - سويسرا
Post: #2 Title: Re: منظمة العمل الدولية تُعلِق عضوية السودان Author: خضر الطيب Date: 05-26-2019, 07:02 AM Parent: #1
اتى هذا القرار بعد تصريحات المعتوه حميدتي
Post: #3 Title: Re: منظمة العمل الدولية تُعلِق عضوية السودان Author: Abureesh Date: 05-26-2019, 09:01 AM Parent: #2
سلام خضر الصياغة دى ما راكبة عدلها.. ساعدنا بالمصدر الله يرضى عليكِ
Post: #4 Title: Re: منظمة العمل الدولية تُعلِق عضوية السودان Author: خضر الطيب Date: 05-29-2019, 07:45 AM Parent: #3
Quote: سلام خضر الصياغة دى ما راكبة عدلها.. ساعدنا بالمصدر الله يرضى عليكِ
سلام يا ابو الريش طالما شككتا حتى في السياغة و لا (الصياغة) فلن تؤمن حتى ترى الله جهرة اعمل مجهود بسيط و فتش عن الخبر
Post: #5 Title: Re: منظمة العمل الدولية تُعلِق عضوية السودان Author: خضر الطيب Date: 05-29-2019, 08:43 AM Parent: #4
تفلتات حميدتي ستكون خصماً على مستقبل السودان هذا الجاهل العصبجي يجب ان يقف في حده
Post: #6 Title: Re: منظمة العمل الدولية تُعلِق عضوية السودان Author: محمد بدرالدين Date: 05-29-2019, 09:15 AM Parent: #5
سلام الثورة و الانتصار مرحب بالاحباب ... خليك من منظمة العمل نحن اصحاب الشأن الكلام دة نرفضو جملة و تفصيلا حتى لو جاء من اصحاب الشأن و من له السلطة حليك من مجلس انتقالى ... .... تفلتات نائب رئيس المجلس كترت .. وين المستشاريين القالو حيستشيروهم ايام الوثيقة الدستورية ... نحن زاتنا بقينا معلقين معاه خدر انقا مسكاقمى ..ارادة الشعوب لا تقهر و اللهم فرجك و نصرك و اجعل اللهم بلادنا دار عدل و سخاء و رخاء
Post: #7 Title: Re: منظمة العمل الدولية تُعلِق عضوية السودان Author: Gafar Bashir Date: 05-29-2019, 09:44 AM Parent: #6
دي المرحلة الاولي
وجاية وراها بقية المنظمات الدولية والعالمية طالما خلو الاسمو حميدتي ده يبرطع في كل مكان يهضرب بتهاويم من راسه
Post: #8 Title: Re: منظمة العمل الدولية تُعلِق عضوية السودان Author: خضر الطيب Date: 05-29-2019, 10:54 PM Parent: #7
محمد بدر الدين انقا مسكاقرو آي ميسي كابر
Quote: سلام الثورة و الانتصار مرحب بالاحباب ... خليك من منظمة العمل نحن اصحاب الشأن الكلام دة نرفضو جملة و تفصيلا حتى لو جاء من اصحاب الشأن و من له السلطة حليك من مجلس انتقالى ... .... تفلتات نائب رئيس المجلس كترت .. وين المستشاريين القالو حيستشيروهم ايام الوثيقة الدستورية ... نحن زاتنا بقينا معلقين معاه خدر انقا مسكاقمى ..ارادة الشعوب لا تقهر و اللهم فرجك و نصرك و اجعل اللهم بلادنا دار عدل و سخاء و رخاء
المصيبة يا محمد الزول دا فارض نفسو و متصدر الموقف و عندو اعلام حواليهو يسعى لتلميعه و يكفي هنا بعض ابناء دارفور العاقين بطبلو ليهو وهو سرح مع الموجة دي و اتجدع للأسف من مستشاريه الصادق الرزيقي الكوز النتن المعروف فاذا كان الغراب دليل قوم .. فلا وصلوا و لا وصل الغراب الرزقي دا ناعق خراب ذي البوم اينما حل حل الخراب انا ما بهمني انهم من دارفور ولا من اي بقعة في السودان بس الزول دا مفروض يحمد ربو على المرتزقة المعاهو ديل و جبل عامر بتاع الدهب و النقاطة البتجي من دول التحالف بسبب المرتزقة الوداهم هناك مفروض ينسحب من المسرح السياسي لانو ما قدرو قبل كده الزبير محمد صالح لما بدا يفلت قامو جماعتو ركبوهو الطرورة و انتهو منو نسأل الله ان يحفظ الوطن و الناس في ظل هؤلاء الجهلة
Post: #9 Title: Re: منظمة العمل الدولية تُعلِق عضوية السودان Author: خضر الطيب Date: 05-30-2019, 09:09 AM Parent: #7
مرحب با شمهندس
Quote: ي المرحلة الاولي
وجاية وراها بقية المنظمات الدولية والعالمية طالما خلو الاسمو حميدتي ده يبرطع في كل مكان يهضرب بتهاويم من راسه
العالم كلو براقب في الأحداث و اي كلام مسجل فالزول دا احسن يشوفو اقرب كراع عنقريب يربطوهو فيهو هو و اخوهو اللواء خلا, لكن المشكلة رئيس و اعضاء المجلس كلهم مرعوبين و ما بقدروا يقولو بغم دا زول عميكة , ربنا يكفينا شرو
Post: #10 Title: Re: منظمة العمل الدولية تُعلِق عضوية السودان Author: محمد البشرى الخضر Date: 06-07-2019, 01:16 PM Parent: #9
يا واطي .. يا اعلامي يا مهني من جبت الخبر دا وهل تستطيع تأكيد صحته كإعلامي ومهني وعندك خبرة ما - غير شيل بعض الاباريق؟ طيب هاك الدرس دا فري أوف جارج: لامن تلقى خبر حايم في النت او الواتساب مفروض كإعلامي ما تجري تلفح و تلصق طوالي, تحاول تتاكد من موقع او حسابات الجهة المنسوب ليها الخبر ابتداء يعني في الحالة دي مثلا مفروض تمشي موقع منظمة العمل الدولية ولو ما لقيت الخبر في نشرة اعلامية تقوم تشوف ايقونات حسابات المنظمة في وسائط التواصل الاجتماعي زي تويتر او فيس بووك ما لقيت تغريدات او بوستات بالمعنى دا تقوم ترجع تشوف المصدر اللفحت منه وحاول اتواصل معاه و افهم منو من وين جاب الكلام دا او حاول قيّم مدى مصداقيته لو لقيتها واطية زيّك انسى وما تورّط نفسك في لفحة زي دي أخيرا - وإن كان دي صعبة عليك - لكن بس انت حاول بيت: حالو تقييم الخبر نفسه ووزنه من ناحية منطقية وهل هناك سوابق ما تدعم هذا الخبر!! كيف منظمة دولية تابعة للأمم المتحدة تصدر قرار بتعليق عضوية احد اعضائها بسبب حديث في فيديو!!! لا مراسلات لا طلب تفسير لا انذارات يا كافي البلا! دي منظمة ولا بقالة في حي, ولا انت فاكر كل الناس بتفاهتك وسذاجتك!!
ان شا الله استفدت بس!
Post: #11 Title: Re: منظمة العمل الدولية تُعلِق عضوية السودان Author: محمد البشرى الخضر Date: 06-08-2019, 01:44 PM Parent: #10
Quote: ان شا الله استفدت بس!
يا واطي.. أها, الدرس المجّاني نفع اتمنى وإن كنت اشك! تاني إلّا اسوطها واسقيها ليك بس انت حاول بيت :)
Post: #12 Title: Re: منظمة العمل الدولية تُعلِق عضوية السودان Author: حاتم إبراهيم Date: 06-09-2019, 06:06 AM Parent: #1
مع أني ما قادر أفصل بين (البيان) و(الخبر) هنا لكن ما مهم. (خمنت) إنو اللافح نظر فقدر أن المعروض يصلح (مادة) للتسجيل.
فشنو الإعلام مسؤولية وفي مرحلتكم دي أنا بوصي باهتمامكم باللغة في مستواها الأساسي وبالاطلاع المكثف على الأخبار بعدين لمن تتعلموا وتثقفوا روحكم حنشوف الصيغة والبروتوكولات الدولية ومهام المنظمات وكيفيات عملها وووو.
لذلك سقط إعلامنا ___ القومي.
Post: #13 Title: Re: منظمة العمل الدولية تُعلِق عضوية السودان Author: ombadda Date: 06-09-2019, 02:12 PM Parent: #12
قرأت البوست وقت نزوله. ذهبت للموقع الرسمي لمنظمك العمل الدولية واجريت بحث سريع. لم أجد أي أثر للخبر. رجعت للبوست ووجدت ابو الريش معلقا وصاحب البوست مكابرا. كبرت اللفة. خاصة لي موقف مع الصحفي زهير هنا في المنبر. استغرب من هؤلاء الصحفيين. رأس مالهم في الصحافة هي مصداقيتهم لو سقطت خسروا كل رأس مالهم. الاعتذار عن التسرع في إيراد خبر أو نفيه شيء جميل ويزيد مصداقيتكم ومكانتكم لدي القراء. العصر اختلف والجيل الحالي مختلف والمعلومة في متناول أصبعه وأصبح رواد التواصل الاجتماعي صحافة قائمة بذاتها واعلام حر..
