هؤلاء يسخرون من دارفور وليس من حميدتي

12:50 PM May, 25 2019

سودانيز اون لاين
اسماعيل عبد الله محمد-
مكتبتى
رابط مختصر

💥 *رؤية مشاهد*💥

⚡✍ *إبراهيم بقال سراج*

💫 *هؤلاء يسخرون من دارفور وليس من حميدتي*

📌✍ حميدتي معانا وما همانا كان هذا شعارهم ثم صفقوا للدعم السريع بنفس الشعار ، الدعم السريع معانا وما همانا ، ثم حميدتي الضكران الأدب الكيزان ، ثم نشروا وعلقوا صور حميدتي في بوسترات في كل مواقع الاعتصام في وحول القيادة العامة وكلها عبارات ثناء وشكر وتمجيد لمواقف حميدتي ، الذين نشروا صور حميدتي ويهتفون له كانوا يظنون أنهم هم الصفوة والقيادات لهذا البلد وهم الذين يجب أن يحكموا هذا البلد وبعد سقوط النظام كان الطمع والجشع والسيطرة والادعاء زيفا انهم ممثلوا هذا الشعب والثورة ملكا لهم وهم نعاج في جلود الاسود ، اوهموا انفسهم هكذا وعندما تعارضت مصالحهم ووقف لهم حميدتي وقفة رجل غيور علي بلاده ووطنه ورفض أن يسلم البلاد لهؤلاء الذين يريدون العبث به والانتقام ، غيروا كل شعاراتهم السابقة وانقلبوا ضد حميدتي بكيل الاساءات ووابل من الشتائم التي لا تخلو من العنصرية والجهوية والمناطقية .

📌✍ انقلب كل شعاراتهم السابقة وتحولت من مدح الي هجاء و الذم بعبارات نابية وعنصرية وسخرية وفيه تحكم واضح وسافر ليس ضد حميدتي فحسب بل ضد دارفور كلها ، جاء علي لسان خالد عمر المتحدث بأسم قوي الحرية والتغيير بعد فشل مفاوضات المجلس السيادي كال الاتهامات لحميدتي بأنه يقف في حلقومهم ويمنعهم من التوصل لاتفاق وطالب خالد عمر حميدتي بالرحيل والرجوع الي دارفور بعبارة ( أمشي شوف دارفورك وجنجويدك وين ) وكأن الخرطوم ملكا لهم وورثوها من اباءهم واجدادهم ، فالسودان يا خالد ليست ملكا لقوي الحرية والتغيير بل هذا الوطن للجميع وهذه البلدة دارفور دفعت فيها الثمن ودفعت فيها الغالي والنفيس وقدمت ارتال من الشهداء في معارك دروتي وجبل مرة وحرق العلم الانجليزي في ميدان النقعة بالفاشر وأخر سلطنة سقطت في السودان كانت في العام 1916م كانت سلطنة دارفور بينما هناك من جلبوا رفاتهم من الحبشة وهناك من هربوا وتركوا السودان وهناك من باعوا البلاد للاستعمار الاجنبي ودارفور هي التي قدمت مقترح الاستقلال من داخل البرلمان قدمه الناظر دبكة قبل اسماعيل الازهري والتاريخ لن يزيف ولن يتغير . اذا كان هذا الوطن لا يسع الجميع ويستشري فيه داء العنصرية والجهوية فلدارفور الفخر في صناعة السودان .

📌✍ اما تسليمهم السلطة دون عناء ودون تعب ودون ديمقراطية وانتخابات سلطة بالمجان لتصفية حساباتهم واما الاساءة والنبذ والشتائم ( فريق اول خلا ، جنجويد دارفور ، ارجعوا دارفور ، اطلعوا من الخرطوم ، امي ، جاهل ، تاجر حمير ، حميرتي ) وغيره من الاساءات الفارغة والجارحة واستهداف حميدتي ليس في شخصه بل هذا استهداف لدارفور كلها ويتكرر المشهد والتاريخ لن ينسي استهداف الخليفة عبد الله التعايشي والثورة التي قادوها انزاك وسموها بثورة الاشراف ويتكرر الان نفس المشهد ونفس العنصرية ونفس الجهوية في وصف حميدتي بفريق اول خلا ويطلع من الخرطوم ويرجع دارفور ،، هو البلد دا حقيقة كدا حق منو بالضبط ؟ هل البلد ملكا لقوي الحرية والتغيير يقرر فيه ما يشاء ويخون فيه من يشاء ويطرد من يشاء ويسئ لمن يشاء وينزع الجنسية والوطنية ممن يشاء . هذا الوطن لنا جميعا رضيتم ام ابيتم دارفور قلب السودان النابض ، دارفور البوابة الغربية التي ظلت تحافظ علي أمن واستقرار البلاد منذ الاستعمار وحتي تاريخه . منصب نائب رئيس وحتي رئيس جمهورية السودان مستحق لدارفور ودارفور الصفوة الفيها والعلماء الفيها وحملة شهادات البروف والدكتوراة والمهندسين والدكاترا يوزنون عقول هؤلاء المغرورين من قيادات قحت الذين يفتكرون انفسهم هم السودان ولا غيرهم في هذا السودان . غصبا عن قحت وغصبا عن كل عنصري مغرور حميدتي الان يمثل السودان داخليا وخارجيا وهو يحكم السودان الان وموتوا بغيظكم ، حميدتي من دارفور وشمس الدين من جبال النوبة يمثلون السودان خارجيا في السعودية أمس وهذا نصر كبير للهامش وابناء الهامش الذين ظلوا منذ الاستقلال وحتي الان مهمشون ومبعدون من صنع القرار . ندافع عن حميدتي ونقف مع حميدتي ضد الاستهداف العنصري والجهوي والقبلي رضيتهم ان نعيش جميعنا سودانيين والوطن للجميع مرحب واذا لم ترضوا فمن اليوم فصاعدا نحن عنصريين ايضا وندافع عن دارفور وابناءها وقياداتها .

📌✍ ما العيب في أن يكون حميدتي تاجرا من قبل ؟ جميع الاديان السماوية تدعو إلي العمل لانه أساس تقدم الحياة وعمارة الارض فما العيب أن كان حميدتي يعمل في وظيفة التجارة ؟ والان يعمل نائبا لرئيس جمهورية السودان .. غفير في الجامعة صار مديرا للجامعة ،، رسول الامة محمد صلي الله عليه وسلم كان أميا وراعيا للغنم ،، المسيح عيسي عليه السلام كان نجارا في ارض الجليل ، سيدنا داؤد كان حدادا ويأكل من عمل يده ،، فكل الانبياء عملوا في مهن هامشية فأين المشكلة في شخص كان يعمل تاجرا والان نائبا للرئيس وأهم من يظن أن بيده الملك لغيره فالملك لله وحده لا شريك له يعطيه من يشاء ،، لاحظوا لأمر الله الذي يقول فيه اصطفاه عليكم في سورة البقرة ( وقال لهم نبيهم إن الله قد بعث لكم طالوت ملكا قالوا أني يكون له الملك علينا ونحن أحق بالملك منه ولم يؤت سعة من المال قال إن الله أصطفاه عليكم وزاده بسطة في العلم والجسم والله يؤتي ملكه من يشاء والله واسع عليم ) هذا أمر الله وانتهي فكون حميدتي يكون نائبا للرئيس وفريق أول فهذا أمر الله ولا أحد منكم يستطيع ان ينزع او يفعل شي . اوقفوا أستهداف حميدتي واستهداف دارفور فالوطن لنا جميعا ..

✍ *بقلم إلاستاذ .إبراهيم بقال سراج*
*كاتب صحفي*
*وخبير إعلامي*
*25 مايو 2019م*

اسماعيل؟
و الله حرام عليك...
يا خي ما للدرجة دي..

التلاتة غير مؤاخذين

Quote: Gafar Bashir

أعوذ بالله من الخبث والخبائث..

محمد عبد الله سلام

Quote: و الله حرام عليك... يا خي ما للدرجة دي

بل وأكتر. مادامت تلك المعركة المسعورة مستمرة..

إبراهيم بقال دا كوز جزمة و معفّن و رمّة الخ.............

بجيب ليك مخازيه المكتوبة و المرئية و هو يحرّش
المجلس العسكري على المعتصمين....

ما في وقت عشان أقرأ اسهال هذا الكوز الوسخ...

حالة صعبة الخلتك توصل مرحلة انك تستشهد بمقالة المعفّن دا!!!

مكرر

لا للاقصاء يا ناصر..

بقال كوز لا يؤخذ برأيه
يجير كل شئ لصالح الثورة المضادة
وكان حاضر في مشيرة ناس عبد الحي وباقي الدواعش
عشان كدا كلامه يبله ويشرب مويته
مع كامل الإدانة لأي تعليق يتجاوز حميدتي شخصيا وعمايله الي اهله او منطقته

لا للاقصاء وتكميم الأفواه ولا لتكسير الاقلام..
حرية الرأي والتعبير مكفولة للجميع...

ناس الخلا إبعاذهم من خلاهم وتحريكهم للخرطوم هو إقصاء لهم من خلاهم!
فصاروا غرباء .. وتصرفاتهم سواء بالسلاح أو بدونه أكثر غرابة
خاصة ما معروفهم خلاهم دا وين بالظبط وحدوده وين مداخلة لى برا!
والمعروف زول الخلا لا يسوس أهل الميدنة وإلا حثت إنتكاسة
المثال التاريخى العالمى المغول التتر . ومحلياً من الأمثلة حكم تتر الإنقاذ
فلا نحتاج لمغامرة جديدة .. ولا يمكن من تطلع لتكنوقراط الإنحدار
لقيادة تتر أميين وكمان مجهولى الهوية!

يا سمعة قبل كم يوم كده شفت حميدتي بهوزز في عصايته كي كي قلت كان دقوا ليه الزمبارة وقام نقز بس ذكرني أسد ودالباوقة النتر هسع سيدك نائب الرئيس ده شوفو ليه إسم زي حق بشة عشان لأنه ما صاح تقولوا هيع ساكت يا الجلابة الجدد😂😂

Quote: يا الجلابة الجدد😂

وتلك الأيام نداولها بين الناس..

Quote: لقيادة تتر أميين وكمان مجهولى الهوية!

شدو حيلكم.
وما نيل المطالب بالتمني ..

Quote: لا للاقصاء يا ناصر..

نعم
ضد الاقصاء , ضد العنصرية.
ضد الجهوية , ضد القبلية.
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بس بقيت شايف في ابتزاز نوعا ما في القضايا المطروحة
اي مكوّن تعرّض لانتهاكات في العهود السابقة
يريد من الشعب السوداني ان يدفع ثمن تلك الجرائم.

يا اسماعيل انت الآن تؤيد و بشدة في حميدتي و قواته
و الان في الصفحة الاولى لك كم من البوستات في حميدتي
و انت فى نفس الوقت تشتكي من الاقصاء و تحمّل (الجلابة)
جانبا من المظالم.

في دارفوريين اخرون تم قهرهم بواسطة حميدتي الذى تروج له ببوستات
هؤلاء الدارفوريين تم قتلهم بعشرات الالوف و في مذابح اقيمت على اثرها
محاكم دولية.

يعني يا اسماعيل انت و كونك تساند و متعاطف مع حميدتي و قواته
فانت متهم بالتحيز أو قل بالاقصاء لعناصر دارفورية اخرى متضررة
من هذه المليشيا القبلية.

* بجيك بعد الفطور لو ربنّا سهّل

Quote: فانت متهم بالتحيز أو قل بالاقصاء لعناصر دارفورية اخرى متضررة

يا ناصر أنا ما دعوت لاقصاء زول ولا قلت لي زول اخرس.
المنبر مفتوح لكل الآراء والأفكار و حكاية ده كوز وده شيوعي ما من المنطق في شيء..
علينا بالرأي المطروح..بعيد عن الشخصنة..

اسماعيل دا محتاج حبوب مسكنة هههههها
ملحوظة
اسماعيل دا كوز تبع المؤتمر الشعبى لان امينه الحالى من دارفور والسابق ايضا على حسب قولهم
وهذا جهل مركب ربنا يكون فى عون اسماعيل وما شاكله

Quote: لان امينه الحالى من دارفور والسابق

السابق من كردفان والاسبق من الجزيرة..
الله يهديك يا صديق..

عاين يا سمعة رأي اخو بقّال فيه

Quote: عاين يا سمعة رأي اخو بقّال فيه

أنا بهمني رأي بقال في المقال المبذول..
سلام (مربع) يا ود البشرى..
بالمناسبة وين زميلنا عاصم فقيري

بقّال مناصر للنظام السابق ولا داسيها وضد الثورة
في لقاء مع المجلس العسكري ايام المتاريس حرض على الثوار المجلس العسكري بكل وضوح
فا مقاله دا ما تقراه بمعزل عن توجهه, هو يسعى للفتنة لا أكثر, وما يبدو دفاعا عن حميدتي ليس كذلك
فبقال كباقي الكيزان متضررين من خيانته لهم ويتحينون الفرصة للانتقام لكن كقاله دا سعي للفتنة و اثارة مشاعر اهل دارفور في حقيقته

عاصم ما عندي فكرة عنه

Quote: هسع سيدك نائب الرئيس ده شوفو ليه إسم زي حق بشة عشان لأنه ما صاح تقولوا هيع ساكت يا الجلابة الجدد.

الحميرلاي حميدتي

Quote: الحميرلاي حميدتي

ههههههههههههه
طلعتو انتو الحمير..

هم جرو للجيش ليه ؟؟
قالينها اكتوبر 1964
مش قلت ليك الناس ديل يتقصهم الابداع السياسي وهم عروبيين ذى حميدتي بس حميدتي علي الفطرة وديل خريجين جامعات ومؤدلجين شيوعيين والناصريين وبعثيين
بالله بلد يكون فيها بثعيين وناصريين وشيوعيين لحدي هسة مش ازمة عديل ..وجدعو مشروع الحركة الشعبية2005-2010 واخذ يتخبطهم المس الان " .غير حميدتي بكون في منو
ديل ناس المركز يا اسماعيل ناس تصفية حسابات بدون محكمة دستورية بي ختق فطس بس \
وعلم مايو 1969 اكبر دليل علي وعيهم القديم المسوس
وحياك الله يا اسماعيل
وقصة ده كوز وده جردل ما بتخارج الناس ديل المقال ده واضح
الكل يفر من الديمقراطية والانتخابات وسبق ان فرو منها ايضا في 2010 كيزان علي الشيوعيين

Quote: وقصة ده كوز وده جردل ما بتخارج الناس ديل المقال ده واضح الكل يفر من الديمقراطية والانتخابات وسبق ان فرو منها ايضا في 2010 كيزان علي الشيوعيين

صدقت يا أستاذ عادل
يا ريتهم يستفيدوا من محاضارتك الصوتية واطروحاتك الشافية والكافية..

Quote: بقّال مناصر للنظام السابق

برضو من اجل السودان الحر الديمقراطي له حق التعبير وإبداء الرأي...

يا اسماعيل فاقد الشئ لا يعطيه ابراهيم بقال كوز و كان عضواً فى حزب المؤتمر الوطنى الاقصائى
حميدتى شخص اقصائى بدليل انه صرح وقال بأن من يضرب عن العمل لن يعود اليه ( بمعنى انه سيفصله من العمل )
هذا هو الاقصاء والتهميش فى ابهى تجلياته

اسمع كلام هذا الشاب وهو من ابناء دارفور عن حميدتى

Quote: كوز و كان عضواً فى حزب المؤتمر الوطنى الاقصائى

حتى من كان عضواً في المؤتمر الوطني لا يحق لنا ان نقصيه لو كنا فعلاً دعاة مشروع ديمقراطي..

تحياتي اسماعيل
ابراهيم بقال هذا احقر من كتب
يوم اجتماع احزاب الفكة
تحدث وكرر الحديث عن فض الاعتصام وان الاعتصام يعيق الحركة
حديثه كان واضح عليه انه متفق عليه ليقوله
..
هذه الثورة قامت ضد العنصرية في المقام الاول ويكفي الثوار فخرا انهم هتفوا في وجه الطاغية اب قلبا ميت بان كل البلد دارفور
وهذا المجلس الكيزاني بقيادة سبابي الحمير امتداد للكيزان وعنصريتهم
ولا ننسي قصة ادم الدارفوري الذي وقف ضد مليشيات المؤتمر الوطني وحمي الثوار مع اخوانه العساكر ناس حامد
وبعد فترة جيئي به في مشهد عبثي ليقولوا انه مجرم وهو من قتل الثوار يوم 8 رمضان
..
نحن نتحدث عن وطن كامل لا عن جزء لان كل اجزائه لنا وطن
فيكفي عنصرية

Quote: نحن نتحدث عن وطن كامل لا عن جزء لان كل اجزائه لنا وطن

ده شعراً ما عندكم ليهو رقبة.

Quote: ده شعراً ما عندكم ليهو رقبة

تاخذ عليه اوسكار يا اسماعيل
عقاب الشيوعيين خلو المقال ومسكو في الزول الكتبو ده الوعي العايز يحكم السودان بي 300+17 وتامل

كيف شعر يكون عندهم ليه ورقبة رافعين علم مثلث الحمدي ومايو 1969 ؟؟؟ ويضحكو علي الشباب المغيب في الساحة
https://up.top4top.net/

لو عندكم ليه رقبة كان بقيتو ناس علم استقلال بتاع 1يناير 1956 وبقيتو حركة شعبية من يوم قيامة الساحة الخضراء نعمل شنو بي عبدالناصر وصدام حسين وحستو واجبهة امعادية للاستعمار في القرن 21

Quote: كيف شعر يكون عندهم ليه ورقبة رافعين علم مثلث الحمدي ومايو 1969 ؟؟؟ ويضحكو علي الشباب المغيب في الساحة h

ديل يا عادل مفتكرين في راسنا قنبور.

متى كتب او قال خالد عمر ان على حميدتي العودة لدارفور ولجنجويده؟!

Quote: ديل يا عادل مفتكرين في راسنا قنبور.

العلم ده يعبر عن جمهورية العاصمة المثلثة مثلث الحمدي فقط وبعاعبت مايو 1969 وايتام الترابي وليس السودان الحضاري بتاع 1 يناير 1956 اطلاقا
ولو كان الكيزان الشيوعيين اصحاب حق كانو احترمو الموجود 2005-2010 رؤية جون قرنق الواعية للسودان وبدو بي اصلاح المحكمة الدستورية ورفدها بتسعة قضاة محترمين فعلا عشان تنظف الساحة اسياسية من الساقطين ووتدين كل الانقلابات 1956و1969و1989وتشرف علي الانتخابات ايضا .. وتحاسب مجرمين المؤتمر الوطني باسس دستورية صحيحة

https://up.top4top.net/
هسة في الاربعة شهور دي شفتهم اتكلمو عن الجنوب والجنوبيين ؟ او حتي عن دينكا نقوك المعانا في الشمال لحدي هسة

👏👏👏👏👏👏👏👏