حأسأل عن بلد رايح وافتش عن بلد سايح واسأل عن امانينا اللي ما بتدينا صوت صايح وأسأل وين مخابينا إذا جانا الزمن... لا فح واسأل عن بلد مجروح وعارف الجارحو ليه جارح وابكى على بلد ممدوح وعارف المادحو ما مادح واحلم بي حلم مسروق لا هو الليلة لا امبارح أعلق في جناح سفري خطابات لي زمن فجري وادخل من درب سري لكل مضاجع الأحزان واضفِّر من شجر بلدي بروقاً مارقة من صدري حأسأل عن بلد غاطٍ لحدِّ الليلهْ في الوجعة انط فوق سرجي واتْحزَّم أقوم من وقعة لي وقعة أخُتْ ايدي البتوجِعْني على السأم البراجِعْني واسأل.. يا وطن يا بيتنا ليه شوقك مواجهني ليه حبك مجهجهني وليه تاريخ زمن خسران موكّر لسَّه في شجني؟ حأكتب لي شجر مقطوع مسادير يمكن يتحرك خطابات لي طفل مجدوع يقوم يجرى يقع يبرُك رسالة لكل قُمْريّة إذا دم الشقا اتوزع على كل البيوت ما تْرِك واسأل.. عن وطن رايِح واديكم خبر جارح: بأنو جميع جموع الناس حيفضلوا لا كراع لا راس ونشترى في الدكاكين يوم مسابح من دموع الناس مساحيق من هموم الناس زهج يتْعَبّا في الأكياس ونعلن في المزاد علنا وترغي الجوقة والأجراس: "!نبيع الطفلة والكراس" واصرَخ ! ياوطن! يا بيتنا ليه ما تبقى لينا الساس قدر ما تجري فيك أفكار... يزيدوا الحبس والحراس قدر ما تجري فيك الخيل تدوس الهيبة والإحساس واسأل يا وطن رايح اذا كل القبور دخلت بيوت الناس بلا اسئذان بلا صلوات بلا أكفان جريمة اسائل الدفَان؟ حريمة طلب تمن قبري من البايع في أي مكان؟ واقولك يا وطن رايح واقولك يا وطن آمر سلام النفس ما كافر ولا كافر ولا كافر
Post: #2 Title: Re: حأسأل عن بلد رايح .. الدوش و وردي و قراءة ال Author: يحي قباني Date: 05-25-2019, 04:56 AM Parent: #1
معقول بشر من كتب هذه الكلمات ؟
هل رأي الدوش السودان و ما آل اليه في أواخر عهد الكيزان .؟ اليس كل ما كتبه وقع و من اجل ذلك خرج الشباب !!!
واسأل.. عن وطن رايِح واديكم خبر جارح: بأنو جميع جموع الناس حيفضلوا لا كراع لا راس ونشترى في الدكاكين يوم مسابح من دموع الناس مساحيق من هموم الناس زهج يتْعَبّا في الأكياس ونعلن في المزاد علنا وترغي الجوقة والأجراس: "!نبيع الطفلة والكراس" واصرَخ ! ياوطن! يا بيتنا ليه ما تبقى لينا الساس قدر ما تجري فيك أفكار... يزيدوا الحبس والحراس قدر ما تجري فيك الخيل تدوس الهيبة والإحساس واسأل يا وطن رايح اذا كل القبور دخلت بيوت الناس بلا اسئذان بلا صلوات بلا أكفان جريمة اسائل الدفَان؟ جريمة طلب تمن قبري من البايع في أي مكان؟ واقولك يا وطن رايح واقولك يا وطن آمر سلام النفس ما كافر ولا كافر ولا كافر
Post: #3 Title: Re: حأسأل عن بلد رايح .. الدوش و وردي و قراءة ال Author: خالد علي محجوب المنسي Date: 05-25-2019, 08:36 PM Parent: #2
تسلم قباني
رمضان كريم تحياتي ومودتي
Post: #4 Title: Re: حأسأل عن بلد رايح .. الدوش و وردي و قراءة ال Author: علي عبدالوهاب عثمان Date: 05-25-2019, 09:55 PM Parent: #3
حبيبنا قباني .. تحياتي يا جميل يا سلام .. لكل حدث ومقام شعر وفن وابداع رحم الله هؤلاء المبدعين نحن نعيش عصر الانحطاط .. تهويش بالعصا وقفز في الهواء رقص الرجال ذهب الزمن الذي كنا نستمتع بسيرة الوطن ونحن في مجالسنا الخاصة وفي انصاف الليالي بالكلمة والنغم حتى ذلك النادل كان يقف اجلالاً لحضرة الوطن كنا على نسق جلسات دار فوز ومجموعة الخليل حلساتنا في ميز المدرسين وشريط اناشيد وردي في المسجل هناك في ضواحي الدنيا ( ولوردي اناشيد بالنوبية) ليس حماسا ودعوة للقتل والتنكيل بل كانت قيم تعمق حب الوطن قاتل الله الكيزان خلال 30 عاما غيروا سلوك وقيم هذا الشعب الجميل
تحياتي قباني الحبيب
Post: #5 Title: Re: حأسأل عن بلد رايح .. الدوش و وردي و قراءة ال Author: يحي قباني Date: 05-25-2019, 11:38 PM Parent: #4
Quote: تسلم قباني
رمضان كريم تحياتي ومودتي
مشتاقين كتير يا خالد ...
وينك يا رجل مسجل غياب ...
Post: #6 Title: Re: حأسأل عن بلد رايح .. الدوش و وردي و قراءة ال Author: يحي قباني Date: 05-25-2019, 11:46 PM Parent: #5
Quote: بيبنا قباني .. تحياتي يا جميل يا سلام .. لكل حدث ومقام شعر وفن وابداع رحم الله هؤلاء المبدعين نحن نعيش عصر الانحطاط .. تهويش بالعصا وقفز في الهواء رقص الرجال ذهب الزمن الذي كنا نستمتع بسيرة الوطن ونحن في مجالسنا الخاصة وفي انصاف الليالي بالكلمة والنغم حتى ذلك النادل كان يقف اجلالاً لحضرة الوطن كنا على نسق جلسات دار فوز ومجموعة الخليل حلساتنا في ميز المدرسين وشريط اناشيد وردي في المسجل هناك في ضواحي الدنيا ( ولوردي اناشيد بالنوبية) ليس حماسا ودعوة للقتل والتنكيل بل كانت قيم تعمق حب الوطن قاتل الله الكيزان خلال 30 عاما غيروا سلوك وقيم هذا الشعب الجميل
تحياتي قباني الحبيب
علي الزول الجميل ...
ياخي وجودك في البوست و كلماتك تشهينا السودان السمح ...
انت عملة نادرة جدا ...
و فعلا زمن العجايب ... الله يزيل الغمة ان شاء الله ...
اتذكر محمد وردي في لقاء عجيب كانوا ضيفين هو و عثمان حسين ...
و حينما سئل وردي عن الأغنية الوطنية ... و انها كادت ان تكون ماركة مسجلة يأسمه ...
قال عشان تغني للوطن ... لازم تكون شفت الوطن و عشت في نواحيو الأربعة ... جنوبه و شماله غربه و شرقه ... تفهم جغرافيته .. و تعرف تاريخه ... و تعيش عاداته و تقاليه ... حتين تقدر تحس بيو في الغنا ...
مش كل زول يكتب و خلاص ...
___________
عليك الله عمر الدوش ده حسي نصيح ؟
سيئ الذكر حسين خوجلي مرة سأل هاشم صديق هل تمنيت في يوم ان تكون هناك قصيدة لشاعر آخر تمنيت ان تكتب مثلها او تكون انت الكاتب ؟
قال هاشم ... كلما يكتب عمر الدوش قصيدة جديدة ... انا اقعد اتلمس في ادواتي الشعرية ... و اقول انا قصرت وين ؟
تحياتي يا زول يا حلو ...
Post: #7 Title: Re: حأسأل عن بلد رايح .. الدوش و وردي و قراءة ال Author: هشام الدرديري Date: 05-26-2019, 01:34 PM Parent: #6
(قاتل الله الكيزان خلال 30 عاما غيروا،) فعلا قاتل الله الكيزان حين يجتمع وردي الدوش نحن نكون في صفوف المندهشين لذلك الإبداعوردي الدوش لكم الرحمة والمغفرة
Post: #8 Title: Re: حأسأل عن بلد رايح .. الدوش و وردي و قراءة ال Author: يحي قباني Date: 05-26-2019, 04:27 PM Parent: #7
Quote: فعلا قاتل الله الكيزان حين يجتمع وردي الدوش نحن نكون في صفوف المندهشين
و سنظل مندهشين لذلك الابداع يا هشام ...
كلما نتقدم في السن نكتشف معاني و ابعاد في الحان وردي و في اختياره للكلمات لم نكن نفهمها ...
على مشارف الستين نحن و ما زلنا نتعلم و نكتشف و نندهش ...
Post: #9 Title: Re: حأسأل عن بلد رايح .. الدوش و وردي و قراءة ال Author: يحي قباني Date: 05-26-2019, 04:32 PM Parent: #8
الجميل عمنا علي و الاخوة ...
رجاء و طلب ان تحضروا هذا اللقاء العجيب من جزئين ...
لنتعلم كيف كان السودان و الوطن و كيف يمكن ان نعيد له سيرته الأولى ...
لقاء جمع بين وردي و عثمان حسين ... لقاء من جزئين ...
الجزء الأول :
الجزء الثاني :
Post: #10 Title: Re: حأسأل عن بلد رايح .. الدوش و وردي و قراءة ال Author: علي عبدالوهاب عثمان Date: 05-27-2019, 03:19 PM Parent: #9
حبيبنا قباني ..معقول بوست بهذا الجمال في الصفحة الثانية يا سلام يا قباني يا جميل .. بدون مجاملة إنت زول كنز .. ياريت كنت هنا في جدة كنا استمتعنا بحضورك الرائع وعشقك للفن الجميل .. صدقني يا الحبيب قد أحييت فيني أجمل الذكريات .. بوست في غاية الجمال .. ده إستحضار لانسان السودان الذي أنقرض فناً وسلوكاً ..إلخ رحم الله عثمان حسين ووردي رحمة واسعة .. كالعادة عثمان يتحدث بتحفظ ما عدا كباية الشاي ( كباية عثمان حسين ) وقصة زوجته ومفاجأتها بهذا الاسم .. أول مرة أسمع عثمان حسين يتحدث بدون تحفظ .. ووردي قدم درس ومحاضرة في الغناء للوطن .. يكفيني قوله .. من أراد أن يغني للوطن فليكون على دراية ومعرفة بمكونات الوطن وارضه ومياه .. والعمق في السياسة .. صدق وردي لأن هذه المعطيات تجعل الفنان يتعمق في اللحن ويذوب في تراب الوطن حديث بكل عفوية وصدق وكلام مباشر بدون رتوش وخاصة ألحانه التي قدمها للفنانين .. عثمان حسين رمز الاناقة في اللبس وطريقة الكلام وحركة الجسد .. كان في الزمن الجميل ايام ناس عبود .. ونحن في ضواحي الدنيا .. كنا ننتظر السينما المتجولة كل ثلاثة شهور .. معظم الاغاني كانت لعثمان حسين .. كان في منتهى الاناقة والفخامة .. أذكر مرة كان النعام آدم رحمه الله الترابلة آخر إحتجاج ( عشان بجلابية وعمة وطنبور) ودي حاجات متوفرة يومياً عند الترابلة .. وهتفوا بصوت عالي ( عازين حسن عطية ) فقط لأن هناك حسناء تتبختر بثوبها في مشيتها أثناء غناء حسن عطية .. شكراً قباني كثير كثير .. حرام يا أخي تهرق مدادك في ناس زي ( هندي عزالدين )
Post: #11 Title: Re: حأسأل عن بلد رايح .. الدوش و وردي و قراءة ال Author: يحي قباني Date: 05-27-2019, 11:42 PM Parent: #10
Quote: حبيبنا قباني ..معقول بوست بهذا الجمال في الصفحة الثانية يا سلام يا قباني يا جميل .. بدون مجاملة إنت زول كنز .. ياريت كنت هنا في جدة كنا استمتعنا بحضورك الرائع وعشقك للفن الجميل .. صدقني يا الحبيب قد أحييت فيني أجمل الذكريات .. بوست في غاية الجمال .. ده إستحضار لانسان السودان الذي أنقرض فناً وسلوكاً ..إلخ رحم الله عثمان حسين ووردي رحمة واسعة .. كالعادة عثمان يتحدث بتحفظ ما عدا كباية الشاي ( كباية عثمان حسين ) وقصة زوجته ومفاجأتها بهذا الاسم .. أول مرة أسمع عثمان حسين يتحدث بدون تحفظ .. ووردي قدم درس ومحاضرة في الغناء للوطن .. يكفيني قوله .. من أراد أن يغني للوطن فليكون على دراية ومعرفة بمكونات الوطن وارضه ومياه .. والعمق في السياسة .. صدق وردي لأن هذه المعطيات تجعل الفنان يتعمق في اللحن ويذوب في تراب الوطن حديث بكل عفوية وصدق وكلام مباشر بدون رتوش وخاصة ألحانه التي قدمها للفنانين .. عثمان حسين رمز الاناقة في اللبس وطريقة الكلام وحركة الجسد .. كان في الزمن الجميل ايام ناس عبود .. ونحن في ضواحي الدنيا .. كنا ننتظر السينما المتجولة كل ثلاثة شهور .. معظم الاغاني كانت لعثمان حسين .. كان في منتهى الاناقة والفخامة .. أذكر مرة كان النعام آدم رحمه الله الترابلة آخر إحتجاج ( عشان بجلابية وعمة وطنبور) ودي حاجات متوفرة يومياً عند الترابلة .. وهتفوا بصوت عالي ( عازين حسن عطية ) فقط لأن هناك حسناء تتبختر بثوبها في مشيتها أثناء غناء حسن عطية .. شكراً قباني كثير كثير .. حرام يا أخي تهرق مدادك في ناس زي ( هندي عزالدين )
عم علي الرجل الفذ ...
تسلم ياخي على كلماتك الجميلة .. و انت زول جميل ياخي ...
سعدت انك حضرت لقاء وردي و عثمان حسين ... لقاء بديع و في غاية الأهمية ...
اما بخصوص الهندي عزالدين ...
فمرات ياخ بتشتهي الفسيخ و التركين ... ما طوالي سمن و عسل هههههههه
Post: #12 Title: Re: حأسأل عن بلد رايح .. الدوش و وردي و قراءة ال Author: يحي قباني Date: 05-29-2019, 00:48 AM Parent: #11
Quote: حبيبنا قباني ..معقول بوست بهذا الجمال في الصفحة الثانية
عشانك يا عم علي ...الدوش السحار يا عم علي قال عن سعاد بعد ما سكر سكرة جد : طبّيت قزازتي مرقت عِنْ طرف البلد و سكرت جد و انا جاي راجع منتهي لاقتني هي قالت لي تعال كبرت كراعي من الفرح نص في الارض نص في النعال
و الى حين ميسرة اعود للبوست ان شاء الله ...
Post: #13 Title: Re: حأسأل عن بلد رايح .. الدوش و وردي و قراءة ال Author: خالد علي محجوب المنسي Date: 05-31-2019, 08:48 PM Parent: #12
لحين ميسرة مع الجمال والكلمة والنغم
Post: #14 Title: Re: حأسأل عن بلد رايح .. الدوش و وردي و قراءة ال Author: Ahmed Yassin Date: 05-31-2019, 09:53 PM
ومازال يحي يملأ دنان المنبر بخمر الجمال والهوى
فتَحتَ جوابك الأوّل
لقيتَك لسَّه يا وطني
بتكتب بالعَمار والدم
ولسَّه بتسْكَر أمدرمان
على الشارع...
وتتْكوّم
وتمْرُق من صَدُر مسلْول
Post: #15 Title: Re: حأسأل عن بلد رايح .. الدوش و وردي و قراءة ال Author: ترهاقا Date: 06-01-2019, 04:40 AM Parent: #14
كلام أعمق من الخيال يا باشمهندس، رحم الله شاعرنا وحبيبنا الدوش ولا الحزن القديم انتي
Post: #16 Title: Re: حأسأل عن بلد رايح .. الدوش و وردي و قراءة ال Author: يحي قباني Date: 06-01-2019, 02:54 PM Parent: #15
Quote: لحين ميسرة مع الجمال والكلمة والنغم
اشكرك يا صديقي على المتابعة ...
تحياتي يا منسي ...
Post: #17 Title: Re: حأسأل عن بلد رايح .. الدوش و وردي و قراءة ال Author: يحي قباني Date: 06-01-2019, 02:58 PM Parent: #16