دبابيس من صحف اليوم 23 مايو 2019 م

03:20 PM May, 23 2019

سودانيز اون لاين
Abdulhaleem Osman-Sudan
مكتبتى
رابط مختصر

الجريدة:
👈 “39” قطاعًا يوقعون على دفتر الحضور الثوري استعدادًا للعصيان
📌 اذا الشعب يوما اراد البتاع فعلى حميدتي ما يعمل فيها مجنون
.
📰 الجريدة:
👈 لجنة العمل الميداني توقف مرور القطار والعسكري يفك حظر النقابات
📌 يلا والحشاش يملأ شبكتو
.
📰 الجريدة:
“👈 الجريدة” تكشف عن فساد في بيع مصنع غزل الحاج عبد الله
📌 والله الكيزان كان لموا في عمك (الحاج عبدالله) ذاتو كان باعوهو
.
📰 الجريدة:
👈 العاملون بشركة توزيع الكهرباء ينفذون وقفات احتجاجية تطالب بحكومة مدنية
📌 الكهرباء دي خالية من الكيزان والا شنو ؟
.
📰 الجريدة:
👈 مدير طبي مستشفى الخرطوم يرفض الامتثال لقرار الوزارة بإقالته
📌 قوي ،، الأخ تابع لي حرس قوش والا شنو ؟
.
📰 الجريدة:
👈 الحرية والإجماع تنفي التقدم بمقترح تتنازل بموجبه عن رئاسة مجلس السيادة
📌 والله الحكومة العميقه موش تجيب عنكم مقترح دي ممكن تلحقكم خط هيثروا وانتو ما عندكم خبر
.
📰 الوطن:
👈 إلغاء تجميد نشاط النقابات والتنظيمات المهنية
📌 دي فيلم اسمه عودة الكيزان
.
📰 الوطن:
👈 إعفاء الفريق أول ركن مصطفي من المجلس العسكري
📌 ما كفاية
.
📰 الوطن:
👈 حميدتي: نريد تسليم السلطة اليوم قبل الغد
📌 اسمع كلامك اصدقك أشوف عمايلك استعجب
.
📰 التيار:
👈 الإعدام شنقًا لقاتلة زوجة رجل الأعمال”مهدي الشريف”
📌 والله أنا من ما قالوا يجيبوا الامام شاهد في القضية دي عرفتها خسرانة
.
📰 التيار:
👈 حميدتي: الدولة العميقة” ما زالت موجودة في كل مكان
📌 معناتها الا نطير نخلي ليها البلد دي
.
📰 التيار:
👈 شرطة تندلتي تلقي القبض على مسؤول سابق
📌 حلو بدينا ان شاءا الله ملينا...
.
📰 التيار:
👈 إضراب لأطباء مستشفى بحري وتعيين شقيق والي الخرطوم مديرًا عامًا
📌 يا بخت من كان المدير خالو
.
📰 التيار:
👈 قوة مسلحة تنهب منزل ظابط في أم درمان
📌 هسع دا يقولوا له كفارة والا يقولوا له كما تدين تدان
.
📰 الرأي العام:
👈 المجلس العسكري يتحسب للإضراب بفك نشاط النقابات
📌 من كانوا قبلك فكوا نشاط شارع النيل ما نفعهم
.
📰 الرأي العام:
👈 "الانتقالي” يرفض الأغلبية المدنية والتفريط في الرئاسة
📌 الفورة مليون ، نحن صارعنا البشير تلاتين سنة يعني شنو لو زودنا عليها اربعة شهور والا سنة
.
📰 الرأي العام:
👈 المستهلك: نقص حاد في أدوية الأطفال
📌 المستهلك دي عاملين زي نشرة الميتين أصلهم ما يجيبوا خبر حلو
.
📰 الرأي العام:
👈 الدعم السريع تضبط أسلحة متنوعة ببحري
📌 فيها سلاح من النوع بتاع شنطة بنت بري ؟
.
📰 الانتباهة:
👈 توقيف”25″ من رموز النظام المباد
📌 توقيفكم ال بي ينتهي بالزول في تركيا دا سيبونا منه
.
📰 الانتباهة:
👈 قيادة بديلة لـ”الوطني” برئاسة فيصل...
📌 والله الوطني تاني لو يرأسه (بنك فيصل) ما يدخل ذمتنا بي تعريفة
.
📰 الانتباهة:
👈 العسكري قبل ساعات من التفاوض: لا نطمع في السلطة
📌 طيب عاوزين شنو ؟ عاوزين تقطعونا ايصال ؟
.
📰 الانتباهة:
👈 ياسر ميرغني: وكيل الصحة السابق يعمل لمصلحة مافيا الدواء بوعي تام
📌 زي الجماعة الاتزوجوا زواج بفكرة عميقة ؟
.
📰 الصيحة:
👈 حميدتي:” لا خايفين ولا طمعانين” وعهد التميز انتهى
📌 اذا كنتوا لا خايفين ولا طمعانين يبقى معناتها ما فاهمين
.
📰 الصيحة:
👈 النيابة تتجه لإصدار أمر نشر بالصحف للقبض على”قوش”
📌 أوعكم يقوم (يتحفتر) عليكم ونقعد في عيك وعاك
.
📰 الصيحة:
👈 ضابط متقاعد: “عبد الله البشير” قدّم كشوفات لمئات الأجانب لمنحهم الجنسية
📌 الرجل كان عنده مشروع بتاع تحسين النسل بس الناس فهموهو غلط
.
📰 الصيحة:
👈 مسؤول سعودي يزور الخرطوم سرًا ويلتقي قادة المجلس العسكري
📌 هو جايي يعمل (قلة أدب) والا لزومها شنو سرا دي
.
📰 الصيحة:
👈 إضراب شامل بمستشفى بحري ووقفة احتجاجية للعاملين بجامعة السودان المفتوحة
📌 يجي حميدتي هسع يستبدلكم كلكم مستشفى على جامعة
.
📰 اليوم التالي:
👈 العسكري يدعو لانتخابات مبكرة ويفك تجميد النقابات
📌 مبكرة بالوليد والفايدة تملأ الايد
.
📰 اليوم التالي:
👈 حميدتي: نأمل الوصول على اتفاق مع قوى الحرية والتغيير
📌 نأمل حاجه ونعمل للوصول حاجة تانية فاااشنو سيبكم من الامل وأعصروا لنا على العمل
.
📰 اليوم التالي:
👈 توجيه بإعادة العالقين في الطيران المدني وصرف مستحقاتهم
📌 عقبال عودة خط هيثرو
.
📰 آخر لحظة:
👈 حميدتي في حوار مثير: أنا مستهدف وفي خطر
📌 ونحن في خطراتك
.
📰 آخر لحظة:
👈 تجهيز ملفات تدين”25″ من رموز النظام السابق
📌 رموز النظام السابق ادانتهم ما محتاجه لي ملفات
.
📰 آخر لحظة:
👈 وفيات وإغماءات وسط المعتمرين بسواكن
📌 ربنا يعظم أجرهم لكن تاني ما أظن يكرروها
.

📰 أخبار اليوم:
👈 استشهاد ثائر بحادث قطار قرب القيادة العامة و(الحرية والتغيير) توقف مرور القطارات .
📌 لا حول ولا قوة الا بالله ، له الرحمة والمغفرة وربنا يتقبله
.
.
📌ابووضاح 📌